المتزوجات حديثا والمملكات ادخلوا يااامرحبا

[كآرآميلآ]

السلام عليكم ورحمة الله وبركاته

اهلين فيكم يااعسولات

ان شاء الله مبسوطين في زواجاتكم

المهم ..

انا مملكه ولي شهرين يعني تونا تونا ياليل مطولك

وحياتي مابين مد وجزر

خطيبي حبوب وطيب الحمدلله

بس مرررررررررررررره رسمي

وكل شي عنده باصوول

والى الان ماصار بيننا حتى لمسة يد

وفي مشاكل شويتين او نقدر نقول تعارض في القناعات ..لانه مايغير رايه بسهوله
وكمان مررره مخوفني من اهله و عيلتهم لاني غريبه عنهم مو من نفس القبيله

بس حبيت تطمنوووني الي كانت مثلي وتتعرض لمشاكل اثناء الفتره هذه

ايش صار لها ..

ورررررررررررررررد جوري لكل من مرت من هنا

 

[غرور القمر]

هلا أختي ما عليك هذه الفترة تكونوا بالبداية مو متفاهميين و تحصل كثير أختلافات بالرأي


خاصه انه مو من نفس القبيلة

يعني الأراء جداًَ تختلف بس مع مرور الأيام تفهميه ويفهمك و تقل الأختلافات و شوي تتلاشى و شي طبيعي يكون رسمي بالبداية و يمشي ع الأصول بالعكس حتى انتي ترتاحي معاه و تحسيه أنسان عاقل و راكز بس بعدين صدقيني راح يتغير اما بالنسبه لأهله عادي مشي حالك معهم و راح تتعودي ع الوضع معهم و تفهميهم عيشي هالفترة بكل حلاوتهاااااااااااا

و الله يوفقك ياااااااااااارب

 

[سمو الأميرة]

حبيبتي .. أفضل شيء أصلاً لما يكون رسمي في هذي الفترة .. لأن العواطف القوية تؤدي إلى بلاوي..
و الرجال ضعيفين تجاه تأثير المرأة ..
و اذا حابة تعيشين الحب و العاطفة صدقيني بعد الزواج أحلى .. يعني خلي هالمرحله عقلانية أكثر و ادرسي شخصيته بعيداً عن العواطف ..
و شيلي مسألة تغيير قناعاته من بالك .. لأنك بتتعبييييين ..
الرجل مااااا يتغيّر بسهولة .. و لازم أول شي تتقبلينه بكل ما فيه .. و بعدها هو بيتقبّل انه ياخذ بأفكارك ..
لأن الامور اللي هو متعود عليها و متربي عليها من نعومة أظفاره.. صعبة جداً يغيرها عشان وحده ما له غير شهرين يعرفها !! و إلى الآن ما دخلت حياته كزوجة من كل النواحي .. !!
لكن انتي في هذي الفترة لازم تتصرفين بذكاء..
أولاً اعرفي مفتاحه .. شو الأشياء اللي تأثّر فيه ..
هل هو يتأثّر بكلام الناس و يهتم فيه .. ؟! هل هو متديّن و يهتم جداً برأي الدين ؟! هل هو مثقف و يهتم بآخر ما توصلت إليه الدراسات و ما اكتشفه العلماء ؟!
و بعدين هاتي له المواضيع على شكل قصة .. باسلوب الايحاء -الاستاذة ناعمة تكلمت عن هذا الاسلوب و هو جيد في الاقناع - .. مثال .. تقولين له .. فلاااان قال كذا و سوّى كذا .. و الناس انصدموا فيه و طاح من عينهم ..
مرة قرأت في مجلة أن الدراسات أكدت بأن كذا و كذا و .. و .. الخ ..
أنا سألت شيخ في هذا الموضوع و قال أنه من الأفضل كذا و كذا ..
صديقتي رجعت من ماليزيا من يومين .. تقول جوها رووعة .. و يقولون ارخص من أوروبا بكثير ..

دخلي الموضوع الي حابة تقنعينه فيه داخل القصة .. بطريقة غير مباشرة .. بعدين هو ياخذ راحته في التفكير و يقتنغ فيه بإذن الله ..​

 

[كآرآميلآ]

الله يجزاكم خير ...ريحتوني بكثير

وكلامكم على العين والراس

بسوي فيه ان شاء الله

لو بيدي اقدم لكم شي ,,بس مابيدي غير اني ادعيلكم الله يرزقكم ماتتمنوون

 

[كرز99]

ربي يوفقك ويتمم لك على خيرررر

عادي حبيبتي تحتاجون وقت تتعودون وتتعرفون على بعض
طبيعي الخلافات بهالاشياء
كل واحد منكم متعود على اشياء مختلفه ومن بيئه وجو غير
خلك وسيعه صدر وحاولي تفهمينه وتعرفين طباعهم وهونفس الشي الى ان تتوصلون الى نقط مشتركه

ربي يسعدك

 

[طاغية الانوثة]

بصراحة مهما كانت العلاقة عقلانية لازم شويت عاطفة انا زوجي زيك خجول مره بس انا صرت الدلع واقولة كلام حلو لحد ما بدا يتكلم مهما كان حلو يكون في ايام الملكة شوية رومنسية شويه بس هذا رايي تقبلي مرروري