الله يفرج همومكم

[فراولة بالكاكاو]

الله يفرج هم اللي تساعدني ولو بنصيحه
انا زوجي شمالي ودايما بالمزح يجيب طاري الزواج من ثانيه
مع اني ورب الكعبه مو مقصرة بس لان ابوه واخوه مثنين
اليوم الفجر كنا نسولف
قال وش رايك نجيب اخ لبنتنا وخلاص نوقف
والا اقول بنجيب3
قلت لا احنا اتفاقنا 2 واللي كاتبه ربي بيصير
قال عادي مولازم منك بجيب من غيرك
والله يابنات للحين وانا مصدومه وماقال امزح ولااعتذر انا نفسيتي تعبت مدذي شسووي وكيف اتصرف معه
مع اني اتحمله كثيييير ودايم يحب يقهرني ويتفنن في قهري
الله يحرم وجهها عن النار اللي بتساعدني

 

[فيافي 2]

امين يارب
اختي المفروض ماسكتي رديتي علشان تفهمين الموقف
واتوقع انه مادام انه سكت وماتكلم بعدها يعني مزحه الله يفرج لك يارب من اوسع ابوابه .

 

[تحيه لوطني]

يقول المثل من هذرا بالحج يحج ومن هذرا بالعرس اعرس

 

[فراولة بالكاكاو]

الله المستعان

 

[مدنفة أوصالي]

ياحبيبة قلبي ليش التفكير يروح للعرس؟ ومو لازم دايم يكون ولد البطة عوام

انا جدي تزوج 9 ما غير يتزوج ويطلق وابوي الله يسعده تزوج امي بس ولا فكر بغيرها

عموما يا غالية المزح الثقيل بتحصلينه من اي رجال ومن اي نمط ولكن كوني ذكية

خاصة ان الشمالي على ما يقولون يحب الواثقة من نفسها ، اذا مزح معاك مرة ثانية

بمثل هالكلام قوليله والله مارح تحصل اللي تسوى ظفري لو لفيت العالم

والعبي بشعرك وقوليها بدلع اصلا وين تحصل مثل كذا جسم ومثل كذا جمال

ودلال وكذا دين ؟ انت ظفرت فيني بكل شي

الله يجعل لك في قلب زوجك اعلى مكانة ويجعلك الوحيدة في قلبه ويعطيك

حتى يرضيك ، لا تتعبين نفسك بالتفكير في اشيا تكون او لا تكون ، فكري بالحاصل

في يدك اليوم واتركي الغد وتوكلي على اللي يقدر ارزاق الغد سبحانه

 

[المــهــا]

ياخويتي وسعي صدر والي في الكون راح يكون

لاتشغلين نفسك بالمستقبل فعلمه عند رب العالمين وان شالله يكتب ربي لي ولك وللمسلمين كل خير ينتظرناا ويستقبلنا إستقبال مشرق

يارب يارب يارب يسخر لي ولك وللمسلمين ياارب ياقادر ياكريم

 

[قطـــــريه]

اتصور والله اعلم انه بنسبه كبيرة راح يثني هاي فيه اثبات رجوله في عيلتهم .. بس اختي ليش تكدرين نفسج ولا تكونين قويه معاه خلج لينه لانه ممكن يعاند .. فهدي نفسج الريال لو قرر بيسوي مافي شي يمنعه .. بس بالهداوة والذكاء ممكن تحاولين واهم شي لا تفتحين له هالمواضيع كل شوي واذا هو فتح الموضوع طنشي ولا تعلقين ..

 

[فراولة بالكاكاو]

الله يفرج هموومكم ولايحرمني منكم اخواتي

 

[غروري سر حضوري]

الشمالى غالبا مايهذر بالعرس عندك وعندي خير بس بيشوف مدى ثقتك بنفسك ...خذي الامور بسهوله وردي عليه بمزحه وحسسيه انك فوق الخيال هههههههه تراه يصدق موب على سوالفه.......

 

[نور زوجها]

الله يعينك

 

[رقة المشاعر]

حبيبتي وسعي صدرك وعادي على قولة جدتي ربي يشافيها تقول الرجال اللي يهذر ويقول ابي اتزوج ترينه ماراااااااااااح يسويها والله يحفظلك زوجك يارب ويسعد قلبك