الي تعرف مشكلتي مع زوجي00تدخل تعطيني رأيها ف التطورات

[حلوة الصفات]

السلام عليكم ورحمة الله وبركاته


اخواتي يمكن كثير منكم يعرف قصتي مع زوجي(الخاين) وخيانته ف حدود ماسنجر ورسايل الجوال (فقط)

المهم


يابنات انا قلت لكم انه عنده شريحه ثانيه ما يجيبها البيت ابد وهي الي تجيه عليها الرسايل00انا لما واجهته طلبت منه يعطيني الشريحه اكسرها بيدي00وافق ف الاول بس كان قصده يهديني


المهم لا جاب الشريحه ولا شي


الحين انا متغيره عله مررررررررررررره00اسلوب تعاملي معاه مغيرته000العاده انا ادلعه واحضنه وانومه بنفسي وما اناديه الا حبيبي وقلبي وروحي00وهذا كله بطلته


هو حاسس بتغيري ومأثر فيه00ويكلمني عادي ويحاول يفتح معاي مواضيع


انا تميت 3 ايام مره متغيره عليه حتى ما اكلمه ابد الا للضروره00واليوم كلمته عادي وضحكت معاه بس كانت السوالف رسميه00مافي كلام الحب والدلع كالعاده((وانا قاصده اتغير عليه))


ي بنات مو راضي يعطيني الضشريحه00ومشغلها على طول بس انه محولها على اساس انه رقم غلط00بس الاكيد يستقبل عليها رسايل عادي


قولولي وش اسوي؟؟؟ هو واعدني انه يوم الجمعه بياخذني اوتيل نكون فيه لوحدنا انا وهو00وش رايكم؟


ارجع افتح معاه الموضوع00واقوله اني مو مرتاحه وانها اهانه انه يتم يستعمل الشريحه الي انا عرفت انه فيه بنات يعرفو رقمها؟؟؟؟؟



ولا اطنشششششششششش00واسوي نفسي مو هامني00بس اكمل معاه الحمود ف التعامل؟؟؟؟



ولا ارجع الزوجه الحنونه الي تدلعه مثل زمان؟؟؟ ولو رجعت عاملته عادي انا احس انه بيحس ان هذا دليل على موافقتي انه يستمر ف الي يسويه00وانا ما ابي هذا الاحساس يوصله


انا عارفه انه ماعنده علاقه وسخه00لا حب ولا عشق ولا جنس

هو مجرد انه يسوي بطل يوظف هذي ويحل مشكلتي هذي00على اساس صداقه بريئه من وجهة نظره


وانا ارفض هذا الشي رفض قاااااااااااطع00ارفض يكون صداقات ع النت او غيره


شورور علي يالغاليات00والله انكم مثل اخواتي وما قصرتو معاي من اول المشكله


انا ف انتظار ارائكم00شلون اتعامل معاه

ببرود وطناش00ولا افتح الموضوع واصر انه يكسر الشريحه قدامي؟؟؟وكيف ارجع افتح معاه الموضوع باي شكل يعني؟؟؟؟



<<<<<<<==========ف الانتظااااااااااااااااااااااااااار:sadwalk:​

 

[راجية الغفران]

والله مدري وش اقول غير الله يهدي سرك

 

[عزتي بإيماني]

اسنحيلي اختي فانا ليس عندي الخبرة الكافية حتى افيدك ف موضوعك
واتمنى من الخبيرات والمشرفات مساعدتك في مشكلتك


الله يسعدك

 

[ميوسه]

عزيزتي

بما انك واجهتيه وانتي عارفه انو مافي تطورات كعلاقه مستمره

كملي مواجهتك اصري على الشريحه وبيني انو ماترضين على هالشي والمبدأ اللي هو صداقه وقولي له اذا ماطل بالموضوع انو راح تطلعين شريحه مو من بااب المزح خليك جاده وقولي برقم سري ولا راح تلمسها وراح اساعد الرجال العاطلين عن العمل ادلهم على وظايف مافيها شي من باب الصداقه

وشوفي ايش رايه بالموضوع


ومن بعدها اذا كان عند وعده واتلفها ابداي معاه سياسة التعامل مع الزوج الخائن في دوره على المنتدى راح تفيدك اسالي عنها


وبرضوا فيه مواضيع مجانيه قديمه بقسم الزوج والزواج عن الزوج الخائن اتعلميها بحذافيرها


والاهم طلعي نوع شخصيته وعلى اساسها عامليه



موفقه

 

[بحرينية وافتخر]

انا من راي لا تصرين على الشريحه ولا شي اذا كسرتيها شنو يضمنك انه ماراح ياخذ غيررها
انتي الحين صيري الزوجه والام والاخت له وروحي الوتيل وستانسووا ولما ترجعون صارحيه قولي له انا ما بقول لك انك تجيب الشريحه واكسرها بالغصب الشي لازم يطلع منك انت اذا حااب تتغير تعرف اشلون تتغير حتى لو قال لج كسريها قولي له شضمني انك ما راح تاخذ غيرها او تتغير الي يبي يتغير يتغير من الداخل في نفسيته

ارجو اني افدتك لو بالقليل

 

[ام النورين]

انا من رايي ان تكوني اكثر حزما من ذلك حتى عندما يفكر او يضعف ويريد تكرار يعرف العواقب قولي له وبالفم المليان انا لا استطيع مراقبتك والتفتيش خلفك ولكن والله الذي رفع سبع سموات ونزل سبع سموات انا فعلتها ساترك لك الجمل بما حمل واجعل من تكلمنهن وتحل مشاكلهن يربين اطفالك ويقومون بشؤنك والا كن انت خير معين لنفسك وحلها وقوليها بكل قوه وحزم وكرري حلفانك بالله انا اخذتك خالي وزوجني بك اهلي خالي اذا كان ستدمر حياتك من اجل انا تساعد في حل مشاكل البنات حياتك فرخصة حياتك واحترام ك للعلاقتنا لهذه الدرجه فهي عندي كذلك فأنا استحق رجلا يحترمني ويحبني ولا يفضل علي احد واذا لم تحطمها امامي الان الان واحزمي اكثر سـأنفذ ماقلت وخليك جاده وتذهبي لاهلك استجمام يومان اوسبوع لايعرف انك جاده جدا وارجع واقول نهاية كل رد

المحن منح من الله فالجئي الى الله

 

[غلاء 2008]

الله يكون بعونك
انا من راي روحي للاوتيل وانبسطي وسوي نفسك عادي

 

[حلوة الصفات]

:blushing:



:blushing:



:bigsmile: بنااااااااااااااااااات ابشركم المشكله انحلت((الحمدلله حمداً كثيراً))


للاسف اكتشفت اني ظلمته00الشريحه طلع فعلا لاغيها00لاني ارسلت رسايل فاضيه وانتظر يجيني تقرير الاستلام ولا جا ابد:blushing:


وما قدرت اصبر بصراحه الصباح قبل لا يروح العمل اتكلمت معاه وبكيت وهددته قلت لا تخليني اتخذ قرار اني اترك البيت لانه قرار مو سهل00وي حرام حسيته متفاجأ:surrender:


المهم00طلع الاخ طول الوقت جالس يطقطق على راسي على قوله00يعني يتعمد يشكنني فيه((اعتقد انه يحب يحس دايم بحبي وغيرتي عليه))


المهم اتكلمنا وحضني وباسني وقالي والله والله ماعندي شي وانا وقفت الشريحه وبخليها موقفه لمدة شهرين او ثلاث وبعدين برجع استخدمها عادي وبعلمك لانها شريحة شهر عليك وشهر علينا:blushing: وزوجي جنوبي شرقي يحب الشي المجاني هههههههههههههههههههههههههههههه


المهم اتصافينا والحمدلله000وتبون الصدق00زوجي نظيف ولله الحمد00يعني يمكن احيان الشيطان يوزه انه يتمادى ف موضوع معين بس دايم الاحظ انه هو الي يتراجع حتى قبل لا اواجهه انا


عاد باركولي لاننا اليوم سوينا عريس وعروسه لولولولولولولولولولولولولولوي:blush-anim-cl:


ومن قلبي اشكر كل اخت اهتمت ف مشكلتي واعطتني من وقتها وشارت علي بنصيحه


اللهم وفق اخواتي ف الله وسخر لهم ازواجهم كما سخرت البحر لسيدنا موسى00واجعل ازواجهم برداً وسلاماً عليهم كما جعلت النار برداً وسلاماً على سيدنا ابراهيم((انك على ذلك لقدير))​

 

[RedRose]

الشريحة يقدر يجيب مليووووووووون شريحة غيرها

اذا ما تعدل من داخله ما رح تسوي الشريحة
لا تصرين عليها لان هذا اسمحيلي رح يعتبره زوجك غباءءء منك ويسوي نفسه ذكي ويروح يجيب غيرها وتخلينه يمكن يتمادى اكثر واكثر

لازم العلاقة بينكم تتعدل

انا ما قرأت مشكلتك الاساسية

اش شخصية زوجك ؟ شمالي والا جنوبي ؟؟

 

[RedRose]

يالله مبروووك

انا ما انتهت لردك الاخير


بس انتبهي لزوجك وحافظي عليه

الجنوبي يحتااااج الحب والكلام الحلو زي حاجته للكسجين والموية فلا تبخلي عليه

الله يخليكم لبعض

 

[الميهاف]

الف مبروك والله يوفقك ويطمنك ويخليكم لبعض