الله يعافيك اقرى موضوعى

[موزعمانى]

السلام عليكم ورحمة الله وبركاته هلاحبايبى الله يجزاكم خير كل وحد تقراموضوعى ترد على لو كلمه.انا عندى استفسار ونفس الوقت مشكله بسيطه ان شاء الله . كل وحده تقول كم مره فى الاسبوع تزورين اهل زوجك أنا عن نفسى تقريبا كل اسبوع .واحياناكل اسبوعين اذامانى تعبانه او مشغوله عيالى فى الاسبوع الى ماروح فيه ارسلهم معى ابوهم هل يعتبر كذا زين يعنى ماقطعتهم ومااروح الاوجيب معى طبق والله انى اعاملهم زين وتودد لهم بس مدرى وش فيهم اهم شى عندهم ولدهم وانتى صفر على الشمال لو اقعد شهر مايقولون وش فيك عسى ماشر مايتصلون ابد حتى زوجى لو اقعد شهر مايقولى ليش ماتروحين احسه عادى اجى او مااجى واهله والله مايتصلون ولايقولون وحشتينا صراحه انا اذا جو عندى استقبلهم وهلى بهم واقولهم تعالو بس مايجون والله والله يقهرون حتى حطو عندزوجى انطباع انى ماابى احد ليش كذا وش اسوى فيهم كيف اثبت لزوجى انى ودى يجون فى بيتى وان العيب فيهم هم الى ماودهم يجون اسلوبهم غثيث صراحه احسهم منقهرين منى وغيرانين ليش مدرى زوجى الحمد الله ترقى وصار راتبه زين اول مادرو قامو يتميلحون له وانا والله ماوقف معه الا انا يوم كان محتاج مزنوق وهم ان عطوه شى طلبوه الشهر الثانى وانا اعطيه والله بدون حساب .صحيح مايقصر معى بس والله انك تنقهرين لما تشوفين اهل زوجك يتعاملون معك بكل جفى ليه انا والله مااظهر لهم الاكل حب ود حتى لو حركاتهم تنرفز اسكت ومااقول لهم شى وش اسوى معهم هل اسفهم هل اوضح لزوجى ان اهله مايتصلون ولا يسالون عنى وعن عيالى انا مابى منهم شى بس مهما كان ودك اهل زوجك يعطونك وجه مش كذا ولا كان عندهم زوجت اخ مدرى يابنات انا ابالغ ولى هذا طبيعى غير كذا وش رايكم عادى ارسل عيالى معى ابوهم لحالهم ولا اذارحت راحو معى .بس اذا سويت كذا معاد يسالون وراى خلاص ولدهم يجيهم وعياله وانتى عساك ماجيتى انا اهم شى عندى زوجى الله يعافيكم علمونى كيد الحريم كيف ابين لزوجى انى ابيهم ودى يجون عشان يعرف انه هم الى ماودهم يجون مش انا هم مايبونى لان زوجى الله يهده بدا يجيه انطباع انه انا ماابى احد امه وخواته الله يسامحهم عندهم كيد عظيم يبينون من خلالها انى انا ماابى احد وانهم يحبونى ويمدحونى عنده وهم والله مايطيقونى بس مايبينون لزوجى ابد مايطلعون عيوب هم احيانا اقول انهم يمكن يغارون ليش انى مبسوطه معى زوجى معى انه والله مايقصر زوجى فى امه كل شهر يعطيها وهيه مش محتاجه والله انى اقول له قبل لاينزل راتبه اول شى عطى امك بس المشكله حتى خواته قامو يطمعون فيه ويبون منه ويقولون له اشترى لنا كذا ونبى كذا.اخاف انهم يتعودون وهم مش محتاجات الى فى البيت عندهم والى متزوجات زواجهم مايقصرون فيهم ليش قامو يطلبون ويوم انه محتاج محد عطاه وجه المشكله كيف اقنع زوجى انه مش مسؤل عنهم عندهم رواتب وعندهم ازواج اخاف اقوله يفهم انى فعلن مااحب اهله وانى ماودى يعطيهم شى والله انى مااكرهم وبس هوه مش ملزم اهم شى امه ولازم يعرف انه يكد عشان بيته وعياله اذا انا ياخواتى غلطانه علمونى .وعطونى الطريقه الى اوضح لزوجى انى ابى اهله وبيهم يجون عندى وان اى اينطباع يحاولون يوضحونه لزوجى عنى يكون مش زين غلط كل الى يقولونه عنى هم لايمكن يصرحون بهذا الشى هم كل شى يوصلون له بطريقه غير مباشره .انا اهم شى عندى زوجى مايتغير على يكفونى شرهم بس ودى يعرفهم على حقيقتهم بس مدرى كيف.والله احس الرجال مايفهمون كيد الحريم اذا محد وضح لهم بس بعد صعبه تقولين له اهلك قصدهم كذاوكذا الله يعين.شكلى بعطيهم اشكل ويقولون الى يقولونه.واذا قال زوجى ليش ماتروحين عند اهلى اقول مدرى يمكن مستغنين فيك انت وعيالك مايهمهم اجى اولا..والله شى يقهر.

 

[كلي شموووخ]

اسمعي اختي طنشي واتغاضي
ثانيا اذا زوجك موجود كلميهم وقولي تعالوا وخليه سبكر يسمع عشاان يعرف انك تدقين عليهم قدامه وقولي الله يهديهم مدري ليه مايبوون يجوون ماابي اكلف عليهم في بيتهم
ارسلي عيالك واحس مره في الاسبوعين روحتك لهم حلوو
اما بالنسبه لاخواته اذا كانوا ايتام فخليه يصرف عليهم بتشوفينها في عيالك اما اذا ابوهم حي فحاولي يعطيهم هدايا بس مو كثير قولي باشتري لفلانه والثانيه كذا احلى من النقد والمتزوجاات الله يهديهم
خليك مطنشه وماعليك من كلام احد ياااكثر الحساادر في هالزمن الله يكفينا شرهم

 

[موزعمانى]

الله يجزاك خير يااختى ويصلح لك عيالك ويسخر زوجك لا حبيبتى خواته مش ايتام وعندهم رواتب على قدهم وابوهم حى يصرف عليهم والله لومحتاجين كان انا عطيتهم من كيسى .

 

[ضوء القلب]

خليكي مثل منتي معهم احسن لانك اذا شايفه تصرفهم معك جامد وممكن يسببوا مشاكل خليكي زي منتي واذا على زوجك اتقفي معاه على وقت تعزموا اهلوا عندكم وهو ممكن يحدد الوقت لانه اخبر بظروف اهله واذا رفضوا بكيفهم وانتي تكوني قدام زوجك ما قصرتي معهم .
اهم شيء لا تنتقدي اهله بكلمه بالعكس امدحي امه وخواته عشان يعرف انك مهتمه فيهم .

 

[الشتاء الدافئ]

كل اهل الزواج زي اهل زوجك والله كانك تتكلمين عن اهل زوجي بس مايهمني الا ارتحت الحين متى مافكرت اروح رحت وانبسطت ورجعت وولدهم وعياله يروحون لهم شبه يوميا وزوجي يعطيهم اذا طلبوا منه مرات ادري ومرات لا ولاا يهمني اهم شئ سعادتي مع زوجي اذا صار عندي عزيمه مااعزمهم لانه بيت ولدهم يعني بيتهم يعطيهم خبر واذا جاوا اهلا وسهلا واذا ماجاوا مااسأل او ازعل او اتشره واذا صارت عند اهله عزيمه اكشخ واروح لان زوجي عزمني وتكفيني عزيمته وزوجي مبسوووط مني لاني اريحه من العتاب والمشاكل ومايسمع مني الا كل كلام طيب في حقهم وهم مايلقون علي الزله عشان يتكلمون ..احمدي ربك انهم مطنشين احسن من اللزقات اللي يكيدون المكائد والمشاكل ..اهل الزوج عمرهم مايحبون زوجة ولدهم باخلاص الا ماندر ..لا تنتظرين الحب اكتفي بالاحترام واثقلي ولا تكلمين زوجك عنهم الا اذا هو عاتبك ناقشيه بهدوء وحب وقولي له فصل وانا البس اللي يرضيك اسويه ..اسمعي نصيحتي ولا تصيرين حساسه وتعطين الناس اكبر من حجمهم ..سعادتك مع زوجك وبس

 

[حزينه حد الجنون]

خلك عاادي معهم روحي كل اسبوع اواسبوعين الوقت اللي يناسبك وابدا لاتقولي لزوجك شي عنهم ترى الرجال مايحب يسمع في اهله شي واعزميهم قدامه عشان يسمع حتى لو بالتلفون تتصلي قدامه وتكلميهم وتعزميهم وخلي كل كلامك معاهم قدام زوجك عشان يشوف انك تسئلي وتدوري وراء اهله وهم ولا همهم فيك والله ييسر لك ويكتبلك اللي فيه خير

 

[موزعمانى]

تسلمون يالغلا عسى ربى يفرج كربكم فى هاالجمعه الفضيله

 

[الجده الصغيره]

ودك تروحين روحي...مااودك لاترغمين نفسك على شي....شوفي هوى نفسك..

ومادامك انت وزوجك مرتاحيين بسلااااااااااااااامتهم