المشكلات الاسريه

[همس ٲڷمڜٱعر]

السلام عليكم اتمنى اجد الحل لمشكلتي انامتزوجه من17 سنه مشكلتي بدات من سبع سنوات زوجي طيب لكن عيبه انه مايتكلم معاي كاني جالسه مع جماد واذا جلس بالبيت طول وقته على النت تعبت من النقاش معاه ايش سبب عدم اهتمامه بي وبالاولاد لكن دون فائده شاكه اته سحر او عين ماتي عارفه كيف اتصرف مع العلم انه يتعامل مع اخواته احسن معامله ويلبي كل طلباتهم وانا واولادي طلباتي ثقيله عليه انسان غريب مادري ويش اسوي معاه

 

[د/خزنه]

مرحبــاً.. آختي..


ربي يعينك.. ويصبرك..
حبيبتي مو شرط ان اللي بزوجك عين آوسحر.. ممكن هو ناقصه شيء..
حاولي تثيرين آهتمامه.. غيري من شكلك .. غير آسلوبك وحياتك..
انتي .. حاولي تكلمينه.. وحبذا لوكان برآ البيت.. بطلع انتي وياه بس.. واتركي الاولاد عند اهلك..
صارحيه.. وشوفي وش بيقولك..
وبيني وبينك اللي يدخل عالم النت.. صعبه يطلع منه..



آسأل الله ان يرزقك السعادة.. ويصلح شؤنك انتي وزوجك

طمنيني عنك حبيبتي

 

[د / مزنة]

هلا بك
حبيتي ماتوقع سحر او عين

هو اكيد لاقي شي بالنت يسليه ويجذبه

حاولي تغير من اسلوبك لبسك.. اطفالك خليهم يعلقون ابوهم فيهم<-- فهمتي شي


ربي ييسر لك امرك يارب ويسحر زوجك فيك بالسحر الحلال
ويجعلك حوريه بعينه

 

[د/ رزنه]

مشكلة النساء عامة ينسبون كل مشاكلهم للعين والسحر مافي توكل ع الله

قال صلى الله عليه وسلم يقول تعالي : ( انا عند ظن عبدي بي ... )

يمكن النقص منك حاولي تعرفين وش السبب

حاولي تتقرين له اكثر

غيري الروتين واكسري الحواجز (اذا كان بينكم حواجز)

والله يسخره لك ويوفقك


,

 

[@سجايا@]

حبيبتي الرجل مثل الطفل
يكبر على ماتعود عليه وصعب يتغير
ويمكن يكون زوجك مثل ماقالو الخوات لاقي شي يسليه في النت
وانتي المفروض توجهينه لواجباته وانه لازم ينتبه لعياله
وانتي كثر ماتقدرين خلي عيالك يلجؤوون لأبوهم ويعتمدون عليه
لاتخلينه يتكل عليج بكل شي ,..... عوديه ثم عوديه ثم عوديه ثم عوديه
خليه يهتم بعياله اول ثم بعدها حاولي تعالجين مشكلتج معاه
لأن الاب اللي ناسي عياله صعب يتذكر زوجته
وانتي باسلوبج اللبق الراقي الحكيم السياسي أقتحمي عالمه الغامض بشطارتج

وإذا محتاجة نصيحة ماراح نتاخر في مساعدتج