الله يوفقها ويسخرلها زوجها الي تعطيني حل لاهل زووووووجي

ا

ام حمودي 44

New member
إنضم
2011/09/30
المشاركات
33
السلام عليكم ورحمة الله وبركاته:3:

خواتي ارجووووووووكم تلقون لي حل مع اهل زوجي رفعوا ضغطي ماينفع فيهم شي والله العظيم اني اعاملهم احسن من اهلي
اهتم فيهم ماني من النوع المطنش او مهملهم

تعبت يجازون الاحسان بالجحود يعني ايش مااسوي من هنا الى بكرا اسلوبهم معي مايتغير انا ودي تكون قلوبهم صافيه لي ويخلوني حسبت بناتهم
بس الحين مليتتتتتتتتتتتتتت منهم صرت اكرهم مو بيدي خلاص ياما سويت وقدرت وهم مايجوزون عن اسلوبهم البايخ

بعد انا انسانه احس ولي مشاعر ولي رده فعل ماني ملاك نازل من السما
قلت بطنش بس مااسويها قلت اذا احد غلط علي برد عليه وبعد مااسويها والسبب زوجي نمطه شرقي وهذا كككككككل شيء عنده الااهله
قبل فتره خالتي قالت قدام زوجي وحده كلمتني وقالتلي مرت ولدك ومرت ولدك يعني تحش فيني ماتجلس معكم ماتسوي ماتفعل سالها زوجي قال مين وهي ماودها تعلم لح عليها قالت فلانه تقصد اختها
يعني خالت زوجي تصيرلي من بعيد
انقهرت هو يوم درا انها خالته سكت وطنش بعد كم يوم تقرقع السالفه بقلبي ماني طوفه هبيطه كل من جاء تكلم فيني

خالته ماعمرها جاها مني شيء اصلا مااشوفها الابالمناسبات واكون رسميه

قلت بقوله السالفه وابين له اني متضايقه عشان بعدين اذا صار شيء يحط حد لاي احد يتكلم عني

وما امداني فتحت فمي الا اكلني وهاوش وسكر الموضوع كاني متبليه عليها ما كان السالفه سمعها من امه

انقهرت لهالدرجه مو حاطلي قيمه كلش الا اهله ياليت بس امه وخواته لا حتى خواله

وخالتي اذا انا وياها جالسين لحالنا تسولف وتضحك واذا جاء زوجي طنشتني وكاني ماكنت اتكلم معاها حتى اذا كلمتها ماترد احيانا وتبدا تسمعه ولدك مسكين محد ينتبه له جوعان ماغيروا حفاضته
واصلا ولدي اسم الله عليه انظف وارتب من عيال بناتها ومرات يسهرني ولدي واتاخر بالقومه تقعد تقول وينك مانزلت ماسوت وزوجي لو انه عارف ظروفي يصدق امه ويقول ايه عادي انزلي سوي
حنا ساكنين ببيت واحد اماااااااااانه يابنات الله يوفق ويسهل لها جميع امورها اللي تقولي على حل كيف اتعامل معهم
هم يسون لي حركات تضايقني يطلبون من زوجي اجلس معهم واسولف مااسكت وهم مايقولون لي كلمه واذا جلست تحت مااشوف وجيهم بس فوق كيف اتصرف معهم زوجي مايرضى اضايقهم او اتكلم عنهم
والحل انا انقهر وتكون لي ردات فعل بس دايم عكسيه وانا الغلطانه اطلع :24:
 
لا تقطين وجهك عليهم كل شوي

وانتي طنشي وخليك رسمية وانشغلي عنهم شوي

انتي حرمة متزوجة وعندك بيت انشغلي فيه


ومو شرط كل الناس تحبك !

وهو مستحيل يتكلم عن اهله بسوء انتي خلي ما يجي منك الا كل شي حلوو


وخلي السوء يجي من طرفهم لهم رب يحاسبهم ولا تنقهرين وزوجك اكيد منتبه لحركاتهم

ولا يرمى بالحجر الا الشجر المثمر

اكيد عندك مميزات ولا الناس ماحطتك ببالها

اكرر خليك رسمية رسمية رسمية ,,,,,,,


وكل شي له حدود ,, خصصي معهم ساعة باليوم اذا هم حركاتهم كذا نص نص او يوم بالاسبوع

لانو انا صارت معي وينها وينها واذا جيت الكل اختفى وجلست لحالي

الحين قطعت رجلي عنهم بس اقوم بواجب ام زوجي ,, وبس


ان شاء الله اكون افدتك
 
من جد شي يقهر الله يكون في عونك يارب ويهدي لك زوجك واهله انا افضل الحقران لان الحقران يقطع المصران انتي مثلي معطيتهم وجه زياده عن اللزوم خدومه وطيبه وهم مايبان بعينهم شي فالافضل تغيرين اسلوبك يعني لاتحتكين فيهم واجد ويقولون اللي يقولون صدقيني هذا هو الحل عليك من بيتك وزوجك ولدك بس حتى لو ساكنه معهم طنشي سوي شغلك اللي عليك وبس لاتعطينهم وجه زياده طنش تعش ساعتها يقولون اللي يقولون يقولون ماتحتك فينا ولا ماتسولف معنا ولا انطوائيه بالطقاق على الاقل يكون كلامهم صح مو تبلي
 
الجنوبيه اللي مالها لساااااااان تقعد ببيتها احسن لها لاتجيها سكته من القهر لان الشرقي لااايمكن يرى في اهله خطا.......
 
دائماادعي اللهم اشرح صدر اهل زوجي لي واشرح صدري لاهله ومن جد خليك رسميه معاهم وانا من رأيي ولو اني بموقفك بأجلس مع زوجي جلسه هاديه وبقوله بأفضفض عن اللي بقلبي لاننا متفقين مانخلي شي بقلوبنا ع بعض وقولي له انا والله ياأهلك انهم اهلي ومقدرتهم زي اهلي لكن احيانا يضايقوني بأسلوبهم وانا ماسويت شي لهم يعني يرضيك احد يتكلم بزوجتك قدامك وانا ماسويت شي حتى خالتك وين وين اشوفها الله يسامحهم ليه مايعتبروني بنتهم زي ماني معتبرتهم اهلي وانتي واسلوبك بالنسبه لي احس لازم افضفض له اذا الشي اللي يضايقني من طرفه يعني قوليله انا بني ادمه من لحم ودم وعندي احساس والله مااقدر اتحمل اكثر يعني اذا سمعت اهلك يتكلموا في شي ماهو فيه امدحني قدامهم حتى انا زوجتك وام عيالك واهلك وهو عارف ان اهله غلطانين لكن مايبغى يطلعهم الغلط قدامك لكن ان شاء الله يجي بأسلوب الهدوء والرقه والله يسخره لك من جد متعبين والله يعيننا عليهم واذا زوجك مو موجود وغلطوا عليك خذي حقك بأدب يعني دافعي عن نفسك حسب مايلزم وبأدب زي لمن امك تقول انك سويتي شي ماسويتيه وتتفاهمين معاها ع هالاساس**
 
ياحبيبتي اباقولك نصيحة ان اصبت خير وبركة وان اخطيت لا تدعين علي
ما احد جابرك تنزلين توقعين حضور وانصراف كل يوم حتى لو انتي سهرانة ليش؟؟؟؟؟؟؟
اجلسي بغرفتك وارتااااااحي تجهزي وترتبي واجلسي ولين قال ليه مانزلتي افتحي فمك وقولي كنت سهرانة مع بنتك ما ادري ولدك الله يحفظم ومرررررة مو قادرة انزل
خليك قد كلامك واقعدي بدارك واذا فرضا كان تحت وحبيتي تنزلي شوي واطلعي قولي عندي شغل فوق والا اباريح احسني مرهقة وطبعا كله بالتدريج لين تصير لك خصوصية ومملكة بلحالك رغم انك ساكنه معهم ولا تبينين له انك متعمده خلك طبيعية وباااااااردة وتكلمي بثقة ولا تجيبين طاريهم الا بالزينة تعلمت هالاسلوب من بنت خالتي والا انا مثلك واردى لافاد معك بشريني
الله يسعدك
 
التطنيش افضل وسيله
زياراتك لهم مررررره بالاسبوع كانك بعيده عنهم
اكثري من قول حسبي الله ونعم الوكيل
 
رددي حسبي الله ونعم الوكيل حتشوفين العجب
وقللي زيارتهم خليها بالاسبوع مرة ولاتجيبن طاري
اهله نهائي بكدا تعيشي في سلام عن تجربه
 
قومي بواجبك تجاههم دون أن تلغي شخصيتك أو ترهقي نفسك بالتزامات فوق طاقتك .. حتى إن طلبت منك أم زوجك أو زوجك طلب منك أن تنزلي لهم يوميا قولي: إن شاااااء الله .. ثم افعلي مايريحك .. حتما سيتكلمون ويتكلمون ولكن في النهاية سيعتادون أسلوب حياتك وطريقتك في التعامل معهم .. وليست طريقتنا في الحياة موضع رضا وإعجاب كل الناس .. لذلك يجب أن تكوني صاحبة قرار ولاتلتفتي كثيرا لانتقادات من حولك لأن رضا الناس غاية لاتدرك .. إن زرتيهم تصرفي على طبيعتك وعامليهم بود ومحبة ولاتنتظري مقابل .. ليس لأنهم يبغضوك لاقدر الله ولكن لأن في عقولهم موروثات قديمة عن زوجة الابن وطريقة التعامل معها وعلى هذا الأساس يتعامل أغلب أهل الزوج مع زوجات أبنائهم .. والطبيعي أن يكون ولاء زوجك لأهله ولن يرضى يوما عن كلمة تقال ضدهم لذلك لاتطرقي هذا الباب ولاحتى بنصف كلمة .. والمهم : أن تكسبيه .. اكسبي زوجك وركزي في بيتك وأولادك وكوني قوية لتتحملي انتقادات واستفزازت البشر .. ربي يختار لك الخير.
 
الزم ما عليك زوجك مدام انكم مرتاحين مع بعض لاتشغلينه بهموم ما يقدر يتعاطى معها
لانه ما احد يكره اهله ولو شاف غلطهم شوف العين ما يهونون عليه
وتعاملك معاهم خليه رسمي زيارات مختصره مع زوجك ولا يشوفون منك الا كلمه طيبه ووجه طيب
وحطي قاعده في بالك موبس انتي الوحيده اللي تعانين
اهل الزوج لايمكن يصفون الا ون رحم ربي
ارضي ربك من ناجيتهم وجنبي زوجك من التدخل بينكم
واي شي اوخير تقدمينه حتى لو كان واجب عليك احتسبيه لوجه الله لان الناس لو ضيعوا معروفك ربك ما يضيعه
 
اقولك عن تجربة لزمي دارك وطنشي ولا اهموك واذا صار تصرف منهم على طول ابوقته نبهي زوجك مو بعد كم يوم خله اشوف ابعينه وقولي له انا ما برد احترام لك ولاني ما ابغى مشكلات وام زوجك حقريها ولا اتجادليها لكن نبهي زوجك الحركاتها الي تصير قدامه فقط وحمواتك لا اتخافي منهم واجهيهم باسلوب حلوا وقدام زوجك عشان اذا طولوا السانهم يعرف اسلوبهم ولزمي دارك نصيحة ثمينة سوي اعمال ذكري الله هذا غير الواجبات الثانية والله اوفقك واذا طنشتهيم بتحسي بالفرق نفسيا وحتى بالصلاة ما بتفكري فيهم
 
مع البنات
 
ما لك دعوة بحد الا بزوجك يعني مشاكل كبيرة ما تصير اعرف يغيظوكي ووووووووووو
بس الزمي بيتك وخلك ايجابية الله يسخر لك زوجك يا رب
 
اول شي واهم شي

لا تجيبين طاري اهله ابدا لا بالزينه والا بالشينه وحتى اذا هو فتح معك موضوع عنهم او مثلا كان معصب منهم لا تأيدين ولا تعارضين وخليك غامضه اتجاه اهله

لان الرجال مهما كان ولو قلتي كلمة بسيطه بحق اهله وهو عارف انهم غلطانين مستحيل يستوعب وممكن بعد كم سنه يبدا يعايرك كنتي تقولي كنتي تسبين لذلك سكري الباب هذا من الان

وخليك رسميه ادي الواجب لا اكثر ولا اقل ولاتضغطين ع نفسك عشانهم لانك مهما سويتي لابد انهم رح يجحدون فضلك لان ع كلامك اهل زوجك الله يهديهم مو من النوع اللي يقدر

والله لما تكونين رسميه رح يعملون لك الف حساب ولا رح يدرون وش وراك ...

بالتوفيــق

,,

,,
 
طنشى كل الكلام اللى ينقال من اهل زوجك وكأنك لا تسمعين شيىء ...
يعنى مو ضرورى تنزلى لهم يوميا كل كام يوم انزلى مرة و تكونى رسمية معاهم و الكلام على القد فقط مو بقولك تبوزى لالالالا لكن كلمة على قد الكلمة و ابتسامات خفيفة و خليكى ببيتك و اهتمى فيه ومو لازم تقوى لزوجك على كل افعالهم هو دارى بالى يحدث امامه و لكنه لا يتكلم لانهم اهله ....
 
حبيبتي تحملي واصبري واذاتحبي زوجك وطفلك لاتوضحي لزوجك انك متضايقة منهم لان الرجال حتى لوسكتواماراح ينسواوباعطيك خطوات ان شاء الله تنفعك وتلين قلوبهم لك طبعااحنابنات وطبعناغير يختلف عن الكبيرات بالسن وهم يبون كل شي على راحتهم خليهم على راحتهم انتي كوني ضيفة اذاضايقوك لاتوضحي انك تضايقتي من تصرفاتهم وابتسمي امدحي فيهم لاتسبي ولدهم احرصي على الالفاظ الحلوة فديتكم بروحي عنكم انابقوم عنك حتى لوماكانت من دون نفس بس لاجل تعيشي مرتاحة وخلي بالك وسيع لاتضايقي نفسك واعتبري حركاتهم دعابه اضحكي عليهالان لو هم عاقلين وفاهمين كان احترمواولدهم وقدروك لان سعادة الولد مع زوجته تبدامن بيت اهله لان اذاشاف اهله مرتاحين لزوجته ويحبوهاويحترموهاويقدروها هوبيبدا يحبها ويحترمها بس انصحك كوني عون لزوجك لاتزيدي همه لانه يحس لمايسبوك له قدريه امدحي اهله اشتري لهم الهداياامامه قولي له هم اهلي لانهم اعطوني ولدهم اغلى ماعندهم وطبعاراح تكسبي زوجك وتملكي قلوبهم راح يبدويوصواولدهم عليك بس اصبري وكوني بشوشة لان اهل الزوج يغارون من زوجة ولدهم وخاصة ام الزوج بس حثي زوجك على برها لعلك تتوفقي بسبب برزوجك لها لاتحسسيهم انك متضايق منهم وضحي لزوجك انك تحبينه وتحترميهم لاجل مايصدق فيك اتمنى افدتك الله يصلح مابينكم ومافي ببيت يخلو من المشاكل
ادعي لي ربي يرزقني طفل
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل