اللي زوجها ما يبادلها كلمات الحب ويتغلى عليها ,,,,, عندي الحل

[فتاة الابداع]

صباح الخير ان كان صباح ..
مساء الخير ان كان مساء ..

اللي تحس ان زوجها يتغلى عليها أو مايبادلها كلمات الحب دائما وهي تحب تسمعها ... عندي الحل ...ومجرب

إذا كنت تتكلمين معاه وتتناقشين وياه عن حياتكم ومن هذي السوالف اللي لازم تصير بين الزوجين قولي له ....
مفروض مانبخل بالمشاعر على بعضنا
..وانتبهي ...
يحس انك تقصدينه ..
وإذا قال لك ليش أنا مقصر
قولي له فيك الخير والبركه ياعمري ...
يعني لاتجاوبين بنعم
وفالحقيقه لا ولا تقولين لا ويزعل ...
وقومي تكلمي عن نفسك وكانك أنت اللي مقصره معاه من هالناحيه ... وشوفي النتائج شلون خطيره ...
‏(‏بس لاتقولون هذي تحرشنا على رجالنا .... لا والله بس هذا اللي يفيد معاهم ) وسلامتكم:icon30::msn-wink:

 

[فتاة الابداع]

وش رأيكم بموضوعي ،،،،،،،،،،،،،،،،،،،،،،،،،، أعجبكم

 

[أم مريامي]

هلا الغاليه يمكن تضبط مع البعض مب الكل..
انا مثلا ريلي ماتكلم معاه ولانتناقش وااايد يادوب كلمتين على الطاير
من اول ماخذته كل مااحاول اتكلم معاه ونسولف مايتكلم شبه صامت..
وعلى فكره هو مايشوف نفسه مقصر عشان جيه مايسالني اذا هو مقصر معاي او لا ..

 

[asm004]

عجييييييييييييييب وخوش فكره بجربها وبقولج عن مفعووووووولها

 

[ام راشد 2006]

الله يسخر لنا ازواجنا
تسلمين عالحل
وانا ريلي يقولي ما اقدر اتغير ما ادري شو اسوي وياه رفع لي الضغط

 

[lovely1]

(انا مثلا ريلي ماتكلم معاه ولانتناقش وااايد يادوب كلمتين على الطاير
من اول ماخذته كل مااحاول اتكلم معاه ونسولف مايتكلم شبه صامت) أنا مثل الأخت أم مريامي كأنها تتكلم عني وعن زوجي بس أنا ما علي منه أتكلم وأتكلم عجب عجب وإذا ما عجب بسلامته بس بحاول اجرب طريقتك أختي فتاة الابداع فلعل وعسى تحرك أبو الهول وينطق