الي تبي شعرتها تقوى ولا يصير لها فراغات من قدام

[شيخة حائل]

حبيت اقول لكم عن تجربتي لخلطات الشعر اول شي راح أقول لكم كيف كان

شعري كان خفييييييف وضعيف وكثييييير التساقط لدرجة من قدام كنت شبه صلعه وكنت لما اسرح شعري اجيب اللي ورى على قدام علشان يغطي الصلع

ماخليت خلطه ولا زيت حتى زيت عافيه مع الحلبه استخدمته تحسن بس تركته رجع

يتساقط اكثر من اول تعقدت شكيت لاختي الله يوفقها وينجحها قالتلي على خلطه

وهي زيت النارجيل

علبه مع علبتين زيت كيشور مدري كشيور دهني تجيك علبها

صغيره ورخيص

تخلطيه مع بعض واستخدميه مرتين بالاسبوع والله يابنات شعري

صار فيه حيويه وصارت الشعره سميكه اشوي ونبت محل الصلع صرت اسوي فيه

تسريحات وغره وحركات بس النتيجه ماطلعت في اسبوع او اسبوعين لا لي اللحين

اربعه شهور وانا استخدمه والحمدلله في تحسن كبير عن اول اهم شي الاستمرار

راح تلاحظو في البدايه تساقط انا صارلي كذا خفت قلت ماني ناقصه واعلم اختي

قالت عادي هذا الشعر الضعيف استمري واستمريت اللي تجربه ويتحسن شعرها

عليه تدعي لاختي ان الله يوفقها آخر سنه في الثانويه

منقول

 

[زوجة ابو الهول]

تأكدي أختي من الكيشور و الا كشيور ....... خلينا نشوف له صورة حتى نجربه >> :cupidarrow::cupidarrow:
الله يوفق خويتش اللي في الثانوية:icon30::icon30:

 

[زوجي تاج راسي]

اختي زيت النارجيل قصدك العلبه الخضراء اللي من زمان والزيت الثاني اش هو؟؟وزي ماقالت الاخت اللي قبل حطيلهم صور....وشكرا

 

[ريحانة القلوب]

االله يعطيك العافيه وينجح اختك
بس وضحي اكثر زي ماقالو الاخوات زيت نارجين كيف ابو علبه خضراء والزيت الثاني وين نلاقيه

 

[احبه موووووت]

مشكوره اختي الله يوفقج انشاءالله راج اجربه الأن شعري واااااااااااااااااايد ضعيف وشعرته خفيف كلش يييني احبااااااط لما ان امشطه اتني شعري يرجع مثل قبل قلبي يعورني عليه احس روحي صرت قبيحه لما ان صار شعري خفيف وانشاالله تفيدني تجربتج وبدعيلج ولأختج ياقلبي.

 

[دانة الزين]

وانا امدح لكم شامبو عجيب اندونيسي من العطارين تلقونه اسمه ميتال يطول وكثف بس عقب ماتستخدمينه حطي على اطراف شعرج شوي بلسم وشوفو الفرق

 

[بحر من الحنين]

مشكورة يالغلا

 

[هدوئي سر قوتي]

مشكوووورة أختي


الله يتمم لك لنعمة يارب


بس نبغى اسمه كامل وصحيح مع الصورة إذا مافي كلافة

 

[ام ساره]

الله يعطيك العافيه
مشكورررررررره

 

[السيدة الهاشمية]

 

[هدوئي سر قوتي]

بنات سويت بحث عن الزيت ولقيت المعلومات التالية ..

للأمانة نقلتها من كتابة الأخت سمى الشوق من عالم حواء


اسمة بالهندي Kesavardhini

بالعربي : كيشور او كيشوري

علبتة صغيررة مرة الكرتون أزرق ومن داخل علبة شفافة وزيت أحمر

السعر : خمسة ريال

هذي صورتة للتسهيل

وعلى فكرة لمن تشترونة لازم تنتبهون من داخل ورقتة

الترجمة بالعربي لطريقتة خطأ

عشان كذا أقروا اللي بالأنجليزي

وهو زيت مرررررررركز يعني تحذير (( ما ينحط مباشرة ))

لازم يتخفف بشي وأفضل شي جوز هند

================

الأخت أم طيبة تكلمت عنة وهي تستخدمة وبنسخ لكم كلامها لأني محتفظة فية
انا اعرف زيت اسمه بالانجليزي

KESAVARDHINI

هذا الزيت متوفر جدا في كل مكان في دول الخليج علبته زرقا صغيره جدا فيها 25 ملليلتر فقط لاغير غرشته قزاز طول اصبع السبابه غطاتها حمرا ومعروف عن العطارين باسم زيت كيشور او كيشوري اهو زيت من مدراس هندي هذا الزيت طريقه استعماله انه ينخلط مع زيت جوز الهند بنسبه 25/100 مليللتر

يعني القرشه مالته سعتها 25 مليللتر تاخذين 100 ملي من زيت جوز الهند وتخلطينها معاه لازززززززززززززززززززززززززززز ززززززززززززززززم تخلطينه مع زيت ثاني لايكون وحده فيكم تفكر تستعمله لحاله لانه زيت قوي جدا وطبعا قددددددددددديم جداااا ومعرووووف حيل الزيت هذا

من اول استعمال بتحسين بالتغير بالشعر ومع الاستمرار بتشوفين الشعر يصير ناعم ناعم ناعم وطوووووووويل

بس طريقته شوي بايخه لازم تستخدمونه يوميا لمده سنه عشر دقايق قبل الحمام

وانا بصراحه ماستعملته بالطريقه هذي انا احطه اربع مرات بالاسبوع من ثلاث الى ثمان ساعات حسب ظروفي وبعدها اغسله

======

الأخت سلافة2120
قالت تجربتها معة
زيت رهيب ينعم الشعر
هذا زيت هندي لقيته في محل الهنود مرة حلوة حسيته نعم شعري
وطريقته تخلطيه مع زيت جوز هند أو أي زيت تبغي وتحطيه على شعرك بعد ماتغلسي شعرك مرة رهيب وريحته زي الفكس بس نعومة صراحة مرة حلوة إن شاءالله يفيدكم
وخلي على شعرك خلاص ماتغسليه

====

بس على فكرة الأخت سلافة ما خلطتة بمقدار معين لكن هذا مش صح

الأصح لازم بمقدار يساوي =4 مرات من العلبة

====

أتمنى أكون أفدتكم بمعلومة لوجة الله

والله يوفق الجميع ..دعواتكم












انتهى النقل ..



بحفظ الرحمن .

 

[نور البنور]

انا سمعت عنه بس والله ما اعرف بسوالف ال100 ممل اشلون اعرف المقدار

 

[هدوئي سر قوتي]

انا سمعت عنه بس والله ما اعرف بسوالف ال100 ممل اشلون اعرف المقدار

الأصح لازم بمقدار يساوي =4 مرات من العلبة

ممكن تفرغين علبة الزيت في قاروة فاضية ثم تملأينها بأربع مقادير من الزيت الآخر مثلا النارجيل كما ذكرت الأخت شيخة حائل ..

وبالتوفيق للجميع وشكرا لشيخة حاائل ..

 

[الكيان كيانيه]

الله يجزاكم خير بس ياليت تنزلون لنا صورة زيت النارجيل انا عارفه انه زيت جوز الهند لكن هو له انواع كثيره اي نوع الافضل؟؟

 

[هدوئي سر قوتي]

الأخت ماحددت

واتوقع المقصوود أي زيت جوز هند .. ويظهر لي إن أفضل نوع هو باراشوت ..


ياشيخة حائل تعالي عطينا علمك

 

[بيادر محمد]

اناسمعت ان زيت البراشوت حلوبصراحه أنا ماجربته:clap:

 

[الخشف]

مشكورة ويعطيك العافية

 

[اشرقي يا شمس]

مشكورة الله يوفقج ويعطيج العافية

 

[زوجة ابو الهول]

مشكوووووووورة ( تعبت منهم ) على الرد ... و إن شاء الله باشتريه
عسى بس ما تكونين تعبتي منا ؟؟؟؟

 

[لقااااء]

شكرااااالك