المشكله في مين ساعدووني

[حايره في امري]

السلام عليكم
اتمنى من الكل مساعدتي
انا مخطوبه من 9 شهور ما احب خطيبي
بدايه المشكله يوم الملكه قدم مهر اقل من المتعارف عليه واهلو ما جابو شي في الملكه وحسيت انهم فشلوني وهوا ما كان متكشخ يمكن تقولي عليا زي ما قالو اهلي تافها
بس والله الموضوع هادا تعبني لدرجه ان نفسيتي تعبت
خطيبي بعدها سويت لو مشاكل وجاب لي كل شي ابغا وبدانا صفحه جديده
وحسيت اني بدات احبو بس انا صرت اكره اهلو ودايمن تصير مشاكل كم مره حاولت افك بس خطيبي متمسك فيني
واهلي كمان يقولو طيب وماتلاقي احسن منو
ودحين مشاكلنا كترت احس يبغا يسطر عليا ويبغا يمشي كلامو في كل شي
وانا الان ليا اسبوع ما اتكلمنا صراحه اول مره يساويها
العاده ما يقدر ينام لو اننا زعلانين صحيح اني ما احبو بس ما اتعودت عليه هادي المعامله
انا ما كنت والى الان اتقبل منو اي شي مثلا لمه يقولي لا تتوظفي ازعل يعلق علا لبسي
احنا جدا مختلفين في تربيتنا انا اكره القافه وماني متقبله انو في حياتي انسان تاني
قولو لي ايش اساوي

 

[red-rose 1]

اختي اذا مو متقبله شخص بحياتك ... خلاص لا تظلمين الرجال واقصريها من اولها

تاني شي هذه المشاااااااااااكل تافهه جدا بما سيواجهك ... واذا انتي مو قد المسؤوليه فليه تتزوجي وتربطي ابن الناس بيكي

انا اشوف انك تجلسي مع نفسك وتفكري بوعي ونضج اكثر

ربي يسخركم لبعض ويوفقكم لما يحبه ويرضاه

 

[حصه الخالدي]

هذي حياتك وانت ادرى بمصلحتك

مازلتي على البر مو عاجبك لاتظلمينه معك انفصلي ​

 

[حايره في امري]

ممممممممم والله اني حاولت افك كتير بس هوا يحزني يكلمني ويبكي
وكمان ماما وبابا واهلي كلهم يقولو مره طيب
متمسكين في لدرجه اني فقده الامل اني اسيبو

 

[نضوج أنثى]

وين المشكله حبيبتي الرجال شاريك وشاري خاطرك ومحترمك ويبيك ليش ماتشكرين الله على هالنعمه وعادي جدا التصرفات اللي تصدر منه فترة الملكه يحاول الرجال دايما يفرض رأيه عشان تكون شخصيته قويه قدامك وكلنا اخذنا ازواج مختلفين في الطباع وتأقلمنا مافيها شي الحياه الزوجيه تنازل بس طبعا بحدود المعقول على العموم اذا تشوفين نفسك ماتبينه من جد ارجعي استخيري الله اذا تكملين معه او لا بس مافي شي اسمه حزني وعور قلبي عشان كذا بكمل وبكره بعد الزواج تعيشون بجحيم قلبك خليه على جنب ولاتظلمين نفسك بكره يجيك واحد الله لا يقدر يطلع عيونك وتعرفين الفرق