المرأة ليست مركز إعادة تأهيل للرجل

[راجيه الرضا]

الزواج مؤسسة اكبر بكتير من تفاهة واحده متمسكة بواحد بإسم الحب و هي عارفه انه شخص غير مناسب بس حاطه امل أنها تكون بطلة حياته و تقدر تغيره بعد الزواج
الفكره إن مش بس انتي هتبقي تعيسة - تستاهلي انتي اللي اختارتي- بس ليه اولادك يلقوا نفس مصير تعاستك مع اب فاشل !!
احنا مطالبين نختار زوج صالح و أب مناسب ل أولادنا مش مجرد بحبه يا ماما و شوية تمسك اطفالي بشاب لا يفقه شيء عن تحمل المسؤولية و بعدها نتفاجيء ازاي ابني مطلعش احمد زويل و طلع فاشل على صعيد الدراسة و الاخلاق و بنتي اللي استحملت عشانها سخافات كتير من اهل زوجي في الاخر مطلعتش بطلة العالم في السباحة
احنا احيانا اللي بنختار مستقبل اولادنا و حياتهم التعيسة بايدنا دا لأن ببساطه مفيش حاجه اسمها اتجوزيه يابنتي و بكرا يعقل بكرا يبطل سجاير بكرا يتحمل مسئوليه بكرا يحب الشغل و يبقي راجل ناضج بكرا يبطل يضربك و يتعامل بهدوء و يبطل عنف
والله والله والله المرأة ليست مركز إعادة تأهيل للرجال
Women are not rehabilitation centers for men !!