!المشكـله فــيني!

م

متعبني حبك

New member
إنضم
2010/06/08
المشاركات
63
سلام عليكم,,

انا مابطول عليكم,,انا واخو رفيجتي نحب بعض ,,بس ماسوينا شي غلط واخبارنا توصل الى بعض عن طريق رفيجتي,,المهم اهو مسافر من سنه ونص الى دوره مع دوامه ويرجع بين فتره والثانيه والاخبار كلها توصل عن طريق اخته,,

الصراحه انااا وايد احبه واهو يحبني اكثر

بس انا واهو مستحيل نكون الى بعض لأختلاف المذاهب ,,,اهلي لو رحت فوق او نزلت تحت مابيعطوني اياه ,,,!

واهو اللحين مسافر وانا متقدم لي واحد يكون رفيج ولد خالتي يحبني من سنين !! والكل يمدحه ويمدح اخلاقه واهلي مااظن بيرفضونه بس يبقى رايي

انا مااتخيل روحي اكون مع غير اللي حبيته!! واتمنى اموت ولا اشوفه مع غيري !!

دبروني شسوي والله محتاره بنفسي لأن انا واللي حبيته واعدين بعض ان مستحيل نترك بعض لو شنو يصير وولو الدنيا كلها ضدنا واحنا مانسوي شي غلط والحب من قلبنا مو منا
 
أختي أهم شيء الدين
حطيه نصب عينك
ومافهمت يعني ايش مو من مذهبك وضحي أكثر
وبعدين ياحبيبتي
خذي اللي من ثوبك
واللي يحبك نصيحة لاتاخذين اللي تحبينه
خذي اللي يحبك بتعيشين سعيدة
وانسي حبيبك
مرحلة مر أغلبنا فيها
وطريقة تعارفكم خطأ
مابني على الخطأ فهو خطأ
طيعيني
اقطعي علاقتك به
لأنه لابد يجي يوم يعايرك
بأنك عرفتيه من وراى أهلك وخنتي ثقتهم فيك
أسأل الله أنه يهديك ويختار لك الصالح
 
يااختي فكري بعقلك مو بقلبك وعواطفك
يكفيك اختلاف المذاهب مع انك ماوضحتي لنا كيف
المهم الحب ماراح ينفعك وبعدين انتي تقولي اهلك راح يرفضونه لو جاء ليش تعورين راسك من البدايه
 
اخذي إلي يحبك ولا تاخذين إلي تحبينه
إلي يحبك يضحي علشان عيونك ..
إلي تحبينه تضحيك بروحك له ..
والحب تصنعه العشره ..

وهذا إلي من مذهب ثاني .. ليه ما تقدم لك .. يقول يحبك .. لازم يحارب علشانك ..
لو كان يحبك كان كلم احد من اهلك حتى لو اهلك رافضين .. مو يحبك تقولين كان المفروض يجي عند الباب .. وانتي صار لك سنين معاه ..

توكلي على الله والرجال إلي متقدم لك مافيه عيب مثل ما تقولي .. اخذيه ..
 
اشلون اختلاف المذاهب يعني سني وشيعي وكذا طبعا اذا كذا والاهل رافضين والي متقدم افضل لك فااستخيري اتركي عنك الحب والله تتعبي لو اختلاف بلدين بكره تجيبي اولاد ومابتقدري على العيشه الله يبارك لك يارب
 
اختي فكري بعقلج

لاتفكرين بقلبج

وانتي عارفه المشااكل اللي تصير من اختلاف المذاهب

باجر عيالج شلون؟؟؟

ترضين يروحون لمذهب ابوهم؟؟
وهو يرضى يروحون لمذهبج؟؟؟

سمعي كلام اهلج ولا تعلين قلبج

وتزوجي اللي يحبج

واهم شي استخيري
وماخاب من استخار الله
 
شوفي يااقلبي والله حاسه فيك بس اذا مالكوم امل تاخذون بعض ومو من مذهبك فاليش تعذبين نفسك ادري صعبه عليك بس انتي مره وتبين اولاد وافقي على اللي متقدم لك احسن لك لان اهلك رافضين خلاص مالك امل وبعدين هو غير عن مذهبك واسكتي الين تتم الملكه وقولي لصديقتك ان اهلك جبرووك توافقين عليه بس عشان اللي كان بينكم ..
 
طيب اذا طلعتي ولانزلتي أهلك مابوافقوا وأكيد أهله كمان طيب شو يلي بدك ياه لكن؟؟؟؟؟؟؟؟؟؟فكري بعقلك ولاتركضي ورى سراب والحب الحقيقي يأتي بعد الزواج من الشخص المناسب يلي أهلك راضين عنه ....الله ينورلك بصيرتك ويهديكي ويخترلك الخير
 
انتي عارفه ان اهلك بيرفضون ليه من البدايه كونتي علاقه معه ؟؟؟؟
استغرب من اللي تكلم واحد وتتمناه يتزوجها اللي عمله معك
من مكالمات تلاقينه عاملها مع الف غيرك ...وبالنسبه
للي تقدم لك استخيري والله كتب لك مافيه الخير ​
 
عصفور في اليد خير من عشره على الشجره؟!؟!
 
حبيبتي ماكل مايتمناة المرء يدركه
طالما عارفه الاسباب الاي بتمنع الزواج
فليش تتعبي حالك وتخسري اهلك وديانتك
وكل شي فحيااتك
 
مدري شقولك بس ربي يكون بعونك وسخرلك اقوئ منك
ماكو غير الاستخاره مكرره زينه
وبتوفيق لك وللجميع يارب
 
هلا
أخـــذي اللي جايك الحييييييين صعبه أختلاف المذاهب واهلج قلتيهاا مب موافقيييين شوفي حياتج وانتي ماتدرين عنه يمكن يجي ويغير رايه يعني ماراح تصفين على شي
 
اذاالمذاهب قصدك مالكي اوشافعي او حنبلي فاتوقع انه عااااااااااااااااااادي .......لكن اختلاف في اصول العقيده لااااااااااااااااا لان الرسول صلى الله عليه وسلم فرق بين المسلمين المتزوجين من مشركين فرق الرسول صلى الله عليه وسلم بين ابنته زينب وزوجها لانه بقي على الكفر وارجعها الرسول صلى الله عليه وسلم لزوجها بعدماسلم رضي الله عنه(فرق بينهم صلى الله عليه وسلم وهم يحبون بعض) فكري بعقلك لابعاطفتك فالحب ليس كل شيء في الحياة مشكلة المرأه انها تعتقد ان الحب اساس الحياة وهذا غلط بل هو مكمل فقط برئيييييي
 
اختي الغاليه اهم شي الدين وبعدين ترا ما فيه حب قبل الزواج
الموده ورحمه تجي بعد الزوج وبعدين اذا متقدملك واحد الكل يمدح فيه استخيري وان كان خيرته لك بتخذينه بس صعبه توقفين نصيبك عشان تحبينه
والله يكتبلك الى فيه الخير ويصخرلك كل من تولى امرك​
 
ادعي ربك ييسر لك اللي فيه الخير
وانتبهي تخسرين اهلك شغلي عقلك ولاتنجرفين ورى عواطفك
وبعدين ليش تكلمين رجل غريب ليش هاالتهوان في الدين حرام تكلمينه حرام حرام حرام خافوا ا لله ياناس
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل