الي تعاني من خيانة زوجها مع السااااااااقطات تدخل وتشوف

[بـنـت الـريـاض]

عزيزاتي الي تعاني:tears::tears: من خيانة زوجها المتكررة:icon26: مع بنات البليس :santa_1:تشاركني لنعرف افضل الحلول :detective2::detective2:

 

[ahzan gulb]

حبيت بس ادعيلج

ربي يوفقج ويسخر زوجج لج

 

[المراءه الذهبيه]

ياالله احنا معك يا بنت الرياض عسى الله ينفع بما تقولين

 

[همبا]

الله يعلم بالحال والمرارة والقهر إلي احسه من وراء هالسالفة ساعدوني الله يستر عليكم

 

[ام الكحيله]

خليني احسب معاج خيانات زوجي المصون:

١ـ مقاس ستيان مخزن في موبايله ٣٤C خخخ ( العذر : صديقه مسجلنه في موبايله ) smart haa!!
٢ـ مسج عموبايله طويييل عريييض واخره توقيع (kiss u & miss u ) مع اسمها.. لا وسوا عمره ما يعرف منوه ويوم اتصل جدامي قالتله بنت ابليس ولوو فلااان ماعرفتنيييييييييييي انا نانسييييييييييييييي ...
٣- كذا مره اشك في ارقام ويوم اتصل يطلعن بنات من جميع انحا الامارات خخخخ
٤ـ مره تزاعلنا وهديتله البيت ورحت بيت هليه وكمل فتره ما سال عني.. كنت ميته من القهر،، سرحت من الفجر ورحت البيت يوم دخلت الغرفه حصلته نايم وسماعة الموبايل ممدوده عالسرير.. طبعا مبين انه سهران سهره حلوه.. المهم شليت الموبايل وحصلت رقم متكرر وايد لين الفجر .. اتصلت طبعا صوت نااااعم ورقيييق رد عليه ( طبعا هبيت فيها ودعيت عليها يارب انها تشوف ريلها يخونها عسريرها).. وتخيلوا حضرت جنابه شو قالي.. والله كنا نتكلم في بزنس !!!! (( لين الفجر بزنس؟؟؟ ))))
٥ـو هالمره بعد مسج .. من برا البلاد هالمره.. من وحده اجنبيه تتمناله احلام سعيده !!!!!!!!!!!!!!!
٦ـمسج من زلمه.. تصبح عليه.. يوم اتصلت قالت اوووه صاحبتي اللي باعته المسج مو انا !!! وطبعا حضرته استهبل !!
٧ـاخر وحده الجايده... صور بنات بالبكيني .. صحيح انه مب ظاهر معاهن فالصوره بس كان في نفس الرحله البحريه .. مع انه انكر...


والحين اسال عمري ليش بعدي صابره؟؟؟؟؟؟؟؟؟؟؟؟؟ شو ننتظر يا اختي منهم غير النذاله !!!!!!!!

 

[حبيبة روحها]

اخ الرجاجبل وما ادراك مارجاجيل

 

[احب الحياة]

الله يفرج عليكم
ويلهمكم لاحسن الطرق ..

لكن نصيحتي لكم ان تشتركن
بدورة استراتيجيات التعامل مع الزوج الخائن

وما يمنع من قرأت القصص
ام بسمة ورذاذ

الله يسخر ازواجنا لنا
​

 

[دوشه بلقيس]

بنات خلاص بسكم سكوت وضعف والله حنا ضعاف نخاف من تشتييت اطفالنا ونصبر ولما نصبر مايبين بعينهم يتمادون...
انتم ماتخافون من الامراض؟؟
كل وحده يخون زوجها تصبر وتحاول بالدعاء بس هذا مايمنع تواجهينه بالدين فقط لاتقولي خنتني وصبرت وانت فيك ويخطيك ...لأ هذا الاسلوب ماينفع
خلوكم قويات بالدينننننن قويات بالله اسألوا الله القوه منه بعدين واجهوا الزوج
قولو له انا مش زوجتك من اليوم ورايح انا فقط مربيه لأطفالك ومالك عندي اي حق لانك ماحفظت حقوق الله فمن حقي اني اكنسل حقوقك بأسم الدين
ذكريه انه مايخاف الله وان بكره ربي بيفضحك ببناتك واولادك يااللي ماتخاف الله ..روح اشبع معهم وانا انساني ولسانك اللي خنت الله به لايخاطب لساني الطاااااااهر وعينك اللي تخون الله لاتطالع في عيني العفيفه روح ربي حسيبك
كيف تتجرأ على الله كيف وربي يناظرك تبارك وتعالى انا مقهوره من عنادك لله يالله عليك والله اني افكر في بناتي بكره بيفضحوننا والسبب انت
وتحسبي ربي عليه بوجهه وقولي له عف بناتك وخواتك عفهم واتقي الله والا انا غسلتك من راسي يااللي تخاف الله
وربي راح تأثر فيه هذي الكلمات وربي

 

[هايدي الجميلة]

والله مرض تعبنا ....وبنات الحرام ماااااااارحمونا

 

[بـنـت الـريـاض]

اشكركم على التفاعل باعطيكم قصتي مع الخيانات الزوجية وانشاء الله نستفيد من ارائكم

 

[جنة أهلي]

حسبي الله و نعم الوكيل على كل واحد باع الحلال بالحرام .

انا معاج اختي اعاني من خيانات زوجي المتكرره .

كل فتره اكتشف بنت جديده , و فوق هذا يقولي : ليش ما تثقين فيني ؟؟؟:busted_red:

ليش انا عطيته اكثر من فرصه علشان اثق فيه , و للاسف هو ما يستغلها , على طول يتغافلني و من وراي يخون .

المشكله انه بعد ما اكتشفت اخير خيانه مع بنت بينهم كلام حب و زواج , يقولي ابي اتزوجها ؟؟؟:busted_red:

معاج اختي بننتصر عليهم.

 

[mnor]

وانا معاكم نفس المشكلة ياليت الدكتورة ناعمة والمسؤلات يدعمون الموضوع لانه مهم مرررررررررة وقرارات الخيانه توقف عليها بيوت واطفال ....

 

[ام الحلوووين]

الله يعينا ويرحمنا عليهم بس ماااقول غير حسبي الله ونعم الوكيل في كل خااااين خااان العشره....

 

[دمعة فدموع]

الله يكوان معكي يا بنت الرياض

 

[جنة أهلي]

معليش يا بنات احنا نبي استراتيجيات معينه تفيدنا بتعامل مع الخيانه

يعني لما نكتشف خيانته , نصارحه, و لا لا نصبر شوي , و متى بالضبط تصارحينه ؟؟؟
ايش نسوي بالضبط , علشان ما نحسسه اننا نتجسس عليهم ؟؟

انا جدا يهمني الموضوع , لاني دايما اقرأ ردود بعض البنات انها تصارح زوجها الخاين لما تكتشف علاقته .

بنفس الوقت انا من تجربتي مع خيانات زوجي اقول لا ,ابدا ما تصارحه الا بالوقت المناسب :shutup:

الوقت المناسب هو :::
اولا :: لازم تعرف طبيعة علاقته بالحقيره , هل هي عادي يقدر يتركها , او قويه جدا بحيث ان ام اعياله اذا صارحته ممكن يطلقها و ما يبعد عن الحقيره .<<<<<< كثير من الرجال يحب عشيقته اكثر و يطلق زوجته علشان عشيقته .

ثانيا :: لازم زوجته تتأكد ان زوجها يحبها جدا جدا ,و ما يقدر يتركها , علشان اذا ازعلت يندم و ما يعيدها مره ثانيه .<<<<<<< الرجال اللي ما يحب حرمته كثير ما يهمه اذا زعلت عليه و راحت عند اهلهاو و لا بيراضيها و يتوب .


ايش رايكم بكلامي ؟؟؟

 

[الأستاذة]

خلني اقولك ...

قصة صارت لي وشلون تصرفت فيها وبصراحة ما ادري صح او غلط بس فرحت بتصرفي..

كنت طالعه معاه مره واحنا تونا شهرين من ملكتنا رايحين بيت اخته وامه معانا بالسيارة وموبايلة كل شوي يرن ما سكت اقوله رد يقول لا الشغل يكلموني ما ابي ارد ولا تكلمت انا وكنت اتكلم واضحك عادي واحنا بيت اخته قلت له عطني تيلفونك بتصل البيت لاهلي تيلفوني كمل الشحن اللي فيه ... عطاني اياه وهو مو شاك بشي لاني ما حسسته اني شاكه وما اتصلت بس عملت نفسي اتكلم وتحركت شوي... وشفت السجل والمسجات وشفت مسج من وحده الله يستر عليها..

قلت اذا واجهته طبيعي بينقلب الموضوع علي فحليتها بطريقة ثانية ... اتصلت للبنت من تيلفون عمومي وقلت لها انا اكلمك من شركة تجميل احنا بنجي لك البيت وبنعرض بضاعتنا وبنعمل لك كل شي بالمجان في اول زيارة من صبغ وبدي كير ومني كير وكل شي.. بس عطيني العنوان وخذيت عنوانها ومعلوماتها كلها عمرها واسمها ورقم بيتهم ..

حسيت نفسي الاقوى بهاللحظة ... وبعد ما قلت له ... رحت اتصلت للبنت على بيتهم مو على الموبايل وطلبتها بالاسم وقلت لها انتي تكلمين زوجي انكرت قلت لها انا شايفه مسجاتك وانا ما ابي افضحك ولا اسوي لك سوالف مع اني اقدر اخذ تيلفوونه واجيبه لعند اهلك وانا اعرف عنوانك ومكان شغلك واقدر افضحك بكل مكان بدقيقة بس قلت لنفسي اكلمك واذا كنتي بنت ناس صح ما بتكلمينه واذا شفت رقمك في تيلفونه مره ثانيه بتسمعين اسمك على كل لسان...

تعرفون ولا كلمني بالموضوع مع ان اهي اكيد قالت له لان شفته كان متضايق ولا يكلمني عدل وانا ما فتحت الموضوع بس انا كنت ابي اوصل له معلومة من خلالها ان ترى انا مو غشيمة واذا اسكت اسكت بكيفي ...

بس حبيت اقولك شلون تصرفت معاه ...

والله يسخر لكم ازواجكم ويهديهم..

 

[g1del]

,,,,,,,,,,ما يخافون تجيهم سكرة الموت وأهم على هالحاله ؟؟؟؟؟؟
مرض الله يكافينا شر الشياطين من النساء,,,,,,,,,,

 

[مرت الوحش]

لايرد القضاء إلا الدعاء مع اليقين .... إيقان الاجابة ....مع التفاؤل والتفكير الأيجابي

 

[passion]

بصراحه موضوع مؤلم الخيانه ..وانا من وجهه نظري خيانةعن خيانة تفرق وليست مرتبطة بمجتمع ما .............

والخيانه مرتبطه باخلاقيات الشخص نفسه وتربيته

والوازع الديني ...بصراحه موضوع شائك ..ويطول النقاش فيه

لا ن له عده ابواب ...واسباب..سواء تقصير الرجل ام المرأة فكل واحد له طرف في الموضوع حتى الاهل لهم جانب كبير

لكن اردد ان حل خيانة الرجل هو بيد كل وحدة فينا ليس بالبكاء ولا انك تطلبين الطلاق ولا تروحين بيت اهلك لااااااااااااااااااااااااااااااااااااا بالحيلة والله صدقوني بالحيلة لي صديقة ان سمحت لي بأن اكتب القصة في المنتدى بكتبهاااااااااااااااااااا

 

[هزي يانواعم]

من اسمهم بنات ابليس لا تضيعين وقتك معهم خليك في زوجك اول شي وجهيه بهدواء قولي انا بنت ناس ماسمح لك تلف وتدور من وري اذا شفت مرها ثانيه موقف بوصله لي الرجاجيل يتفاهمون معاك وقولي والله لادعي عليك انا الله يوريك قدرته الرجل يخاف مرها من سيرة الدعاء خوفيه احكي له عن قصص صارت عن الايدز منتشرقولي الامراض الجنسيه منتشرها قولي بنات ابليس ماتنظر وجه الرجل لا تلف وتدور على شان تاخذالي في جيبه يدو