الى كل من تريد الانفصال عن زوجها

[إبرار]

انني اكتب قصتي وانا في قمت الحزن ولكن ادعو لكل من تكون معي وتكون عوننا لي في حل مشكلتي
مشكلتي بدات وانا في فترة الخطوبه هو انني كنت احب خطيبا جدا وهو كذلك ولكن انني اكتشفت ان له علاقه مع فتيات منذ ايام الجامعه ولكن عندما اكتشفت ذلك عندما اعطاني جواله لكي يصلح جوالي واكتشفت الرسايل الغراميه منه لهن وايضا مكالمات عندما صارحته بالموضوع قال انها ايام عزوبيه ولكن الان لا اكلم اح غيرك صدقت ذلك ومرت الايام الى ان تزوجنا..كنا نحب بعضنا بعض ولكن..

انشالله اكمل لكم قصتي

 

[dandosha]

كملي اختي

 

[سنديان]

كملي احنا في الانتظار

 

[إبرار]

اود اشكر من قراء بدايت قصتي والشكر لكن اخواتي دندوشه وسنديان
اكمل باقي قصتي..
عندما تزوجت كنت في غاية السعاده انا وزوجي وكنت انا في السنه الاخيره من دراستي في الجامعه
ذهبت مع زوجي وقلت انني ساكمل دراستي معك في نفس المنطقه.. قال ولكن اوراقك...قلت خليني انا راح اتصرف وفعلا ارسات الاوراق اللي وداومت في الجامعه ولكن لم اكن سعيده الجو متغير علي داومت اسبوعان ولكن الوضع متغير علي شوي فاتحة زوجي وقلت انا برجع اكمل عند هلي قال طيب واوراقك قلت بكلم الجامعه واقول لهم لاترسلون الاوراق
المهم رجعت ولكن الطامه الكبرى ان والدتي كانت تعبانه وفي المستشفى وانا لااعلم جلست عند اهل زوجي وانا في بداية زواجي ولكن انني كنت خجولة جدا ام زوجي كانت معي لطيفه وكذلك اخواته ولكن انني لم اتأقلم معهم وبدات التفكير في حال والدتي التي انتقلت الى منطقه اخرى للعنايه بها في المستشفى
كنت احاول ان اتاقلم مع جو اهله لكن اصابني ذلك بفقر دم حاد للنني كنت شديدة التفكير بوالدتي
وذهبت للمستشفى وبعد ذلك اعطوني ابر يوم بعد يوم لاخذها ..بعد ذلك جات الاجازه وذهبت لوالدتي وزوجي ولكن لم تكن تلك الاجازه كافيه
عند ذلك عدت ولكن عدت وانا ايضا افكر وجات الامتحانات وانا في حاله لا يعلم بها الا الله لكن النتيجه كانت رسبت في بعض المواد
بعد ماعلمت بذلك ذهبت لزوجي وقلت لنني ساقدم اعتذار لهذا الترم لان اشك انني حامل قال خير جاء الينا وذهبت انا وهو الى المستشفى وعملت تحليل وطلع هناك حمل فرح زوجي فرحا شديدا واخبر اهله بذلك ففرحوا ايضا
عند ذلك ذهبت معه الى المنطقه التي هوه فيها يعمل
جلست معاه تلك الشهرين بحب ولكن كنت اشك انه يكلم فتيات وكان لما اطلبه ان نطله نغير جو يقول لي لا اجلسي في البيت كانه يريد ان يطفشني من جلوسي معاه وذلك اليوم طلع برا البيت وقلت له لا تروح نفسيتي تعبانه خليك
راح ولا فكر فيني وانا جلست ابكي وانتظره حتى انني لم استطع مكالمته لان هاتفي كان مفصولا وبعد ذلك اتى وانا في الحديقه ابكي واقول له اني فيني الم ماني قادره اوقف والشاهد عليه الله كان الم بغيت اموت منه يعصرني بمعدتي قلت جيب لي العباه عشان ابي اروح المستشفى قال لي يالله بلا دلع قلت والله اني صاددقه
رحنا للمستشفى ولكن قال الدكتور مانقدر نسوي لها شي لانها حامل قال خليها عندنا يومين ونشوف حالتها قلت انا مابي اجلس انا بروح وبجيهم السبت عشان الاشاعه قال خروجك على مسوليتكم قال زوجي خلاص
وانا راجعه قلت شوف لو يصير اللي في بطني شي ماراح اسامحك وانا ابكي
قعدت اسبوع وبعدين طلع انه اسقاط
ورحت وسوو لي عمليت تنظيف
ورجعت لبيتي وزوجي..

راح اكمل القصه لكم ولكن غدا انشالله

خليكم معايه لنكم راح تشوفون العجب من قصتي التي اسال الله ان الاقي الحل العاجل لها من الله ثم منك

 

[Princes Of Ice]

سلامات ... ما تجوفين شر ..

لا حول و لا قوة إلا بالله ..

الله يهديه و سيخره لج ..

في انتظار تتمة قصتج أبرار ..

 

[إبرار]

اشكركم اخواتي على الوقوف جانبي واشكر كل من دعا لي بالخير ان الله يسخر لها زوجها ويحفظ لها بيتها من كل حاسد..

 

[almasah82]

الله يعوضك خير الغاليه .....وننتظرك

 

[إبرار]

اكمل لكم باقي القصه
جلست مع زوجي سبعة اشهر وبعد ذلك حملت مره اخرى فرح زوجي كثير وعدت الى اهلي لاكمل دراستي الحمد لله كانت نفسيتي مره مرتاحه وانا بقرب امي لدرجة انه كان ياتي الينا كل 3 اسابيع ..كان يقول لي اهتمي بصحتك وبصحة اللي في بطنك..وجاءت الاجازه وذهبت الى زوجي وكان فرحا كثير لكن كان يحصل بيني وبينه مشاكل عندما اكلمه ويطلع عنده انتظار..لكنني اكتشفت انه يكلم فتيات..الله المستعان..لدرجة انه ظربني وانا حامل بالشهر الخامس عشان مكالماته مع هولاء الفتيات.كنت افكر كثيرا لما يفعل ذلك لكن ابو طبيع مايوز عن طبعه..اخذ يكر جوالي ويكسر الشريحه..وبعد كذا قلت وديني لاخوي كلمه اخوي وقاله ارسل اختي لان نفسيتها تعبانه..رحت لخوي وقلت له انه يكلم بنات وان حتى في هذي الفتره لم يقدرني ولا يحترمني تعود على انه و حدة ورجع لطبايعه الاولى ..المهم اخوي خلاني عنده اسبوع وشراء لي جوال قام اخوي وكلم زوجي وقال له تعال خذ زوجتك وطيب خاطرها قال زوجي يتعذر لخوي ان اخوه عنده ومايقدر يجي.المهم جاء اخوي معاي عشان يوصلني لبيتي..لما وصلنا بيتي قال اخوي لزوجي انا برجع على نفس الرحله لكن ابي اتكلم معاك
تكلم معاه وقال خلاص انشالله مايصير الا كل شي طيب

مرت تسعة اشهر والحمد لله رزقت بطفل
فرح والده كثيرا
ولكن مر شهر ولكن زوجي اتى الينا ويقول ان حالته النفسيه تعبانه ويقول انه يحس بالم في القلب
ذهب الى جميع المستشفيات ولكن كلهم يخبرونه انه لايعاني من شي..مرت اربعة اشهر وذهبت اليه وانا احمل له شهادة تخرجي..جلست معاه شهر ولكن كان يقول لي شكلي بردك الى المنطقه وخليك تدرسين فيها وبدا يتغير علي حتى اغراض البيت كان يطفشني فيها يقول ليه كل يوم اجيب شي كان راتبه ولله الحمد عالي بس كان يبخل علي..وكان يخونيي وانا حاسه فيه انه يخون بس ساكته وكنت لما اقوله ودني لفلانه يقول المره تقعد في بيتها احسن
مرت اليام ورحنا في اجازه لهله صار يطنشني ولا ينام معاي طول وقته مع اخوانه اللي اصغر منه وكان ينام بغرفه لحاله وقلت بصبر خليه يمكن يرجع
مره اسبوع وحنا كذا ولما جاء بيسافر رحت له وقلت له تسوي فيني كذا وجلست اتناقش انا وياه وقام يضربني ورمى عليه الطلاق..طلقه
وقال ابوه لاحد يدري حتى اهلك مرت عليه ايام الله اللي كان عالم بها حزن واسى وتعب..

مرت الايام وحنا في نفس الحال لدرجة انه كان يحط فواتير الجوال في الدرج واطلعها الاقي انه قاعد معاه بالساعتين وانا كنت ادرس في منطقه ثانيه..
المهم مره قال لي ان زوجت صاحبه بتزورك قلت الله يحيهم وكنت فرحانه كثير
جات الحرمه عندي وكانت حامل.ز المهم صرت ارح لها وتجي عندي ودايما تشكي ان زوجها يخونها صرت قريبه منها جدا وكل يوم اكلمها..مرت الايام وانجبت طفل..كانت لما تجي عندي ماعندها جوال بس تقول هذا الجوال عشان اكلم خويات زوجي وعشان اكشف زوجي
المهم لما قالت لي كذا قلت لها طيب خذي رقم البنات وكلميهم قال اعطينيها اعطيتها الارقام..اليوم الثاني قالت ولد خالتي هوه اللي بيكلمهم قلت هوه صغير ولا كبير قالت اصغر مني..قلت يالله طيب..اليوم التالي كلمتني وقالت اسمعي البنت اللي يكلمها زوجك بنوريها سوت مكالمه جماعيه معاهم وسمعت ولكن طلعت اللي يكلمها بنت اخرى ولكن متزوجه
المهم اليوم التالي قالت بعطي ولد خالتي رقمك عشان تقولين له كل التفاصيل قلت لها لا والله ماكلمه انا ماكلم رجال قالت بس كلميه عن قصتك وهوه راح يساعدك لانه ساعدني كثير..اليوم الثاني كلمني وقلت منو قال انا فلان اللي كلمتك عنه فلانه قلت ايه ايش تبي قال انا ابي اساعدك
عشان شكل زوجك مو مهتم فيك انتي حلوه على قول بنت خالتي كانك سوريه قلت ايش بتسوي قال اصبري علي شوي قلت له والله العظيم انا ماقد كلمت شباب حتى وانو انا عند هلي كان متوفر لي كل السبل ولكن الحمد الله ماعمري كلمت او راسلت احد ويشهد علي الله.زقال اعرف كل وحده كذا في الاول
قلت اسمع اذا تبي تساعدني عن طريق بنت خالتك وبس
قال لكن ابي التفاصيل عن البنات عشان ارسل عليهم شباب قلت بكيفك..
زوجي حس اني ارسلت احد للبنات اللي يكلمهم وسويت نفسي مادري
قال لي زوجي اسمعي انا اخاف عليك من ارسلتي قلت مين ارسلت قال ترى الارقام الي تزعجينهم قصده على البنات اللي يكلمهم بيشتكون عليك قلت الله اكبر عليك خفت عليهم بس خلي احد يتكلم ويشوف
احس اني صار عندي شخصيه عليه..المهم صار يطفشني بكل شي باغراض البيت مايجيب لي اي شي اطلبه حتى المولات مايوديني اشتري ليه او لولدي والخرجات ماصار يطلعني لاحد مليت منه وقلت وديني بيت اهلي هذي ميب عيشه معاك كل شي تسويه فيني وانا صابره عليك وساكته ليش طيب اتزوجت..
رحت لاهلي وانا منكسره وتعبانه لكن ماحد وقف معاي الى امي اخواتي كل وحده تقول والله لاسوي واسوي وماحد سواء لي شي
والامر الذي زاد كره زوجي لي ان والدته كانت ورانا في كل شي وين تروحون وين كنتم كانت تساله عن كل شي في حياته وتقول لي فين فلوسكم راحت قلت اسالي وليدش وين وداه حتى كان لما يشتري لي قارورة عطر تعرف من اولادها ولما اروح نسير على احد تقول في ريحه حلوه مره مادري من فين وهيه عارفه انو انا متعطره منه وقلت لها يمكن هذي قالت اي والله ريحته حلوه قلت ياعساه فداك خيه ياخالتي مايغلى عليك قالت انتبهي عليه لاينكسر ترى جابه زوجك ب3 مية درهم..
المهم رحت لبيت اهلي ولا احد فكر يساعدني وانا محروقه ابي ارجع له كان ولد خالت صاحبتي يكلمني باستمرار ويسالني صار فيه شي قلت كلهم يقولون بساعدك بس ماشفت شي حتى ان زوجي جاء بيرجعني قال ابوي اللين اخوانها يحضرون..جاء واحد من اخواني وحل المشكله ورجعت له..جلست كم يوم وكلمت ولد خالت صاحبتي وقلت له الحمد الله رجعت لزوجي قال الحمد الله..رجعت لزوجي ولكن كان يبي يستغلني كان عندي بعض النقود في البنك قال والله ياحبيتي والله محتاج فلوس اعطيني بطاقتك عشان اخذها تساعدني قلت طيب ولا يهمك وعطيته..ولكن كان يضحك علي وانا مصدقته..حتى زواج اخوه ماشرى لي اي فستان..واخذت من اخواتي ومشيت الحال..والله يابنات حتى ملابس الحمل كلها من خواتي مايشري لي شي..
المهم قال انه سوف يسافر لخارج البلد وانه سوف ياخذنا اذا تعدلت حالته..
ذهب وتركني في بيت اهله..كنت من فتره لفتره اروح ازور اهلي..هوه اللي يبي كذا حتى لما اجلس لاهلي يومين يقول ارجعي عند هلي وارجع وانا ابكي..
جلست اكلم ولد خالت صاحبتي الذي اكتشفت انه ليس بولد خالتها ولكن كان عشيقها كان يكلمني وهوه يبكي يقول ان فلانه لا تريد تكلمني على انني كنت اساعدها كثيرا..
قلت له ليش ماقالت انك حبيبها قال كانت تخجل ان تقول لكي كذا وانتي امراة مستقيمه لا تعرفين مثل هذي الحركات
مرت الايام وهو يكلمني ونفسيته مره تعبانه ويقول خليك جنبي..قلت اذا تبي تنسى ادعي الله وتزوج وربي انشالله يسعدك في بنت الاحلال
صار كل يوم عن يوم يكلمني وانا احيانا اتجاهل اتصالاته
صار يكلمني ويقول فلانه كنت احيانا اعاشرها في بيتها
قلت له استغفر الله العظيم لما تفعل ذلك قال انني احبها قلت ولكن انها متزوجه هذا زنا حرام عليك اتزوج وشف حياتك
المهم الغيت جوالي ولا عاد بيني وبينه اتصال
اتى زوجي لاخنا الا خارج البلاد وانا في قمت الفرحه

خليكم معايه يابنات وساكمل لكم قصتي الله يسخر لكم ازواجكم انا محتاجه لكم ارجو من امراه لاتنسى ان تقراء قصتي وتساعديني ارجوووووووووووووووكم

 

[الدكتورة نبضة قلب]

بانتظارك​

 

[احب المرح]

في الانتظار

 

[إبرار]

اشكركم اخواتي الماسه واختي نبضة قلب وبرنس اوف ايس الله ينور بصيرتكم ويحفظ لكم ازواجكم

 

[مساء الحب]

حبيبتي
بانتظار باقي القصه

بس ريحتيني لما قلتي انك لغيتي الجوال الي كان يكلمك عليه ( عشيق صديقتك والعياذ بالله )

بس العنوان مو متناسب مع القصه ؟

يالله لاتطولين علينا

 

[أميرة بأخلاقي]

الحمـــــــــدلله انك غيرتي رقم تليفــونك لأن واااضح وضوح الشمس ان هذا انسااان ما يخاف الله و كان ناوي يكون علاقه و يلعب و العياذ بالله




متابعيــــــــــن





​

 

[dream-land]

كملي اختي اترياج
الله يحفظك ويحفظ جميع نساء المسلمين
اختي في حياتك لا تسوينها مرة ثانية وتدخلين شاب غريب يحل لك مشكلتك لو هو طبيب ولا استشاري بمركز نقول البنت تستشيرن مختصين، لكن هذا واحد من الشارع ما تعرفين شو نواياه وشو اخلاقه، تحملي تسوينها مرة ثانية.
الله يستر ع الجميع

 

[إبرار]

السلام عليكم
انشالله كل الاخوات الغاليات في اتم الصحه والعافيه
اكمل قصتي وارجو الا تحكمو الا بعد ان تسمعوها اخواتي..
مرت الايام علي ولكن كنت اشك في زوجي ان له علاقه مع الفتاه التي يكلمها الا الان وقمت وكلمت وكلمت ولد خالت صديقتي ..رجاء اخواتي لا تدعون علي لانني كنت في غربه وكنت بعض الشي مستعجله في تصرفاتي..المهم كلمته وسالت عنه وقلت ان زوجي لسى على علاقه بالبنت هذيك قال لا ماعتقد انتم خارج البلاد ولا اعتقد ان يكلمها جلس يومين يكلمني بعدين قال خلينا نتقابل على الماسنجر قلت اوكيه صرت اقابله لما زوجي يروح الدوام على الماسنجر كان يخبرني عن بنت خالته التي اتضح انها ليست بنت خالته ولكن انه تعرف عليها وانها كانت تروح لاهلها اجازه وكنت اقابلها وقال ايضا ان العايله جمعيها خربانه حتى اختها تعرفت على خويي وهي لسى ماتزوجت
وان الام شكلها عارفه عن بناتها
قلت له الحمد الله انك قلت ليه كل شي عنها لاني والله ماقد قابلت او صاحبت مثلها ..المهم قال لي ابيك تكوني لنتي صديقتي قلت انا متزوجه واحب زوجي بس كنت ابي منك خدمه وخلاص شكلك تضحك علي وتبيني اصير مثلها والعياذ بالله
قال الشرهه علي اني كلمتك بس والله اني حبيتك
قلت روح تزوج وزوجتك تعوضك كل شي باذن الله
قال انا مابي اتزوج بس ادعي ليه بالهدايه
قلت والله اني ادعي ان الله يهديك
قام يبي يقول كلام مو زين يقول ودي اشوفك ومتى بترجعون وودي انام معاك قلت كذا وكفايه جلست يومين ماكلمه
لكن الطامة الكبرى راح تسمعونها
مره زوجي كان سهران براء وتاخر لما جاء لقاني انتظره وقال اعطيني الكمبيوتر عطيته الكمبيوتر
وجلس يطلع المحادثه من الماسنجر ..وقام وناداني وقال تعالي انتي مين تكلمين على الماسنجر قلت ولا احد قال تعالي..
وجاء وخلاني اشوف كل المحادثه معاه قال من هذا اللي يعرفني وتتكلمين معاه
كذبت اول مره وقلت واحد دخل بالغلط
لما كمل لقى فيها كل شي وقال هذي البنت لازم تكلمينها اذا انتي صادقه وجلست ابكي واقول له والله ماحب الا انت قصده على زوجت زميله
قلت والله انها هيه اللي عرفتني عليه بس الشيطان والله انني لست من صاحبات هذا الطريق ولكن انت ايضا من الذي جبرني ان اتبع هذا الطريق
قال كلمي صاحبتكم وخليه على الكرفون عشان اسمع ايش تقول
رحت وكلمتها وقلت لها انا وزوجي باكلمك وقولي الصدق انو الرجل هذا اعرفه قالت ابشري ولا يهمك
قلت لها والله بيتي بيخرب اذا ماساعدتيني
المهم جاء اليوم التالي وكلمتها وزوجي بجنبي وقلت لها كيفك وكيف اولادك وسالتني كيف اولادك وبعدين قلت لها كيف فلان اللي هوه صاحبها قالت مين هذا وزوجي قاعد يسمع ويطالع فيني قالت اشفيك شكلك تبين تخربين بيتي انا ماعرف الشخص هذا وقفلت في وجها
قال زوجي يالكذابه والله يابنات اني صادقه في كل كلمه
لكن زوجي فقد الثقه فيني وصار مايكلمني وان صرت اترجاه وقلت له لاحد يدري وانا بصير زي الشغاله لك بس خليني مع اولادي والله لصير لك زي ماتبي وجلست كل يوم ابوس رجله اترجاه
لكن ماكان يكلمني كنت ابكي عنده كل يوم يروح الدوام وقول له ارضى عني ولكن

كنت عايشه بين الحياه والموت لا اعرف ماذا اعرف وانا خارج البلاد لا اعرف احد جلست في غربه وبعد الزوج وحتى اهلي ماكنت اكلمهم الا في الشهر مره..جلست وانا تائه لا اعرف ماذا افعل او ان مستقبلي سوف يضيع وانها غلطت عمري نعم غلطه انني جلست اقراء سورت البقره كل يوم وادعي ان الله يغفر لي مافعلت وان يسامحني وجلست استغفر
سبحان اللهجلست كم يوم الا وزوجي يكلمني ولكن كنت احاسب نفسي لماذا فعلت كذا ولكن زوجي اجبرني على ذلك
كان مانعني من الطلعه
جلست وصبرت ولم ارفض له طلب مرت الايام ولكن كان زوجي يكلم اخريات وياتي بهن في بيتي بحجة البزنس وكنت اموت من القهر بس ساكته
كان يجلس على الكمبيوتر باساعات
جلست ادور وراه ولكن
كنت ارى كل شي بداء يحادثهن على الكمبيوتر وانا مثل التئاهه لا استطيع افعل شي يرسل رسايل غراميه للفتاة التي كان علاقه معاها كنت ارى المحادثات ورسائل البريد من قبل يعني الرسايل التي رايتها له في اليميل كانت ونحن في البلاد
كان له علاقه مع ثلاث او اربع منهن المتزوجات ومنهن واحده لادري اي تفاصيل عنها سوى انه يكلمها الا الان
كنت اقول الله كشفه لي وان كنت اشك فيه لكن والله العظيم ان شكي في محله
مرت الايام وكنت اكشف منه اشياء واشياء
ذهبت مره له في اواخر الليل ورايته يعمل العاده السريه جننت
وخليته ورحت اليوم التالي قلت له كيف تسوي كذا وانا زوجتك حلالك وانت تفعل الحرام هذا زنا
جلس يضربني ويقول كلام اني صابر عليك
سكت وصبرت وقلت ربي انت كفيل بما جراء لي فتوكلت عليك يالله
معى انه مرت علينا ايام حلوه كان طيب معاي وكان ولله الحمد معايه زوج صالح لكن بعد مرور سنه
صار يدقق على كل صغيره اذا شاف شي في البيت مو مرتب قال ليش كذا وكذا ويجلس يهاوشني عليه لكن قلت باصبر
كان ياتي باصحابه في البيت واعمل لهم الطعام
مرت الايام حتى السوق لم اكن اعرفه ولما اقوله ابي شي يقول قولي وانا بجيب
لكن ذات يوم جاء الي وقالنبي نروح نغير جو في دوله اخرى قلت له معاك يابو فلان
ذهبنا وكانت رحله كانني في الايام الولى من زواجي وعدنا
وبدات اتعرف على فتيات دينات يعلمني ماجهلت في الدين اذهب معهن الى المساجد للمحاضرات الدينيه
المهم مرت الايام علينا ولكن شكي في زوجي هو الذي يخلق المشاكل عندما ارى انه قام بمكالمتها لا اصبر واذهب اقول له تب الى الله
لكن كانت حياتي مستقره ولكن انا لم يكون الصبر لدي لكي اسكت على ماراه والله انه طيب احيانا لكن احيانا يعمل منى ولا شي في البيت لدرجه انه ياخذ الهاتف من ويحرمني من اي شي افعله عندما يصبح هناك مشكله كان يقول لي اذهبي الى بيت اهلك
يضربني على اتفه السباب واجلس واحتسب اجري على الله كنت ارسل له على اليميل لكي يتعض بعض القصص ولكن كان يرسل اللي المحادثه التي بيني وبين صديق صديقتي التي اقول الان حسبي الله ونعم الوكيل والله يهديها ويستر عليها
كان يهددني زوجي اذا اكتشفت اي شي يقول لي انني محتفظ بالمحادثه اذا فعلتي كذا مره ثانيه او فعلتي اي مشكله سوف ارسلها لخوتك وجميع اهلك وجميع اقاربك
والله يابنات على اتفه سبب يقول لي كذا صرت محتاره في حياتي والله مو قادره اعيش معاه ويهددني ويقول باقي لك طلقتين واطلقك
صارت حياتي كلها تهديد انا لم اعد اتحمل لم اعد اتحمل


ارشودني جزاكم الله الف خير هل استمر معى هذا الشخص هل اطلب الانفصال والله العظيم انني في حيره الان ارجوكم والله انني اكتبها ودموعي تتساقط

 

[زوجة مجروحة]

ماأدري إيش أقولك بس لا تفكري بالطلاق أبد ,,,, وأدعي والله يستجيب لك إن شاء الله ,,,
الله يعينك ويفرج همك ويريح قلبك ويصلح لكي زوجك ويجعلكي أحب الناس قلبه ويستر عنه عيوبك ,,

 

[الضوء العالي]

ننتظر إكمال القصة

 

[طفلة بريئه]

صراحة بدون زعل هذا خاين ..
ويعد عيني عينك ...
والله مقدر أقولج غير الله يفرج همك ويهديه ...
بعد إذا فات الفوت ماينفع الصوت ...
المشكله كانت تكمن من فترة الخطوبه ..
الله يكون بعونك ..

 

[إبرار]

الله يجزاكم كل خير خواتي ودعواتكم في ظهر الغيب
والله انا احتاج للمختصه وللاستاذه ناعمه الله يحفظها من كل شر ويحفظكم خواتي جميعا من كل شر
ابي اعرف وشالحلول والله ياخواتي انني في حيره وكل من قابلني يقول لاتفكرين بس لو تفكير انك ترجعين له
ارجوكم ابي الحل ارجوكم ارجوكم..

ارجوك استاذه ناعمه انقضيني انا في حيره من امري...
ارجوك استاذه اميره ابو حمدان والدكتوره اميره باخلاقي ونبضة قلب

 

[إبرار]

ماحد رد علي ياخوات والله انني في اشد الحاجه لكم ارشودوني اكثر من مئة مشاهده ولا تردون تكفون ياخوات

وجزاكم الله كل خير