المشااوير الطويله...شلون نستفيد منها

[شهد البحراني]

حوار المشااوير الطويله....
اليوم بحكي لكم عن تجربتي في فن الحوار خلال المشااااوير الطويله:24:
:10:
يعني بالمختصر المفيد شلون تستفيدين من الوقت الي انتي و زوجج بروحكم في السياره ولمدة ساعتين وثلاث واكثر....
:39:
اكو بعض الحريم يشتكون من ازواجهم انهم دوووم على الصاامت ولا ينطقون بشي طول الطريق....
:32:
وتلاقي الزوج في عالم وتفكيره في عالم والزوجه تلف وتحوس وتخمس بالتفكير وتتسأل ليش سااكت ليش ماينطق و يجعد بليس يفرفر في راسها وكل شوي تتخيل شي...​

اذا عجبكم الموضوع وشلون نستفيد من هالوقت ...اكمل الموضوع ​

 

[""شفافه""]

اي والله موضوع حلوووو
احس زوجي قليل كلاااااام مادري لييش وان قمت اسكت كل ما اشوفه ساكت بس احيان ااطفش واتضايق
حتى بان علي وتصير مشكله من لا شي بسبب سكوته وبما انه شمالي غربي فان وقت الي يتكلم قمت اتكلم وانفعل وياه ووقت الا يكون صامت انا بعد اسكر بوووزي ولا انطق بكلمة اتم استغفر ربي
يلا كمليييي بانتظارج

 

[دلوعه القطري]

يالييييييييييت تكملييييييين محتااااجين مثل هالاشياء الحلووه

كملي ياااحلوووه نااااطرينك ولاعليك امر

 

[فاوندو]

افكورس الموضوع يهمنا ونص
ننتظر الكماله ياعسل

 

[وهج الامواج]

انا وقتي مع زوجي بالسياره نحط اغنيه ونتسمع عليها اما اذا كنا متزاعلين نتاعب بعض طول الوقت لحد مانتصالح ووووووبس

 

[الجواااان]

انا وقتي مع زوجي بالسياره نحط اغنيه ونتسمع عليها اما اذا كنا متزاعلين نتاعب بعض طول الوقت لحد مانتصالح ووووووبس

انا ماشدني الموضوع بكثر ماشدني ردك ............حبيبتي افترضنا وانتم بالسياره والاغاني على اخر شي وجاكم لاسمح الله حادث وش بيكون مصيركم .....اسال الله العافيه
حطوا شي تستفيدون منه يعني بدل الاغاني حطوا اناشيد وخاصه الاناشيد الجديده روووعه واصوات خيال

 

[ذكريات وبس]

اذا عزمنا انا و زوجي نطلع مشواار طوووووووووويل


ادخل النت و اقرأ قصص كثيره و احفظها عشااان يصير عندي سوالف و نسولف انا و زوجي

حتى زوجي يفرح بالقص اللي اقولها له و بالأخير نتشاطر الرأي ايش اللي ستفدناه من القصص

و بنفس الوقت بعض الاحيان اخذ معاااي كذا جزء من القرآن عشااان اقراه لمن تخلص سوالفنا


ربي يعطيك الف عافية على الموضوع


موفقة خيتي​

 

[شذا الوجدان]

موضووع كثير حلو ونحتاج له وايد
انا من وجهة نظري يعود ذا الشيء لطبيعة الرجل والمرأة
فيه ماشاء الله بعض الرياييل هم اللي يفتحون النقاشات ويتكلمون ويستشيروون وتتفتح ابواب من الكلام
وبعضهم استغفر الله مايعتبر المرة شيء وبعد بعض الحريم مجالسهم ماتمل خفة دم وفرفشة وبعضهم ما تصدق انها قاعدة معه الا تبدى حنه ورنه وشكاوي لما يتضايق المسكين ويظطر للصمت
انا بالنسبة لي ريلي اجتماعي 100% فما يحب اجواء الهدوء كثير يعني لما نكون حنا بروحنا مايحب يطول هالجو كثير لانو يحب اللجة ...... الله يعيننا ...
وياريت تفيدينا حبيبتي ومشكورة على الابداع

 

[خافيه غلاها]

اممممممممم حلوه حركت القصص عجبتني

بس انا شوي هرج وشوي تنكيت وشوي مضاربه وشوي استغفاررررر

 

[3AROOOOSA]

حلوو
حطي خبرتج حبيبتي كلنا اذااااااان صااغيه

 

[شهد البحراني]

علشاانكم ياحلوااات نكمل....
طبعا كل وحده فينا لمن تبي تسااافر مكان تجعد ترتب وتعدل وتضبط في اغراضها...وما يكون في بالها الا السفره ومتى بتوصل ووين بتروح ومن هالقبيل بس تنسى اهم شي بالرحله كلها الا وهو الوقت وشلون نستفيد منه وشلون نستغله في صالحنا وفي نظري هو اساس الرحله ...يعني الرحله تبني على هالوقت الطويل اذا بدينا بالكلام الحلو والمواضيع الحلوه راح تكون الرحله سعيده بأذن الله ولو كان العكس يعني احكمي على الرحله بكاملها بالتعاسه

اذكر لكم موقف بسيط لاحد الاخوات كانت مسافره هيه و زوجها الى صلاله تقول موضوع ورى موضوع وهم بالسياره صارت هوشه بينها وبين زوجها ورمى عليها الطلاق وهم بنص الدرب وفي الصحراء ورجعوا من نص الدرب....

شلون نخطط للمواضيع....يتبع بقوم اصلي وبرجع بأذن الله​

 

[روحي روحكـ]

مووضوع حلووو فعلاا .. <<حنا نسمع قصص واشرطه واناشيد وسوالف وصمت وبس...

 

[الوجه المليح]

موضوع ممتاز

 

[ميرال الغنوووجه]

انا زوجي مايتكلم الا بالقطاره انا عاد ماخليت شي قصه حزينه قلته ابي ناقشها مافي مايقول الا حرام
قصه مضحكه طيب نكته ما الا ابتسامه لا وبعد مايله وفجأه انقطعت

اسير انا ساااااااااااااكته اخاف يقول اني ثرثاره اصير افتح جوالي واشوف تلفزيون واطنشه

والمشكله ادا سكت قال سولفي ولا يقوم يسألني انا انقهر مايرد ومايبيني اسكت

 

[الوجه المليح]

بس سمعت ان الاستشارية ناعمة بتقول للنساء يلتزموا الصمت في السيارة

شورايكم

 

[شهد البحراني]

شلون نخطط للمواضيع ...طبعا كل وحده عارفه متى موعد الرحله وعلى هالاساس تجعد ترتب المواضيع والنقاط الي تبي تناقشها وشنو الهدف من الموضوع وشنو راح نستفيد من مناقشة هالموضوع....
وتاخذ بالاعتبار انه المواضيع كلها تصب في مصلحه معينه وتكون مواضيع ايجابيه ...ومفيده...
وتبتعد عن المواضيع النكديه او المشاكل اليوميه ومشاكل العيال والخدم وكل شي يعكر صفو الرحله ...
واهم شي نبتعد عن النميمه ومانجيب مواضيع نتكلم فيها عن فلان وعلان ....

........
النقطه الثانيه :
كل وحده عارفه زوجها شنو يحب وشنو اهتماماته وشنو الاشياء الي ينجذب لها وتحاول تكون ملمه بكل شي يخص زوجها واهتماماته...على سبيل المثال زوجج رياضي ويحب نادي معين حاولي تعرفين كل شي عن هالنادي والاعبين واخر المباريات ووين راح يلعب النادي واخر اخباره طبعا الله يخلي الانترنت ...واجعدي ناقشي ريلج بهالموضوع ...اكيد زوجج راح يستغرب وبنفس الوقت راح يستانس انج تهتمين لااي شي هو يهتم فيه ويحبه وراح يجعد ياخذ ويعطي معاج بالكلام ....يتبع <<<
​

 

[الغارقه]

اكليييييييييييييييييييييييييييييييييييييييييييي
بس اللي يزوجها يهتم بالسيلسه وهي ماتحبها ولاتطيقها اش تسوي

 

[الغارقه]

قصدي السياسه عذرا للخطا

 

[الوجه المليح]

قصدي السياسه عذرا للخطا

اختي تابعي برامج الجزيرة والعربية ونشرات الاخبار وجديد فلسطين والعراق مع المتابعة رح تتعودي ورح تموتين في شي اسمها سياسة

مع التعود رح اتحبي السياسة

 

[شهد البحراني]

اكليييييييييييييييييييييييييييييييييييييييييييي
بس اللي يزوجها يهتم بالسيلسه وهي ماتحبها ولاتطيقها اش تسوي

حاولي تثقفي نفسج من هالناحيه علشان خاطره وتعرفي شنو صاير بالدنيا تابعي برامج واخبار وبيني له انج هم انتي مهتمه بالمواضبع السياسه ...ساعتها بيجعد يسولف لج مره سياسه ومره مواضيع هامه وشوي شوي راح تدخلين في موضوع ثااني ...بس نصيحتي لج اهتمي لا اهتماماته...