الله يخليكم قولو لي اللي انا سويته صح والا غلط اني علمت زوجي .........؟

و

وسام الحزن

New member
إنضم
2008/07/19
المشاركات
262
بنات عطوني رايكم هل اللي انا سويته صح .............؟​



انا رحت لخالات زوجي انا وخالتي (ام زوجي) وجلسنا نسولف ,,,,, طبعا خالتي ماتخبي شي عن اهلها امها وخواتها وقايله لهم ان ولدها (زوجي) مايطلعني من البيت طول الوقت جالسين في البيت طبعا حنا مو عندهم بديره ثانيه ومانطلع بسبب الزحمه ومانعرف اماكن زينه وزوجي مايحب المجمعات والاسواق والمراكز ....​

قالت لي خالت زوجي كنا نتكلم بالاسواق قالت لي انا بعطيك نصايح ولازم تسوينها لازم تعودين زوجك انه يطلعك ويمشيك مو طول اليوم جالسين بالبيت ماتطفشين لازم تعودينه قلت هو يقول يالله نطلع بس مايعرف وين نروح وبعدين نطلع ناخذلنا لفتين ونجيب كم غرض ونرجع قالت روحو للاسواق المجمعات وجلست تعددلي المجمعات الزينه اللي عندنا قلت لها هو مايحب المجمعات والاسواق قالت لازم تعودينه بكرا لاحتجتي غرض والا حاجه بتبلشين قلت لا بغيت السوق قالي اوديك بس بديره اهلنا مو بالزحمه اللي احنا عايشين فيها قالت بالعكس عندكم اشياء احلى من عندنا روحي هناك احلى المهم بتلت تتكلم انا قهرتني وسكت وخالتي تسمعها وساكته .....​

انا اقول مالها دخل ليش تتدخل بيني وبين زوجي طيب انا راضيه وعارفه زوجي ولا بغيت منه شي مو مقصر معي هي ليش تدخل نفسها فيني لو كان فيه مشاكل بيني انا وزوجي كان من كلامها لي تزيد المشاكل صراحه قهرتني ​

وبعد ماجا زوجي ياخذنا من عندهم ورحنا للبيت انا ماقلت لزوجي شي الا لما مشينا من بكرا وحنا في الطريق قال ماقلتي لي وش سويتي عند خالاتي وش قلتو وش ماقلتوا( طبعا هذا طبع بزوجي كل شي لازم يعرفه بالتفصيل الممل) انا قلتله وش قالت خالته لي زوجي انقهر منها وعصب ليش تقول لي كذا قال مالها دخل تبي تخرب بيننا بكلامها لك خلاص منتي رايحه لهم مره ثانيه قلت له هذا كلام الحريم كلهم كذا تفكيرهم همهم الاسواق وبس قال اذا هي هامه السوق حنا مايهمنا وعصب وقام يسبها ...​

انا بعدها تندمت لاني قلتله اخاف ياخذ عن خالته فكره شينه واخاف يروح يقول لامه عن كلام خالته انا ضاق صدري وحاولت اني اهديه وابين له ان هذا تفكير اغلب الحريم وان السوق هو اكبر همهم واليوم بنمشي بنروح لهم واخاف زوجي يقول لامه شي وبعدين امه تعلم خواتها وياخذو عني فكره شينه ​

الله يخليكم قولو لي اللي انا سويته صح والا غلط اني علمت زوجي .........؟​
 
بصراحة انتي غلطانة كان ماقلتيلة
لانةلو قال لخالتة بتاخذ منك موقف وراح يتجنبونك ويمكن يحقرونك وتتغيلر المعاملة وبتدخلين مشكلة ليش يحقروني ليش مايسولفون علي
الحل حلفي زوجك مايقولهم شي علشان تتجنبين المشاكل
وثاني مرة مو كل شي تحكينة علية
 
انا قلتله لاتقول لامك وان قلتلهم شي بياخذو عني فكره شينه قال لا ماراح اقول شي بس راح احلفه انه مايقولهم بس انتي تشوفين ان كلام خالته عادي تدخل بيننا.........؟
 
انا ما اقولك انة عادي او انها غلطانة يمكن نيتها زينة تبي الشي اللي يوسع صدرك
وتحسبك ماتعرفين الاماكن الزينة بس انتي اخبر بنيتها اهم شي لايطلع الموضوع لاحد
 
انا اشوف أن الحرمه ماقصدها تتدخل ولاشي بش مجرد حكي........وهذا طبع الحريم زي ماانت عارفه ......وامه كانت موجوده.....يعني لوشي خاص مااظن راح تسمح احد يدخل في ابنها...........وانا والله تعلمت بعد ....زيك موكل شي ينقال لزوج...........وحلفي زوجك وقلله راح يكرهوني اذا عرفوا اني قلتلك...........وان شاء الله مايتكلم.........
 
الصراحه خالتك صادقه..
ماسمعتي المثل اللي يقوول
((الولد على ماتربيه والزوج على ماتعوديه))

وفعلا اذا عودتيه على قله الاسواق وجاك بزارين بطبيعه الحال تحتاجين الاسواق وبوقتها بيضيق صدره وبيستنكر الاسوااق

وبعدين احسني الظن بخالة زوجك هي ناصحه جزاها الله خير

والله اني صرت اخاف انصح لاحد لانهم يناظروني وكأنهم يقولون وش دخلك؟؟؟
 
يا اختي انتي مكبره الموضوع
وكبرتيه لما خبرتي زوجج

يعني المره لما تكلمت يمكن تكلمت من حسن نيه
انتي ما عجبج الكلام دخليه وطلعيه

ومو كل شي ينقال للزوج
 
ياعزيزتي مهما كنت تحبين زوجك وتمونين عليه فيه حدود للكلام بينكم
مو لازم كل شئ تسمعينه تقولينه له
خلي عندك أسرار وغموض وأشياء خاصة لك
واللي حصل حصل ماتقدرين ترجعين الماضي علشان تتفادينه لكن إعتبري منه
بالنسبة لزوجك حلفيه مايقول لأمه ولا لخالته وبيني له إن خالته حسنة النية
وبالنسبة لخالة زوجك أنا حاسة إنها تنصحك بنية صافية وتحس إنها تبغى تفيدك من خبرتها
خلي علاقتك معها عادية ولا تحس أبداً إن زوجك درى عن كلامها
والله يوفقك ويرعاك​
 
غلطانه مررره
موكل شئ ينقال للزوج<<هذا الشئ بينعكس عليك
وانا اشوف ان خالته ماغلطت ابد مسكينه تبي لك الزين والوناسه <<<من جد في هالزمن المفروض ماننصح احد لان كل شئ صار ينفهم غلط ويعتبرونه تدخل؟؟؟؟؟؟
 
عزيزتي

اخبري زوجك بمطلق الصراحة التالي :

اذا كل كلمة صغيرة او موضوع تافه اخبرك عنه ........ تعصب وتعقد اعزم انك تثار وتنتقم وتقاطع وتعمل مشاكل لا

حد لها........ هذه اخر مرة احدثك فيها ...... وافتح لك قلبي ......

واتركيه يفكر بكلماتك ......


موفقة
 
بسم الله علي كلكم هاجمتوني يعني لهالدرجه انا غلطانه ومو عارفه والله خوفتوني لازم افتح الموضوع مره ثانيه مع زوجي
 
لا تركزين وااايد على الموضوع ومو كل شي ينقال للزوج بس صدقيني خالتج نيتها زينه وهذا درس اتعلميه زين انه ماتقولين لزوجج كل شي وان شاء الله زوجج مو مقصر معاج واحسن ما يروح الأسواق وايد لأنه اللي بيشوفه ممكن يفتح عينه على بلاااااوي وايده موجوده هناك
والله يسعدكم ويوفقكم
 
لا عادي لو الوحدة اتخبر زوجها كل شي وبعدين خالتك كلامها صح
هي تريد مصلحتك
 
ما اشوف في كلام خالتك شيء !
بالعكس امرأة كبيرة و تنصحك بخبرتها
الخطأ اللي وقعتي فيه و هو اخبارك لزوجك عن ما يدور بينكم في المجالس و مو كل شيء ينقال للزوج
حبيبتي اقل خطأك ( الغيبة ) ولا هي هينه بعد
لكن مو مشكلة تبقى مشكلة ( صغيرة ) وتعدي على خير
المهم تستفيدين منها
 
ياحرااام المراه ماقالت شي غلط اعتبرتك وحده منهم وكلمتك عادي وانتي مسويه مثاليه عند زوجك وما تحبين الاسواق وكل هذا بينقلب ضدك بعدين روحه الاسواق وعلاقتك مع خالات زوجك بكلامك لزوجك بينتي انها تحرضك عليه وهي نيتها طيبه
ماعجبك كلامها خلاص بس مو تنقليه بهذااا الشكل
 
طيب خلاص مشكوووورين وكفايه تجريح حطمتوني انا ماقلت ماحب الاسواق ومو تحريض انا بينت له ان كل الحريم كذا بس
 
عزيزتي وسام نحن لانقصد جرحك او تحطيمك والله نبغا مصلحتك وانا حااااسه بمشكلتك تماما بس اللي ما فهمتيه هنا هو كيف الرجاااال يفكرو يعني هو فكر ان خالتك تبغااا تخربك وتعلمك على الاسواق والطلعات وانها حاشره نفسها بحياتكم وهي قصدها واضح من كلامك وتبغا لك الزين حتى لما تقول ان مجمعاتهم واسواقهم احسن عزيزتي انت بكره بتصيري ام اطفال ويمكن بنات وتحتاجي السوق ويقعد يذكرك بكلامك عن السوق وانك صرتي زي الحريم اللي كنتي تنتقديهم 00صدقيني احناااااا مجربين الرجااااااال مالهم اماااااااان وينشبون بالحلق على كل كلمه مو زينا نتكلم وننسى 000ولاتزعلين علينا والله قصدنااااا النصح فقط لاغير تقبلي مروري وخلاص والله ماعاد ارد ولك اجمل تحياتي
 
تبين الصراحه الزوجه الي تقول لزوجها كل شي يخصه ولا لا ماتنصح لانها للأسف اتخرب علاقات من دون ماتدري انت غلطت على خالته مع ان الواضح انها كانت ناصحه وعليك ان تصلحي ماأفسدته وعودي نفسك انك قبل ماتقولين شي توزينينه فيه مصلحه لك وعدم مضرة غيرك اصلحك الله واصلح بك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل