عروس النشمي
New member
- إنضم
- 25 نوفمبر 2011
- المشاركات
- 7
السلام عليكم ورحمة الله وبركاته ...
مساء الورد للجميع....
اخواتي من تقرا موضوعي وتقدر تشور علي لاتبخل ابد....
انا متزوجه صار لي شهرين تقريبا او اقل....
زواجي كان حصيلة انتظار 5 سنين من عمري ...
اهلي واهله يدرون بهالشي...يعني يعرفني واعرفه عدل واعرف طبعه ويعرفني اكثر....
زواجي كان عائلي واقل من عائلي...الرجال باستراحه وانا كنت بسويت باوتيل جوا اهلي سلموا علي بعباياتهم ومشوا ...يعني بجد ماحسيت بأي احساس تبلد مو طبيعي وطلب العائلي كان طلبه لان ظروفه الماديه ماتساعد...رضيت وقلت اهم شي الله يستر حالنا هالشكليات ماله معنى ...اذكر بفترة الملكه وحده من خواتي قالت بسوي لك زواره نبي نفرح فيك مايصير تروحين بسكات وقلت له قال بالعكس وانا بساهم بالزواره ...
تزوجت من ثاني يوم رجعت لبيتي دخلت على طول بروتين الحياة معه غسلي اكنسي رتبي سوي قهوه وشاي بيجون ربعي ....مره استكثرتها منه ليه بأول حياتنا يصير معي كذا لاحقين على روتين الحياة لاحقين...يكفي متنازله عن السفر عشان برضوا ظروفه الماديه....
مع العلم انه قبل زواجنا ماكان يخلي ديره مايسافر لها....وكنت اشجعه عشان ينبسط مااشوف فيها شي بالعكس العمر مره وحلو انه يروح ويجي ويشوف الدنيا...وفجأه ماصار معه عشان نسافر...
مو مقصر على بيته بشي مجهزه من الى...ولا يحب ينقص بيته شي ومأثثه من الغالي وكل الاثاث على ذوقي ...
بالويك اند اروح لاهلي وجمعتي مع اهلي بس...اهله رحت لهم مرتين بالعيد مره وقبل العيد مره بس...
قبل الزواج كان محلفني مااروح لزواجات وحفلات واي جمعات بزعمه مايبيني انخطب...وكنت مااروح عشانه وصريحه مررررره معه....وكان يقول اذا جيتي عندي لاتخلين مكان روحي لاخر الدنيا بس الحين عشاني لاتروحين ....صبرت سنين وانقطعت عن الناس والمناسبات عشانه ...ربي تمم لنا وتزوجنا قلت بشوف حياه غير ووناسه وبيسعدني وبسعده انا بعد...
من اسبوع صديقتي كلمتني وقالت انا جايه للرياض عندي دوره تبع وزارة العمل فررررررررررررحت مره صار لي 10 سنين ماشفتها يالله يالله يالله مو مستوعبه بجد قلت له ان صديقتي فلانه بتجي الرياض وبسوي وبفعل وبترك ولا علق....جا يوم الثلاثاء اللي طاف وجلسناانا وياه وقلت له فلانه اليله بتوصل بكرى بطلع معها بنروح لكوفي وبعدين بنتمشى باي مكان وعقب بعشيها وبرجعها للاوتيل حق جيتها للرياض قال ليه ماتعزمينها بالبيت قلت مابي البيت ابي اطلع انا بعد....قال ومن تكون هذي اللي صار لك 10 سنين ماشفتيها ....استغربت من ردة فعله يعني مايدري وش يبي بالضبط....وصارت سالفه وعلى صوته علي ورمى لقمته وطلع وخلاني...واعتذرت من البنت آآآآآآآآآآآآآه ياحسرتي ...عذرتني ورجعت لجده بعد يومين ولا حن ولا قال بوديك ع الاقل تسلمين عليها ...
جا قبل يومين صار بيننا نقاش حاد وزعل وصوت عالي وكل واحد يحخكي ويسرد سلبيات الثاني طبعا هو ماقصر فيني بس انا عجزت احكي له عيوبه بوجهه ادري بشخيصيته يستكثر مني ويززززعل فقلت ابلعها احسن لي ماراح اقدم ولا ااخر ليه احكي واتعب روحي المهم اللي حكيت فيه قلت تدري اني صرت اعتذر للناس عن عزايمهم اذا عزموني قال ليه قلت لانك ترفض ومدري ليه ترفض قبل امس صديقاتي مسوين لي عزيمه بشاليه واعتذرت منهم قال لاتعتذرين روحي فررررررحت بطلع للعالم واخيرا يكفي الكبت اللي انا فيه ...
امس رجعت من الدوام لاهلي وارسلت له مسج قلت بروح للسوق اشتري لبس لطلعة البنات قال اوكي....
يوم صارت الساعه 12 ونص قلت متى بتجي قال اوكي انا بالطيق طلعت له اول ماركبت السياره شفته متلطم من غير عقال خوفني قلت وش فيك قال مافيني شي قلت شلون مافيك شي وش فيه قال مديري اقالوه بالشركه قلت طيب هالشي يضرك قال لا بس انا اعزه بالحيل قلت وصع صدرك ماتسوى بعدين على طول قال ترى فيه عزيمة رجال بكرى قلت طيب قال وش بتسوين بطلعة البنات قلت بعتذر وانا بس ابيه يهدا واتفاهم معه رجعنا البيت حط راسه ونام ماشفته الا اليوم الثاني العصر رايق ومبسوط ومافيه الا العافيه ...حطيت له شي ياكله وجلست معه قلت مو انت قلت لي اختار الاوقات اللي اكلمك فيها قال ايه قلت طيب هالوقت يناسبك قال اكيد....قلت وش سالفة عزيمتك اليوم وانت داري اني معزومه والعزيمه لي قال امس قلتي لي بتعتذرين قلت امس ماقدرت احكي معك كأن ميت لك احد...قال انا عازم مديري وواحد ثاني قلت طيب قال وانتي اللي بتسوين العشا قلت لا والله جيب من برا قال خلاص بس سوي القهوه والشاي قلت طيب بسوي وبرتب لك كل شي وبروح للبنات متكلفين عشاني قال اعتذري عادي وتركني وقام يعني قال كلمته وخلاص لاتناقشينه ......ماتتصورون الحسره اللي خلاها بقلبي...ليه طيب من الاساس قول لا لاتلف وتدور ....دخلت المبطخ جلست اصيححححح ولا درا عن هوا داري طبعا جوا الاثنين اللي هو عازمهم وطلع لهم بالملحق من بعد صلاة العشا الساعه 10 ونص دخل علي قال وش تبين اجيب لك عشا قلت مابي تصوروا يوم خميس اهلي مجتمعين وخواتي والعالم طالعه ومبسوطه وانا بالبيت لحالي...
طلع يوم جت الساعه 1 تباطيته رحت طليت مالقيت احد العالم طالعه من زمان لاعشا ولا غيره ...
ولا رجع الا الساعه 3 الفجر طلع يكمل سهرته برا .....طبعا انا للحين ما احاكيه اسوي اكله وارتب شغلاته بس مااحاكيه اليوم طلع يصلي الظهر ولا رجع الا من شوي ولا ادري وينه ولا يدري عني ولا عن حالي ولا قال لي حتى بمسج هو وينه لا انشغل عليه...ورجع طلع مره ثانيه ولا ادري وينه للحين ....
قلت له امس عمري ماقلت لك لاتوجب ربعك ولاتسافر لهم بزواجاتهم ماله داعي ولا تجتمع معهم متى مابغيت جمعتهم وعزمتهم وانبسطت فيهم بس انا حرام علي...
ماني حابه اشتكي لاهلي وضعي واشغلهم معي على قولتهم توين عروس والله تضحكني هالكلمه ...كأني متزوجه بس عشان انحط ببيت واثاث ومطبخ الحمدلله على الصحه والعافيه والستر بس الحياة حلوه بالسفر بلمة الناس بالجمعه ...وانا تزوجت وانحرمت من هذا كله جمعات اهله عادي واهلي عادي بس غيرهم فهمت منه مالها داعي....
طبعا الزواره عارض عليها وغير كلامه اللي ايام الملكه بقدرة قادر طلعت الزواره خساير وشغل فاضي امه تجنن اخلاقها روعه وتعاملها معي ولااحلى كانت بتسوي لي عزيمه كبيره وتعزم فيها اهلي ومعارفها ولا كنت ابي لها الكلافه والله بس ليته ماحكي تصدقون بالله قال لامه ماله داعي تسوينها وبطلت امه...استغرب من تصرفاته ليه مصر يخنقني ويبعدني عن العالم الخارجي انا انسانه اجتماعيه واحب ربعي ولمتهم والناس وهالشي يعرفه من زمان مو شي جديد....
سبق وقلت انه مايقصر في بيته ابدددددد وكل شي كامل بس انا ما اذكر شفت هديه منه من تزوجنا ولا حتى قبل ....هالشي مره موجعني انه مايذكرني لو بشغله بسيطه....تصوروا اول زواجنا نسيت دبلتي بدورة مياه بكوفي ويدري اني كنت حابه دبلتي المهم راحت الدبله ماعا شفناها وقالي ابشري بالعوض بنرجع لنفس المحل اجيب لك زيها استلم ثاني راتب ولا ذكرني بأي شغله...اتول زواجنا ازعجني يسألني وش تبين جوال أي نوع وقلت له وليتني ماقلت له للحين ماشفت منه شي....
بنات تعرفون وش معنى يذكرك الزوج بهديه لو بسيطه ولا وش تأثيرها على النفس...الخير واجد الحمدلله بس هذا شي غصب تحسه كل زوجه تجاه زوجها الاهتمام مطلوب وانا فاقدته....
مهري كان 70الف واذكر تناقشت انا وياه وقال مايقدر كثير عليه قلت طيب جيب قدام اهلي 0وبحول لك 20 يعني يصير مهري 50 وصار وحولت له 20 الف من ثاني يوم ....وماكفى مهري ع الاخر وتسلفت 15 الف وهو داري وقال بنسددها بعدين انا وياك ان شاء الله..
بعد زواجنا باسبوعين سدد ديونه من مبلغ معامله سوواها قالي كلمه جرحتين قال انا سددت ديوني سددي دينك الله يعينك....
فهمت انه من راتبي اللي مايجي ربع راتبه لازم اسدد ال 15 اللي اخذتها من االبنت ...
مدري وش احكي غير اني مصدومه بتصرفاته واعاني ومخنوقه...وتعبت من النقاش معه ...ابي فعل ماعاد ابي كلام ...اللي مرت بتجارب تشور علي الله يجزاكم خير راسي صدع من كثر الحكي واحس ماعدت اقدر اجمع...انتظركم
والله يوفق الجميع
مساء الورد للجميع....
اخواتي من تقرا موضوعي وتقدر تشور علي لاتبخل ابد....
انا متزوجه صار لي شهرين تقريبا او اقل....
زواجي كان حصيلة انتظار 5 سنين من عمري ...
اهلي واهله يدرون بهالشي...يعني يعرفني واعرفه عدل واعرف طبعه ويعرفني اكثر....
زواجي كان عائلي واقل من عائلي...الرجال باستراحه وانا كنت بسويت باوتيل جوا اهلي سلموا علي بعباياتهم ومشوا ...يعني بجد ماحسيت بأي احساس تبلد مو طبيعي وطلب العائلي كان طلبه لان ظروفه الماديه ماتساعد...رضيت وقلت اهم شي الله يستر حالنا هالشكليات ماله معنى ...اذكر بفترة الملكه وحده من خواتي قالت بسوي لك زواره نبي نفرح فيك مايصير تروحين بسكات وقلت له قال بالعكس وانا بساهم بالزواره ...
تزوجت من ثاني يوم رجعت لبيتي دخلت على طول بروتين الحياة معه غسلي اكنسي رتبي سوي قهوه وشاي بيجون ربعي ....مره استكثرتها منه ليه بأول حياتنا يصير معي كذا لاحقين على روتين الحياة لاحقين...يكفي متنازله عن السفر عشان برضوا ظروفه الماديه....
مع العلم انه قبل زواجنا ماكان يخلي ديره مايسافر لها....وكنت اشجعه عشان ينبسط مااشوف فيها شي بالعكس العمر مره وحلو انه يروح ويجي ويشوف الدنيا...وفجأه ماصار معه عشان نسافر...
مو مقصر على بيته بشي مجهزه من الى...ولا يحب ينقص بيته شي ومأثثه من الغالي وكل الاثاث على ذوقي ...
بالويك اند اروح لاهلي وجمعتي مع اهلي بس...اهله رحت لهم مرتين بالعيد مره وقبل العيد مره بس...
قبل الزواج كان محلفني مااروح لزواجات وحفلات واي جمعات بزعمه مايبيني انخطب...وكنت مااروح عشانه وصريحه مررررره معه....وكان يقول اذا جيتي عندي لاتخلين مكان روحي لاخر الدنيا بس الحين عشاني لاتروحين ....صبرت سنين وانقطعت عن الناس والمناسبات عشانه ...ربي تمم لنا وتزوجنا قلت بشوف حياه غير ووناسه وبيسعدني وبسعده انا بعد...
من اسبوع صديقتي كلمتني وقالت انا جايه للرياض عندي دوره تبع وزارة العمل فررررررررررررحت مره صار لي 10 سنين ماشفتها يالله يالله يالله مو مستوعبه بجد قلت له ان صديقتي فلانه بتجي الرياض وبسوي وبفعل وبترك ولا علق....جا يوم الثلاثاء اللي طاف وجلسناانا وياه وقلت له فلانه اليله بتوصل بكرى بطلع معها بنروح لكوفي وبعدين بنتمشى باي مكان وعقب بعشيها وبرجعها للاوتيل حق جيتها للرياض قال ليه ماتعزمينها بالبيت قلت مابي البيت ابي اطلع انا بعد....قال ومن تكون هذي اللي صار لك 10 سنين ماشفتيها ....استغربت من ردة فعله يعني مايدري وش يبي بالضبط....وصارت سالفه وعلى صوته علي ورمى لقمته وطلع وخلاني...واعتذرت من البنت آآآآآآآآآآآآآه ياحسرتي ...عذرتني ورجعت لجده بعد يومين ولا حن ولا قال بوديك ع الاقل تسلمين عليها ...
جا قبل يومين صار بيننا نقاش حاد وزعل وصوت عالي وكل واحد يحخكي ويسرد سلبيات الثاني طبعا هو ماقصر فيني بس انا عجزت احكي له عيوبه بوجهه ادري بشخيصيته يستكثر مني ويززززعل فقلت ابلعها احسن لي ماراح اقدم ولا ااخر ليه احكي واتعب روحي المهم اللي حكيت فيه قلت تدري اني صرت اعتذر للناس عن عزايمهم اذا عزموني قال ليه قلت لانك ترفض ومدري ليه ترفض قبل امس صديقاتي مسوين لي عزيمه بشاليه واعتذرت منهم قال لاتعتذرين روحي فررررررحت بطلع للعالم واخيرا يكفي الكبت اللي انا فيه ...
امس رجعت من الدوام لاهلي وارسلت له مسج قلت بروح للسوق اشتري لبس لطلعة البنات قال اوكي....
يوم صارت الساعه 12 ونص قلت متى بتجي قال اوكي انا بالطيق طلعت له اول ماركبت السياره شفته متلطم من غير عقال خوفني قلت وش فيك قال مافيني شي قلت شلون مافيك شي وش فيه قال مديري اقالوه بالشركه قلت طيب هالشي يضرك قال لا بس انا اعزه بالحيل قلت وصع صدرك ماتسوى بعدين على طول قال ترى فيه عزيمة رجال بكرى قلت طيب قال وش بتسوين بطلعة البنات قلت بعتذر وانا بس ابيه يهدا واتفاهم معه رجعنا البيت حط راسه ونام ماشفته الا اليوم الثاني العصر رايق ومبسوط ومافيه الا العافيه ...حطيت له شي ياكله وجلست معه قلت مو انت قلت لي اختار الاوقات اللي اكلمك فيها قال ايه قلت طيب هالوقت يناسبك قال اكيد....قلت وش سالفة عزيمتك اليوم وانت داري اني معزومه والعزيمه لي قال امس قلتي لي بتعتذرين قلت امس ماقدرت احكي معك كأن ميت لك احد...قال انا عازم مديري وواحد ثاني قلت طيب قال وانتي اللي بتسوين العشا قلت لا والله جيب من برا قال خلاص بس سوي القهوه والشاي قلت طيب بسوي وبرتب لك كل شي وبروح للبنات متكلفين عشاني قال اعتذري عادي وتركني وقام يعني قال كلمته وخلاص لاتناقشينه ......ماتتصورون الحسره اللي خلاها بقلبي...ليه طيب من الاساس قول لا لاتلف وتدور ....دخلت المبطخ جلست اصيححححح ولا درا عن هوا داري طبعا جوا الاثنين اللي هو عازمهم وطلع لهم بالملحق من بعد صلاة العشا الساعه 10 ونص دخل علي قال وش تبين اجيب لك عشا قلت مابي تصوروا يوم خميس اهلي مجتمعين وخواتي والعالم طالعه ومبسوطه وانا بالبيت لحالي...
طلع يوم جت الساعه 1 تباطيته رحت طليت مالقيت احد العالم طالعه من زمان لاعشا ولا غيره ...
ولا رجع الا الساعه 3 الفجر طلع يكمل سهرته برا .....طبعا انا للحين ما احاكيه اسوي اكله وارتب شغلاته بس مااحاكيه اليوم طلع يصلي الظهر ولا رجع الا من شوي ولا ادري وينه ولا يدري عني ولا عن حالي ولا قال لي حتى بمسج هو وينه لا انشغل عليه...ورجع طلع مره ثانيه ولا ادري وينه للحين ....
قلت له امس عمري ماقلت لك لاتوجب ربعك ولاتسافر لهم بزواجاتهم ماله داعي ولا تجتمع معهم متى مابغيت جمعتهم وعزمتهم وانبسطت فيهم بس انا حرام علي...
ماني حابه اشتكي لاهلي وضعي واشغلهم معي على قولتهم توين عروس والله تضحكني هالكلمه ...كأني متزوجه بس عشان انحط ببيت واثاث ومطبخ الحمدلله على الصحه والعافيه والستر بس الحياة حلوه بالسفر بلمة الناس بالجمعه ...وانا تزوجت وانحرمت من هذا كله جمعات اهله عادي واهلي عادي بس غيرهم فهمت منه مالها داعي....
طبعا الزواره عارض عليها وغير كلامه اللي ايام الملكه بقدرة قادر طلعت الزواره خساير وشغل فاضي امه تجنن اخلاقها روعه وتعاملها معي ولااحلى كانت بتسوي لي عزيمه كبيره وتعزم فيها اهلي ومعارفها ولا كنت ابي لها الكلافه والله بس ليته ماحكي تصدقون بالله قال لامه ماله داعي تسوينها وبطلت امه...استغرب من تصرفاته ليه مصر يخنقني ويبعدني عن العالم الخارجي انا انسانه اجتماعيه واحب ربعي ولمتهم والناس وهالشي يعرفه من زمان مو شي جديد....
سبق وقلت انه مايقصر في بيته ابدددددد وكل شي كامل بس انا ما اذكر شفت هديه منه من تزوجنا ولا حتى قبل ....هالشي مره موجعني انه مايذكرني لو بشغله بسيطه....تصوروا اول زواجنا نسيت دبلتي بدورة مياه بكوفي ويدري اني كنت حابه دبلتي المهم راحت الدبله ماعا شفناها وقالي ابشري بالعوض بنرجع لنفس المحل اجيب لك زيها استلم ثاني راتب ولا ذكرني بأي شغله...اتول زواجنا ازعجني يسألني وش تبين جوال أي نوع وقلت له وليتني ماقلت له للحين ماشفت منه شي....
بنات تعرفون وش معنى يذكرك الزوج بهديه لو بسيطه ولا وش تأثيرها على النفس...الخير واجد الحمدلله بس هذا شي غصب تحسه كل زوجه تجاه زوجها الاهتمام مطلوب وانا فاقدته....
مهري كان 70الف واذكر تناقشت انا وياه وقال مايقدر كثير عليه قلت طيب جيب قدام اهلي 0وبحول لك 20 يعني يصير مهري 50 وصار وحولت له 20 الف من ثاني يوم ....وماكفى مهري ع الاخر وتسلفت 15 الف وهو داري وقال بنسددها بعدين انا وياك ان شاء الله..
بعد زواجنا باسبوعين سدد ديونه من مبلغ معامله سوواها قالي كلمه جرحتين قال انا سددت ديوني سددي دينك الله يعينك....
فهمت انه من راتبي اللي مايجي ربع راتبه لازم اسدد ال 15 اللي اخذتها من االبنت ...
مدري وش احكي غير اني مصدومه بتصرفاته واعاني ومخنوقه...وتعبت من النقاش معه ...ابي فعل ماعاد ابي كلام ...اللي مرت بتجارب تشور علي الله يجزاكم خير راسي صدع من كثر الحكي واحس ماعدت اقدر اجمع...انتظركم
والله يوفق الجميع