الى متى بيستمر النزيف بعد الاجهاض

[رياااا]

أخواتي أنا وسبق اني طرحت مشكلتي اني أجهضت ثلاث مرات والحمد لله على كل حال المشكله الأن انه صار على اجهاضي الثالث تقريبا 38 يوم استمر معاي النزيف بعد الاجهاض تقريبا 18 يوم بس ماكان شديد بالمره ووقف أربع أيام ورجع بعدها كأنه دوره ويمكن أكثر ولحد الآن مستمر معاي وماني عارفه هذا شي طبيعي أو لا بصراحه انهد حيلي وماعاد فيني حتى أتحرك تكفون الله يخليكم طمنوني عادي الي يصير ومن مرة بمثل حالتي مع العلم اني رحت أمس للطبيبه وقالت انه هذا شي مو طبيعي أبدا وبحكم انك مسويه تنظيف المفروظ 5 أيام وتوقف وقالت يمكن باقي شي بالرحم عشان كذا تنزفين و الدكتوره الي سوت لي العمليه ماأقدر أروح لها لأنها بمنطقه بعيده عني شوي وأنا لما راجعتها بعد اسبوعين من العمليه تقول انه الرحم نظيف ومافيه بقايا من الحمل
تكفوووووووون الله يخليكم طمنوني ولاتنسوني من دعواتكم

 

[رقة القـلب]

والله حبيبتي ماعندي خلفيه
بس دكتورتك اللي رحتي لها اخر مره المفروض ماتهمل كذا وتشوف ايش سبب النزيف دام انها قالت مو طبيعي

الله يشفيك ياقلبي
​

 

[لغتي سرهويتي]

الله يعافيك

انا اذكر انه ما طول وياي


فلازم تراجعي ولا تهملي نفسك لأنك تنزفي وتخسرين دم حاولي تتصرفي وتروحي لاي طبيبة ممتازة

 

[دونات666]

السلام عليكم

عزيزتي ريااا

لازم تروحي لمستشفى ويسوو لك كشف وتحاليل فاسباب النزيف ممكن يكون لها سبب أخر غير حاجه باقيه من الحمل السابق ..

اكيد تحتاجين يعطوك اكياس دم

فياليت تروحي بسرعه لطوارء لاي مستشفى حكومي وخذي اغراضك ممكن ينومونك عندهم يوم او يومين وان شاالله تطلي منهم زي الوردة ..


واتركي الان الطبيبات في العيادات الخاصه ..انصحك ابعدي عنهن هذه الفتره لا تظيعك !!


الحقي نفسك بمستشفى حكومي

والله يقومك بسلامه

 

[رياااا]

مشكورين أخواتي الي ردوا ربي لايحرمكم الأجر
أختي دونات 666 صادقه ياقلبي المستشفيات الأهليه ماوراهم فايده و ماهمهم الا الفلوس بس وين الحكومي المشكله المنطقه الي انا فيها المستشفى مافيه طبيبه ممتازه يعني اسم طبيبه بس ان شاء الله بكره بسافر للرياض وأشوف طبيبه ممتازه
الله يشفيني ويسشفي جميع مرضى المسلمين ويعوضني خير مما فقدت

 

[ايفوريا]

الله يعوضك ياقلبي
وغريبه النزيف هذا
انا لما اجهضت جلس معايه يمكن بس اسبوعين بس
الحقي نفسك لانك جاسه تخسرين دم

 

[أم رامــا]

أنا لما أجهضت جلس النزيف 7 أيام بس لإن الحمل كان 5 أسابيع ,, وإنتي لازم تروحي المستشفى ضروري

 

[jno0o0n]

مرحبااا عزيزتي انا دخلت عشااان افيييييييدك بحل للاسقااااط بإذن الله لاني كنت مثلك اجهضت مرتيييين وبنفس الشهر بالضبط ولمااا سويت تحليل عن سبب الاجهاض المتكرر قاالت لي الدكتوره ماااافيه شي ؟؟؟؟ بس ام زوجي الله يجزاااهاا خير انصحتني اااخذ حبوب اسبرين الاطفال من بداية الحمل كل يوم حبه والحمد لله الحمل الثالث ثبت وولدت بصحه وسلامه فا حبيت افيد ااااي وحده القاااهاا تعاني من الاجهااااض المتكرر وموووو عارفه السبب‘‘‘ الله يقررر عينك بشوووفة طفل

 

[رياااا]

اختي jnooon مشكوووره حبيبتي على النصيحه بس ماخليت شي ياقلبي ماجربته من جملي الثاني استخدمت بيبي اسبرين وحبوب دوفستون وبالثالث زدت عليهم ابر الهيبارين بس ربي ماكتب وأجهضت يمكن انتي وقت الحمل يكون عندك تجلط بالدم في المشيمه عشان كذا نفع معك حتى أنا طبيبتي قالت يمكن انه يكون معاي كذا وهالشي مايبان بالتحليل قبل الحمل بس مانفع معاي الحمد لله على كل حال
دعواتكم لي بالذريه الصالحه