اللي ساكنه ببيت اهل زوجها تتفضل

فراوله ملكيه

فراوله ملكيه

New member
إنضم
2010/07/25
المشاركات
15
السلام عليكم بنات شخباركم


عندي مشكله وياريت تساعدوني فيها

بحكم اني جريب بسكن مع اهل زوجي قبل كنت ساكن بعيد عنهم جم شهر والحين بننتقل عندهم.

بنات انتو شنو نظامكم في الغدى تاكلون بروحكم او مع اهل الزوج ومن اللي يطبخ؟

امي على ايامهم مسكينه كانت عايشه ببيت اهل ابوي :32:

ويدتي الله يرحمها الاكل كله من عندهم مع ان امي كانت عندها خدامه

وانا ماعندي خدامه ولا اهل بيت زوجي

زوجي يقولي انتي اللي تطبخين الغدى يقصد بس لي وله ( انا بيكون عندي مطبخ بس وايد صغير ) يكفي لشخص واحد شخصين بالكثر!

:30: قلت له مافيها شي لين نزلنا تحت واكلنا معاهم

يقول لا مابي اكون عاله على احد :30:

صج انا ماشتغل يقول انتي عيل شنو فايدتج تخيلوو!!

صراحه بنات زوجي وايد طبعه صعب

وواااااااااااااااااااااايد عصبييييييييييي موترني ومكره عيشتي وانا دايم اقوله هالكلام

وبحكم انه صار لنا تسع اشهر بس من زواجنا!!!

اهو سالب وانا موجب

مو متفاهمين كله هواش في هواش وانا تعبت منه مادري شاسوي

واذا يعصب السانه مايسلم منه اي شي يقولي وانا حدي اعصب وتصير سالفه كبيره

ماعرف اتفاهم معاه

حاولت معاه اشرح له الوضع واني وايد متضايقه من اسلوبه

يقولي انتي اسلوبج غلط غيريه ولا اوديج بيت اهلج تخيلو !!!

وانا امس تهاوشت معاه وقلت له خلاص مابيك طلقني !!


والله حاسه اني تووني صغيره ولا مستانسه في حياتي معاه

وعادي يعصب على جدام اهله !! وانا اتفشل منه انحرج وايد

ودايم اقول الله يعيني عليه

بنات تكفوون ساعدوني ماله غيركم بعد الله

اعتبروني مثل اختكم ونصحوني شاااااااسوي معاااااه

تعبت
 
حبيبتى الله يعينك ويصبرك ادخلي البوصلة الشخصية وانت بتعرفين شو نمطك ونمط زوجك وبالنسبة لي انا بتفس العمارة بس لي مطبخى واطبخ لحالي انا وزوجي وهم بكيفهم طبخو ولا قعدو يعنى لي حياااتى الخااااصة الله يوفقك دعواااااااتك
 
الله يكون بعونك
وانا عايشه مع اهل زوجي بس شقه لحالي اطبخ فيها انا تكون حريتي اكثر
ومااحب اني اكل معهم يمكن اكلهم مايعجبني
بالعكس خلي حياتك فيها خصوصيه انتي وزوجك تاكلون مع بعض
واذا اشتهيتي يوم بالاسبوع اكلي عندهم
 
هو صادق اذا ماطبختي له وكنتي معاه وبكل وقتك
ليه اجل متزوج
كان جلس عند أمه وخواته !!
وبعدين اكره مايشوف الرجال
اذا قالت له زوجته طلقني
خلاص ترسخ بباله
الحين معناه انك بعتيه وماتبيه
خلاص لو بكيفك فارقتيه ورحتي لبيتك أهلك مطلقة
الزوج يبي يتزوج ليه ؟؟!!
يتزوح ليستقر وتكون حياته كلها حب ومودة والفة وتراحم
مو مشاكل وعصبيه ومنازعات
يبي اذا رد من الدوام يلاقي زوجته تنتظرة بالابتسامة
وتكون مجهزة له اكله وشربه
ومكان راحته

أختي فكري بنفسك أنتي ليه من الاساس متزوجة
وليه أهلك زوجوك
اسعدك الله
إياك من تكرار كلماتك له مره ثانية
المره الاولى عداها لج المره الثانية ربي العالم شو يصير لج
​
 
انا ساكنة مع اهل زوجي ولية شقة لوحدي بس في البداية كان الاكل مع بعض ومرة الوضع كان ممل لان انت احيانا تنامي متاخر وتبغي تتاخري في نومك واحيانا كان زوجي ما بيجي عالغداء وانا بمشي حالي باي شي لالالالالا ممنوعطبخ يعني طبخ مع ان عند عمتي شغالة المهم
نصيحة من محبة والله خليك لوحدك حتى لو في نفس البيت اريح لك ولزوجك ولهم

خليك بعييييد حبك يزييييييييد
 


أنا ساكنة معهم بالبيت، بس ساكنه فوق في ملخق صغير، وعندي مطبخ صغير صغير جداً.
أطبخ لوحدي.....
أختي لازم يكون لك إستقلالية، بيكوني بعيدة عن المشاكل.
طبخوا أو ماطبخوا، مش شغلك إنتي.
و بعدين أهل الزوج ممكن يمنوا عليك، يقولوا لك: كم شهر صار لنا نطبخ لك؟ كم سنة؟ حسيتي بقيمتنا؟ عرفتي قدرنا؟

شعور الزوج يختلف لما يدخل عندك و يشم رائحة طبخك واااااو، أو لما يجي الليل من الخارج يشوفك مسوية عشاء لشخصين بشيء إنتو تحبوه مع عصير.
في أيام بيكون زوجك معزومو إنت ودك تناااامي، أو ودك تتغدي بشيء معين سويه لك، أو ودك تنزلي تتغدي معهم.
في أيام ودك تسوي حلى لك وله فقط.

تغدي معهم يوم بالإسبوع، إذا طلعتي و رجعتي، ماحد له دخل وين رحتي؟ وين جيتي؟ مع من كنتي؟​
 


نسيت أقول لك....
إمسكي أعصابك!!

أكثر شيء يندم عليه الإنسان هو الكلام والإنفعال وقت الغضب.
عندي طريقة حلوة لك، إذا قال كلام ما يعجبك أو صار يفلت عليك حكي، تخيلي أن هناك حاجز زجاجي بينك و بينه، وهو يرمي عليك الطماطم (يعني الكلام البذيء)، وإنت ما يصيبك شيء لأن هناك حاجز شفاف هو لا يراه.
وكذا ما راح تعصبي.
إذا إختربت حياتك ما راح تتصلح إلا بشق الأنفس و طلوع الروح، حافظي عليها من الآن مثل ما إنتي ودك تكون.
إحذري من كلمة طلقني!!
هذي الكلمة تحسس الرجل إنك زاهدة فيه، و راح يتركك بسهولة.
بيقول لك" مو إنتي حلمك إني أطلقك؟ هذا أنا حققت حلمك الغالي و شفت إمرأة أخرى تحتويني بأخطائي و عيوبي"
شوما صار لا تقوليييها أبداً.

​
 
البنات ماقصروا
اعرفي نمط زوجك واعتقد انه شمالي بس اتاكدي !!
لاتخلينة يتمادى بهواشه لك قدام اهلة انتبهي ؟
اطبخي لزوجك حتى يتعود على طبخك وماعاديستغني عنك وتفنني له
خليه يحس انة اتزوج امرأه غير امة واخواته ..
اهل زوجك اطبخي لهم مرة بالاسبوع ونزلية لهم واذا مطبخك
صغير عادي انزلي تحت واطبخي وقولي مطبخي صغيير قلت اطبخ هنا
خليك رسميييية معهم وخلي لك خصوصية لاتدخلين بامورهم وحثي زوجك على خدمتهم
لاتشكين لزوجك من اهله انتبهي ؟
الله يوفقك ويسعدك ..




​
 
البنات ماااقصروووو واتمنى لكـ السعاده وراحه البال
 
ولله باقي تجي ايام تطفشين من القعده معاهم..يعني الوحده بالعكس تبغا يكون لها خصوصيه ببيتها مملكتها بروحها.. تطبخ اكلها هي وزوجها ع ذوقها ..تتفنن..

اذا قعدتوا كل يوم وانت تاكلون عندهم حتى هم راح ينتقدوك بيقولون وش ذا ماتطبخ ولاتسوي شي..

واعرفي نمط زوجك وتعاملي معه بحسب نمطه..ترى اول سنه زواج لسى مانتو فاهمين بعض كويس انتوا الحين لسى تدرسون شخصيات بعض..شوفي شيحب شيكره..

تقولين زوجك عصبي..ترى العصبي مافي اطيب منه ولا احن من قلبه اكسبيييه..

والله يوفقك وييسر امرك..
 
نفس كلااام البنات
خليك لوحدك مستقله
 
بسم الله الرحمن الرحيم
هذي اول مشاركه لي
بصراحه انا ساكنه عند اهل زوجي ولي مطبخي الخاص بس اهل زوجي يبوني 24 ساعه تحت عندهم
وانا من بدايه زواجي حطيت لهم حد وخصوصيه زايده تعرفون خوات الزوج عيونهم الله يهديهم على زوجه اخوهم
يشوفون وس تطبخ وش وش وش الخ
فانا من بدايه الامر ماقد طبخت لهم تحت اذا بطبخ شي سويته فوق وانزله معي ولا انزل كل يوم عشان
مايتعودوا علي
صح صار مشاكل بيني انا وزوجي بس تعود بعدين
والحمد لله الحين اوكي بعد مشاء الله
 
معليش شوي شوي وتفهمينه المساله يبيلها وقت وعامليه كان مافيه مثله بالوجود خلي له معامله واحترام وتقدير خاص لوعيوب الدنيا كلها فيه
بعدين اهله حاولي تعاملينهم كانهم اهلك عشان تنسجمون مع بعض والمطبخ خلي لك مطبخ خاص احسن وبعض الاوقات كلوا معهم
 
انا سكنت عند اهل زوجي الصراحه احلى ايام حياتي زجي كان مسافر بحكم الشغل
نصحى مع بعض ونطبخ ووناسه واذا جاء زوجي محد له دخل فينا نطلع ونرجع براحتنا الصراحه عمتي والله ذوق
والحين انا مع زوجي بعيد عن اهله واهلي لكن والله مشتاقه لايامنا الحلوه
 
البنات كفوا ووفوا الله يجزاهم خير انت خليك مستقلة بحياتك عن اهل زوجك افضل اما بالنسبة للمشاكل

اول سنة كثيرة تكون لانك ماعرفتيه زين وهو ماعرفك اصبري والله يفرج همك​
 
حبووبه عااادي

انا زووجي بالبداايه كان كذا
وكنت اسووي اي شس يبيه والحين عاادي
بس هو فرض شخصيه

الله يعينك ياعسل
 
البنات ما قصروا بالكلام وانا معاهم وفي اشياء انا ندمانه اني ما سويتها

خلي لك استقلاليتك وتغدي معاهم يوم او يومين بالاسبوع او خليها عشا

وبين فتره والثانيه سوي اكله ولا حلى ونزلي لهم شوي

عشان لا يتمادون ويمكن يتدخلون بكل شي حتى بلبسك ولبس اعيالك

على اساس يمنون عليكم كثير ونصيحه خلي العلاقه بينهم رسميه شوي

والله يوفقك ويوفق الجميع يارب
 
الحل الاكيد انك تتوظفين منها تبعدين وتصيرين غاليه عليهم وعلى زوجك ومنها تدبرين حاجاتك مثل خادمه بعد ما تقنعينه لانك مشغوله بالعمل
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل