المساعدة يا اصحاب الذوق زوجي قاهرني تكفوووووووووووون ادخلوا وردوا علي

[عيوف]

السلام عليكم

بالله يا اخوات اللي بنت بيت جديد .. او اي وحدة عندها خبرة في الديكور تفيدني ..


احنا قاعدين نشطب البيت .. وركبنا الجبس واللي قاهرني في الموضوع ان زوجي مصر ما يحط ثريات !!!!!

قلت طيب بلاش تحط إلا المجالس لاااااااااااازم ... مجلس الحريم ومجلس الرجال عشان تعطي فخامة .. وبرضو رافض الفكرة

عشان احنا حطينا ديكورات حلوة وجديدة .. وقال تكفي فخامة الديكورات مع سبوت لايت حجم صغير وكبير وخلاص ...

والله فاقع مرارتي الله يهديه ما ياخذ رأيي :shutup: قااااااااااااااهرني ...


والحين بسألكم هل ممكن يطلع شكل المجالس حلو بدون ثريات :8::8:

 

[نوح الحمام]

الله يعيننا علي الرجاله
وش نسوي خشمك خشمك لو كان عوج
حنا في بيتنا مجلس الرجال مافيها ثريات ومجلس الحريم مافيه
بس ديكور فخم حلووووووووو يكفي

 

[ضحكة شقاوه]

مساء الخير ...
شوفي الدكورات لوحدها تعطي فخامه وبعدين لا تنسي الاثاث راح يطلع حلو باذن الله

وبعد كم شهر من السكن قولي له يركب اذا ماعجبك ...

 

[مهاالجنوب]

احنا جديد نازلين بس ما حطيت الا في مجلس الرجال الى الان والا الحريم بس مكان الكهرب يقول تنفك الازمه الماليه اول وبعدين لحقين
انتظر كم شهر لين يسهلها الله

 

[عيوف]

الله يجزاكم خير خواتي والله طمنتوني ...

وانا كنت مقهورة ... حتى ما يوديني لفلل اللي للبيع مثلا عشان ناخذ منها أفكار ... بس هو اللي يطالع وانا في البيت افرفر في هالنت

ولا شفت ولا صورة بدون ثريات ....

بس يالله نشوف يمكن ان شاء الله يطلع حلو وانا اللي مكبره الموضوع



يا ليت اشوف آراء البقية

 

[ريما النجدية]

هلا لا لازم الثريات تعطي فخامة

 

[محروقة في زماني]

هلاوالله وغلابس لاتكبرين الموضوع خليه لين مايهدابعدكم شهر وفاتحيه في الموضوع
والله يهدي سركم يارب

 

[اريوي]

مبروك المنزل ماشاء الله .. ياغاليتي لاتضيعي فرحتك.. وتبعثري جهد زوجك من أجل الثريات ..
بما ان الديكور راقي .. والاضاءة خفيفة ومرتبة.. استغلي ذلك بوضع الأباجورات الفخمة في المجلس .. والتي تغنيك عن وجود الثريات ..

و ابدعي بخروجك عن المألوف .. وفقك الله ..

 

[عيوف]

الله يجزاكم خير ويوفق كل وحدة ردت علي هذا أنا قاعدة أفكر في إضاءات جدارية ... بدور شي فخم ..

أو على قولة اختي ريوي اباجورات فخمة والله يعين

 

[لوحدي وفيت]

انا مع خواتي بردودهم وبذات قاهرني زماني كل شي طايرر وانا اختك ما يلام

 

[يوجعني قلبي]

عادي يا اختي
مجلس اهل زوجي مافيه ثريات وبالعكس حلووو
الممهم الاثاث والديكور اذا كان فخم خلاص يكفي

وبعدين مع الايام لاحقه غيري رايه

 

[اميرة الورد**]

عاااااادي جداً بالذات اذا ديكوراتكم كلا سيك وفخم فمايحتاج احس مره
واذا انتي شايفته مره يحتاج استني فتره وبعدين كلمي زوجك.... يمكن المسأله مو مسألة ماياخذ رايك يمكن ميزانيته ماتسمح هذي الفتره.... ومبروك البيت

 

[ناناو]

اختي الحمد لله كل شي يجي بشويش .. انتو لاسكنتو ان شاء الله ولا عجبك تقدرين
تطلبين منه بعدين ومثل ماقالت اختي تقدرين اذا ما اعجبك تحطين ابجاورات فخمه وساطعه تغنيك ..

لاتخربين فرحت البيت ..
ربي يطعمكم خيره ويكفيكم شره ..

 

[*انفاس الورد*]

الله يعينا علي هذاولا الرجال وصارحه ماتصلح المجالس الي بثريات

 

[^غلا دبي^]

عزيزتي


رايي من راي البلقيسيات اللي يقولون انه مب ضروري اذا الديكور فخم


مثل هالنماذج

وممكن بعد فتره يغير رايه


تأكدي من وجود توصيل كهرباء احتياط لو حبيتي تركبين ثريات بعد فتره




وبالتوفيق ..

 

[عيوف]

كل الشكر خواتي اللي رديتو
يوجعني قلبي وسلامتك والله من الوجع .. شاكرة لك الحين ارتحت من كلامك .. والله يوفقك

أميرة الورد ... ولوحدي وفيت شاكرة لكم بس للمعلومية أنا مشاركته ماديا النص بالنص !!

ناناو .. اشكرك اختي

أنفاس الورد أشكرك إي والله كلامك صح ..

غلا دبي ..

الصور رووووووووووووووعة تبرد القلب
الله يفرج همك والله اني فرفرت في النت ما لقيت مثل هالصور عشان كذا تأزمت ..والحين لومجالسي بتطلع مثل صورك

والله ما احط ثريات ههههههه ....

 

[همسة ذوووووق]

انتي اهم شي العبي بالاضاءة وهي اللي حتخلي المجالس روعة ترى الاضاءة لها دور كبييييييييييير في تغيير الديكور تبع المنزل واسالي مجربة:idea:

 

[فاتنة الكون]

قدري ظروف زوجك يمكن ميزانتيه ماتمسح له

 

[عيوف]

همسة ذوق أشكرك على الإضافة الجميلة والنصيحة ...


فاتنة ... اشكرك اختي بس هو مو قصده المادة قصده الجمال ... لأن ميزانيتنا ولله الحمد تسمح لأني مساعدته بعد ...