المرونة النفسية

[راجيه الرضا]

من الحاجات اللي بحاول أتدرب عليها وبدعي ربنا يرزقني بيها
هي المرونة النفسية
أو بمصطلح علم النفس resilience
إن الواحد يكون عارف يتماشى مع تغيرات الأحداث
وإن الحياه مش على وتيرة واحدة
شوية سعادة وشوية حزن
شوية مستريح وشوية بيعاني
شوية الدنيا سهلة وشوية صعبة وشديدة
فاللي مش مهيأ نفسه للتقلبات دي هيبقى سهل جدًا إنه يقع عند كل تغير للأحداث
وفيه مثل جميل جدًا النبي عليه الصلاة والسلام شبه المؤمن مع الأحداث زي الزرع
بيتحرك مع اتجاه الريح ويرجع تاني
(مَثَلُ الْمُؤْمِنِ كَمَثَلِ الزَّرْعِ لَا تَزَالُ الرِّيحُ تُمِيلُهُ ، وَلَا يَزَالُ الْمُؤْمِنُ يُصِيبُهُ الْبَلَاءُ)
يعني عنده مرونة وليونة
ايه السبب
معرفته بحجم الدنيا وعدم المبالغة في الفرح باللي بييجى ولا الحزن على اللي بيروح
لأنه عارف إن كله بقدر الله وأمره
ولأنه مهيأ نفسه نفسيًا إنه مش في الجنة فطبيعي الحياه تتقلب
وحتى لو ضعف شوية ووقع شوية إلا إنه بيرجع تاني يصبر ويكمل حياته
فربنا يرزقنا المرونة والرضا والصبر على أقدار الدنيا

- محمد ابراهيم