الله يخليكم مساعدتكم للي عندها خبرة بالموضوع أوحل للمشكلة

[بريق الفجر]

صديقتي عندها مشكلة ومتعبتها لأنها مضايقة زوجها ماتعرف شتسوي وكيف تتصرف

لجأت لي بس أنا مخطوبة حديث ومعلوماتي بسيطة صدق اني على وجه زواج بس ماعشت التجربة

مشكلتها الله يسلمكم

أول شيء بتكلم عنها هي أول ماتزوجت كانت وايد تخاف من الجماع وكانت تشوفه شيء مؤلم بالبداية من كلام صديقاتها

بس كانت تتحمل وتحاول ماتبين لزوجها بعدها حملت على طول وبدت عليها أعراض النساه وبعد ماكانت تبين لزوجها وزوجها يحاسبها دوم ليش ماتجي الرغبة منك ليش ماتبادرين هي من تزوجت صار لها 8شهور بعد تحسها صعبة تبادر واحين هي على مشارف نهاية الثامن وأنتوا خابرين التعب والثقل شلون يكون حتى الوضعيات تكون محدودة هاي هي التشجنات اللي تتعبها بإيدها ورجلها


المشكلة حبيباتي زوجها وايد يسأل برى عن الجماع كيف وكيف وكيف يجي ويطبق عليها بمعنى يقول

إن لازم الوحده لما تخلص من الجماع أتنزل حالها حال الرجال وهاي الشيء مانطبق عليها

فتم يلح ليش ماينزل أنتٍ ماتحسين فيني أنتٍ ماعندج رغبة صح مع انه بالعكس هو تحاول قد ماتقدر تكون متفاعلة معاه وتركز بكل جوارحها حتى ساعات تتجاهل البيبي اللي ببطنها في بعض الوضعيات وبعد ماتقدر توصل للي يبيغيه


البنت خبرتها قليلة جداً وزوجها يسألها ارتحتي خلصتي أتقول ايه بس هو يبغي يشوف بوادر

بمعنى انها تنزل بالنهاية وتصيدها رعشة بالنهاية بس بدون فايدة


سألت الدكتورة اللي تراجع عندها بالولادة وقالت لها المرأة ماتنزل مثل الرجال بالنهاية المرأة ماتنزل الا شيء بسيط يسهل عمليه الجماع قالت لزوجها ولاأقتنع



هل الحمل له تأثير هل قلة الثقافة لها تأثير

ساعدوها شتسوي لأن زوجها رايح راجع على هالسالفة


ليش وليش وليش

 

[بنت البشري]

الله يكون في عونها​

 

[بريق الفجر]

فعلاً هي متضايقة كثير بروحها حامل وزوجها ماله الا هالموضوع

 

[$ نسمة ليل$]

خليها تامله انه بعد الولاده راح تمتعه

 

[بريق الفجر]

والله تقوله هالكلام حتى كنت أنا قايله لها لأنها ماكانت بوضع مستقر معاه بدايتها بزواجهم خوف وألم باالجماع بعدها حمال ونساه وتعب بعدها سافر بلحظة استقرارهابالشهور الوسطى ومارجع الا وهي بشهورها الأخيرة\

بس هو دوم باله شارد ومايفكر الا بهالسالفة

 

[فاطمه لولو]

حبيبتي خلها تفهمه إنها تعبانه وثقيله الحين من الحمل وإنشاء الله بعد الولادة إتسوي له كل اللي في خاطرهوأكثر بعد
والله يعينها

 

[بريق الفجر]

إن شاء الله حبيبتي بس هو وايد يردد لها انه مب مرتاح وهي مب عارفة شلون تريحه

وتوصل للي يبغيه هو

تسلمين عالرد حبيبتي

 

[سمى نجد]

وهو ليه ملزم على مسالة الانزال والرعشه الموضوع بالغصب يعني
خلاص مادام حصل متعته الا بيحاسبها بعد على متعتها!!!!
وقوليلها مالها داعي تضحي بالجنين علشان تثبتله
احيان البساطة وعدم التصنع وشد الاعصاب تجيب نتيجة اكثر ايجابيه من كونها تجهد نفسها سواء لها اولهو هو
عموما واضح ان الرجال غير مثقف في هالامور
لان المراه ماتقذف مثل الرجل المراه تنزل سوائل بسيطه مقارنتا بمني الرجل
يعني المساله مافيها وجه مقارنه!!

خليها تحاول تفهمه مثلا تشتريله كتاب بهالخصوص
والله يوفقها ويسهل عليها الحمل والولاده

 

[بريق الفجر]

هلا حبيبتي تسلمين عالرد بخصوص اللي قلتيه هي كان وضعها معاه على أحسن مما يكون لين ماسمع وقارن باللي حواليه جه يقولها أصدقائي يقولون زوجاتهم معاهم كذا وكذا يصير انزال ويصير رعشه معناته أنا قبل ماكنت أسوي شيء وماكنا نسوي شيء بالمره وقاصين على انفسنا قالت له لاتقارني بالمتزوجين من اسنين أنا وضعي ماتعدل لين أحين أصبر علي خل أستقر

فصار همه الإنزال وبس وماله سالفة يركز فيها غير شي وبس

وبخصوص ثقافته هو يسمع ويجي يبي ينطبق عليها نفس اللي يسمعه وبس

وبخصوص كلامج حبيبتي هاي نفس الكلام اللي قالته لها الدكتورة بعد ماقتنع
ماقصرتي على ردج حبيبتي

 

[ساميه]

الله يكون بعونها
الانزال يصير عند المره اقل بوايد من الرجال ومب في كل مره تنزل مثل الرجال يعني بالاسبوع مره او بالشهر مره بعد
وان شاءالله البنات بفيدونج

 

[فراشة القمر]

بما ان ثقافته محدوده ... ليش يسأل الي حواليه ...
خل تنصحه يدخل النت في مواقع طبيه وراح يلقى اجابات صحيحه

مشكله الي يسمعون من الي حواليهم ... انا كان عندي صديقة نفس حالته تسمع وبعدها تتوتر ليش مايصير لها مثل ماتسمع
وفي مرة كلمتني عن الموضوع ... قلت لها خلاص زوريني يوم
وهي عندي دخلت لها موقع وخليتها تقرى

وكتشفت ان حتى لو كانت بعض المعلومات صحيحه .. بس تنقل لها بشكل مبالغ

اما اذا كان مايدخل نت ... تطبع له المعلومة الي سمعها وتخليه يقرأ الورقه

 

[PrINcEss]

الله يعينها يااارب
احنا ماخرب علينا الا هالاصدقاء اللي يتكلمون حسبنا الله ونعم الوكيل
قولي لها تقول له كل الحريم سوا مافيه اختلاف بينهم
وهاللي يقول زوجتي وزوجتي هذا عنده نقص وجالس يبحث عنه ولا زوجته ماعندها اكثر من اللي عندنا كلنا سوا

وحذريها من انها تقول بعد الولادة بتغير لان ممكن ماتتغير ويبهذلها زياااده خليها تطنشه ماترد عليه
واذا ولدت تحاول تعدل من وضعها بالحركات وبالكاعه
واذا قال لها شيء تسكت وتطنش لحد مايمل ولعاد يقول لها شيء
هذا اللي عندي والله يسهل لنا ولها يارب

 

[أم منايررر]

الله يعينها ويصبرها ,,,,
أختي خلها تجيه بالكلام الحلو في جلسه هاديه وتقوله
آمر باللي تبيه أنا بسوي اللي أقدر عليه الآن وبعد الولادة بتشوف اللي يرضيك ومن هذا الكلام
إلين يطيح اللي براسه,,,وإن الله مايكلف نفسا إلا وسعها ..
هذا أتوقع يحل المشكله مبدئيا,,,وإذا كان زوجها من النوع اللي مايقدر ولا يتفهم وضعها
الله يكووووون بعونها...
أتمنى أكون أفدتكـ,,
ودمتي في حفظ الرحمن,,

 

[بريق الفجر]

أم سلمه

هي حتى حاولت تقنعه بهالشيء وقرت معاه مقالات بس مب ثابت براسهالا الكلام اللي سمعه صارت مهما تسوي له مايشوف

 

[بريق الفجر]

فراشة القمر

صدقتي حبيبتي بكلامك هاي اللي يسمع برى وخلاص مايحط بباله الا الكلام اللي سمعه وخلاص ومستحيل يسمع غيره صار مايشوف منها شيء طول الفترة عايش معاها لحظات مراقبة كنه امتحان

برنسس

صدقتي حبيبتي أصلاً بعض أصدقائهم كذابين ويبالغون يصورون نفسهم وحريمهم مايحتاي وانه قادر يوصل مرته لهذي المرحلة المشكلة وايد يسأل اللي حواليه ويكرر السؤال عليهم وكل مره يعطونه كلام أكثر وأكثر يجي ينقهر عندها أشمعنى أنا زوجتي مب مثلهم وبخصوص خوفج ماتتغير عقب الولادة هاي اللي تحاتيه بس حبيبتي هي ملت معاه وايد يكرر عليها كلمة أنا مب مرتاح مع انه والله قبل كان عايش معاها بآخر راحة لين ماسمع هالكلام وتم يحن ويلح عليه


أم مناير


والله تعبت وضايقتها حتى صارت وايد تعبانة بحمالها الا سكر مرتفع الا ضغط نازل والسبه النفسية الزفته اللي عايشتها من هالموضوع اللي مب راضي يشيله من باله هو يقول لها أنتٍ ماقصرتي معاي وبالعكس أحسج تعطيني فوق طاقتج لكن ليش ماتنزلين مثل باقي الحريم


الله يعين ياحبيبتي

 

[مغرورة وكلي دلع]

الله يعينها

 

[بريق الفجر]

مشكورة أختي

بس أبغي أسألكم هل اللي تمر فيه مشكلة فعلاً وصعب حلها وشتسوي