المشوره من الاخوات

[ليالي m]

بنات عندي موظوع ابي حد يساعدني فيه

لو تكون راعية خبره يكون احسن

انا سارلي متزوجه فتره تجي 8 اسنين

قبل الزواج كنة نعومه يعني من ناحية الجسم والكلام والترتيب

يعني تووووب من كل النواحي

ماكملة سنه من زواجي الا وانا تسسسسسس راح كله هذا والله لحد يومكم هذا وانا اتسائل

شو الي تغير احس ابد مو مرتاحه لامعا زوجي ولا مع الكل

قطعة صديقاتي بس بنا مسجات الي ماتكفي ابد

استوت ماعندي هوايا ولا هدف موعين

كلامي استوا مومل لي ولقيري طبعن الفظل كله لزوجي المصون

الي ماعرف قيمتي من اول مااخذني ولحد هذا اليوم

اول ماتزوجنا بووووووو قالي انا دايمن صح ولو تشوفين الغلط تقولين صح

يعني محملني اقلاطه الين ماتركة كل شي ورا ظهري

ابي حد يساعدني في مشكلتي ابي ارد مثل اول واحسن

بنات شو اسوي لاتقولون ردي لرفيجاتج حتى مواصلات مش متوفره لي

 

[ليالي m]

مشكورااااااااااااااااااااات ولا وحده عطتني ويه

 

[homar]

حبيبتى مشكلتك الانسب لها استشارات زوجية مش الاناقة والجاذبية ينقل

 

[ليــــلى]

شكله وقتك ضيق أو غير منظم
حتى باين من طريقة تعبيرك
هدي نفسك شوي وريحي اعصابك
خذي الأمور نقطة نقطة .. انتي الحين تبين ترجعين مثل قبل .. صح؟
يوم كنت في بداية زواجك جسم وشياكة وأسلوب ويحسب لك ألف حساب وخاصة المصون زوجك
انزين .. شوفي يومك كيف يبتدي وكيف ينتهي .. اهتمامك ينصب على شو فيه ؟؟ هل تسخرين لك ساعة للعب الرياضة ؟؟ هل تفتحين اليوتيوب وتتعلمين تسريحة أو ميك أب جديد؟؟ هل تثقفين عمرك وتقرأين ولو على الأقل جريدة اليوم؟؟

إذا كانت اجابتك لا وإنك مشغولة فنأتي هنا لعمل جدول تنظيم الوقت .. لازم تصنعين لك برنامج يومي تعطين فيه لزوجك وعيالك وبيتك اهتمام لكن الأهم هو انك تعطين نفسك اهتمام

من خلال ذلك سترين تغير كبير ورضى عن نفسك

والله يسعدك

 

[أم الأقمـــــار]

بنات عندي موضوع ابي حد يساعدني فيه

لو تكون راعية خبره يكون احسن

انا صار لي متزوجه فتره تجي 8 اسنين

قبل الزواج كنت نعومه يعني من ناحية الجسم والكلام والترتيب

يعني تووووب من كل النواحي

ماكملت سنه من زواجي الا وانا تسسسسسس راح كله هذا والله لحد يومكم هذا وانا اتسائل

شو الي تغير احس ابد مو مرتاحه لامع َزوجي ولا مع الكل

قطعت صديقاتي بس بنا مسجات اللي ماتكفي ابد

استوت ماعندي هوايا ولا هدف موعين

كلامي استوا مومل لي ولغيري طبعاً الفضل كله لزوجي المصون

الي ماعرف قيمتي من اول مااخذني ولحد هذا اليوم

اول ماتزوجنا بووووووو قالي انا دايمن صح ولو تشوفين الغلط تقولين صح

يعني محملني اقلاطه الين ماتركة كل شي ورا ظهري

ابي حد يساعدني في مشكلتي ابي ارد مثل اول واحسن

بنات شو اسوي لاتقولون ردي لرفيجاتج حتى مواصلات مش متوفره لي

.
.
.
.
.
.


:23:

 

[أم الأقمـــــار]

غلط كل اللي تسوينه في نفسك

اهم شي حبي نفسك وارجعي مثل ماكنت واحسن

الحين الزمن للقوي مو للضعيف

حتى زوجك بتحلين بعينه لما تصيري مهتمه بنفسك وبلبسك وثقافتك ومجتمعك

وش الفايده من الحرمه اذا لاكشخه ولاصديقات ولا لباقه في الكلام

سهل جدا يبحث عن غيرك


.
.


انتي عارفه المشكله وعارفه حلها وعارفه مين السبب والغلط كله

فوقفي وقفة شجاع واعزمي وتوكلي على الله

 

[ليالي m]

هههههههههههههههههههههه

ام الاقمار ماشاء الله عليج صلحتيلي الاملاء

شكلج استاذة عربي

تسلمين الغلا

بس مافي دافع يساعد اني اغير والله كل ماحاول يوم وينتهي

تقولين مدعاي على الله المستعان

 

[الزمان البعيد]

اول شي حطي حد لزوجج
ليش دايما هو الصح
ليش عيوني ملاك ما تغلط
واذا غلط فهميه بلباقه غلطه
لا تقوليله انت غلطان
بس حطي في باله انت تغلط
الشي الثاني
تغيرج هذا بسببك وليس بسبب الزوج
لان انتي تخليتي عن هذه الاشياء
وفي بعض الرجال لا يحبون ان تكون لزوجاتهم صديقات
مو مشكلة
لج الف طريقة تكونين فيها صداقات
واحنا منهم
وتذكري كيف كنتي اول وحاولي تقلدين نفسج اول
لين ترجعين مثل اول
واهتمي بنفسج
من جميع النواحي
والله يوفقج
​

 

[ليالي m]

اختي الزمان البعيد

مشكوره حياتي

شو اقولج والله انه استوا ماعندي هدف

يعني يالية في شي ولو بصيط يشجع الواحد

بس على شو

وانا يوم اريد اتغير ابيه حق نفسي مش للغير

لاني عرفة الحين انه الواحد لو شو مايسوي مايرظي الاخرين