اللي جربت القيصريه تدخل؟

[ياصغر الفرح]

السلام عليكم ورحمة الله وبركاته
بنات أنا اليوم سويت سونار وقالي الدكتور ان الجنين رأسه للاعلى
وحدد لي موعد الاسبوع الجاي قال اذا ما اعتدل نسوي لك قيصريه وأنا بكريه وخايفه مرررره

هل اطنش الموعد واصبر لين اكمل التاسع كله يمكن يقلب الجنين
او اسويها بس خايفه بنات محتاااااااااااااااره ارجوكم عطوني حل؟

وش اثار العمليه وهل تأثر على الرحم مستقبلا
كيف اهتم بنفسي بعد العمليه لو حصلت؟


ارجوكم تحملوني ؟:sad_1:

 

[ودهم]

حبيبتي نصيحة مدام قالك الدكتور توكلي على الله وسويها
لان الطفل المفروض من الثامن ينزل راسة
لاتخلينهم يلعبون فيك وبالاخير يودونك قيصري بتتعبين واجد ,, والاهم استخيري
القيصري المها بعد الولادة ويحتاج لها وقت تقريبا 10 ايام واقل وتبرى الجراحة بس المهم الحركة فيها ضرورية

الله يهون عليك وعلي وعلى كل حامل 00

 

[امون 2009]

كلها تساهيل من رب العالمين
جربي الحبي والسجود ترى الصلاه سبحان الله تعدل الجنين وادعي الله يسهل ولادتك ،،، طيب الدكتور ليش مستعجل ليش ماينتضر ،،اعرف وحده جنينها بالعرض ماشاء وقررو لها عمليه بس صبروعليها بالطلق وأعتدل وجابت طبيعي ،،،

 

[نوسي 2008]

أنا ولدت بنتي بقيصري وهذا أول حمل لي
والحمدالله تمام وبخير ونصيحه خليك على كلام الدكتور
ولاتخافين أساساً الطب تطور ماعاد فيه خطوره زي أول
بس أنتي أستخيري وتوكلي على الله
أنا تقربيا بعد أسبوع حسيت أني تمام بس لازم المشي بأستمرار
حتى تعجلي بالشفاء والله يقومك بالسلامه وطمنينا عنك

 

[امون 2009]

نسيت أقول أنا والده قيصري
أهم شي تمشي بعد العمليه بست ساعات ،نص ساعه الي ساعه تخلص العمليه ويكون النونو بجنبك ،كان بنج كامل ،أنتبهي من الشمم،ماتحطي شي على العمليه غير اللي يعطونك أياه المستشفى
العمليه ماتحسي بها مع المسكنات اللي يعطونك أياها ،لازم تاكلي كويس وتمشي علشان تتحسني بسرعه،وماتشيلي شي ثقيل ،،
وأن شاء الله يتعدل البيبي وتولدي طبيعي ،،،

 

[نور الهدى 2009]

السلام عليكم
هلا اختي ان شاء الله تقومين بالسلامة
انا سويت عملية قيصريةببنتي وكان فية الم بس يروح مع المسكنات وفي الاربعين كنت احط مسحات ولف علية عشان يلتم ولما بداء يطلع صديد حطيت خوا جوا
بس سوي الي يطلبة الطبيب لانة ابخص في هذا الامور واللةه يعين

 

[عذوووووب]

السلام عليكم
اختي اتكلي علي الله ولاتخافين انا ولدت بنتي الاولى بقيصريه وحملت بالاربعين باختها ولدتهاطبيعي
خلي اتكالك على رب العالمين والي كاتبه بيصير ومثل ماقالو الخواة العوار اول عشر ايام بس واهم شي
المشي والله يسهلك انشالله وتقومين بالسلامه

 

[امون 2009]

عذووووب ياقلبي الله يسعدك دنيا وآخره دعوه طلعت من قلبي كنت منزله موضوع عن الولاده الطبيعيه بعد القيصري ياليت تشوفينه

 

[ندى الزهووور]

الله يسهل امرك يارب ... شوفي قلبي انتي لا تخافين كنت اموت من الخوف لما اسمع بالولاده الطبيعي وربي كتب لي ولاده بقيصري طبعا ارتفع معاي ضغط الدم وقالو لازم قيصري لان نبض الجنين بدا يقل

شوفي ياقلبي الحاجه اللي يقولك عنها الدكتور سويها
ولاتحطين على العمليه اي شي هي من حالها بتبرا واول اربع ايام لاتاكلي شي دسم على الخفيف انا كذا قالو لي بيتاكدو من حركة الامعاء معي هي توجع ما اقوولك سهله بس شنسوي
ولاتحاولين تضحكين مره اوتعطسين بقوه وكماان الكحه لان بتشد معاك ولا سمح الله يصير شي
ولازم تمشين كثير لااااااااااااازم كل ساعه تقريبا لازم حدود ال15 دقيقه
وبالنسبه للااستحمام قالتلي الدكتوره لازم بعد ما نشيل القطب ويكون هالكلام بعد 8 ايام
ولاتحطين عليها اي شي بس مويه
ويلتئم الجرح مع الحر اكثر من البرد
والله هذا كله كلام الدكتوره مو من عندي انا مثل الكل بكريه وما اعرف شي وكنت خايفه مره من شان كذا اسوي اللي تبي
وبالنسبه للاكل مثل اكل النافس تماما ....
بقولك شي ياقلبي ان لازم تهتمين بالجرح ولاتشيلي شي ثقيل ولاتجهدين نفسك .....و يلتئم الجرح تماما وبامكانك الحمل بعد 6اشهر وهذا افضل في كثير حملو بعد النفاس بس انا اقولك الافضل وكمان الرياضه بعد 6 اشهر واذا بغيتي اي شي اسالي ياقلبي :cupidarrow:

وانا ما اقول ان كلامي الاكيد بس هذا اللي اعرفه من دكتورتي

 

[ام منير]

السلام عليكم
اختي توكلي على الله وسوي العملية انا ولدت بقيصرية والحمد لله كلها عشر ايام والتأمت بس اهم شي المشي والحركة وترى المر زين للعملية والله يسهل عليك وتقومين بالسلامة

 

[ياصغر الفرح]

الله يسعد كل وحده ردت وطمنتني بس ابي اسأل الكرش متى تروح وكيف اهتم بالجرح
وجرح الرحم كيف اعرف انه التئم. وايش اللي يطيبه بسرعه
اسفه ازعجتكم بأسالتي

 

[moon sonnet]

::

هلا .. تولدين بالسلامه يا عسل

طالما انه معترض.. لا تمشين .. وكثري سجود .. ودعاء وسبحان الله يمكن يعتدل ..

بعد العمليه ( اذا حصل وتمت )..

جرح البطن ( الجرح الوحيد اللي تشيلين همه) يعطونك له مسحات طبيه معينه..

ولك كم موعد زياره في المستشفى يشيكون عليه .. تقريبا اسبوعين وينتهي كل هذا .. بس الله يعينك على الالم .. حاولي تتحركي كثير والم الجرح بيخف سبحان الله


( بالنسبه للكرش) الله الله بالتمارين .. بعد 6 شهور بالضبط .. انتبهي تتعبين نفسك قبلها .. والا تفكين الخياطه وتصير بلاوي بالجرح ينتج عنها وفاة !!!


اهتمي بنفسك بشكل طبيعي في هالاربعين .. وتغذي زين ..

والله يهون عليك ويعينك

 

[بنت عز وما تنهز]

الله يشفيك