اللي سوت شعرها كيراتين دخلي بليز بليز

أريج الياسمين

أريج الياسمين

New member
إنضم
2008/01/24
المشاركات
213
:24:السلام عليكم ورحمه الله وبركاته
حبيبي انا سويت كيراتين اليوم لي ثاني يوم بس ودي تقلون لي شنهو الشامبوا اللي استخدمه والماسك وهل استخدم زيوت للشعر بعد اربعه ايام عايدي ولا لا افيدوني بمعلوماتكم:2:
 
ياعمري استخدمي شامبو وبلسم تريسمي

موجود بالعثيم او تحصلينه بصيدلية الدواء
 
اختي الي عملك كيراتين المفروض يعطيكي شامبو وبلسم وسيروم بعد الحمام انا عملت كيراتين ومن نفس ماركه الكيراتين تاخذي الشامبو والبلسم والسيروم وما تغسليه الابعد ثلاث ايام
 
يصلح للبنات الصغار من 6 او7 سنوات علموني بنتي مره معقده من شعرها هو ناعم بس كيرلي وكثير بس هو حلو مو خشن ودي في شي يخلي شعرها سايح والله حتى ما تلعب مع البنات الي شعرهم ناعم تخاف لايتكلمون عليها وتقول اكره نفسي وشعري والله احزن عليها مره ياخواتي اعطوني حل الله يوفقكم ويسعدكم يارب وانا مستعده اي شي افعله علشانه​
 
حبوبه الكيراتين ما يصلح معاه لا زيت ولا حنه والا يخترب ولا كأنج مسويته

ولازم امبو خاص بالكيراتين
او شامبو خالي م الاملاح
 
انا مع الاخت المفروض المشغل الي عملك تاخذي منهم الشامبو والماسك لشعرك

اذا استعملتي حاجه تانيه حيخرب اساسا الي سوته ماتحتاج زيت ولا غيرة حيزيت شعرك اصلا ​
 
انا بصراحه سويت الكيراتين بالرياض مررررررررررره روعه عند اخت امسها مروه تجيك للبيت

الله يسلم ايديها بصراحه شغل معتبر فعلا اللي تبي اعطيها الرقم تبشر بس انا ماردي هو عادي بالمنتدى او لازم خاص

بصراحه انسانه قبل كل شيء ذوق وادب .
 
حبيبتي مــثل مــا قالو البنات...

الشامبو تشتريه من نفس الصالون اللي سوولج اياااه ... شامبو وبلسم للشـــعر... وهذا الافضــل

او اي شامبو يكون خالي من كلوريد الصوديوووم


و بالنسبه للي بنتها صغيــره .. عادي تقــدر تعمله في ســنها ..

و الصراحه انا مجربه كيراتين جلوووبال... الخالي من الفورمالي ديهاااايد

يخلي الشعره منظرهــا حلووو وصحي... و مش مستقيييييييمه مره .. بس فرد لي شعري بنسبه.. 60 الي 70 %

و بالنسبه للزيوووت يا بنااات مافي داعي تسوينها .. لانه يقولج تــأثر علي طبقه الكيراتين ويروح مفعوله بسرعه

لان لازم تحطو في بالكم ان الكيراتين .. هو مثل طبقه يغلفو فيها الشعره.. و تثبت علي الشعره لما يتم تمشيطها بمكواه الكيراتين .

يعني لا تقعودن تشدون بشعركم ( خاصه للي عندها حاله نفسيه وتحب تلعب بالشعر و تشده بدون شعور )


عــشان يتم مفعول الكيراتين في الشــعر مده اطول


هذه خبــرتي المتواضعه ..

و انا جربت الكيراتين الخالي من الفورمال ديهايد ... و بجد عجبتني النتيجه ..ز


بالتوفيق للجميع .. و انصح فيه بقوووه .. بس اختارو صالون شغله حــلو و مضمووون
 
الحلوه اللي ارسلت لي رساله خاصه ترا رديت عليك بس مادري وصلك ردي او لا

لان اخر شيء طفى الجهاز خبريني ياقمر:)
 
مثل ما قالن الخوات-الصالون الي سوالج الكيراتين لازم يعطيج الشامبو والبلسم والسيروم وحمام الزيت، ولازم تستمري عليهم ولا تستخدمي انواع ثانية، بس الصراحة انا سويت كيراتين والنتيجة رووووعه بس عقب 4 شهور حسيت ان سعري بدا يتعب وينعدم، حتى ربيعتي صار معاها نفس الشي. ان شاءالله اتكون تجربتج احسن عن تجربتي.
 
انا جربت الجلوبل وايد حلو ويعطونج شامبو وبلسم معاه
وثاني مره كان من شركه ثانيه بس جذبت علي قالتلي جلوبيل بس عرفت انه مب هو لاني اول مره جربته وشفت علبية بس الثانيه ما روتني وعطتني شامبو وبلسم وسيروم ماتريكس من لوريال

كان اوكيه بعد بس قالتني ما ينفع تستخدمين زيووت ولا حنا لانها تخفف من الكيراتين في الشعر
 
آآآآآآآآآآآآآآآآآآآآآع ..
شعري معدووم وانا اللي خربته ..
لحقووو ...عطوووني مشغل مضمووون بسوي كيرايتن وتراي بعمري مازينته ..نصحوووني ..حلو ولا لا
 
السلام عليكم ورحمة الله وبركاته


اختي وحده الرجاء ارسال الرقم على الرسال زوار او خاص عادي اهم شي ابغاء ضروري

الي تصلح الكرتين
 
المعقده قال:
اختي الي عملك كيراتين المفروض يعطيكي شامبو وبلسم وسيروم بعد الحمام انا عملت كيراتين ومن نفس ماركه الكيراتين تاخذي الشامبو والبلسم والسيروم وما تغسليه الابعد ثلاث ايام
أنقر للتوسيع...
فعلا انا كذا من نفس نوعيه الفرد
 
مجاديف الامل قال:
يصلح للبنات الصغار من 6 او7 سنوات علموني بنتي مره معقده من شعرها هو ناعم بس كيرلي وكثير بس هو حلو مو خشن ودي في شي يخلي شعرها سايح والله حتى ما تلعب مع البنات الي شعرهم ناعم تخاف لايتكلمون عليها وتقول اكره نفسي وشعري والله احزن عليها مره ياخواتي اعطوني حل الله يوفقكم ويسعدكم يارب وانا مستعده اي شي افعله علشانه​
أنقر للتوسيع...

حبيبتي شعر بنتك حراام تستخدمين له اي نوع فرد كيماوي
بناات اختي والله العظيم كان عليهم شعر موبس معقدهم إلا اختي اتعقدت معاهم والله ماتتخيلين
كيف صاار الحين والله يجنن طول ونعومه ولمعان وكثافه والكل مستغرب ايش صارله وكيف اتغير سبحان الله العظيم
بصرااحه اختي اهتمت فيه اكثر من اللازم
تزييت وحنا يوم بعد يوم وكريم بعد كل شور
وعلى طول تلبسهم قبعات والشعر رطب لحد مايجف ولكن قبل المناسبات كانت تلفه طاقيه وتغطيه بقبعه وعلى هذي الحكايه
لحدماصار ناعم من نفسه
 
المعذره حبيبتي شعري ناااعم
بس ماحبيت امر على موضوعك من غير مااارد
ان شاء الله البنات يفيدونك
والله يعينك
 
ياليت اللي جربت الكيراتين في مشغل من مشاغل الرياض تقولنا عنه وعن النتيجه.
 
طيب الحين سؤال انا مره قريت هنا انو يسبب سرطان الجلد ؟؟؟؟؟؟؟؟؟؟؟؟؟؟؟؟
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل