الله يسخر لها زوجها اللي ترد علي

[حبيبي رسول الله]

بنات انا في حيرة من امري وابي مشورتكم وفزعتكم

اليوم تهاوشت مع زوجي وبحكي لكم وش صار وعلموني وش اتصرف


طبعا بشي يخص عمله

زوجي موظف في مستشفى ولكن ليس دكتور او شي يحتك كثير مع النساء يعني باقسام ثانيه تخص تجديد وصيانة المستشفى

المهم دايما يتكلم يقول ماعمره كلمته حرمه تشتغل فالمستشفى لشغل بينهم او صار فيه اجتماع ومعاهم حرمه يقول كل تعاملاته مع رجال

المهم قبل فتره باخر يوم باجازة الحج جاه اتصال من رقم ثابت الظهر وهو رجع يدق الليل

ردت عليه وحده قالها فيه احد متصل

قالت لا

قالها الا اليوم الظهر على هذا الرقم

البنت قالت ايوه يمكن ماما فلانه الفلاني وهو علطول عرفها وقال ايوه وقفل

عاد يقولي اكيد داقه تبي تأكد نخلص لهم اشغالهم

انا انصدمت

قلت له اول مرا ادري ان في اشغال لك مع حريم قال لا بس هاذي مافي غيرها وانها احيانا تجي معنا بالاجتماعات
انا غيرت الموضوع ولا كبرته ومشى عادي

لكن اليوم انصدمت طلعت وحده ثانيه

الموقف اللي صار

اليوم كان فاتح ايميل العمل حقه وكنت جنبه وقلت له بتفرج على ايميلاتك لان شفت عنده ايميل نكت قلت اذا لقيت شي عجبني برسله لي طبعا وهو داري وما مانع

وجلست اقلب في الصفحات وصلت لايميل مكتوب عليه كل عام وانتم بخير وكان اسم المرسل انثى

انا انقهرت بس سكتت وكان وقتها زوجي يتحرك رايح جاي قلت اذا جلس وروق بكلمة بهدوء واسأله

ولما جلس سألته تعرف وحده اسمها كذا ؟

قال لا

قلت الا معاكم بالمستشفى

يرد بانكار وبعجله لا ماعرف احد

بعدين قلت طيب ليه مرسلة لك ايميل تعايدك

انقلب وجهه الوان وعصب

بعدين قال ايه تذكرت هاذي وحده قد اتصلت علي قبل الحج تطلب مني افياش للقسم حقهم

قلت له بس اول مرا ادري انه فيه حرمه تطلب منك انت دايم تقول مالك احتكاك فيهم

قال ايه مابيني وبينها شي ولا قد شفتها

قلت اجل ليه تعايدك

قال اكيد لكل الناس

قلت لا لك باسمك

قال اكيد تتمصلح عشان اخلص لها شغلتها وانا ماهمتني ولا دريت عن رسالتها ولا رديت عليها

وانها كانت تتصل عشان تطلب لكن ماعمري شفتها





و هذا رقمها وايميلها موجود ((طبعا زي توقيع لانه مديرة قسم )) خذيه ودقي عليها واسأليها وش بيني وبينها

انا عصبت وانقهرت من اسلوبه لاني ماكنت شاكه فيه لاني اثق فيه بس تضايقت منه ليه يكذب علي ويقول ماتعامل مع حريم وهم يدقون عليه بس مايعلمني

عاد قالي دامني اشتغل بمستشفى حطي ببالك اني اتعامل مع حريم سواء اجتماعات ولا طلبات

قلت له ياسلام ليه اول كنت تنكر وتقولي انا مو دكتور عشان احتك فيهم ليه توه يطلع الكلام

عاد عصب علي وقال مو كل شي اتذكره ومليون اتصال يجيني ولا اذكر مين دق

قلت له بس لو حرمه تعلمني

قال الحين انا علمتك عن الرجال عشان اعلمك عن الحريم ؟

قلت بس الحرمه غير

قال انتي تشكين خلاص بسجل كل شي فيديو او جيبي تسجيل وحطيه على تلفوني واسمعي من دق ومين مادق

قلت له ليه كذا تفهمها شك انا مو شاكه انا اثق فيك بس قهرتني ليه ماعلمتني انك تتعامل مع حريم تخلص لهم طلباتهم

قال من وين لوين يتصلون بالسنه حسنه

قلت له مثل ماكنت تقول مالي تعامل مع حريم ودريت بالصدفه عن ثنتين اكيد فيه غيرهم وزي ماترضى اتعامل مع رجال وتحب اعلمك انت بعد علمني

وانا مااشك فيك لاني ادري اللي بينكم عمل مو قلة ادب ومسخره وانا اثق فيك وادري مالك بالخرابيط لو علمتني ماراح ازعل ومافيها شي لو تعلمني مو تكذب علي كانك ماتبي تفتح عيوني عشان تخاف اشك

المهم الحوار اللي يدور بيننا كان كذا

بالاخير قالي صح كلامك وكذا وهو كان فيه النووم

انا انقهرت قلت له ايه شكلك تسلك لي
قال الله يلعن اللي يتكلم معك وقام راح للغرفه ونام وتركني

شلون اتصرف معاه اكتب له رساله على ورقة ويقراها قبل الدوام ومضمونها اني احبك واثق فيك مهما صار لكن مايمنع انك تعلمني ان يصير بينك وبين النساء تعامل بالشغل فقط واني مو زعلانه وماحصل الا الخير

ولا ااطنشه ؟؟

بس بيني وبينكم تصرفهبنظري غلط انه يوهمني ماعنده حريم ابد واليوم لما شفت الايميل بالصدفه يقولي حطي فبالك دامي بمستشفى بتعامل مع حريم ليه كان يوهمني بشي وصار شي ثاني


كيف التصرف ؟؟؟

انا ماني زعلانه منه لانه مصدقته وادري مابينهم شي بس ابيه يعلمني لو تعامل مع حرمه ابيه يفك هالحاجز

ليه الغموض معي وانا له كتاب مفتوح

شوروا علي
​

 

[رمش هيمانة]

اسمحي لي .. انتي غلطانة بقوووة..

يعني بالعقل مستشفى ومافيه اختلاط عمل ..

زوجك يااختي يخبي عليك لانه عارفك تغارين ف حب يطمنك لانه يحــــبك وهو رايح لعمله,, وانكاره كمان لانه يحبك..

واصرارك على معرفة مااذا يلتقي بحريم او لا يدل على عدم ثقتك بنفسك ,, والا وش له تسالين عن الحريم بالذات يلتقيهن اولا وماشاء الله يتركك تفتشي ايميله والله بعض رجال ايميلاتهم تحفر الزوجة ولاتطول تفتحه هذا دليل انه يحبك ومايخبي شي..
ثقي بنفسك اولا وثقي بزوجك وحبيــــه واشبعيه دامه مارد عليها بمسج بالايميل يعني لما يرجع للبيت اساليه وش اخبار يومك ..يعطيك العافيه يابو فلان .. حبيه سمعيه احلى الكلام اشبعيهــه ولاتجيبي طاري هالسوالف لانها والــــــــــــــــــــــــــــلــــــــــــــــــــــــه خراب بيوت وتهجج زوجك من البيت..

يابنت الحلال لاتخربين بيتك وتفطنين زوجك لهن ... والله انه الشيطان يبي يخرب استقرارك وحياتك
الحل بكل بساطة ...استودعيه الله كل ماراح لعمله والله خير حافظ والله ماتقرب له لا انسيه ولاجنيه

اما التصرف في فليمك اللي سويتيه انك تعتذري له قولي انا احبك واثق فيك .. حبيت تقولي كل شي عن عملك وماتخبي عني شي .. وانهي الموضوع بسرررعة

 

[تشكرات]

والله باين على زوجك انه رجل محترم ( ربي يكفيه فتنة النساء ) ...

أختــي زوجك مستحيل أن يقول لك شيئآ عن احتكاكه بالحريم ...لأنه يعتبره أمر طبيعي جدآ ....والدليل على ذلك ( انكاره في البدايه ثم اعترافه ..

هذا لأنه غير مبالي وغير مهتم بهكذا أمور ....

لا ترسلي له ولا شئ ......خلاص أتناقشتوا في الموضوع وعرف كل طرف وجهة نظر الطرف الآخر ....

أستودعيه الله الذي لا تضيع ودائعه ....وأدعي له بالعفّه .....

ربي يسخره لك ويجعلك قرّة عين له ..

 

[مهاالجنوب]

انصحك طنشي وانسي ومستشفى لازم حريم في كل مكان ولاتدوري ع المشاكل وخلي ثقتك فيه مادام كل شي لك واضح ماتغير عليك

 

[اميرةكيان]

اللــــــــــــــــــــــــه يسخرلك زوجــــــــــــــك ويسخرلي زوجي

 

[دانة الشام]

كل هذا الحوار والتدقيق وأنت تثقين به !!!! الايميل لامعنى له واعلمي أنها كما أرسلت لزوجك هذه المعايدة فهي قد أرسلتها لغيره مما قد يكون بينها وبينهم عمل ... كوني على ثقة لو أن زوجك عنده علاقات مريبة لن يترك ايميله بين يديك !!! هو لم يوهمك أن لااحتكاك له بالعنصر النسائي في نطاق عمله .. هو أصلا لم يخبرك لأن لاأهمية للموضوع عنده ... وزوجك ليس مضطرا أن يقدم لك تقريرا بكل شيئ في عمله وبكل من يقابلهم أو يكون له تعامل معه !!!! برأيي كبرتي الموضوع دون شيئ ملموس مريب بتصرفات زوجك !! وتصرف مثل تصرفك يدفع الازواج ليكونوا أكثر حرصا وأكثر غموضا خوفا من سوء فهم أو ظن سيئ من زوجاتهم !!! استودعي الله زوجك ولاتفتحي معه الموضوع مرة أخرى ولاداعي لترسلي له أي رسالة .. كوني أمام زوجك واثقة من نفسك ولايهزك ايميل معايدة من امرأة تعامل معها يوما ما ... أو حتى اتصال .. ربي يختار الخير للجميع.

 

[ام اسامة وابي]

انا مع البنات انت غلطت بقوة حبيبتي وباين ان زوجك محترم الله يكفيه فتنة النساء ولا تنسي حبيبتي ما زال التغافل من شيم الكرام هو يتعامل معهم في حدود عمله وقد قيل لاعرابي من الذكي قال الفطن المتغابي سخر الله لك زوجك وهدانا واياك

 

[حياتي أمي]

الله يسخر زوجل وبعدين ما أحس ان في داعي كل مل كلم حرمة يعلمك فيه يعني اني مو واثقة في ؟!!! أختى بعدي عنك الوسواس واكثري من الاستغفار ترتاحي
الله يوفقك

 

[حبيبي رسول الله]

جزاكم الله خير

كلامك ريحني

والحين ارسلت لرساله عادية لزوجي مالها علاقه بالموضوع

والله يسخره لي ويسخر لكم رجالكم يارب

 

[الملكة الراقية]

الله يسخر لك زوجك

 

[يقين حنان]

انا من رائي خلي نفسك عادية وماتزيدي تتكلمي في الموضوع معاه ...... ربي يسخرلك زوجك إنشاء الله