المسج الي زعزع حياتي

الحالة
مغلق و غير مفتوح للمزيد من الردود.
احصائياتى
الردود
25
المشاهدات
3K

تذكاار

New member
معلومات تذكاار
إنضم
27 فبراير 2008
المشاركات
60
مستوى التفاعل
0
النقاط
0
المسج الي زعزع حياتي
السلام عليكم اخواتي الكريمات ودكتورتنا الفاضله وكل من في المملكه
اريد استشارتكم في قصتي التاليه:icon31:
انا والحمد لله اعيش حياه هانئه مع زوجي وابنائي000زوجي يحترمني كثيرا وهو انسان خلوق جدا ولا يرفض لي طلب ويثق في ثقه عميا 00 وانا لا اجعله يحتاج الى اي شي000بالمعنى انه يعشقني وانا اعشقه لحد الجنون:icon26:((وطبعا لاتخلو حياة اي من البشر من المشاكل يعني يوم حلو ويوم مر:no:))
المشكله:dunno:00
في يوم كنت في السياره مع زوجي وعيالي راجعين للبيت بعد المغرب وجائني اتصال كان صوت شاب كانه مراهق قال هذا تيلفون فلان قلت بسرعه خطا اخوي--واغلقت على طول التيلفون--وبعد مارجعنا البيت بعد صلاة العشاء جائني مسج من نفس الرقم يقول انا اعرفج انا اصلا مش غلطان--بصرااحه خفت وقلت بخبر زوجي عن المسج وياليتني ماخبرته---
هو قرا المسج عادي بس عيونه قالت شي جارح اول مره اشوفه يناظرني بمثل هذه النظرات نظرات كلها غيظ وخوف وكانه شك--وقال سوي الحين تيلفون على الرقم--وسويت وما رد وقلت اول يا يوصلني مسج من الرقم بخبرك--وبعد فتره ياني مسج ومن خبالي خبرته مره ثانيه--فاخذ الرقم من وراي وكان يتصل على الرقم مية مره في اليوم--وحسيت انه ابتعد عني في هذي الفتره--كان واايد يسرح ويوم كنت انسى تيلفون في المكان الي يكون هو فيه القاه فاتح صندوق الرسايل--بصرااحه ماتحملت يشك فيه واقدر اتحمل نظرت عيونه يوم يوصلني اي مسج من خاواتي او ربيعاتي--المهم خبرت اخوي وهو اخذ الرقم وقال ان شالله مابيتصل مره ثانيه وانا عند كلمتي--فديته بصرااحه من ذاك اليوم ماياني لا مسج ولا اتصال--في نفس اليوم الي خبرت اخوي فيه جاني مسج بالليل على الساعه 11من عند اخوي يخبرني انه تصرف مع صاحب الرقم واني لازم اخبر زوجي بانه هو(اخوي) يعرف بالسالفه عشان مايعرف زوجي اني مش راعيت خرابيط--المهم خاواتي وادري اني اطلت عليكن صار لهذي السالفه 6شهور ولين اليوم وزوجي اول مادخل الحمام(اعزكم الله)يفتح تيلفوني ويوم اطلع وانسى التيلفون القاه فاتح المسجات--بصراحه صرت تعبانه نفسيا من هذي السالفه--واريد حل هل اواجه باني اعرف انه يفتح مسجاتي:questionmark: وانه شاك فيه---- او شو هو الحل :questionmark:الله يرحم والديكم الي عندها الخبره--- ودكتورتي الفاضله لا تبخلين عليه بالنصيحه

ولاتنسون تدعولي لان نفسيتي تعبانه--اريحوني اراحكم الله:blushing:
 

المها59

New member
معلومات المها59
إنضم
13 نوفمبر 2007
المشاركات
3
مستوى التفاعل
0
النقاط
0
العمر
39
مرحبا يسرني اني اكون اول من اشارك بالموضوع ...

اختي صارحي زوجك وقوليله اذا انتي لك علاقات كان ماخبرتيه عن المسج وعن ازعاجات تلفونك .. بس بدون ماتشعرينه انك تدرين انه يفتح مسجاتك


من رااي يسلموو
 

**لين**

New member
معلومات **لين**
إنضم
18 مايو 2008
المشاركات
53
مستوى التفاعل
0
النقاط
0
الله يعينك حبيبتي الواضح ن كلامك إن زوجك شكاك ،كيف ماكنتي تعرفي هذي الصفة فيه؟؟
الرجال مش مثل بعضهم فيه رجال يفهمون عليك ويمكن يدق عالرقم ويهاوش اللي عليه ويمكن يقول لك طنشي وفيه رجال زي زوجك يشكون في شئ إسمه حرمه
وبعدين حبيبتي ترى الشيطان حي مامات لاتخلينه يقص عليك ترى عايدي كثير أزواج يتفرجوا على جوالات حريمهم إنتي تعوذي من بليس ولاتتضايقين من تصرفات زوجك لأنه راح يبين عليك وبكذا راح يشك فيك أكثر
أنا زوجي كان يحب يشيك على جوالي دايما مع إنه كان يقفل جواله والحين خف كثير تدرين ليه لأني مره كنت راجعه من إجازه وكان يتفرج عالجوال وقلت له شوف حبيبي السجل أنا مخليته يحفظ لمدة شهر تقدرتتفرج على جميع المكالمات الصادرة والواردة والتي لم يردعليها بالدقيقة وكذلك الرسائل !!واسقط في يده لأني ماعندي شئ أخبيه عنه
 

بنت حزينة

New member
معلومات بنت حزينة
إنضم
26 يونيو 2008
المشاركات
68
مستوى التفاعل
0
النقاط
0
بعدعمري انت لا تكدرين خاطرك هذا من وسوسة الشيطان خلت زوجك يبدأ يشك ويبدأ يراقبك من بعيد لبعيد ويفتش جوالك انت خليك واثقه من نفسك واستفيدي من هالدرس ولا عاد تخبرينه باي شيء المفروض من البداية خبرتي اخوك بالامر يتفاهم مع هالمزعج الي يعاكس ويتصل عليك وليس زوجك وبما ان زوجك يدري فهو من خوفه وقلقه وربما حبه وايضا شك فصار يفتش بجوالك انت لا تزعلين حاولي ما تخلين هالامر يؤثر على نفسيتك ودائما لا تهتمين بجوالك وان شاء الله فتره وينسى زوجك ومايصير يفتش المهم لا تناقشينه بالامر هذا رأي شخصي وانا مب متزوجه ويمكن رأي المتزوجات يختلف والله يخلي لك زوجك وعيالك لا تكدرين نفسك على هالنقطة صحيح ان الامر حساس ويحزن بس من حق زوجك انه يطلع على جوالك وعلى جهازك فلا تزعلين نفسك وموفقة
 

تذكاار

New member
معلومات تذكاار
إنضم
27 فبراير 2008
المشاركات
60
مستوى التفاعل
0
النقاط
0
هلا اختي المها59
كيف اصارحه والسالفه مر عليها 6شهور بدون ماخبره اني اعرف انه يفتح مسجاتي--- بيقول شو طرا السالفه عليج--
 

تذكاار

New member
معلومات تذكاار
إنضم
27 فبراير 2008
المشاركات
60
مستوى التفاعل
0
النقاط
0
هلا اختيjoody
انا متزوجه من13سنه وما حسيت في يوم ان زوجي من النوع الشكاك لان حياتي معاه صفحه مفتوحه يعرف كل شي فيها ما قد خبيت عنه اي شي بعكسه هو--عنده بعض الخصوصيه الي اعرفها بالصدفه من وراه مرات اواجه بها ومرات اطنشها لان اموره مش وااايد مهمه الي اكتشفها--فما اعرف هل مصارحتي له بكل اموري الصغيره والكبيره له هي غلط؟؟؟؟؟؟؟؟؟؟؟؟؟؟؟
 

تذكاار

New member
معلومات تذكاار
إنضم
27 فبراير 2008
المشاركات
60
مستوى التفاعل
0
النقاط
0
عزيزتي حزينه مره

الله يريح بالج وييسر امرج بصراحه ارحتيني بعض الشي وان شالله يستوي الي فيه الخير بس قلبي يعورني على عمري وعلى بو عيالي-------
 
معلومات مجروحه و أكابر
إنضم
1 يونيو 2008
المشاركات
99
مستوى التفاعل
0
النقاط
0
الإقامة
في قلب من أحب
غاليتي أول شي خليك رايقه لو يفتح جوالك مليون مره مدامك واثقه بحالك لايهمك ولاتهتمين له

صحيح هناك مسجات بينك وبين أهلك وصديقاتك ماهو حلو يشوفها

بس عطيه وقته بس يمكن تربكينه بحركاتك وأنتي بكل أبتسامة رضا

خلي جوالك عنده وطلعي من مكانك اللي أنتي فيه وشوي ودخلي عليه

ولو شفتيه يقلب فيه قولي يابعد عمري شكله ماهو عاجبك ايش رايك تشتري لي جديد

وأنتبيه تلفتين نظره بأنه شاك ولو مايحبك ماغار عليك وبالعكس أنك قلتي له أزين من أنك تتكتمين

على أي مسج أو رقم يدق بإلحاح يمكن يكون هو مسوي هالحركه ويبي يشوف ردة فعلك

وحاوريه بهالشي بحيث ماله علاقه بالجوال مثل أنك الحمدلله مالك بهالأمور وأنك تنتقدين تصرفات

اي شخص يسويها وتتفنين في حوارك له بحيث توصلين له فكرة أن الشي هذا يتعب نفسية الزوجه

وخاصه اللي تخاف ربها

ولاتصبين أهتامك فيه وبالمسجات لأنه مشكله نواجهها جميعا أعرفي شخصيته هو من النوع اللي

تقدرين تواجهينه بأن الشك والغيره أمر إذا تعدى حده أنقلب ضده


الله يهدي سره ويبعد عنكم شياطين الأنس والجن ويصلح ذات بينكم
 

برلنت

New member
معلومات برلنت
إنضم
30 يونيو 2008
المشاركات
154
مستوى التفاعل
0
النقاط
0
انا صار معي نفس موقفك كان واحد يتصل فيه ولما اساله منو انت يقولي امسوية عمرج ما تعرفيني شو منو انت وويتشمت فيني وهو واثق من نفسه لدرجة اني شكيت بنفسي وتم لمدة سنة ونص بس انا خبرت زوجي على طول وقالي زوجي هذا اكيد يا غلطان في الرقم او واحد راعي مشاكل قلي طنشي وتم يتصل في الليل ساعة 2 و3 والفجر واخر شي قلي خلي الرقم وجابلي رقم ثاني والرقم عليه معاكسا افتحوا كل يومين او ثلاث ساعتين المهم (انا اتكلم وايد) وبالنسبة انه يفتش موباليك مو شكاك فيك هو خايف انك اتورحي منه او يخربك المعاكس من كثر ما زوجج يحبج ولا تزعلي خلي يفتش موبايلك خليك فرحانة بس قوليلو انا مرة شفتك ادور مسجات بس فلانة وفلانه نااتشوف مسجاتها والمسجات الحلوة انا خزنتها في الحافظة الفلانية ممكن تاخد منها وتكلمي وانت مبتسمة
 
معلومات ذكريات الطفوله
إنضم
1 مايو 2008
المشاركات
546
مستوى التفاعل
0
النقاط
0
ياقلبي لاتتضايقين والله الموضوع عادي وان شاء الله هي ازمه وتعدي
لاتخافين صدقيني اذا ضيقتي صدرك قدامه بيشك ان فيك شي مو طبيعي انتي خليك مبسوطه ولاتتكدرين وبيرجع مثل اول يثق فيك ثقه عميااا
الله يوفقك ويفرج همك يارب
 

ريف قلبي

New member
معلومات ريف قلبي
إنضم
5 مارس 2007
المشاركات
221
مستوى التفاعل
0
النقاط
0
العمر
42
بقولج شي.. خلج قويه انتي ما سويتي شي غلط.. مره كنت متزاعله ويا ريلي وطرشلي مسج بس عشان يقهرني,, يقول الحرمه يوم تتضارب ويا ريلها ادور واحد ثاني تكلمه وانا قبل رمست حريم معرسات ويوم أسألها ليش تخونين ريلج تقول هو اسلوبه مش حلو ويايه .. ( كان خايف ارمس حد اذا ازاعلت وياه) - تفكير غلط طبعا- ويقولي انتي باسلوبج تخليني اشك فيج لو عمري ما شكيت...

المهم .. رديت عليه انه لو بدور ورايه بإبره والله ما تحصل شي.. ودور من اليوم لين باجر.. انا قبل ما اكون حرمتك تراني بنت فلان واخت فلان,, وما بيي على آخر عمري اخرب سمعتي عشان اسلوبك مش حلو.. وشك قد ما تبغي .. بتشك وبتشك وبتشك وبتتعب فالنهايه لأن مافي شي.. والحرمه مثل الخلقة البيضا اي نقطه بتوسخها وانا مش مستعده أوسخ عمري وانته بكيفك

المهم.. من هاك اليوم خلاص اتأدب.. فانتي يوم بتشوفينه خذي التلفون وراجعي عطيه.. قوليله خله عندك قد ما تبغي انا الحمدلله رايتي بيضا.. ودور من اليوم لين باجر ومن باجر لين عقبه.. خليه يستحي من عمره ويمل
 

باقة امل

New member
معلومات باقة امل
إنضم
19 مارس 2008
المشاركات
328
مستوى التفاعل
0
النقاط
0
انا اخبر زوجي بأي رقم خطأ .... ومن منا لا تأتينا مكلمات من ناس ما يخافون الله خله يفتش بمل ...الله يريح قلبك
 

عزيز الروح

New member
معلومات عزيز الروح
إنضم
19 يونيو 2008
المشاركات
286
مستوى التفاعل
0
النقاط
0
دافعي عن نفسكِ وعن حياتك
اخبرية اذا كان المسج سيسبب لنا كل هذة المتاعب فانا لا اريد الجوال نهائياَ واكتفي بنتظارك والاطمنان عليك من هاتف المنزل لاني لم اعد احتمال فكرة شك بي ولا تحطيم حياتنا التي اريد ان احافظ عليها مهما كان يوجد بها عيوب

تحياتي

ولايات
 

تقوي الهجر

New member
معلومات تقوي الهجر
إنضم
5 مايو 2008
المشاركات
199
مستوى التفاعل
0
النقاط
0
والله يا اختي انتي غلطانه مو كل شي ينقال للرجال بعدين دام سار ال سار تعاملي معاه بكل ثقه وهو بيجي يوم وراح يمل لانه بيتعب من التفتيش وراج والله يهديه
 

haven

New member
معلومات haven
إنضم
18 أغسطس 2007
المشاركات
675
مستوى التفاعل
0
النقاط
0
العمر
45
هلا اختي المها59
كيف اصارحه والسالفه مر عليها 6شهور بدون ماخبره اني اعرف انه يفتح مسجاتي--- بيقول شو طرا السالفه عليج--

ياعمري لازم اتصارحينه؛؛وانتي تقولين انه ما زال يشك فيج وينبش جوالج؛؛واجهيه ولا تترددين هذي نصيحتي لج

حبيبة قلبي هالنوعيه من الرجال ما يستاهلون حديصارحهم بشي مرة فكرهم يروح بعيد
وريلج باين عليه شكاك ؛؛والله انا حاسه فيجكله ولا واحد يعيش فشك
 

سونيتا

New member
معلومات سونيتا
إنضم
20 يونيو 2007
المشاركات
750
مستوى التفاعل
0
النقاط
0
عزيزتي انتي يوم بلغتيه ماغلطتي بلعكس انتي عملتي الصح ....لكن النقطه اللي بعد بلاغك له هي الغلط مو منك لالالالا بل من زوجك المفروض مايشك فيك بلبلعكس يقدر اللي عملتيه وانك بلغتيه لكن انتي لازم تتكلمين معه وقوليله لاتخاف ودور ليما تشبع ماراح تشوف شي وقبل ما اخاف منك انا اخاف من ربي وانا بنت ناس وطالعه من بيت أهلي وأنا متربيه ...

وانا حصلي نفس موقفك لكن زوجي ولله الحمد متفهم بقلك السالفه جاني اتصال من دوله الامارات وانا لي صديقات هناك والمكالمه لما جاتني ماكن تلفوني جنبي يعني مكالمه لم يرد عليها وبس شفت الرقم اتصلت قلت يمكن احد من البنات ومغير رقمها وتبي تبلغني واتصلت رد على رجال قلتله نعم منو انت قال انا معجب قلت لا اخوي انت اتصلت على الرقم الغلط وقفلت الخط وبعدها ارسل مسج قذر ومسحته وصار يتصل وانا مارد ليما وصل زوجي وقلتله تفضل الموضوع كذا وهذا متصل كم مره قام زوجي ودق عليه وبس سمع صوت رجال مارد وصار زوجي يأدب فيه وماتصل لما جا ثاني يوم رجع اتصل تخيلووو رفع ضغطي ولما رجع زوجي قلتله قال شوفي صديقاتك بالامارات اذا يقدرون يطلعون من رقمه هذااا لان زوجي قاله لاتفكر نفسك في الامارات مقدر اوصلك انتبه ....وفديتهم وعلى اتصل على وحده وقلت لها الموضوع مافيه ثواني ولاهي جايبه تقرير عنه واتصله زوجي من موبايله وقاله اسمع انت فلان بن فلان الفلاني شوف جبت اسمك ومكانك جرب اتصل وشوف من بيكون عند باب بيتكم بعد الاتصال والله هذاك يوم وهذا يوم والحمدلله مثل هالامور المفروض الوحده ماتخبي على زوجهااا لان بعضهم ممكن يتصل باي وقت واذا خبيتي الموضوع شنو بتقولين عقب لالالا من اول شي ابلغه .....وجد فيه ناس ماتخاف الله ....
 
معلومات لقيت روحي معك
إنضم
18 أبريل 2008
المشاركات
392
مستوى التفاعل
0
النقاط
0
حبيبتي الوالده الله يخليها دايم تقول مثل لاتسرق لا تخاف خليه يشك من هنا الي بكره دامك واثقه من نفسك بيتعب وانتي اذا ناقشتيه بيقول ليش زعلانه وبيفسرها الف تفسير انتي في غنى عنه خلك رايقه وهاديه ومصيره بيتأكد جعلهم الضربه ذا الرجاجيل من يجي ازعاج عى طول يشكون اجل وش نقول عنهم
 
الحالة
مغلق و غير مفتوح للمزيد من الردود.

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه