الي تعرف للجنوبي الغربي تدخل الله يحييها

[ام القمر 15]

السلام عليكم


كيفكم بنات


ابيكم تساعدوني وشلون اقنع زوجي نغير شقتنا ونطلع لدور اكبر الشقه صغيره مرررره علينا


ابي طريقه تخليه يطلعنا بسرعه جيته بالطيب مافاد بالتهديد مافاد


زوجي جنوبي غربي


والله الي تعطيني طريقه ويوافق لاادعيلها واتصدق عنها

 

[&اموله&]

موضوعك كبير
ماهي طلعة سوق واللا تبين تشترين جوال كان يمكن نفيدك لكن الموضوع احسه لازم يقتنع زوجك من الفكره ميه بالميه
لان فيها عفش واثاث وحوسه وبحث عن شقه وبحث عن شقه سعرها ينااسبكم يعني لو ماهو حاب الفكره او ماهو مقتنع صعب يسوي هالاشياء
الله يعيينك ادعي كثييييييير واستغفري بنيتك والحي عليه وزني فوق راسه لعل وعسى

 

[ام القمر 15]

الله يجزاك خير اختي بس والله مليت من الشقه لي فيها 14 سنه وعندي 6 اولاد ما شاء الله وهي صغيره مره

 

[ام القمر 15]

يعني مافيه احد بيساعدني اهئ اهئ

 

[&اموله&]

مدام لك 14 سنه اجل عندي خطه جهنميه وانا اختك
هع
انك تكلمين صاحب الشقه وتقوليله يكلم زوجك ويقوول اطلع خلاص ابي شقتي
او يرفففع السعررر فوووق حبتين
وقوليله لايعرف زوجي

ان كيدهن عظيم

 

[ام القمر 15]

خخخخخخخخخخخخخخخخ


ما اقدر اكلمه اصلان ماعندي رقمه

 

[دلع قلبه]

اولا الحياة صبر!!
ومافيه شيء على الارض ممكن يجي بسرعه وسهوله
والجنه اغلى شيء عشان نوصلها نجاهد ونصبر ونحاول ونعبد ونطيع ونستغفر ووووو
اغلى شيء الجنه ومع هذا تحتاج جهد وصبر عشان نوصل لها!!
اذا عندك استعداد لصبر كملي قراءه ردي واذا لا اقولك ردي مايناسبك!!

بالنسبه للجنوبي طبيعته بااارد وصعب يتخذ قرار بسهوله!!
والتهديد والوعيد مايزيده الاعناد وعناد وعناد!!
عشان تقنعين رجل اين كان نمطه اولا لازم تفهمينه وش ربحه من هذي المسأله
لانه مستحيل يقدم لك شيء بدون مايكون له فائده منه!!
اولا لازم تحصرين الاشياء اللي ممكن تفيده بتغيير سكنكم
ثانيا مع الرجل والجنوبي بالذات لازم المدح والثناء
ثالثا الغي اي اسلوب او صيغه لتهديد
رابعا لازم تعطينه صورة مفصله عن رغبتك وتعطينه خيارات محدده
لان الجنوبي يتعب في اتخاذ قرار او التخطيط لامر
فااذا انتي حابة تغيرين السكن
شوفي احد من اخوانك او اقرباك الثقات يبحث لك عن السكن اللي ترغبينه
وتعرضينها على زوجك كانه اعلان قرأتيه في النت او سمعتيه عند اهلك
وتشرحين له بشكل مبسط ايجابيات هالسكن
وتحسسينه ان الامر في النهاية بيده وهو صاحب القرار
وكأنك ماسويتي شيء
وقتها بس بيقتنع ويتلحلح يقرر بس بعد مع الجنوبي البااارد الصبر
مطلوب وتحقيق المطالب يحتاج وقت.
اعانك الله وكتتب لك الخير حيث كان..

 

[فازل]

لو يقتنع مثلا بكلام اهله كلمي امه
او حاولي مثلا تدبرو شقه يعني من زميله لك او قريبه وصفت لكم شقه ويكون سعرها معقول وفاتحيه بالموضوع ومدحيه عنده
او خلي اولادك وبناتك ياثرو عليه ...كثير من الرجال يتاثر بكلام اولاده ويحن لبناته اكثر من زوجته .. امكن لعل وعسى
ولاتنسي اهم نقطه
الدعاء الدعاء الدعاء ...

 

[أيامي الحلوه]

بصراحه انا مع دلع قبله
لان زوجي كذا جنوبي غربي
فعلا دبري الشقه عن طريق اي احد وسوي زي ماقلت لك دلع قبله كلامها صح مليون في الميه وذي طريقتي في التعامل مع زوجي
والله يسهل لك وكثري من الاستغفار
وخبرينا وش يصير معاك

 

[ام القمر 15]

دلع قلبه الله يجزاك خير ما قصرتي اختي

 

[ام القمر 15]

فازل الله يجزاك خير امه الله يرحمها

 

[ام القمر 15]

أيامي الحلوه الله يجزاك خير