المرأه التي تعجبك انوثتها....

الحالة
مغلق و غير مفتوح للمزيد من الردود.

برقة الماس

New member
إنضم
2011/03/11
المشاركات
306
بسم الله الرحمن الرحيم
مراااحب للجميع

ابي كل وحده تقولي من المراه في ذاكرتها تشوفها بقمت الانوثه والجاذبيه من اهلها او المحيطين فيها او الجيران........................ مانبي من المشاهير ليش مانفتش بلي حولنا
مثل انا اشوف اختي عمرها 15سنه بقمت انوثتها دائما تهتم بنفسها وضحكتهااااا رقيقه حتى عطستها ناعمه.... ماتقولين تعطس تقوليين تضحك ماشاء الله عليها


يله كل وحده تقول من تشوف انثى امامهاااااااااا
 
وحدهمن قرايبي تتكلم بنعومه برغم إن صوتها عادي وأحيانا تتكلممثل الحجازيات يعني لماتقولخليها على ربنا تقولهابطريقه حجازيه أو لما تتكلم عنابوها تقول بابا برغم وبدل ماتقول إيه تقول ايوا باختصار عودتنا على طريقه جديده بالكلام معانا مع اهلها مع الكل هذي طريقتها بصراحه تعجبني ولماتضحك تغطي فمها بنعومه بأصابعها اللي معتنيه فيها

وبس تصدقين

اما الباقي احسهم واحدمن صحاب إلا إذا جت المذكوره فوق يتنعموووووووووووون لدرجة اني ارحمهم


ولو تذكرت غيرها بقولك
 
موضوع هادف وجميل.. بصراحة تعجبني كثيرا والدتي ليس فقط لكونها سيدة قلبي المتربعة على عرشه.. بل لانها ملكة بحق..!!
لا تستغربوا فهي تتكلم بهدوء ووضوح, وكلماتها كالذهب ومثاقيله لايسمعها غير من يستحق.. تمشي باتزان وبرأس مرفوع.. لها ابتسامة تسحر الناظرين...
اثنان من اخواتي تزوجوا بعد ما رأى ازواجهم والدتي ثم تعرفوا عليهم...

رجاءا قولوا ماشاء الله وادعوا لها بالشفاء والصحة والعافية وحسن الختام وان اكون من البنات الصالحات لها ولوالدي الحبيب

شكرا لرُقي موضوعك اُخيتي
 
معانات عااشق مشاء الله على امج يعنيي انتي ماخذه اسلوب امج وتعلمتي الهدوء
 
زوجة عمي تتكلم بصوت بطيء ومنخفض ومشيتها وحركاتها ناعمه وهاديه وتلبس الوان متناسقه وازيائها ومكياجها ناعم تلبس ملابس مخصره نوعا ما وكعبها متوسط وشعرها اشقر فاتح وكلها نعومه
يعني ماتلبس شي صاخب ماترفع صوتها ابد ماتكثر المكياج فوق اللازم تلتفت وتتحرك شوي شوي
 
انا هادئه وامشي بهدوء وما احب ارفع صوتي احب البس الاشياء الهادئه ومااحب احد يشوفني الا وانا مرتبه حتى لو كانو ا اطفالي احب المكياج البسيط حتى في المناسبات الله يجزاكم الجنه ماكنت منتبهه لهذه الانوثه الي فيه معانات عشق الله يخلي لك امك يارب ويحفظها
 
غاليتي "برقة الماس" اتمنى ان اتعلمـ من والدتي الحبيبة فهي مثلي الاعلى
دعواتي لك بمحبة الرحمن وحفظه وان يسُر قلبك بما يتمنى

صمتي يخنقني..ماشاء الله عليكي الهدوء من اجمل الصفات
ولكن ليس البارد..!!
اُعجب كثيرا بالانيقين, كوني بحفظ الرحمن ورعايته
وشكرا لك
 
مثلا بنت خالي .. ناعمة الصوت رقيقة جداً طيبة القلب ومثقفة حكيمة ولكنها لا تتأنق في الزي ولا الشكل الخارجي..تعجبني ولكن لست معجبة بكلها وإنما ببعضها..
كذلك أختي كانت تتكلم بهدوء و وتمطط في الكلام ولكنها حين تغضب تنقلب مرااا,,
أما صديقتها وخواتها وبنات خواتها أسلوب لبق وذوق وصوت ناااعم وهاديء واحترام ما شاء الله يعجبوني جداً..:) ..
..
.
وأنا بعد تعجبني نفسي برقتها ونعومتها ههههه
 
بنات أختي اللي بالجامعة ماشاء الله عليهم رقة ونعومة ومشية هادية وإهتمام ... سبحان الله يغلب على عائلتهم هذا الطبع .... عكسنا حنا <<<< عربجيات مانعرف للدلع ..ههههههههههه
 
بديت اكون نعمه عقب الدفااااااااااااشه يعني شوي وعية لنفسي

بس بنات وربي بعض الحريم يبين ان دلعهم مصطنع وع وع وع ابي اكون طبيعيه واضيف هاااااااااااااااااااه خط تحت اضيف حركات نعومه ودلع حبتين مو اميع طووووول الوقت او اصطنع ابيها عفويه وطبيعيه ......
 
نسيت

تصدقون وربي لو نطير ونروح ونجي كل انسان يرجع لطبيعته ......انا موضد ان الشخص يطور من نفسه لا بالعكس بس مو يلبس شخصية غيره وهنا كلنا او اغلبنا نتووووه ......اللي اقصده اعرف وحده بالكليه عندي وش دلع ونعومه طبيعيه وعندنا استااااااااااذ دايم عينه عليها*_* بس وربي هي مكتئبه تقول ودي اكون غير شخصيتي ....اللي ابي اوصله ان الموازنه حلوه يعني لا نفرط فالجديه ولا فدلع ....وبث هذربت صــــــــــح تقبلو مروري
 
اشكر كل من تجاوب معاي أنا نفسح ياخت ؛؛استحق المدح:؛ بديت اغير من نفسي بس بالشي المعقول والطبيعي لان مرات التصنع يكون مليغ وموجبة للوحده
 
كانت معاي بنوته موظفه احنا نفس السواق ياااااااالله تنقط دلع ونعووومه مااااااااشاءالله
صوتها نبرته حاااده وصافيه وواطيه كأنها تتكلم من خلال ثقب ابره
وكيووووووت مررره وكل يوم مناكيرها وصنادلها نفس اللون ومرررره تحب نفسها وشنطتها ماااااااركه
مره تستشيرني بشنطة قوتشي فوووشيه مع سلاسل ذهبيه تقول ياريحااانه شرايك ولا ارجعها قلت تهببببل قالت امي زعلانه لانها ب2500 ريال قلت واااااه غاليه تقول حبيتها واضمن ماحد يلبس مثلي
ودلوووووووووعه وتحط ميكاب ناااااعم والماسكرا ماتنزل وساعاتها كشخه تهتم ببشرتها وتجي حرمه شهريا تسوي لها حلاوه وحمام مغربي
وكم مره واحد اعجب فيها كونها تشتغل علاقات عامه بقناة معروفه واحد قال لها على قد ماسمعت من اصوات البنااات ماشفت مثلك انتي غيييييييييير توافقين علي لو اخطبك ؟ وهو مميز ومعروف بس هي رفضته لانها مخطوبه اقول والله بعذره ماشاءالله عليها الله يهنيها
 
موضوعك جدا رائع,,انا ولله الحمد الكل يقول عني نعومه بس سبحان الله اللي اسمعه ان الرجال ينتبهون لهالنقطه لما يطالعون بالتلفزيون او بنت غريبه والله استغرب كثيييييييييييييييير ليه ماينتبهون لحريمهم؟
 
موضوع حلوو...
أنا تعجبني كثييير د.فوزية الدريع..تجمع بين قوة الشخصية والأنوثة والثقة والعلم والأناقة..والمرح..والحيوية والذكاء..وتفهمها وهي طايرة..
صراحه تبهرني كثييييييير وتعلمت من شخصيتها الكثير...
صحيح البعض يعترض على جرائتها..وأنا أيضا...لكن نأخذ مايفيدنا ونترك مالايفيد..

شكرا لصاحبة الموضوع...وبارك الله فيك...
 
الحالة
مغلق و غير مفتوح للمزيد من الردود.
عودة
أعلى أسفل