المهاجرة .. زوجات الجنوبيين .. أنا في ورطة

[رائحة الحب]

ما أدري كيف ابدأ
بس ودي أعرف الجنوبي ينفع معاه اذا زعلني أو صارت بيننا مشكلة اسكت لأيام وما اتكلم معه

وش اسوي صراحة يجيب المرض
لازم دايم هو الصح
يخطي ولايعترف بخطئه

يعاقب الأطفال على تصرفات تافهة عقاب شديد فيحرمهم الخروج من البيت اذا اجتمعت العائلة
واذا بينت له ان التصرف تافه و ما يستاهل يزعل ويقول انت ما لك دخل

فازعل ولا أكلمه
ممكن القى حل عندكم

كيف اخليه يراضيني
كيف اخليه يترك غروره

 

[رائحة الحب]

وينكم

يا زوجات الجنوبييييييييييييييييييييييييييييييييييييييييييييين

 

[طفله حزينه]

والله ياعمري كان الله في عونك ان شاء الله البنات يفيدونك

 

[نواره99]

يااختي ماانصحج الزعل يكون اكثر من يومين
وبعدين كل شي يجي بالتفاهم تقدرين تتفاهمين معاه باسلوب حلو ودلع الجنوبيين يحبون الدلع حاولي تستغلين هالشي لصالحج
واذا صار خلاف بينكم عند الاطفال الاحسن تدخلين الغرفه وماتقولين شي ويوم يهداا حاولي تناقشينه
يعني لا تناقشينه وهو معصب خليه شوي
والله يوفقج

 

[ريمانوفا]

اختي ما رأيك لو كتبتي شكواك

في ملف الجنوبي؟؟

وشكرا لك​

 

[قمر وعسل]

غريبة حبيبتي زوجي جنوبي غربي ومن يوم تزوجنا هو يصالحني كلما صارت مشكلة حتى لو كنت انا الغلطانة وما يتحمل الزعل يطول اكثر من يومين غالبا الا اذا كانت منشكلة كبيرة ممكن يتاخر شوي لكن يصالحني فالاخير ... يمكن انت عودتيه انج تصالحيه كلما زعل من الاول؟؟

 

[أم صغيرون]

إيه والله انا زيك دائما هو إلي يصالحني ونادر جدا إذا صالحته

 

[فتاة الخير]

اممم انا دايم يهاوشني اني مااتاخر بحل المشاكل..
انا مومشكله نجلس يومين عادي لكن اذا تاخرت عليه يزود وينقلب علي
لكن مشكلته يحل المشكله بساعتين ويطلعني دوم الخطا..
تعبني حيييييل

 

[ام الآء]

صالحيه .. ولا تزعلين على اشياء ما تسوى ..

ولا تتدخلين بتربيته قدام الأطفال لأنك فعلا أخطأتي بانتقادك له أمام الأطفال ..

أو بإنتقادك له بشك مباشر ..

ربي ييسر أمرك

 

[ساحرة البقر]

فعلاً كذا الجنوبي مايعترف بخطأة مو غرور لا

لانه يخاف على صورته قدامك تهتز يخاف انو يصير في نظرك الرجل الغير مثالي اذا اعترف بخطأة

انا لما فهمته اكثر خفيت شوي من هالموضوع لكن الله يصبرنا عليهم

 

[ندى3]

الجنوبي مايحب الزعل لاتزعلين على اشياء تافهه من حقه يربي العيال زي مايبي هذولي عياله انتي وسعي صدرك ولاتزعلين عى كل شيخلي الزعل في الامور الكبيره عشان يصير لزعلك قيمه ويجي يراضيك ربي يوفقك ويسخر لك

 

[محبة الابتسام]

والله وحدة نصحتني اني مااتدخل بين زوجي وعيالي وقت المشكلةابتعد فورا واخليهم يصطفلوا مع بعض ونجحت الخطة لاكن احذري الاعراض عن الجنوبي غلط غلط فهميه بمنطق وعقلب ومن ثم بالقلب والحمد لله الجنوبي وقت العصبية اكيد مابتخافي على طفلك معاه ماراح ياذيه وراح يحن عليه بعد مايهدا

 

["وردة الشتاء"]

اختي الزعل لازم يكون بمكانه يعني بالاشياء اللي فعلا تزعل وكبيره بس من دون تطنيش ولعلمك الجنوبي اذا زعلتي روحي لعنده وصارحيه بزعلك وقومي وخليه .... بيجي لحد عندك والله يوفقك​