الى الزوجاااات الثانياات بليييييييز ردو علي

[مملكة أنثى]

السلام عليكم ورحمة الله وبركاته

انا كلامي موجه للزوجات الثانيات كما هو واضح من العنوان
لنهم اكيييييييييد هم للي راح يقدرون يفيدوني اكثر عن غيرهم
بحكم انهم عايشات الوضع ويقدرون يفيدوني بنصايحهم وان شاء الله ما يبخلون علي


بدخل فالموضوع

بإختصار انا عمري 24 سنه وبعد شهرين بكمل 25
تقدمولي وااايد اشخاص قبل جي بس ما صار النصيب وكنت ارفض لنهم يا ناقصين دين او مستواهم المادي ضعيف واهلي ما كانو يوافقون
الموهيييييم الحين متقدمين لي شخصين
الأول يصير ابن عمي بس ما يعيش فالدوله مستقرين فدوله اجنبيه بحكم شغل ابوه والصراحه هو وايد ماخد على العيشه هناك يعني وااااايد كول وانا خايفه انه ما يكون توافق فكري مبيني وبينه

والثاني يا خواتي عمره 44 سنه متزوج وعنده عيااال ذو دين بعد ما سألنا عنه وعنده خيير واايد ومستعد يسويلي اي شي ابيه او اطلبه على حسب كلامه ،،،

شفتو الحظ الحمد لله على كل حال محد فيهم فيه المواصفات للي اريدها
بس انا خايفه اني اقعد ارفض فالخطاب ليييييييين اعنس

سؤاااالي للأخوات المتزوجات ؟؟

كيف وضعج كزوجه ثانيه ( يعني هل انتي مرتاحه ولا دخلتي على مشاكل ) ؟؟
هل الزوج للي متزوج ثنين يقدر يعدل ولا كلامه للي بيقولج ياه فالأول عن العدل والمساواه كله خرييييط
شو تنصحيني بالنسبه للعمر ( يعني هل بيكون بيني وبينه توافق !!!!!!! ) ولا ؟؟
انتي وضعج كزوجه ثانيه شو تنصحيني لو كنت اختج !!!!

تكفوووووووون ردو علي
الريال بيتريا ارد عليه وانا الصراحه دايخه ومب عاااارفه شسوي

والله يزاكن الف خير على الردود مقدما

وبالنسبه للإستخاره انا استخرت بس ما شفت شي !!!​

 

[نجد33]

غاليتي انتي استخيري اكثر من مره

وبالنسبه لاي رجل رح ترتبطي فيه لابد ان يكون المعيار الاول دينه

ثم اخلاقه

انتي مثل ماقلت لك استخيري واسألوا عن الرجال اللي عمره 44 وطوال وقت السؤال ووقت الخطبه استمري

وباذن الله ربي مايخيب ظنك فيه وماخاب من استخار

 

[بالاحلام]

استخيري
وانا من راييء الاثنين ما يصلحوا لك
الله يبعث لك اللي ابرك منهم

 

[همس25]

توك على تاخذين ابو 44 ليه بايره ولا فيك عيب توك بعز شبابك انصحك لا لا لا توافقين

حياتك مع شاب حوللك يفهمك وتفهمينه ابركللك

 

[الامراة الشامخه]

وشلك بالهم وجع الراس والله بتكون حياتك كلها نكد حتى لقمتك محاسبه عليها
والرجال بس بيدور راحته
طبعا اذا كنت زوجه ثانيه

 

[دمعة حارة]

الله يوفقك للي فيه الخير
عندي جارة هي الزوجة الثانية تقول نصيحة لا تتزوجون من متزوج هي نفسك خطبها عازب ومتزوج وفضلت الثاني على اساس ان عنده خبرة بالحياة احسن من العازب وتقول ندمت ضاع عمري بسبب المشاكل اللي شفتها من زوجته وعياله وهو يحاول يرضيهم على حسابي وتقول صار فرق السن بيننا يسبب لي مشاكل معاه تقول قلت لها مرة اكتب اي شيئ باسمي عشان اضمن مستقبل عيالي انا اشوف زوجتك وعيالك 24ساعة يطلبون منك فلوس وتعطيهم وما تعطيني يقولها ليش اكتب اي شيئ باسمك بكرة لما اموت بتمين صغيرة وراح تتزوجين وتتهنين بفلوسي انت واللي تتزوجينه وسوالف كثيرة لو بذكرها لك المكان مايكفي نصيحة فكري بعقل ولا تستعجلين عشان ماتندمين وترى انت لسه صغيرة والعمر قدامك

 

[wild angel]

بإختصار شديد ....

الوضع كزوجة ثانية .. زفت ...
وبالنسبة لموضوع العدل .. كله خرطي ...
وعلى افتراض حاول جد يعدل إنتي مشاعرك ونفسيتك هتبقى تعبانة بسبب الغيرة والتفكير لما يكون معاها ... وأكثر شي بيذبح هو التفكير ياترى ويش قاعد يسوي معاها الحين وهو جد بيعاملها مثلي ولا بيدلعها اكثر ...

نصيحة أخت .. مابدك وجع هالراس من أوله وإنتي توك صغيرة وألف مين يتمناكي فلا ترمي حالك بحفرة لأنو بعدين صعب تطلعي منها ....

بالنسبة لأبن عمك أعتقد من الأفضل تكلميه أول لأن المظاهر خداعة ومو كل واحد يعيش برا وكول يعني مو ملتزم
أما الثاني فهو بعمر أبوكي ... لا تفكري بالموضوع نهائي ..

 

[مكان القمر]

انتِ صغيرة وأشعر ان رجل الأربعين كبير بالإضافة أنه متزوج
وابن عمك ( كول وفري ) وهذا صعب

أستخيري في الرجلين وأسألي عن أبن عمك اكثر وأكثر وأكثر
فالسن أنسب

والقرار لك

 

[بداية النهاية]

انا زوجه اولى بس تصدقي اني احمد الله اني الاولى حالي احسن من حالها لانها مهمشه بكل ماتحمله الكلمه من معنا وزالله يوفقك وييسر امرك

 

[AUDI]

اهلين ....
25 سنه عمرك وتاحذين متزوج !!!!!!
الله يكتب لك الي فيه الخير .....

 

[الأمل المفقووود]

نصيحه لوجه الله لا تهدمين بيوت الناس لاتقبلين بالزوج اللي متزوج وذا الثاني مو عاجبك انتظري اكيد بيجي تصيبك ولاتسيتعجلي لان الزواج قرار مهم في حياتك

 

[فداك الجرح]

شكلج اهم شي عندج ان الزوج يكون غني..اذا تفكيرج فعلا بالفلوس عيل مابترتاحين بحياتج..شلون تفكرين تتزوجين من واحد اربعيني وانتي توج بعمر الزهور لا ومتزوج بعد..فكرررررررررررررررررررررري عدل وبعقل وقناعة واستخيري مليون مرة لانه سالفتج جدا حساسة..والله ييسر لج الخير

 

[أنشودة الحب]

اسمعي اختي انا زوجه ثانيه عمري 21 وزوجي عمره 40 والحمد لله يموووووووووت فيني مره ومدلعني مرررررره ويحاول يرضيني لي سنه وشوي متزوجه وبالنسبه لزوجته الاولى كبيره اكبر منه ودايم مع عيالها تسافر معاهم وهو عندي وتروح وتجي كله مع اولادها مي فاضيه له وهو مو مهتم فيها ولكن هو انسان مره عادل مايقصر معها اذا احتاجت شي ومايقصر على اولاده ويحبهم وحنون وانا وهي علاقتنا طيبه مع بعض لانه هو عادل فما صار بيننا مشاكل ابدا طووووول السنه اللي عشتها معاهم بالرغم اننا عايشين بنفس العماره الحمد لله فنصيحتي لك اولا استخيري اكثر من مره وثانيا اسالوا عنه ليش يبي يتزوج يعني زوجته فيها شي يخليه يتزوج مثلا كبيره وهو صغير او مي مهتمه فيه او مريضه ماتقدر تقوم بواجباته ولازم تعرفين علاقته معاه قويه ولا لانه لو كانت قويه راح تغار وتسبب مشاكل بس اذا كانت عادي يمكن تكون ماعليها فيه وبالتالي ماتغار عليه لاكن احب اقولك ترى الغيره في قلبك راح تضل موجوده منها حتى لو كانت مش مهمه عنده والله يوفقك واي استفسار انا حاضره

 

[أحب الحياة]

نصيحة لوجه الله حذاري ان تكوني زوجة ثانية

 

[ضجة انفاس]

مافيها شي تكون زوجه ثانيه او ثالثه الكلام على الرجال والله ثم والله هو اللي يقدر يمشي الامور بين زوجاته صح ويعدل ويخلي الحياه حلوه ويحسس كل وحده انها غاليه عليه وحبيبته يعني لو كان يعدل ويخاف الله الحياه بتكون حلوه والغيره موجوده موجوده سواء كنتي الزوجه الوحيده ولا الرابعه

لكن استخيري الله

 

[علويا]

استخيري أهم شي

 

[ام الشقيين]

نصيييييييييحتي لج لا تزوجين واحد متزوج وبعدين فارق السن كبير وأنت بعدج صغيرووووووووونه وحياة جدامج طويله

 

[ضيفة]

الزوجة الثانية ماراح تكون مرتاحة الا في حالة وحدة بس
اذا الزوج ماعدل
بمعنى مال لها وترك الاولى بالحالة هاذي بتكون حياتها عسل عدا هالحالة راح تكون حياتها نفس حياة الاولى اللي متزوج عليها

 

[ريمية]

حبيبتي ..انت ادرى بنفسك

يعني جلسي مع نفسك وشوفي:

هل انت من النوع الغيور جدا اللي مايستحمل ؟

هل انت من النوع العصبي..اللي ماعنده صبر؟

هل فيك ذكاء وحكمة وتعرفي تخططي للي تبيه جيدا؟

كيف وضعك عند اهلك هل عايشة جو الصدارة ومتعودة ع انك تكوني محور الاهتمام عندهم ؟

شوفي اجاباتك ع هذه الأسئلة ..وع حسب اجاباتك ممكن تقبلي وممكن لا

لآن الزوجة الثانية ممكن تلاقي المال والدلع والسفر والدنيا بشكل عام هذا اذا كان زوجها سخي

وهي قدرت تلعب عليه..لكن يظل الاهتمام بالأولى من الناحية الاجتماعية لأنها ام العيال

تظل الغيرة تحاصر الثانية وتحرق قلبها الاّ اذا كانت مابتحب زوجها وداخله ع طمع..

تظل تضغط ع اعصابها لأن اكيد بتواجهه مواقف حلها الصبر والتغاضي واحيانا التضحية.

ماعمرها بتحس انه زوجها لها لوحدها ..وان حياتها مستقلة ومو مترتبة ع ناس ثانين.

نصيحتي لك:

انت بعمري يعني توك صغيرة ع انك تضيعي عمرك مع ابن عمك اللي مرة كووول وفري

لان اللي يضيع دينه بيضيعك.

وبنفس الوقت صغيرة ع انك تآخذي متزوج ..يعني الوحدة بعد 28 سنة ممكن تفكر بمتزوج

الاّ اذا كان عندك اسباب مثل مو مرتاحة عند اهلك ..عايشة اضطهاد عندهم

فيك عيب مثلا ممكن يأخر من زواجك..حاجتك النفسية للزواج كبيرة مو ممكن تنتظري الخ

وعموما الزواج رزق من الله انت ادعي ربك يختار لك الطيب والصالح..وتوسلي له وتذللي بفقر وضراعة

والله يوفقك يا أختي

 

[هالةشو ونو]

لا ترضى ان تكونى زوجة ثانية تخيلى حياتك مع شاب صغير تبنى حياتك معه تفرحوا سوا وتتحملوا الحياة سوا صدقينى هى دة السعادة فى ان يكون لك زوج لك وحدك فى وقت تجديه معك فى اى وقت مش مشغول بغيرك واستخيرى ربنا كثيرا يمكن يكون نصيبك