اللي تقدر تدخل تعطيني كف لا تقصر

[ديآلآ]

السلام عليكم
موضوعي وصل لطريق مسدود
انا نزلت قبل كذا مواضيعي وياليت تقرآونها من ملفي
مافيني اشرح خلاااااااص احس بالمرض
اخواني عطوا زوجي مهله للاسبوع الجاي
لكن صارت مستجدات مو في مصلحته
واخواني من بكره بيعينون محامي يمشي بالموضوع
والله ابكي وانا وسطهم اقول لا تكفون محاكم لااااااااا
بس محد يسمعني محد حتى يناظر لي
اقولهم اذا لابد من الطلاق تكفوون حاولوا فيه مره ثانيه
بالكلام يمكن يتغير شئ
وقال لي اخوي بهواش : الى متى ؟ تتصورين انه بيتغير والا بيخليك تشوفين نصيبك
وسكت وانا مغبونه
ادري ان اهلي معهم الحق
بس وش اسوي
والله امس يبنات كنت باتصل فيه واقول خلاااص بارجع
بس ارجع واحكم مخي واسكت
والله ماعدت اعرف وش اسوي ووش الصح ووش الغلط
للحين احبه ومتعلقه فيه
رغم انه مادرى عني ويماطل فيني اكثر من قبل
ولو اتطلق منه ابغى افترق انا واياه بدون مشاكل ابغاه يفارق ولي عنده شويه معزه
اكلمه او لا ووش اقول له ؟
حالتي النفسيه زززززفت مررره
وجهي مشحب ولا لي نفس في شئ
ابغاه يتجاوب مع شزوط اهلي ولو شئ بسيط
للحين متمسكه فيه رغم عيوبه
وللحين ابكيه وادعي ليل نهار ان ربي ينزع حبه من قلبي
بس بالعكس كل ماله يزيد
لا احد يهاجمني بالكلام تراني دقه وانهااار
خلااااص معنوياتي في الحضيض
لاتتركوني تكفون شعوري هذا تجاهه طبيعي
ليه لهدرجه احبه ولاني قادره اكرهه
والله ذكرياتي معه مو راضيه تروح من بالي
كل شئ بينه وبيني .. كل شئ

 

[تشكرات]

أستخيري يا أختــي في أمرك ...

أنا دخلت ملفّك الشخصي بناء على طلبك ....وقرأت بعضآ من مواضيعك

المهمه ....ووجدتّ أن زوجك انسان غير طبيعــي ....يعني فيه

شئ مجهــول .....على العموم وكّــلي أمرك لله ...وطيعــي

شـــور أخوانك وأولــياء أمرك ..وهم أدرى بمصلحتك ..فكما تعلمين

أنّ الرّجال يعرفون بعضهم جيّدآ ....

وبعدين يا أختــي لا تتعلّقــي بزوجك هكذا ....ولا تحبّيه بهذا الجنون

فهــو في الأخير بشر معدوم الحيله ...تعلّقــي بالله وحده .....وهو

القادر على اصلاح الحال بينكما ....

ربي يختار لك الخير أينما كان ....

 

[مدمنة صبر]

كف عشان زوجك ؟!!!!!

بينكم عيال ذا لا استخيري واذاتم الطلاق صدقيني ربي بيعوضك باللي احسن منه وربي اعلم بالمستقبل منا يمكن بعد استخارتك ترجعين لزوجك بس وكلي امرك لله وادعيه اخر الليل وربي بيختار لك اللي فيه الخير

 

[همس الفيافي]

الله يسهل امرك ويوفقك وتشكرات مابعد كلامها كلام الى الدعاء

 

[المتفائله بالخي]

الله يفرج همك

 

[اغادير-]

الله يفرج همك وعليك بالدعاء ولاتنسين الله في ايام الرخاء والشده​

 

[ماشية بعزها]

اذا مافي عيال لا تصبري واذا فية اقسي على قلبك لايجيك درزن
وهذا اكبر كف لزوجك طخ

 

[رندا كووول]

عزيزتي ديالا بعد اطلاعي ع مواضيعك
اسمعي كلام اهلك
عائشه مع زوجك ف رعب ويكلمك عن العالم السفلي بكره يجننك اعوذ بالله ..
وغير كذا شكاك ..و.........
استخيري ف امرك مره واثنين وعشره
والله يكتب لك الخير

 

[#بنت الهيلا#]

ياقلبي انتي لسه صغيره وتعلقتي فيه مع اني مااشوف اي يشجع انك تقعدين معه لاني قريت ملفك
اعتبري هذا اول تحدي لك بحياتك وحاولي تمر المرحله على خير والله يعوضك باللي احسن منه ترا اللي فيهم خير كثير بس استخيري الله

 

[دانة الشام]

حزنت عليكي كما لو أنك أختي الصغيرة ... كل شيئ قسمة ونصيب وقدر مكتوب لكن ماالذي دفعك للارتباط بشخص لم ينجب لمدة 6 سنوات متتالية؟؟!! وزوجته أنجبت فورا عندما انفصلت عنه وتزوجت غيره!!.. المهم الآن أن تفوّضي أمرك لرب العباد .. أنتي تظني أنك لازلتي تحبيه .. عزيزتي أنت خااااائفة من الطلاق .. مثل هذا الرجل من غير الممكن أن تشعري معه بالأمان والطمأنينة!! استخيري الله وصدقيني لو أنه رجل بمعنى الكلمة مافتحتي الباب ورحلتي عنه .. لاتخافي من خلقك لن ينساكي وأهلك هم آآآآآآآآخر ناس يتمنون طلاقك ولكن حتما هو كشفوا أمره وخبروه جيدا.. ربي يختار لك الخير.

 

[النبع الطيب]

الله يفرجها عليك مابعد الضيق الا الفرج ويعوضك خير

 

[رندة @]

مادري واش اقولك الحب صعب لكن واضح ان مافيه امل وانا رحت قريت ملفك لوكان فيه علاج كان هو سبقك به عشان ينجب بس تأكدي انك لو تركتيه وتزوجتي بتنسينه انا عارفه انك تحبينه واكيد ان مواقفه وتعامله حلوة وعشان كذا حبيتيه لكن اذا انتي عارفه ان فيه علاج وبيتغير فاصبري اما اذا عارفة انه مافي علاج فتطلقي وبيرزقك ربي واش قيمة الحياة بلا اطفال وواش الفايدة من الزواج اذا انتو مثل الاخوان ؟؟ والحكمة من الزواج الاعفاف والتحصن وانجاب الابناء فاذا هذي مو موجودة ليش الاستمرار؟ اتمنى ان يكون كلامي صح ومنطقي
وتريني انا مطلقة وبغيت اجن على زوجي رغم عيوبه اللي ماتشجع على الاستمرار لاني احبه وقلت ماقدر انساه والان انا على وشك زواج وبديت انساه اسأل الله التوفيق لي ولك وكل من قالت امين

 

[رندة @]

والطلاق ماشرع الا لمثل هذي الحالات موعشان المشاكل والخلافات والزعل بين الزوجين
ودامها وصلت عند اخوانك فتوكلي على الله وتطلقي وادعي ان ربك يربط على قلبك ويصبرك

 

[الخائفه من الله]

اختي والله والله اني حاسه فيك وحاسه بتعلقك وليه نعطيكي كف بالعكس اللي فيكي انك لسه مخلصه له وتحبينه ونفسك ترجعيلو بس والله والله حطي في بالك ما في ميزه وحده حسنه عشان ترجعيلو وصدقيني فتره وراح تنسينه دحين راح تتعبي مره بس والله فتره وراح يجي اليوم اللي تقولي الحمد لله ربي فكك منو حبيبتي هدي حياه عشرة عمر مو سنه سنتين كيف بتعيشي بدون اطفال انا عارفه الشي هدا بيد الله بس هو ما عنده حتى نيه يتعالج وتقولي اللي قبل جلست معاه 6 سنين يعني كمان اول ولا فكر يتعالج ورجع تزوج وكمان هدا واحد لعاب مو حق زواج وصدقيني على نيتكي الطيبه هدي ربي بيعوضك واحد تعيشي معاه حياه حلوه وتخلفي جيش هههه اضحكي عمري والله الحياه حلوه احنا اللي نخليها سوده

 

[الخائفه من الله]

كمان ارجع واقولك والله اخوانك نعم الاخوان صدقيني واقفين معاكي ولا يبغوكي تتبهذلي والله في اهل لو البنت ما تبغى ترجع لزوجها يرجعوها غصب عشان ما يبغو الطلاق وانتي اهلك واقفين معاكي يعني الحمد لله انك عايشه مع اهل يحبونك واحنا خواتك نحبك وندعيلك دايم الدنيا ما توقف على شخص ما يستاهل دمعه منك والله والله اني حبيتك من نيتكي الطيبه ربي يسعدك

 

[مالي وطن دونك ~]

ماقدرت اقراء مواضيعك .. ووما عرفت ايش فيه زوجك بس ,اذا ماصار لكم فتره طويله مع بعض
لانك تحبينه حاولي ترجعين اصبري عليه فتره , لو في اسلوب لسا ماتبعتيه معاه حاولي
لاتتركين اي وسيله لتغيره الا وجربيها وادعيله وصلي كثير وقتها اذا فشلتي ماحد بيلومك ,
نصيحة من تجربتي
الطلاق من شخص تحبينه مو شي سهل ابدااا , الحب مايروح بين يوم وليله بتنسين
كل اللي سواه فيك والعناد والكبر وبتندمين ليش ماحاولتي اكثر عشان بيتك وحياتك ,, الله يوفقك ويكتب لك اللي فيه الخير .

 

[توليب بلقيس]

الله يفرج همك يااااارب
​

 

[=سيد الملوك =]

الله كبيررررررررر

الله يكتب لك الخيره ياخيتي ماقصروا البنات في كتاباتهم ان كان فيكم خير لبعضكم الله يرجعك له وان كان غير ذالك الله المستعان

 

[توفي_2009]

انا رايي من راي الاخوات

صدقيني حاسه فيك واعرف وش شعور البنت لما تحب انسان ومتعلقه فيه بالرغم من عيوبه وبالرغم من تعذيبه لها

لكن زوجك من جد مافيه خير

ترى الحياه مو ساعات وايام وتقولين بحياها معه لاني احبه

الحياه عمر...

طوووويله ان الله مد لك في عمرك

تتخيلين انك بتصبرين على هالحال كم سنه بعد ؟؟؟

ممكن تصبرين كم سنه وبيسرقك العمر وانت في هم وغم وتلتفتين بعدها ضااااع شبابك وفرصتك في زواج ثاني مناسب

وفرصتك في انجاب الاولاد

واللي صدقيني هم الثمره الوحيده الحلوه للزواج واللي ممكن تستفيد منهم الزوجه

اضغطي على نفسك وطاوعي اهلك لانهم لو يشوفون فيه خير لك ماوكلوا محامي عشان الطلاق

وانتبهي انتبهي تتصلين عليه

وادعي ربي يربط على قلبك ومابعد الصبر الا الفرج

 

[اسيره همومها]

الله يصبررررررررررررك ياحببتي ماادري ايش اقولك لكن ربي يكتب الخير حيث كان ويرضيكي فيه