المقارنات ذبحتني وش اسوي مع هالآدميه خنقتني ..

[sarab jojo]

بإختصار ..
المقارنات خانقتني .. وحده تقارن نفسها فيني بكل شيء بكل شيء بما للكلمه من معنى ..
زوجي وسيم وزوجها جماله على .. ولدي هادي ولدي العكس مع إن ولدها أكبر .. زوجي جامعي زوجها وظيفته أقل ..
زوجك يطاوعك زوجي ما يطاوع .. ولادتك قيصريه تصدقين والله أحسن لك من الطبيعي ..هنا بغيت أخبطها على راسها اسبب لها إرتجاج
اهل زوجك طيبين .. أهل زوجي مو كويسين .. مع إن والله بالذات خالها وخالتها إنهم يتعاملون معاها يا دهينه لا تنكتين .. يمكن يكون في خلافات بينها وبين حمواتها بس انا اشوف راس المال الام والاب البقيه عمرهم ما هموني
يابنتي إرحمي أهلي وربي من ألتقي فيها تضيق فيني الوسيعه .. وولدي ينتكس بس يصيح ويتحجج وما ينام .. يختبص علي من كثر ما تتغبط فيه ..
ولدها يسوي حركات غبيه يصارخ ويتفل ويعفط بوجهه بوجه الناس ولدي هالإسبوع لقط هالحركه منه وصار يقلد ..
دايم معتقده إن حياتي مثاليه ومهما صار فيها من مشاكل تعتبر ولا شيء بالنسبه للي هي تعانيه وقسم بالله بغيت يوم اتهور واقول لها إني كنت ناويه انفصل عن زوجي بسبب المشاكل بس تعودت من بليس ودحرت الشيطان وخفت على هالولد لا يضيع بغيت ابين لها ان عمر الفلوس والراحه الماديه ما كانت سبب للراحه النفسيه .. بغيت ابين لها عمرها ما كانت الشده في التعامل مع الزوج والرخاوه بزياده ما حققت نجاح .. مرة ارخي ومرره شدي لكني والله تعبت
تجي تشكي قدامي انها تعبانه من حياتها ومن اهل زوجها ومن زوجها .. والله ادري الواحد محتاج ان حد يسمعه وانا قريبه منها وشيء طبيعي تفضفض لي .. بس اقول يا ترى لو انا بتكلم عن اهل زوجي اللي اهم اهلها بنفس اسلوبها هل بترضى هالجمل عليهم .. والله ما بترضاها .. مهما أذوني اهل زوجي ما اتكلم عليهم قدام أحد الا امي لان الأم بس اللي تقدر الموقف وتنصح ..
انصحوني وش اسوي معها من تجي تقارن شلون ارد عليها .. لان بصراحه ما عاد لي قدرة اني اسكت واتحمل اسلوبها المزعج
​

 

[wa7da co0ol]

قوليلها مااحد خالي الكل يعاني

 

[كلـ حياء ـي]

قولي لها حبيبتي اشتكي لي بدون ماتقرنين نفسش بي لان هذا يضايقني احس انش حاسدتني وترى الشيطان شاطر.. قولي لها بسلوب حلو..صارحيها

 

[ام اسارين]

الله يعينك حياتي
خوات زوجي مثله واردى حتى الشكولاته اللي بالثلاجه غبطون عليه
صرت اعطيهم اكبر طاف اذا تكلموا
24 ساعه حش يرجالهن وحمايلهن
اكتشفت انهن يخافن من العين ويغطن بكلامهن
اعرفي ان وحده تجي تقولي زوجي مايبي السوق والله العظيم نص ساعه وطالعه للسوق
الصراحه ماادري وش يحسون فيه
الله يرزقنا الحكمه

 

[رندا كووول]

قولي ماحد يخلو من الهم بس فيه ناس تحل مشاكلها بالفضفضه وناس تحلها بالكتمان..
واذا بدأت تقارن لاتردي عليها .غيري الموضوع.
الله يكون ف عونك

 

[ام اقمرين]

لا يخلو بيت من المشاكل انا عندي مشاكل وممكن اكثر منك لكن انا ما افضفض نفسك واذا كنتي تروحي لها باستمرار خففي اروحات او روح ومعاك حد من شان ماتتكلم وتفضتض او اذا جات تتكلم غيري المضوع قول ترا راسسسسسسسسسسسسسي بينفجر ممن المشااااااكل ومابي اسمع مشاكل حد اللي عندي مكفييييييييييييني

 

[الساعه الرمليه]

شوفي النوعيه هذي من الناس أتقي شر عينها لأنها تبين حسدها
وما تخبيه لما تقولك أي شي قوليلها أذكري الله ترى العين حق والشي الثاني بينيلها أنك تعيسه أحيانآ
وأن ولدك سوا وسوا أي شي تحسينه عاجبها وضحي لها عكسه
تحصني وحصني طفلك دائمآ وكلي 7 تمرات كل صباح والله لو حاولت تسحرك حتى ما قدرت
أكل التمر له قدره عجيبه على صد العين والحسد والسحر ...
وإذا كنتي تقدرين تتجنبينها وتعاملينها برسميه أفضل ...

 

[sarab jojo]

والله دوم ابين لها ان محد خالي من المشاكل بس نظره الحسد صارت تنفرني منها ومن ولدها ..
والمشكله ما اقدر اخفف زياراتي لان اجتماعنا يكون بيت اهلها بحكم ان زوجها دوامه غير ثابت ودوم هي بيت اهلها يعني من انزل لبيت اهلها زيارة تكون مقابلتني اغلب الوقت ..
آه يا قلبي والله ساعات الله لا يعاقبني اقول بقوم انام .. وانا مافيني نوم بس ابي اقوم اروح غرفه بروحي بعيد عن عيونها .. ومراقبتها لتصرفاتي أنا وولدي ..

 

[احساس صعب]

الله يصلحها ويهديها ويكفيك شرها


استكفي فيها بالله دائماً قبل ما تدخلين قولي للهم اكفني فيها بما شئت وكيف تشاء


وخذي من أثرها مثلاً فنجان اغسليه في ماء وبعدين زيدي عليه ماء دافي واغتسلي به أنتي وابنك وحتى زوجك رشي عليه منه وعلى بيتك

 

[أخت في الله]

استكفي فيها بالله دائماً قبل ما تدخلين قولي للهم اكفني فيها بما شئت وكيف تشاء

بسم الله الرحمن الرحيم

استعيني بالله غاليتي ولا تتركي الدعاء كدعاء أختي احساس صعب بارك الله فيها... وكما قال الأخوات بارك الله فيهن حذاري من العين ... والعين نتقي شرها بالذكر المتواصل ... وكلما تحدث أحد إليك بيما عندك من سعادة فرددي ماشاء الله لاقوة إلا بالله في نفسك حتى تحميك من شر النفوس وحسدها

أما تعاملك معها طيف يكون؟


إن تعبتي من شكواها وما عدتي تتحملين فقولي لها "" مارأيك أن أرشدك لخير الطريق..وهي الشكوى بين يدي الله..فالله لايحب أن يلتجأ العبد لغيره في شكواه ..وقولي لها يافلانة والله ان من يجعل شكواه بين يديه سبحانه يجعل له مخرجا والتزمي الصلاة والدعاء مع الصبر لحين الفرج إن شاء الله..وكلما تكلمت قولي الشكوى لله والحمدلله على كل حال

وإما

إن أردتي أن تكسبي أجر إصلاح ذات البين فلا شك أنها مقهورة من حياتها وتحتاج لمن يوجهها..فاسمعيها وحاولي أن ترشديها إلى الطريق الصحيح تكسبي أجرها... فإن كان لها مشاكل مع زوجها فانصحيها بالصبر وإن كان مع أهل زوجها فانصحها بتوطيد العلاقة معهم بأفكار تجدينها إصلاحية....يعني حولي الحالة التي بين يديك من حالة تزعجك بشكواها إلى حالة تستغلينها في كسب الأجر عند الرحمن عن طريق إرشادك لها... ودائما جري بالحديث إلى وجوب توطيد علاقتها مع رب العباد لتنحل مشاكلها.. وانصجيها بالدعاء وأن كل بيت لا يخلو من المشاكل لكن نحمد الله على كل حال .... لكن لا تبتعدي عن كلامها بأن تفشي أسرارك لها وأنك كنتي لا تطقين زوجك أو كنتي تنوين الإنفصال.... حذاري فمن الواضح أنك لا ترين فيها صفات الصديقة المناسبة...والعبد لا يفشي أسراره إلا لصديق فيه شروط الإيمان والصلاح

وأجر الإصلاح عند الله كبير قوله تعالى:

﴿وَالَّذِينَ آمَنُوا وَعَمِلُوا الصَّالِحَاتِ وَآمَنُوا بِمَا نُزِّلَ عَلَى مُحَمَّدٍ وَهُوَ الْحَقُّ مِن رَّبِّهِمْ كَفَّرَ عَنْهُمْ سَيِّئَاتِهِمْ وَأَصْلَحَ بَالَهُمْ﴾ [محمد: 2]

...........................................

أسأله تعالى ن يبعد عنك كل عين وأن يرشد صديقتك لصلاح وأن يريح بالك غاليتي

 

[سمسم كيوت]

دعاء الكرب


لا إله إلا الله العظيم الحليم ، لا إله إلا الله رب العرش العظيم ، لا إله إلا الله رب السموات و رب العرش الكريم ". ( متفق عليه ) قال صلى الله عليه وسلم دعاء المكروب :" اللهم رحمتك أرجو فلا تكلني إلى نفسي طرفة عين ِ و أصلح لي شأني كله لا إله إلا أنت ". " الله ، الله ربي لاأشرك به شيئا

 

[لين0]

استشفيت من كلامك انها جاهله .. خديها على قد عقلها .. ولاتحاولي تحتكي فيها كثير لاانتي ولا ولدك .. ولاتتكلمي عن حياتك امامها .. خلي جهلها على نفسها .. واستودعي نفسك وولدك الله ..

 

[مزايا انسانه]

يبدو ا انها انسانه فاضيه ماعندها شغل الا تراقب فلان وعلان

اختي كبري عقلك معاها
حاولي تنصحيها بطريقه غير مباشره

افهميها مسالة الرضا بااقدار الله وكل واحد ياخد نصيبه من الدنيا

اقطعي الحش والسماع معاها
حتى لو اجتمعتي معاه قاطعيها لاتخليها تكمل كلامها
وانشغلي بشئ يفيدك
موفقه يالغلا

 

[المتغلية]

انا مع الاخوات في كلامهم ماشاء الله ماقصرو قالو نفس اللي بقوله

 

[sarab jojo]

المشكله انها مو جاهله ومتعلمه ومتابعه لمواضيعكم يابلقيسيات ..
ومع ذلك لا تسمع نصيحه لا مني ولا منغيري شايفه نفسها الوحيده اللي تفهم بالنفسيات والناس والتربيه والفاشون وكل امور الحياة ..
الله يعين قلبي
بحاول اتجاهلها وامري لله بس من جد من نلتقي ولدي ينعفس فووق حدر ..

 

[كارهة الحياه]

كلام الاخوات كتير منيح بس الواحده يلي متل هيك منا قنعانه بنصيبها وزي مايحكو مايحسد المال غير صحابه

 

[اميره هاشميه]

مدامها متابعه لبلقيس
فاعنقد انها هتشوق هالموضوع وراح تعرف انه انتي
وهي المقصود بالكلام
وان شاء الله تفتكي من عينها وتستحي على حالها

 

[حيرتونا]

:31:الله يهديها عجبتني جملة وبغيت اخبطها على راسها هههههههههههه تستاهل والله لو عملتيها

حبيبتي زي هذه النوعيه تلقيها اصلا ما عندها المعاناه الحقيقية ودايما تربط نفسها بالاخرين فلانه عندها وفلانه راحت وفلان ما ادريي ايش

المهم ذكريها ان الي قاعدة تعمله ما يجوز
وكل يوم اعطيها دروس بالدين عسى الله يصلح حالها تلاقيها مسكينه

 

[بنادوله مصدعه]

طنشيها وولاتخافين من العين مادامك تتقرين الورد ماعليك

 

[معلمة متألمة]

عانيت من نفس المشكله.... من سلفتي سابقا .... حسبي الله ونعم الوكيل نعم المولى ونعم النصيــر .... والله العظيم اني اقرى المقارنات وانج رجعتيني سنين ورى رجعت لايام زواجي ومقارنات سلفتي.... زوجي احلى من زوجها ... و وظيفته احسن من زوجها .... و اهلي في نظرها هي انهم احسن من اهلها ... كانت تقولها بوجهي و ماكنت اهتم بهالشي..... وخراب بيتي كان على يدها فقط ل غبائي وسذاجتي وطيبتي اللي مالها حد.... صح زوجي اوسم من زوجها بس زوجي صار يغازل وصار يسويها قدام عيني ولا كأني موجوده.... شربني المرّ اللي ينذكر وراواني نجوم القايله اللي تنذكر غصب عني وعنه..... عقب ما كنا مضرب مثل لأسعد ثنين بالعايله.... الحسد والمقارنات والسحر خراب حياتي اسال الله العلي القدير ان يفرج همي وكل مهمووومه يارب ويريني مايثلج صدري فيمن ظلمني عاجلا غير آجل.... والمقارنات هي التي اخرجت ابليس من الجنه وبسببها طرد من الجنه وخلـّد ف جهنم.. المقارنات ايضا سبب ظلم اخوة يوسف..

اذا هذي سلفتج حطي بينكم حواجز ولا تعطينها اللين بالكلام خليج رسميه وابتعدي عنها ولو قارنت قولي لها بوجهاا محد كامل والمره السنعه ماتقارن زوجها بأي رجال غيره فشليها وخل تعرف حقارتها وقلة ادبها.... ( وهذي حقيقه... احترم اي زوجه تشوف زوجها احسن رجال ف الكون ... احترمها وادعي لها بالغيب.. بالسعاده التي لايتلوها شقاء..)...وبخصوص القيصريه ... عرفتي وشو تقصد!! بصراحه ناااااس تفكيرهم ما ينوصف والله ذكرتني بسلفتي سابقا نفس تفكيرها ونفس سوالفها بالضبط ..حاسدتج بعد بهالشي...!!؟.... من كان حسبه الله ف لن يندم ياغاليه ولن يفقتر ولن يخذل

دام هي مب ام زوجج ولا ابوه اقطعيها ما وراها خير..... ولا تحترين من هالاشكال ..والزمي الدعاااااااااء والاستغفاااار وربي بيكفيج شرها...
شنهي علاقتج فيها .. اذا تقدرين تقطعينها ترى تسوين بروحج خير....... ولاتسولفين لاي احد عن زوجج وعن بيتج.... الناس ما وراهم خير الا من اتقى الله وحتى اللي متقي ربه مافيه فايده اقول له اي شي عن زوجي..... الحياة الزوجيه خاصـــــه.. للزوجين فقط دون غيرهم حتى ابناءهم... بس وين اللي يفهم.... الله يعينج ياغاليه ويكفيج شرها بما شاء رب العالمين وكيفما شاء... اللهم اكف اختي ما اهمها وفرج همها وازل كربها ...
اللهم اني استودعتك اختي وزوجها وذريتها من شياطين الانس والجن يا من لاتضيع ودائعه..
معلمة​