الله يخليكم شكلي بطلب الانفصال ساعدوني

[درة الاسلام]

السلام عليكم ورحمة الله وبركاته

يا جماعه ابيكم تشوفون لي حل ... قبل مااتهور واطلب الانفصال الله يخليكم ..
والوقت هنا يخوفني .. مابقى على عرسي غير شهرين

بقولكم قصتي مع زوجي

انا ملكت من شهرين تقريبا في اواخر رمضان .. وزوجي كان يبغاني من كم سنه واهو اصغر عني بسنه تقريبا المهم كم مرة تقدم لي ولين رضيت حسيت بإصراره .. وهو يقرب لي ويعرفني مثل ماانا اعرفه .. من ونحن صغار مع بعض ..المهم
اول يوم ملكة مااتصل .. ولا ثاني يوم ولا ثالث يوم ... يمكن رابع يوم اتصل .. انا استغربت في البدايه قلت غريبه الي اعرفه الي يحب يبي يكلم الي يحبها ويكون شفقان لها وجي ..المهم عقب يومين من ملكتنا كان يوم ميلاده وسويت له مفجأة كيكه بصورته واهو صغير ووو واستانس بس ماعلق ولا شي ..وحتى يوم سألت اهله وجي قالت ما اكل من الكيك وقال شو هالحركات ها .. انا استغربت قلت يمكن مستحي وجي ..ولان بعد عشان مااعنده اي احتكاك مع البنات كلهم شباب في البيت وجي ..
المهم يوم اتصل علي بعد اسبوع من الملكة نسولف وجي عادي ومرة وحده اجى بيتنا وطبعا يده فاظية ..
ومايقول كلام حلو ابدا ..
يعني يمكن انا الي بادرت بكلمه حبيبي وعمري ووو واحبك ..بس اهو ماقد سمعت منه إلا مرة وحده بالغلط وقلت بتاكد سألته شو سكت ..
اجى عيد الفطر وماعبرني بهديه .. اجت ايام وماعبرني .. مرة طلعت وشفت شي عجبني عطر ولوشن وجي خذيت له وانا متغصصه وامي شجعتني بإني اخذ له وانا ماكان ودي صراحة .. لانه مب حلوة انا ابدا بهديه قد بديت فيها من قبل .. واهو ماحتى سالني خاطرج بشي .. مر شهرين وكنت المح له ابي الشي الفلاني اسبوع كامل وانا اتكلم عنه واقول باخذه إن شالله .. ماحتى قال بجيب لج إياه .. او انا باخذه لج ... او حتى جابه هديه .. لين اشتريت هالشي بعد اسبوع من كلامي معاه.. قال ليش اشتريتيه كنت باخذه لج هديه انتي ..يعني اسبوع وانا اتكلم قول لي او حسسني انك بتييب لي إياه .. قلت له ماعليه انت ييب لي جي .. قالي افا عليج .. وطاااااااااااااااااااااااااااااااااف .. ومرة مانزل معاشي .. قلت بشوفه شو بيقول .. قلت ياربي ابي اخذ ساعه واخاف تروح عني ومانزل معاشي اخروه هالمرة .. قال لي ليش تأخر ؟ ولو تبين شي خبريني ..
يعني انا ارمس واقول ابي جي ومعاشي مانزل شو معناته ؟ الي اعرفه انه لازم اهو يحط لي بدون مااقول او يعطيني .. بس احسه بخيييييييييييييييييييييييل ..
ويا ناس والله اني اهتم فيه واسأل عليه واحسسه بالحب ..بس مااشوف ردة فعل ..
لو قلت له احبك ..قال قال حبيبتي والله ..
وكله يهملني لو حد عدنه لو اخوه الصغير مايروم يرمس وياي يبند الفون .. ولو دخل البيت يهمس لما يكلمني ..
اقوله ليش تهمس ارمس عادي يقول ماحب ..يحسسني اني مسوي شب غلط ..
يحب يسمع مني بس مايسمعني
مرة بكيييييييييت ابيه يهتم فيني .. مايتصل علي .. مايتطمن علي .. ولا عمره طرشلي مسجات غير مرتين .. وانا في اليوم يمكن 10 مسجات حب وغزل ..ويوم اطرش له .. مايرد علي ..
ويوم اقوله ابيك تسوي معاي جي .. وتهتم فيني وجي ..يكلمني عن الشباب واهو اليوم مو مستانس ويقولي تعبااااااااااان ووو .. يقولي ليش تبكين .. ماله داعي البكى والامور طيبه .. اقوله ابي اهتمام انت هاملني يقولي الامور طيبه .. ولما اقوله افهم انا شو ابي منك يقولي انتي شو تبين؟ نحن الحين شو كنا نقول ونتكلم انا تعبت يا نااااااااااس
والي حواليني اهلي كل مرة يشوفوني ماسكه التلفون يغمزولي وجي اونه تكلمين غناتج وجي ..وانا ابين لهم هيه اكلمه وفي خاطري حسرة اقول وينه الي يقولون عنه غناتي مب سائل عني ..
تعبت .. تعبت ... افكر في بالانفصال ماعرفت اتصرف معاه ..
وامس صحت صياح البلى وافهمه انا ابيك تتطمن علي وتتصل علي ووو وفي الاخير يقولي انتي شو تبين بالضبط قلت له افهم انا شو اقولك قال شو تقولين لي ؟

مب طبيعي

قولولي شو اسوي انا الوقت مخوفني ..

 

[اماراتية دلع]

خخخخخخخخخخ هذيلا شباب الامارات ما عليج منه
انتي لا تتسرعي فالعرس و طنشيه و حسسيه انج تتهربين منه و مشغولة و خلي تلفونج على خط ثاني و لا تتصلي لين ما يتصل عليج اسالي المجرب غناتي و لما تكلميه سكري انتي الاول و لا تقولي لا حبيبي و لا غيره حسسيه انه بلا و تبين تفتكي منه
تجي سوالفهم الي تهتم فيهم و تحسسهم بقيمتهم و تسوي لهم سالفة يتغلون عليها انتي سويتي الي عليج
و لا تقولي له انج تسوي هالشي عسب يحس لا خليج جنك عادية و لا تفسري له اي شي خليه يبتدي يشك فحبج عسب يركض وراج

 

[الخط الفاصل]

ماشاء الله عليك جريئة جدا كيف جاتك الشجاعة تقولين حبيبي وعمري

الأحلى لما تجي منه ثم يطلبها منك..

ليش تفكرين بالإنفصال عشان أشياء تافهة ..أنت عجولة تبين كل شي بسرعة..

اصبري الرجل مو متعود يقول كلام حلو ويستحي..

لما قال لك إذا تبين شي ارسلي...كان قلتي صعبة أرسل لك كل شوي أبي كذا أبي كذا.. ياليت اللي تجود به نفسك تحطه بيدي ..وما أعتقد بيتأخر..

أختي عوديه بالتدريج على اللي تبينه لا تنتظري يجيك طلبك على الجاهز..

مافي حلاوة من غير نار.

 

[عذبتني عيونه]

صح كلام البنات اسمعيهم
صراحة لاتزعلين مني : رميتي روحك بسرعة في يده حبيبي ومدري ويش الرجال يحب المراة ثقيلة
اساليني انا في وقت خطويتي اذا قالي احبك اسكت ولااقول شي يقولي وش فيك ساكتة اقول له ماعرف وش اقول ومرات في الخطوبة اسولف ونكت وفجاة يقطعني ويوقلي احبك هههه صدقيني جننته
ماقلتها الا في الزواج وطلعها مني غصب هههه الا يريديني اقول له اني احبك

ولا اقلك حرقي اعصابه يعني شوفوا فلم في بطل انتي تحبيه او كذبي انك تحبي قوليله يعجبني البطل
ومدحي فيه شوفي وش بيسوي
وعطيني النتيجة فديتك

كوني ثقيلة تملكيه

 

[طيرشلوة]

طيب كل هالمشاكل وانتو توكم مادخلتوووو مايصير يااا خواااتي

اذا دخل عليج يكون تعاملكم وتفاعلاتكم


ننصحكم ننصحكم وقت الخطبه والدخله لا تتواصلون
خلوها لو صارت بحدود بسيطه بسيطه,,,,,,,,,,,,,,,,,,,,,,,,,,,,,,,,

لكن ماتسمعون النصيحه

 

[طريقي الى تغير]

حبيبتي امشي على الي اقولك انا مريت مثلك وقالت اكيد ما يحبني وافكر في الا نفصال انتي غلطتي غلطه كبيره وصرتي تر كضين وراه الرجال يحب المراه الثقيله الي هو يركض وراها تقولين وشلون لا تتصلين ابدا ابداابدا وقوي قلبك كم يوم يمكن توصل اسبوع بعدين بيتصل ويقول وينك قولي كنت مشغوله مناسبات صديقات اهل تسوق وخلي نفسك مبسوطه يعني ما همك ولا تقولين وينك ما اتصلت لاوالف لا ولا تقولين كلام حلو ابد ابد ولا غزل صراحه استغربت عليك وشلون انتي تتغزلين فيه يا حبيبي خطا بعدين يروح يدور وحده ثا نيه تستحي ويتغزل فيها واذا قا لك كلمه حلوه اسكتي واستحي ولا تفكرين في الا نفصال لا اسباب تا فهه والله يوفقك واعرفي نمطه شكله شمالي وانتي جنوبيه

 

[فيـ عيونيـ كلام]

مازيد على كلام اخواتي..
خليك ثقيله..وهو اللي بيجي لك..

 

[درة الاسلام]

الله يعطيكم العافيه يارب

امس اوني سويت نفسي ثقيله هههههههه

يقولي شو فيج ؟
اقوله مافيني شي عادي يقولي صوتج فيه شي مب بالعاده قلت له لا عادي والله مافيني شي .. طبيعيه .. جالسه اقرا كتاب وقصص لأني ماسألت عنه اليوم كله .. ولا شاف مني مسج او اتطمن عليه .. حسيته يبي يسوي اي شي عشان اتكلم ..وكنت مثل الجلمود ..
كان يبي يسمع كلام حلو وانا مش معبره .. وقلت خلاص شكلي كذا بتعامل

وقلت ابي اقعد معاه قعده عشان اقوله يا فلان انا ابغى واحد اثنين ثلاثه تقدر عليهم خلنا نكمل مشوارنا وماتقدر كل واحد فينا بطريق ..بس طبعا مش بالدفاشه هذي بقولها بإسلوب .. ماعرف هل هالشي ينفع معاه ؟

ايه انا جنوبيه واهو الظاهر شمالي ..

بس انا الي مخوفني زياده البخل ...

 

[.PRADA.]

ترى في شباب كذا خجووووووووووووووووووووووووووووووووووووووووووولييييييييييييييييييين بشكل فظيع وقت الملكه بس تعالي شوفيهم بعد الزواج خخخخ
يمكن مايحبون يسوون شي والا يعبرون عن مشاعرهم بالتلفون وانا زوجي كان من هالنوعيه تصدقين ماعمره قال لي عطيني بوسه والا احبك والا اي شي وانا كنت اقول في نفسي وييييين حركات المتملكين اللي اسمع عنها ؟؟!!!
بس بعد الزواج تغييييييييييييييييييييير صار جريء ويتكلم ويتغزل ويسوي كل شي يعني ايززي الوضع
اهم شي انه طيب ومايقصر عليك ويحبك واخلاقه كويسه لا تفرطين فيه مع الوقت الكلام والرومانسيه تطلع منه لاتخافين .