حبيبتي انا سافرت امريكا اول شي من اول ما رحت السفاره وطلعتلي الفيزا اذكر ان كان يوم طويل قعدنه خمس ساعات تقريبا وسوينه المقابله هي مجرد سؤالين وخلاص وبعدين طلعولي الفيزا على هل النطره اخير شي سؤالين وبعدين اطلعت الفيزا اذكر من ثاني يوم العصر خذيناهه وبعدين سافرنه لأمريكا وطبعاالمشوار طويل وترانزيت وصعده ونزله بالطياره واذكر من المواقف الظريفه الصارت ان في مطار المانيا قعدنه مده على مالقينه البوابه زين ما طارت عنه الطياره وبسرعه دلونه ورحنه عند الطياره وكنا اخر ناس اندش الطياره ههههههههههه
والحمدلله وصلنه امريكا وكان في استقبالنه اختي مع زوجه كانو يدرسون هناك وقعدنه في ولايه وسط فرجينيا هي بنسبه لباقي الولايات هي تعتبر عاديه يعني ماتتقارن مع واشنطن وشيكاغو نيويورك بس لازم تستانسين فيها مجمع اذكر كبير ماشاءلله كل شي فيه وكل المطاعم موجوده وطبعا غير الجو العجيب حنا طبعا كنا ساكنين مع اختي في البيت الكانو شارينه بس يا حسافه عقب ماتخرجو باعوه حسافه جان الحين كل شوي نروح ونصيف هناك وكان بيتهم في منطقه شوي مرتفعه ويمنه جبال واراضي كله زرع وخضره ماشاءلله الطبيعه خطيره واذكر رحنه بحيره بس شنو بحيره جنه بحر من كبره وكله طبيعه في طبيعه وكنى نروح نمشي في المنطقه ونروح مطاعم وبس والله ستانسنه والحمدلله ردينه بالسلامه