اللي ماتحب زوجها...ولا تكرهه...؟؟

  • بادئ الموضوع بادئ الموضوع jawa
  • تاريخ البدء تاريخ البدء
J

jawa

New member
إنضم
2007/08/19
المشاركات
23
حسبي الله ونعم الوكيل.........؟

السلام عليكم ورحمة الله وبركاته

مشكلتي انا مع زوجي صارلنا شهر متزاعلين

لاسباب تافهه

بس كل يوم عن يوم تكبر السالفه لانه قام ينرفزني واذا زعل علي حبسني بالبيت حتى لاهلي ما اروح

انا بنفجر ابس اطلع ابي اشوف ناس ابي اتكلم

هذا غير حركاته لي يعني اذا بيكلمني يكلمني بأمر حالي حال الشغاله والشغاله احسن مني

صار موقف بيننا سخيف وتافه على الغدا واهو ماصدق علشان ينرفزني

وشد بيننا الكلام قلت له ليش هالاسلوب معاي ماتبيني طلقني ولا تعاملني بهالطريقه

قال روحي لاهله وبكره ورقة الطلاق عندك

مارحت قعدت في البيت مو علشانه علشان عيالي طفلين

هويحبني ومايقدر يستغنى عني لانه عارفني عدل بس ما اردي شنو اللي صار وخلاه

يغير معاملته معاي

انا صابره على اشياء كثيره واهو عارف ويدرني

خياناته يعني كان يغازل وكنت اتغاظى عنه او اواجهه

ويعترف بالغلط ويطلب اني اسامحه

ومره صارت بيننا مشكله كبيره على سوالفه هذي

مع بنت خالته وهم واجهته وقام يبوس رجولي علشان اسامحه

وسامحته وسترت عليهم

خياناته كلها اللي اكتشفتها بالتلفون يعني ما اعتقد انه يجي الشي الحرام لانه يخاف الله

الحين بعرف ليش مايقدر كل هذا

والمشكله الثانيه بأهله

واخته بذات حسبي الله عليها

مع اني والله كافيه خيري شري

بالعكس مايجيها مني الا كل خير

انا ولا عمري تكلمت بأهله عنده بالعكس ابين اني احبهم حيل واقدرهم

مع اني اشوف نغزات واحس انهم مايبوني او يتهربون مني يعني مثلا اذا تجمعوا تحت مايعطوني خبر

ولا ادري عنهم

واقول الله يسامحهم وما احب اقول لزوجي شي لاني ما احب اخليه يشيل بقلبه على اخته

ولاني اخاف الله اقول اذا فيها شي ربي ياخذ حقي

لكن اخته اهي اللي تتصل فيه وتحاول تكرهه فيني

تقول هذي اذا تجمعنا ماتبينا ولا تكلمنا

ومن هالكلام بس مره سمعته يقول الله يهنيني فيها يعني كانت تشتكي مني وكان يقولها انا ما اسمع منها الا كلام مدح فيكم ولا عمرها اشتكت منكم واسمع منك كلام غير عنها

بعدين قالت له الله يهنيها فيك يعني انت واقف بصفها

حسبي الله عليها اشياء كثيره شفت منها ولا اشتكيت لزوجي واهي تحاول تكرهه فيني بس الحمدلله كل شي يشوفه بعينه

وغير مرت اخوه اللي تبي تغيظني تكررررررررررررررررهني لاني والحمدلله احسن منها بكل شي

بتربية عيالي وبالنظافه وبالشكل وبالبيت

واذا تواجهنا عند اهله تتكلم وتقط علي نغزات وانا ماتربيت على هالاسلوب اسلوب النغزات والخرابيط والكره

تعبت نفسيا منهم

واخاف الحين يستغلون زوجي بهالفرصه ويكرهونه فيني

وابي ارضيه بس اخاف يزفني وانا ما اتحمل اهانه

لانه مره سواها

ابي اعرف شلون ارضيه

الله يسامحه مايتذكر اي شي زين انا سويته له

ابي اعرف شلون اتفاهم مع اخته ومعاه..؟
 
حبيبت قلبي مشكلة الاهل مشكلة كبيرة مره وانا مثلك عند اهله ويحاولون ينرفزوني وهذا انا قاعده احاول اطلع من عندهم لان الحياه معاهم صعبه..........اما زوجك يبغى له ناس افهم مني علشان يردون وانا مشتت ذهني لانك زي مانتي عارفه انا الحين في ازمة بسيطه مع زوجي الله يفرجها لي ولك ويهديهم ويسخر ازواجنا لنا
 
آمين .........

والله ييسر امورنا ويهديهم
 
شفيكم ماتردوووووووون

كل هالبنات اللي دخلوا ولا احد غير اختي نور هي اللي ردت!!؟
 
اختي الله يعينك

ليش يا اختي تخلي الزعل يوصل بينكم الى شهر ؟؟؟؟

بهذه الطريقة تقسى قلوبكم ...حلوا مشاكلكم اول باول

اختي انت الان خايفة ان اهله يستغلون الفرصة و يكرهونه فيك

وانت خايفة انك تبادري بالصلح و يزفك

ايهم اهون ...ان يكرهون زوجك فيك او يزفك بكم كلمة و تتصالحون وينتهي الموضوع

شوفي اختي وش يناسبك و سوية

الله يعينك
 
عليك بالصبر عزيزتي وتقرب لزوجك بالكلام الحلو ولاتحاولي اثاره المشاكل معه خليك ابرد من الثلج لاتعصبي عليه ولاتنسي الدعاء والاستغفار الله يفرج همك ويصبرك ،،،،،
 
الله يعينك ويفرج أزمتك ان شاءالله
والله ذكرتيني بوقت مضي ,,ولا زال مؤثر في نفسيتي
معاملة اهل زوجي بس الحمدلله ربي اختارلي الراحة في
البعد عنهم وسبحااان الله احس لو العداوة تطلع من العمة
اهون لكن المشكلة انها من الاخت دائما! مع اني اعاملها احسن من اختي
بس ما ثمر فيهاااجحود ونكران وانتقادات وغيرة وانحياز الي حريم اخوانهااا الثانيات,,
بس حطيت حد لها الموضوع اذا رجعت ان شاء الله علي طول علي بيتي الجديد,,سامحيني علي الاطالة والله غثيناج بهمومنا ! وعلي قد ما تقدرين احتوي زوجك واحتسبي الاجر عند رب العالمين,,
 
شهرين متزاعليــن كثير .... المفروض انك ماتخلي المشكله تكبر وتوصل لـ 3 ايام حتى

بس مو مشكله مو هذا وقت العتب ... الحيــاة مدرسه واكبر مدرسه ....

ان شاء الله يكون هذي اخر مره تزعلون هالكثر ...

المهم الحين تراضينه حتى لو انك مو غلطانه ...

يعني يكفي تنازلاتك ومسامحتك له على اخطائه ماجت على السبب البسيط الان

تدلعي وقابليه بـالوله ,,, قولي له شدعوى ماصدقت نزعل وماتشتاق لي

بيني له قد الشوق اللي فيك ,,, وبالتدريج الين ماتعيشون احلى جو

تنازلي شوي وبتشوفينه ذايب ... هو مايبي يبدأ بالتراضي اذا شاف نفسه مو غلطان

وهكــذا هم الرجـــــــــــــــــــــــــــال (( مايراضون اذا اعتقدوا انهم ماغلطوا))

وادعي الله يســاعدك وان شــاء الله خير ,,,,
 
محد مرتااااااااااااح الدنيا دااار شقااااااااااااء

على العموم ما املك غير دعوه :

اللهم سخر زوجها لها واجعلها قره عينه وافتح بينهما وانت خير الفاتحين..
 
حبيبتي انتي قصتج نفس وخده من اهلنا بس هي الحين زعلانه قي بيت اخوها اخت ريلها وامه كانوا يعاملونها جنها خدامه

ان شاء الله البنات يقدرون بساعدونج لاني طرحت مشكلتها بس لين الحين ما لقت حل يريحها
 
فعلا اختي عنقود عنب....قست قلوبنا على بعض وقلبه هو بذات قسىىى حييييييييييل

ومشكورين على المرور وعلى نصايحكم الحلوه

بس والله ما احس انه زوجي احس انه شخص غريب وقاسي

ما قدرت اقوله شي ماعطاني فرصه يتكلم معاي بأمر وطريقته بالأمر موطبيعيه فيها اهانه

قلبي عورني احس انه شخص ثاااااني


قبل شوي وصل ودخل الغرفه وسكر على نفسه يعني لاتجين

خلاني انا وعيالي بالغرفه الثانيه

الله يصبرني
 
اختي اجلسي معه حاولي تفهمين سبب زعله خذيه بالريق الحلو
قولي انت زوجي مالي الا الله ثم انت ترى الزوج مثل الطفل الكلمه الحلوه تلين راسه
يمكن اهله لاعبين في راسه
حاولي تهدين الامور انا اقولك فكره حلو حاولي تكتبين له رسالها وكلام حلو وتراضينه
وترسلينها مع ولدك يعطيه اياه وحفظي ولدك كم كلمه حنونه يمكن يحن
واخته هذي تحسبي عليها وادعي في (سجودك اللهم انصرني على من ظلمني)
لان كيد اخت الزوج اذا كرهت اعطم من كيد الام
اللهم حنن قلب زوجك لكي وحن قلوب جميع ازواجنا ياعلي ياقدير
 
مشكوره نفحات البرد على الرد

والله خوفي لايزفني الله يعين بسوي الشي اللي يرضي ربي أولا

والله كريم وحسبي الله على كل من ظلمني
 
الزوج ناكر مهما فعلتي له واهله اعداء وان عاملتهم بالحسن
 
السلام عليكم

خواتي ابي اعرف شلون طريقة تعامل كل وحده ماتحب زوجها

وماتكرهه هل تستمر معاه حتى لو ماحبته علشان عيالها

وشلون لو صارت بينهم مشاكل هل تقدم تنازلات ..؟؟

علشان تعيش ...؟؟

ابي اعرف مواقف مرت على بنات مايحبون ازواجهم ..؟ شلون عايشين معاهم

:sadwalk:
 
الحــــــــــــ :icon26: ــــــــــــب​

:icon26:كلمة عبارة عن حرفين:icon26:​

:icon26:لكن تولد للانسان شعور لا يوصف:icon26:​

عزيزتي ،،،​

لديكِ زوج بالحب هو الذي يشبعكِ .. وعند الزعل يرضيكِ .. أحبيه بكل جوارحكِ انظري له بنظرة مختلفه بزاوية جديده
ملونه باللون الأحمر لون العاشقه ..​

قولي بين نفسكِ وانتِ تنظرين له انظري عيوبه هل هو قصير أو متين قولي أحبكِ على ما انت عليه قوليها كل ما رأيتيه
لكي تتبدل نظرتكِ له لكي تثبت في عقلكِ .....​

أيضاً عند الجماع قولي احبك بطريقة عفوية لكي تثبت أيضاً​


أحبك = زوجي حبيبي​

:in_love:عندما ينام أمسحي على رأسه فسبحانه الله لهذه الحركة تأثير كبير
المسح على الراس أن كان زوج او طفل او اي شخص ​

تخلق الموده والرحمة في الروح ونفس الانسان​

طبيقيها بين فترة وفترة وخاصتاً إن كان مريض ...:cupidarrow:​

أجعلي باطن كف اليد يلمس الراس وأستمتعي بالاحساس الذي ستشعرين به ،،​

وافضل الحركات ذات مفعول رقيق وجميل ..​

هي حضن صورة الزوج وقول عبارة الحب له بهذه الطريقه تتعلمين أن تقولين له بكل حــــ :in_love: ــــب

الناتج برمجي عقلكِ لتحبينه فبها تمتلكينه
لكن أجعلي حبكِ بحكمة​

مع تمنياتي لكي بالتوفيق .......​
 
التعديل الأخير:
حاولت بجميع الطرق


ماقدرت احبه..

اربع سنين ونصف ولاقدرت

تعبت من التمثيل

واذا صارت مشكله اتعب اكثر واكثر
 
انا لا احبه ولا اكرهه لانه مجرد زوج
لاني احب نفسي فهي الوحيده التي تستحق الحب والعطف والحنان
لا يستحق احد حبي وحياتي
 
كيف لا احبه وانا اقترنت به لهذه الغايه
كل شئ في حياتي يحبه وهو سبب الحب فيه
فلولا زوجي ما كان هناك حب ولا عرفت طعم الحب
فالحب خلق له وله وحده لاغير
وانا اضم صوتي مع الاخت شمس وايدها في كل ما خطته انآملها
فلكل شي بالحياه سحره الخاص
والعلاقه التي تربط الازواج اجمل سحر على وجه الارض
لو احسنا الاعتناء بها والاهتمام بها على اكمل وجه
فستاني بثمارها بكل تاكيد
ومثل ما تريد الزوجه واكثر
فما اجمل الحياه وهي مليئه بالحب
وخاصه الحب الطاهر الذي بين الازواج
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل