اللي زوجها بارد جنسيا.. تعالوا نواسي بعض...

[طفلة الورد1]

مرحبا خواتي.. والله انا اعاني من برود زوجي.. لدرجه انه ما يطلبني ابد.. يعني اذا احتجت انا ارووح لعنده ... فشله صح

يعني يمكن اطلب منه مره او مرتين في الشهر... ويسوي بس جبر خاطر لي..

مين زوجها مثلي.. وشو نسوي عشان نذيب جبل البرود...

 

[حبي وسام]

يا أختي طفلة الورد1
السلام عليكم ورحمة الله وبركاته......
الجواب: طبعاً على حسب المعلومات اللي عندي ممكن تكون صائبه أو خاطئه.
البرود الجنسي عند الرجال :
قبل كل شيء يراجع الطبيب...لان فيه منشطات تساعده
أولاً: عدم الراحه النفسيه: من ( مشاكل ، ضغوط عمل ، ضغوط نفسية)
ثانياً: الزوجة: (عدم اهتمامها بمظهرها / بلبسها / /اهمالها بالمنزل إلخ....)
ثالثاً: العادة السرية لأنها ( تسبب ضعف في الحيوانات المنوية/ وبرود في الجنس/ وقد يؤدي إلى العقم).
تحيااات : حـــــــــــبي وســـــــــــااام

 

[طفلة الورد1]

مشكوره اختي حبي وسام على معلوماتك المختصره والمفيده..

انا بس كنت حابه ندردش ونسولف مع الحريم اللي نفس معاناتي... نواسي بعض.. واشوف كيف تأقلمن مع الوضع.. وهل في احد نجح في التخطي لهذه المشكله .. اتمنى الاجابه .. لزوجات الباردين جنسيا

 

[طفلة الورد1]

يعني الحين ولا وحده زوجها بارد؟؟؟؟؟؟؟؟؟

 

[مراوي86]

انا زوجي بارد جنسيا و عاطفيا.. و ابشرج احنا ما صار لنا سنه من تزوجنا..
و يوم اساله ليش جذي انته متغير و ما تشتهيني و لا شي يقول لي لان انتي حامل و انا اخاف ع البيبي مع اني كم مره قلت له اني سالت الدكتوره و قالت عادي .. بعد ماشي فايده..
لما نجلس مع بعض في الصاله نتابع التلفزيون .. انا ارتمي ف حضنه.. و ابوسه.. حتى اني افتقدت بوس الشفايف.. و يوم ابوسه موول ما يخليني اطول و اذا قلت له شي يتم يستعبط

يعني عادي و ترانا عايشين ف الدنيا.. بس ما اقول غير الله يحنن قلب كل زوج على زوجته يااااارب

 

[dantail]

حبيبتي طفلة الورد......احنا كنا تمام و الحمد لله لكن مريت بفترة أزمة سببت لي حالة اكتئاب شديدة كان يشكي زوجي من الضعف و قلة الرغبة......بكيت و بكيت و انحبطت بس تعرفيييين شو كان الحل؟ الدعاء ثم الدعاء ثم الدعاء ، و الله توجهت لرب العالمين و بكيت و رجيته و الحمد لله بدت الأمور تتحسن ....الله المستعان

 

[طفلة الورد1]

اختي مراوي.. صدق كانك تتكلمين عن زوجي ... المشكله ما فيه ضعف جنسي عشان اعذره ما ادري ليش هالبرود سبحان الله..

المشكله اذا ابتعدنا عادي يستانسون.. الله يكون في العون


اختي dantail صدق والله ماشي مثل الدعاء... وانا اشكرج لانج خبرتينا بتجربتج .. وراح نحاول في هذا الشهر الفضيل

 

[كيلو ورد]

حطيتي ايدك عالجرح

اللي يقهر انو الوحده تكون حلوة ونظيفه ونعومه وهو ولا شايف
للي يقهر اكثر ان الناس يمدحووووون فيها وويحسدون زوجها عليها وهو ولا حاسس
بس اعتقد ان العادة السريه هي سبب هالشي
او الكسل والله اعلم
وا

 

[عنادي uae]

جربن الاغراااااء ما ينفع معاااهم بحاااااااول اثيره واببتعد عنه ليما يطلبج

 

[زوجة لزوجها]

أنا زوجي بارد ، لكن بروده مو قل رغبة ، لكن لازم أنا اللي أبادر ، سواءًا بالتزين الواضح (يعني غير المعتاد) أو بالحركات أو اللبس ، ووقتها يسويها أداء واجب!!
وقتها أحس كأني فقيرة مسكينة جوعانة ولقت من يعطيها كسرة خبز ناشفة !!!
أحس بذل!!!
وهذا أفقدني الرغبة تدريجيًا ..
والحين مرة إلى مرتين بالشهر ، وأحيانًا أنا ما يكون لي نفس بعد!!
لكني أحس إني تكيفت مع الوضع ، وما عاد يهمني كثير ..
وأحاول أسعد نفسي معه إذا جات منه هو ..
ووقتها ما يهمني بأي وضع أكون ..
المهم نظيفة وبس

أما التزين فتقريبًا تركته ، لأنه يعني له شئ واحد .. إنني محتاجة !!
حتى لو أتزين كل يوم راح يقول لي أيش فيك !!

وأرجع أقول : مو قصدي الزينة المعتادة ، أقصد المبالغة ..

والله يعيننا ويسعدنا دنيا وآخرة ..

 

[مزيونةوحنونة]

اشكي لي ابكي لك كلنا في الهوى سوى
زوجي كانه فريزر متحرك لكن وش نقول يمكن فترة وتعدي واقول في نفسي ما دام
بصحه وعافيه في يوم من الايام راح يرجع
تحياتي لرابطة زوجات الجليديييييين​

 

[نينا ريتشي]

كان زوجي هيك

وقريت موضووووع انه ممكن ان الزوج يكون خاين؟؟؟؟؟؟؟؟؟؟او يمارس العاده السريه؟؟؟ويشاهد افلام؟؟


المهم دلع حلاوه اهتمام

مايجيب نتيجه دايمااا

انا وسوت بس الدعااااااء والاستغفاااااااااااااااااار يحلون الازمه

 

[أبرار سالم]

اذا تبين ترد العلاقه مثل أول وأحسن .. سألي نفسك هالسؤال
انت تعشقين زوجك ولا تبينه يؤدي الدور اللي عليه وخلاص
ترى الجماع هي رغبه نفسيه قبل لا تكون رغبه جسديه ، والزوج
ما يستثير أكثر الا بالمشاعر خليج هاديه وريلاكس وقربي من روحه
حبيه وأشتاقي له من بعيد هو راح يحس فيكـــــ...:blush-anim-cl: الله يوفقكم

 

[هناء 11]

انا مع الاخت اللي قبلي
واضيف ........ان مو بالدلع فقط او الغنج يثار الرجل جنسيا ......... اهم شي يحس انه مرتاح مع زوجته ........ما ينفع ابد تكون زوجته طول النهار صوتها عالي و تصارخ على اولادها و تتهاوش مع الخدامه او مهملة في البيت او لا تطبخ له الاكلات الزينة او تعمل مشكلات معه او ما تحب امه و اخته و تتكلم عليهم بسوء و تبغينه يجي لك اخر الليل مثار جنسيا و يبغى يجامعك ؟ ترى اي نفس تكون لهالشي

ملخص الكلام ...........انظروا لنهاركم مع ازواجم لتعرفوا لماذا في الليل يديرون ظهورهم لكم

 

[أمواج وبحار]

مممم صح كلامكم...تلاحظون ان هالشي يأثر على علاقتكم الزوجية؟

 

[girls rock]

انا اعاني بعد من برود زوجي الجنسي مع انه مو ضعيف جنسيا لكنه ما يسويها الا مره ولا مرتين بالشهر

واللي يحز بالخاطر انه انا دايما اللي ابادر واهواا ولا عالبال لين درجه حالتي النفسيه كلش زفته وتعبانه

لين درجه توني من يومين صرحت له بانزعاجي ووصلت معاي لطلب الطلاااق ووعدني خير وهاذا اهو

على حطت ايده ما تغير فيه شي وانا واايد متأزمه نفسيا ومستحيه بعد اطلب ولاعت جبدي من نفسي لاني انا

اللي ابادر كلش ما يحسسني بانوثتي مع انه ما علي قاصر اكشخ والبس بس النفسيه الحين الله بالخير

تعبت حيييييييل ودعيت ودعيت ولا شي تغير وحتا الصبر مل مني .. استغفر الله العظيم

 

[هذا قدري]

انا زوجي متضايق من وضعه بس مايحب يبين لي ويتمنى انه جنسي حار ( بتلميحاته ) لذلك انا اعذره ولو اني متضايقة جدا مالي الا سنتين متزوجة ومرة او مرتين في الشهر واحيان يروح شهر ...عاااادي ... اغيب عنه واسافر وارجع واتزين واستقبله بكامل زينتي ومفاتني ويعجبه ويمدح فيني لكن........... بدون شهوة


المهم الاخلاق ....................هههههههههههههههههههه

 

[lol123]

انا زوجي كذايرفع ضغطي واحس اني كرهته مع العلم صار لنا سنتين مع بعض

 

[طفلة الورد1]

والله يا خواتي.. المجرباااااااات ادري الوضع محرج.. ويقهر في نفس الوقت... لكن شو نسوي لازم نعدل الوضع شوي ... ما نبيهم يتعودوون...

بس كيف نخليهم يشتاااااااااقون لنا ... والله في خاطري زوجني يبادر ويقول لي مشتاق لي ... ساعتها بيغمى علي هههههههههههه

بس وصلت لبعض الامور اللي لازم نسويها...

1- نكثر من الاستغفاار والدعاء وما نقول مامنه فايده مع الاستمرار رايح يتغير الوضع.
2- التقوى ... ومن يتق الله يجعل له مخرجا ويرزقه من حيث لا يحتسب... وهذا وعد من عند الله
يعني نشوف شو الذنب اللي نسويه ونتركه ... غيبه نميمه ما نقوم لصلاة الفجر... لازم نترك الذنب عشان يتصلح حالنا
3- وانا مع الاخت ابرار سالم... لازم نكون في الصباااااح طيبين وحلوين ونعود نفسنا على كذي مو بس يوم ويومين .. مب عشان زوجي لا عشان صحتي ونفسي
4- عدم اعتباره واجب .. من خلال بحثي في الانترنت قريت رد احد الرجال يشكي ان زوجته تعتبره واجب يومي.. بدون ما تراعي نفسيته تعبان ماله خلق واذا كان تعبان ومتضايق اتنكد عليه وتيلس تقوله انت ما تحبني وانت ما تهتم فيني .. مع انها مالها سبب في المشكله بس هي تدخل عمرها..
5- تصليح عيوبنا الجسديه .. يمكن نتعدل ونتزين بس جسمنا مب متناسق.. يعني لازم نلعب ريااااضه كل يووووووم عشان صحتنا ونفسيتنا تتغير

شو بعد لازم ننسى الموضوع ونركز على النقاط اللي فوق كيف نحققها.... جربوا وخبرووووووووني بالنتيجه

 

[أبرار سالم]

أختي طفلة الورد ، أنا بعد مريت بنفس حالتكم وهذه أمور عاديه
لأن روتين الحياة اذا ما كان متجدد ممل ومتعب ، ولكن مع خبرات وتجارب
الناس اللي قبلنا تعلمنا ان المرأة وزوجها مكملين لبعضهم وأي صد منهم وتنافر
يضيق عليهم الفرااااش....!!​

فالزوج اذا ما حس ان المرأة تعطيه من نفسها وتدلله وتغليه ما راح يتفاعل معاها
ولما ذكرت ان الوحده
لازم تعشق زوجها لأن بالجماع الأرواح تتعانق ، ولكن اذا ثارت الزوجه فيه وطالبته
بالجماع بدون ما تصلح أغلاطها اليوميه معاه راح يكون الجماع مجرد تأدية واجب
ومع الوقت يصير بالأثنين برود ، والله يستر من بنات السوء يستغلون هذه الضروف
فحاولي تتقربيله بروحكــ قبل جسمك ،، كوني له أمه يكون لك عبد والله يحفظكم​