الوزن والحمل

[دبدوب]

هلا بأحلى بلقيسيات000
حبيباتي أكيد يأثر زيادة الوزن على الحمل والا تفرق من حالة لأخرى ؟؟ تراني وايد متينة عن الطبيعي وصار لي متزوجة سنة وثمانية شهور سقطت مرة وبعدها ما حملت ؟؟ ساعدوني ما عارفة أخف وزني واتمنى أصير ماما ؟ انتظركم حبيباتي

 

[أميرته]

اختي الوزن أكيد يأثر بس ما يعني ان كل وحدة متينة مستحيل تحمل
دام دورتك منتظمة ففي احتمال أكيد تحملين لو الله شاء

بس لو ما كانت منتظمة هنا لازم تبدأي تحلين المشكلة مع الدكتورة
الحين عندك دافع قوي تشدين حيلك

اكلي أكل صحي وحطي 6 وجبات صغار بدل الثلاث
امشي ساعة باليوم أو اشتركي بالنادي


وادعي الله ليل نهار يرزقك الذرية الصالحة
الموضوع مو محتاج معجزة هي أسباب ودعاء والله على كل شئ قدير




\

الله يقر عينك بالذرية الطيبة عاجلا غير آجل يا رب

 

[رعبووب555]

يؤثر في البعض والبعض عادي ما شاء الله يحملون
فأنتي الافضل نزلي وزنج
اشتركي في نادي او جوفي دكتور تغذية
وامشي في اليوم مده نص ساعه او ساعه
وحاولي تتعشين قبل الساعه 8 م انا جربتها وضعفت من دون ما اكون قاصده
وبعد العشاء اشربي لبن لانه يحرق الدهون
واذا جعتي بين الوجبات كلي فواكه بس لا تاكلين " الموز والزيتون والمانجا " لانهم وايد يمتنون

اتمنى افدتج والله يوفقج ودعواتج لي

 

[أميرته]

صحيح وحبيت أضيف

أن الحريم اللي يتركز الدهن عندهم بالبطن يكون عندهم مشاكل أكثر في الدورة والحمل والهرمونات
أما اللي يتركز عندهم في الأرداف والمؤخرة يكون أقل تأثرهم وبالتالي ممكن يحملوا أسرع

هذه الملاحظة قرأتها زمان وكمان ملاحظتها عندنا بالعائلة
طبعا توزيع الدهن من جسم لآخر معتمد عالوراثة كثير

 

[فرحة عروس]

مرحبا بنات وانا نفسج اختي دبدوب رحت للدكتوره وقالت لي لازم تنزلين وزنج وانا بعد عندي مشكله بالهرمونات وماتجيني الدوره الا لما اخذ دوا والحين ابي احمل موقادره
الله يسهل امورنا يارب ونصير امهات آمييييييييييييييييييييين

 

[المنــــى]

أعرف كثير حريم كان العائق للحمل هو الوزن الزايد خصوصا الكرش...

وألحين شهر رمضان فرصه لتخفيف الوزن ...
وفيه حبوب تعطيها دكتورة النساء والولادة لتنزيل الوزن من أجل الحمل ..

والاخوات رعبوب واميرته ماقصروا ....

الله يضعفك بالعافيه .. ويرزقك بالحمل السليم المعافى عاجلا غير آجل يارب العالمين

 

[دبدوب]

حبيباتي تسلمن ذخر000بس أنا دورتي وايد منضبة ومدتها 28 يوم ووزني متوزع بكل جسمي يعني مافيه تجمع بمكان واحد 00000الله يرزقنا قادر

 

[شرشف]

والله اختى وزنها ميه وعشرين جد ما امزحوتحمل عادي بس حياتها الزوجيه والصحيه عذاب لا والله اختي نزلي وزنك احسن

 

[um_noora]

أعرف كثير حريم كان العائق للحمل هو الوزن الزايد خصوصا الكرش...

وألحين شهر رمضان فرصه لتخفيف الوزن ...
وفيه حبوب تعطيها دكتورة النساء والولادة لتنزيل الوزن من أجل الحمل ..

والاخوات رعبوب واميرته ماقصروا ....

الله يضعفك بالعافيه .. ويرزقك بالحمل السليم المعافى عاجلا غير آجل يارب العالمين

نفس الكلالالالالالالالالالالالالالام

 

[هند بنت عتبة]

اتوقع مو سبب اساسي
انا اعرف وحده متينه وايد ماشاء الله وتحمل عادي وعندها ياهلين والحين حامل بالثالث