النجددددددددده

[كوكب المريخ]

مرحبا...
شلووونكم بنات؟ لما شفت ردودكم ومشاركتكم الفعاله حبيت اكون عضوة جديده معاكم في هذا المنتدى الاكثر من رائع=)
نتدخل بالموضوع..
بنات انا قبل فترة قصيرة ملكت على شخص ولله الحمد طيب وحبوب الله يتمم عليه لكن المشكلة فيني!!!!

أستحييييييي منه حييييييل مو قادرة أعطيه مثل مايعطيني ودي بس شي يردني مو عارفه شسوي ودي اصير جريئه شوي عشان مايمل مني لأن أهو لمح أنه يبيني أعطيه وأتجاوب معاه!!
يعني السوالف اللي تكون عن الاهل الدوام عادي اخذ واعطي معاه لكن الأمور الثانيه أصير طررررمة!!!
ساعدوني ودي أدلعه وأدلع علييه شلللون أدلع!؟ شلون اخلييه يتعلق فيني لأني اتصال ما اتصل أهو يتصل والرسايل أرسل لكن مو كثير!!
اللي تساعدني الله يفتح عليها دنيا وأخرة ويوفقها وين ماتروح

 

[% ام عمران %]

الحياء شي طبيعي و فطري في الانثى..

خاصة اذا كان زوجج غريب و مو من العايلة..


ان شاء الله شوي شوي .. و مع الايام.. بيزول الحيا و المستحى.. و بتكونين جريئة ان شاء الله


حاولي تطلعين اللي في خاطرج بالمسجات..

و شوي شوي... بتحسين انج راح تقولينها له وجها لوجه..


عيشي هاللحظات الحلوة من الحياء و المستحى...

لانج عقب الزواج.. و عقب ما تتعودين على زوجج.. ما بتعرفين كيف تستحين منه


و بتقولين...

ألا ليت الشباب يعود يوما.. حتى استحي شوي هههههههههههه


بالتوفيق في حياتج حبيبتي

 

[%مسز دلوعه%]

هلا فيج حبيبتي عضوه جديده معانا
بالنسبه للموضوع انا اشوف انج تتجرئين وتتدلعين معاه بالمسج يعني تقولين كل اللي تبينه من كلام ودلع بمسج وتدزينه له وبعدين اهو بيستانس منج ويرد عليج بمسج وعقبها اكيييييييد راح يتناقش معاج لما تكلمينه باللي كتبتيه وشوي شوي راح تتجرأين معاه .. وبجذي ان شاء الله راح يروح الحياء منج بس ولو شوي
الله يسعدكم ويهنيكم يارب ​