يا مرأة إذا كلامي مثالي لكن صعب التطبيق ..؟!!!
أجل ليش تصومين رمضان .؟؟؟ ترى صيام رمضان أكثر مثاليه من كلامي و تطبيقه أصعب أو يمكن بنظري جذي كن تطبيقه صيام عن شغلات وايده ...
شوفي كلامي ماهو مثالي بالمره كلامي من الدين و بس حاله حال رمضان إذا ما كان أعظم أجر كون الرسول صلى الله عليه وسلم قرن بين الكبائر و عقوق الوالدين في اكثر من حديث و راح أعطيج مثال ...
عَنْ أَبِي بَكْرٍ رضي الله عنه قَالَ قَالَ رَسُولُ اللَّهِ صلى الله عليه وسلم { أَلَا أُنَبِّئُكُمْ بِأَكْبَرِ الْكَبَائِرِ ثَلَاثًا ؟ قُلْنَا بَلَى يَا رَسُولَ اللَّهِ قَالَ الْإِشْرَاكُ بِاَللَّهِ وَعُقُوقُ الْوَالِدَيْنِ , وَكَانَ مُتَّكِئًا فَجَلَسَ فَقَالَ : أَلَا وَقَوْلُ الزُّورِ وَشَهَادَةُ الزُّورِ , فَمَا زَالَ يُكَرِّرُهَا حَتَّى قُلْنَا لَيْتَهُ سَكَتَ }أخرجه البخاري و مسلم
{ وَفِي كِتَابِ النَّبِيِّ صلى الله عليه وسلم الَّذِي كَتَبَهُ إلَى أَهْلِ الْيَمَنِ وَبَعَثَ بِهِ مَعَ عَمْرِو بْنِ حَزْمٍ وَأَنَّ أَكْبَرَ الْكَبَائِرِ عِنْدَ اللَّهِ يَوْمَ الْقِيَامَةِ الْإِشْرَاكُ بِاَللَّهِ , وَقَتْلُ النَّفْسِ الْمُؤْمِنَةِ بِغَيْرِ الْحَقِّ , وَالْفِرَارُ فِي سَبِيلِ اللَّهِ يَوْمَ الزَّحْفِ , وَعُقُوقُ الْوَالِدَيْنِ , وَرَمْيُ الْمُحْصَنَةِ , وَتَعَلُّمُ السِّحْرِ , وَأَكْلُ الرِّبَا , وَأَكْلُ مَالِ الْيَتِيمِ , } الْحَدِيثُ رَوَاهُ ابْنُ حِبَّانَ فِي صَحِيحِهِ
وَالْبُخَارِيُّ وَمُسْلِمٌ وَالتِّرْمِذِيُّ عَنْ أَنَسٍ رضي الله عنه قَالَ : { ذَكَرَ رَسُولُ اللَّهِ صلى الله عليه وسلم الْكَبَائِرَ فَقَالَ : الشِّرْكُ بِاَللَّهِ , وَعُقُوقُ الْوَالِدَيْنِ }
وَأَخْرَجَ الْحَاكِمُ وَالْأَصْبَهَانِيّ وَقَالَ الْحَاكِمُ صَحِيحُ الْإِسْنَادِ عَنْ أَبِي بَكْرٍ رضي الله عنه مَرْفُوعًا { كُلُّ الذُّنُوبِ يُؤَخِّرُ اللَّهُ مِنْهَا مَا شَاءَ إلَى يَوْمِ الْقِيَامَةِ إلَّا عُقُوقَ الْوَالِدَيْنِ فَإِنَّ اللَّهَ يُعَجِّلُهُ لِصَاحِبِهِ فِي الْحَيَاةِ قَبْلَ الْمَمَاتِ }
يا أخت إنت قاعده اتجازفين بشي مهم كبيرة من الكبائر مقابل شنو ..؟؟؟ ترى محد زعلج منهم و فعلا إلي وصلهم صح ما تبين عيالج يروحون عندهم بسبب تربيتهم اسلوبهم بالتعامل كلامهم الله العالم ... ويمكن بدون سبب إلا إنج بتمشين كلامج ...!!
شنو ناطره تبين أم زوجج تعتذر إنها اطلبت ولدج ينام عندها ..؟؟؟ أو لأنهم تعاملوا معاج بشكل رسمي ..؟؟؟
شنو تبين يعني منهم يسوون لج ترى لسان حال أهل زوجج يقول إن جيت يا صاحبي القلب لك لاجي و نرحت يا صاحبي ماني بمحتاجي ... و أنا صادقه هم مو محتاجين لك و مرتاحين أكثر بغيابج وماراح يسألهم ربي كثر ما راح تسألين عن القطاعه و إنك زرعتي في عيالك العقوق ...
ترى أحنا برمضان مافي شي لي زرتيهم و معاج عيالج وقلتي لجدتهم هذول عيالج لكم اللحم و لنا العظم و أنا ما راح ألاقي أحد يغليهم أكثر منك مو غلط ولا عيب حتى لو حملتج مسؤولية إلي صار و تشرهت عليج أو شدت لها حق أم و حملت و ولدة و اتعبت في زوجج لين وصلج على الجاهز حتى لو هو مو عاجبج كفايه إنه حملج و صرت أم هالعيال إلي قاضبتهم عن جدتهم وقاعده تشترين العقوق فيهم...
كلمه أخيره الدنيا ما تسوى أبد و هالموضوع ما فيه لا عزة نفس و لا كرامه ولا غيره في رضا ربك وبس ...
أما على زوجج إلي تقولين فموضوعه مختلف زوجج من كلامج مو صعب المراس و ممكن اشوي اشوي تزرعين فيه شخصية قويه إنت بنفسك تتراعدين منها إذا هذا إلي تبينه ... لأن مو سلبي ممكن زوجج يكون بالع موس ببلعومه وساكت بينج و تعنتج و غلظت قلبج و بين أمه و إنت قلتي (( اشترط زوجي ان الاولاد يروحون بدوني فرفض )) اشتبين يسوي اشترط عليج و إنت ضربت كلمته بعرض الحائط ولا قدرتيه و لا جعلتي لكلمته قيمه لا عندج ولا عند أهله ولا عند عياله ,,,
ريال ما يملك إن يكون له كلمه على حرمته ولا على عياله شنو تبين يكون موقفه ,, تبين يترجاج ولا يناجرج ترى مو كل الرياييل من النوع الي يحب ياخذ حقه بالصراخ و المرادد مع الحريم في رياييل يصبرون و يصبرون و في الأخير يقولج مع السلامه مليت مثل ما أنت كاتبه في العنوان ...
و الله يعينج على نفسج ...
