النفاس والزوج

[انت غير]

السلام عليكم

شلونكم حبيباتي ..؟


انا نفاس لي 22 يوم .. وفي بيت اهلي .. اشك ان زوجي يخوني

وودي ارجع بيتي بس يوم قلت لامي قالت عيب وفشله انري لين يصير لج 40

شلون اقنعها بنات ..ضايق صدري وبس ابجي وولدي يبجي يبي ابوه

وماني مستقره بس امي تزعل شنو الحل ..؟

 

[كحولة]

ارجعي بيتج احسلج اليوم قبل باجر وماعتقد امج بتوقف في وجه راحتج ... ماله داعي تنتظرين لين 40 فهمي امج بالحسنى انج محتاجه ترجعين لبيتج .لا تخلين زوجج بروحه نصيحة من اخت لاختها..الله ييسر لج امرج .

 

[الخط الفاصل]

مع كحولة

 

[مايار]

ياقلبي دحري الشيطان وانا اايد انك تقعدين بيت اهلك لان والله طلعتك بعد النفاس احلى وتصير لها رونق خاص عند الزوج غير اذا طلعتي الحين والشي الثاني بعد النفاس الوحده تروح لزوجها زي العروسه ف انصحك اهمتي بولدك وبنفسك واتركي عنك التفكير لان الواحد اللي بيخون بيخون بكل مكان يعني ماتتوقع بروحتك لو كان خاين بدحرينه لان لو بيخون بيكون برى البيت ف كذا كذا انتي بس بتزيدين غيظ عليه وكل بتتخانقين معاه ف احس ان ودعيه ربك وكل ادعي له وكسبيه بصفك وكل ارسلي له رسايل حلوة وربي يبعد عن زوجك الخيانه والحرام وانتتبهي تتهورينو تقولين له اننت خاين او انا شاكه من تصرفاتك لان الرجال عنيدين وتنقلب عليك وقد يكون مايخون وانتي تفتحينه على امور كان خافي عنها فهمتي ياقلبي ومالك الا الدعااااااااااا ترى الدعا يرد القضا واستغفري بينة ذا الشي ومبروووووووووووووووووووووووووووووووووووك ع البيبي والحمدلله ع سلامتك

 

[ام حمود وشموه]

بصراحه انا اشوف تردين بيتج احسن لج ولريلج وولدج خلي يهتم فيج شوي

 

[اه من برد الشتا]

الله يعينك يااارب

 

[صمود بنوتة]

والله من رائي كلام اختى مايار روووووعه اتمنى تنفذينه عشان ماتندمين لانه صحتك احسن لك

 

[دلع قلبه]

طيب اعزمية بيت اهلك وشبعيهـ ..
يعني مو لازم الا يكون تحت عينك طول الوقت عشان تضمنينهـ

(العلاقة الخاصه مثل الطعام
لما تكونين شبعانهـ مايكون لك رغبه بوجبه ثانيه
لما تكوينين جوعانه ممكن تاكلين اي وجبه تسد جوعك)
مابين القوسين كلام الاستاذه ناعمه بتصرف مني الله يجزاها خير ويرضى عليها ويرضيها..

 

[دفا الحب]

والله انا اشوف انو رجعتك بس تعب لك ولنفسيتك
اتحملي الين تطهرين وغيري شكلك ونقشي واصبغي شعرك وارجعي عروسه
حتى هو بيكون مشتاق ولو كان عنده زله يمكن برجعتك كدا يتوب
اما رجعتك الان مالها داعي ابد الرجال بيبقى محروم وشايفك بس نكد عليه بالبيت
ارتاحي وامك اشوفها صح100%

 

[ورد الفل]

ارجعي بيتك
غريبة قصة هالنفاس ابو اربعين يوم
النفساء والدة مو مريضة يعني مافيها شي
اسبوع وخلص بترجع لحياتها الطبيعية
خلي زوجك يحكي مع امك ويطلبك

 

[ربي كن معي]

حاولي يجيك البيت كثير ما أييد تروحي ألين تخلصي روحي عروسه فرحانه مو متنكده

 

[غاليه ياناعمه]

شوفي اعزميه في بيت اهلك واستعدي له واشبعيه ذيك الليله وارسلي ولدك معه قولي مزعجني يبغاك خليه ينوم مع ابوه وقولي عشر ايام وراجعه لك وللبيت ​

 

[perfume]

قولي لأمج الله يعطيها الصحة انج ماترتاحين تقعدين بمكان بعيد عن زوجج وتحججي بالولد
واذا تحسين انه يخونج فلو تحاولين من الحين تصلحين زوجك الله يصلحة قبل يتعود عالوضع ويدمن عليه
الله يهديه يارب

 

[اسيرة فكري]

انتى لك 22 يوم وامك مهي راضيه تروحين بيتك كملي اسبوع بعد ويصير شهر وفي هالاسبوع اهتمي بنفسك ودهني جسمك كل ليله وسووي نيو لك وروحي ماخذه شهر حل وسط ومره ثانيه ولدي بيتك وريحي نفسك ترى الي تولد في بيتها احسن لها عشان ماتتشحطط المفروض البكر فقط تروح لبيت اهلها

 

[وردة أمل2]

لا حبيبتي لاترجعين انبسطي عند امك واتدلعي وتعوذي من ابليس يمكن هذي مشاعر مابعد الولاده اكتئاب وساويس وان شاء الله مافي شي واهتمي فيه بالرسايل حسسيه باوقات الخطوبه قبل يجيكي شوي ويمشي وكذا رجعي نفسك لايام العزوبيه
وبالتوفيق ان شاء الله والله يهدي بالك

 

[الداعية إلى الل]

السلام عليكم
ياختي تعوذي من إبليس إنما النجوى من الشيطان ليحزن الذين ءامنو
استودعيه الله
وإذا كان ليس له رادع من الله فلن ينفع خوفك
اسال الله ان يوفقك
ويسخر زوجك لك
آمين

 

[برائة]

حبيبتي امهاتنا الله يطول باعمارهم مساااكين مايدرون بمصايب هاليومين انتي قولي لها ان الرجال قالي تعالي والبعد مو زين ومن هالكلام وعند زوجك قوليله احس اني مارتحت الا لمن دخلت بيتي

22يوم يعني الحمد الله تقدرين تتحركين وتمشين ارجعي

الله يهديه ويسخره لك

 

[دانه العيسى]

دامك سبق وخلفتي وعندك بيبي
اجل ما يجهلك من امور النفاس شئ ...
ارجعي بيتك وانتي معذوره ..
ترى النفسيه لها دور كبير في النفااااااااااااس وانتي نفسيتك
بتتحسن ببيت زوجك .. جمعي اغراضك .. وروحي لبيتك ..
ووضحي ل امك شنو هامك ..
ربي يسهل امرك ​

 

[مرمورة]

أصلا لو عملنا إحصائية عن أسباب الخيانة وأول مرة خان بها الزوج

فستكون فترة النفاس هي المسبب الأول

رجل بكامل نشاطه وحاجاته العاطفية والجنسية تتركه زوجته وحده عزابي لأربعين يوم قد تمتد لشهرين ...هل هذا منطقي؟

غاليتي تفكيرك سليم إرجعي لبيتك فورا واعتذري لأمك بلباقة وانتهينا

 

[حزينه حد الجنون]

والله ياقلبي لو يخون وانتي في البيت بيخون ورجعتك مابتسوي شي خلك عند امك تهتم فيك وخلصي الاربعين وغيري في شكلك وروحي بيتك الله يسعدك وان شاء الله تكون شكوك فقط خيانت زوجك والله يسخره لك