الله يخليكم .. دخلوا شوفوا شوه صار فيني...

[Kasara2008]

السلام عليكم و رحمة الله و بركاته

:bye1::bye1::bye1:

أخواتي الحبيبات ...
صدري ضاق باللي فيه و حبيت أفضفض لكم ..
يمكن ما فيه حل لمشكلتي ... بس أبغي أطلع اللي في قلبي ...
قرأت قصة أختي جورية ... وتذكرت واقعي المرير اللي عايشته..
واسمحولي أحكي لكم قصتي ... و أتمنى أنكم تردون على أسئلتي ..
.
.
.
.
بدأت فصول مأساتي من أول يوم دخلت فيه بيت زوجي .. طبعاً بيت أهله ..
و أهل زوجي عباره عن أمه ...أخته ... و أربع أخوان ..
والده الله يرحمه توفي يوم كان عمر زوجي 13 سنه..
تحمل مسؤولية أخوانه بالرغم من أنه هو الأوسط في الترتيب ..
أمه شخصية جبارة عاشت حياتها و تريد تغتصب حياتنا ..
جدام الناس تمثل دور الأم الطيبة الي تحب عيالها و حريمهم ... و الواقع أني ما شفت وياها لحظة سلام ..
آآآآآه
.
.
.
.
في أول يوم دخلت بيتهم تفاجأت أنها داخلة علينا وتطالعني بنظرات ما قدرت أفسرها وقتها.و يوم صباحيتي تفاجأت بقصف على باب غرفتي على بالي مصيبة صارت لهل البيت ... فتح زوجي الباب و نقزت في وسط الغرفة تطالع حوالينها... وسحبته عشان يوديها مشوار ظنيت ساعتها أنه شي خطير ..و مهم .. و ماردت إلا وقت الغداء .. يوم استفسرت منه عن المشوار الخطير .. فوجئت انها كانت رايحة تشتري دهان لشعرها!!!!.. ولفت تسلم على ناس تعرفهم !!!!!...
.
.
.
وعلى هالمنوال ...
رحلةشهر العسل......

طلبت من زوجي أن تكون رحلة شهر العسل رحلة مباركة لبيت الله الحرام حتى نبدأ حياتنا بداية مباركة .. ووافق...
بدأ بالإجراءات ... وقال لي وكان وجهه متغير ... شوه رايج ناخذ أمي و أختي معنا ...
من سذاجتي رحبت بالفكرة و قلت خير ...
والله لا يراويكم شوه سوت فيني هناك ..

كنت ما أشوفه إلا يوم نروح للصلاة و من نوصل لغرفتنا .. يختفي ..طبعاً يلفلفها السوق تشتري لزيد و عبيد هدايا ..
و يوم يجيني .. قصفت باب الغرفة في الفندق و صحت النايمين فيه ..
ورجعنا و بدت المشاكل ...
العلاقة الحميمة
زوجي يشتغل في إمارة ثانية .. يعني يجي آخر الأسبوع ...
ما بتصدقون لو قلت لكم .. أني ما أشوفه إلا وقت النوم ..
حتى في الأوقات الحميمة ما تهنيننا ... تصدقون أنها توقت القصف خلال هاللحظات ..
والله أن كل مرة يجيني فيها .. كأنها تحس فينا و تبدأ تقصف الباب ... وتم دموعي تنزل أربع أربع ..
لدرجة أصبح عندي ردة فعل لا إرادية ... من يتقرب مني زوجي ... أدفعه و أنقز واقفة ..
والله أني أكرهها .. ولا تلوموني ..
المصاريف
بالنسبة للمصروف ... زوجي هوه اللي يمير البيت من الألف إلى الياء ..
(أخوانه اثنين متزوجين في نفس البيت و عندهم عيال بس ما يدفعون فلس) ...
غير مصروف العجوز و بنتها ... غير الطلبات اللي لها أول و مالها تالي ..
إذا جاب لي هدية لازم يشتري لكل من في البيت مثلي و يمكن أحسن ...
صرت أكره هداياه النادرة أصلاً ...
.
.
.
حاولت أصفي نفسها عليها وأقول يمكن تتحسن وياي .. وكنت كل ما أشتري لأمي شي أشتري لها مثله ... مع أن أمي من دور بناتها الكبار ( كانت متزوجة قبل أبو زوجي الله يرحمه)..
و ياليت أسمع كلمه طيبة ... ترميه عالأرض و تسأل عن السعر!!! و منين ؟؟؟ و بعدين تقول هذا ما يصلح إلا للخدم ....
.
.
.
حياتنا الخاصة
إذا حبينا نطلع ... طلعنا خلسة لأنها تبي تجي معانا...
.
.
.
ممنوع زوجي يقعد معي ... ممنوع يشتري لي لأني أشتغل ...ممنوع يزور أهلي ..
ممنوع يطلعني من البيت ... وإذا بيطلعني لازم تجي معنا هي و بنتها ..
.
.
.
لازم تعرف كل صغيرة و كبيرة و موتها لو قال زوجي كلمه عدلة لي جدامها ..
.
.
المهم كبست على نفسي لدرجة أن كل أسبوع يصير بيني و بينه زعل ..
...بالنسبه له أهو
إذا سألته ليش أمك تسوي فيني هذا كله ؟؟؟؟؟
كا ن يحضني و يقول هي ما تقصد ... هي تحبك ..إلخ ...
بس يوم يزعل وياها يعترف باللي تسويه فيني ويقول ..
إذا تحبيني صبري هذي أمي شوه أسوي لها ..
و بالفعل صبرت أربع سنين ما شفت فيهم يوام واحد حلو ..
طول الوقت تواشيه علي ... يدخل علي زعلان .. و اكتشف أنها هي و بنتها السبب ..
البيت
خلال هالأربع سنين بنينا بيتنا ولله الحمد.. وهي كانت رافضة أنا نطلع في بيت ... بس هوه كان مقتنع بضرورة طلعتنا من بيت العذاب ..
تصدقون خواتي ... يوم طاحت مريضة ما حد سأل فيها غيري ... حتى بنتها ما سألت ... كنت أخدم عليها ..و عاملتها مثل ما أعامل أمي بالرغم من شرها .. و يوم صحت ما قالت لي حتى كلمة شكراً ..
العيال
تأخرت في الحمل بسبب الحالة النفسية اللي أنا فيها ... ما رحمتني عايرتني :tears::tears:
أجهضت مرتين ...بدل الكلمة اللي تخفف ..سمعت أشنع الكلام منها ... ياما جرحت شعوري و أهانت كرامتي ..
تحاول تتدخل في حياتي بشكل فضيع ... في لبسي ... في تصميم بيتي ...في شغلي ...حتى في تسمية عيالي ... بس أنا وقفتها عند حدها و ما سمحت لها ...
طبعاً هي كانت تستغل بر زوجي بها و تضغط عليه ... وهو بدوره يضغط علي ...بس كنت صلبة و قوية ونفذت اللي أريده ... لأنه حقي ..
.
.
.
أم زوجي تكرهني لأني ما أسمح بتدخلاتها في حياتنا ... مش كفايه أنها اغتصبت أحلى أيام عمري مني
بس والله مب مسامحتنها على أيامي اللي سرقتها مني و عيشتني في نكد و كدر و هالأيام مستحيل تتعوض ..
نسيت أقول لكم عن بنتها ... هي ألعن من أمها ... تتصنع أنها بريئة وفقيرة الله .. و يتيمه ...وهي اللي تكيد المكائد ضدي من تحت لتحت ..
.
.
.
أعيش في بيتي من خمس سنيين بس مشاكلهم توصل لحد عندي ..
.
.
.
آخرها معبين زوجي علي ... ليش حرمتك ما تيي تسلم علي ؟؟؟
دايماً كنت أسلم عليها ، وفي مرة كنت حامل بولدي في شهري السابع .. رحت أسلم عليها يوم جمعه حباً لله مش عشان خاطرها ... والله لا يراويكم شوه سوت فيني !!! كان عندها ناس غلطت علي جدامهم ..ز أهانتني ... رديت عليها ببرود : مشكورة على هالإستقبال الحار ..ما قصرتي .. وطلعت من بيتها وأنا مب قادرة أتنفس من الإهانة اللي أهانتني بها ..
.
.
.
أخواتي
زوجي يعرف أمه عدل بس ما يقدر يسوي شي بحكم أنها أمه...
جدامي ينكر و يحسسني أني أتبلى عليهم ..لكن الحمدلله....
الله يبين الحق بأسرع مما أتمنى..
ساعات أحط نفسي مكانه حتى ألتمس له العذر ... بس
صدقوني تعبت ... تعبت ... تعبت..
بسبب هالمشاكل مش مرتاحة في حياتي وياه.. بس مب عارفة شوه أسوي ؟؟
حسبي الله و نعم الوكيل فيهم..
يريدون يهدمون حياتي و حياة عيالي ...
وأنا يا أصبر على اللي أنا فيه و أتجرع العذاب قطرة قطرة .. أو أهدم بيتي و حياتي و حياة عيالي ..
.
صدقوني اللي كتبته غيض من فيض...
نقطة في بحر من اللي أعانيه ...
قولولي أنا صح ولا غلط ؟؟؟
...
و سامحوني عالإطالة
.
أرجوكم ردوا علي ... خففوا عني .. أنا تعبانه
.
سبحانك اللهم و بحمدك استغفرك و أتوب إليك​

 

[زهرةالامارات]

ما اقدر اقول الا ان الله ايصبرج عليهم وخليج انتي الاحسن

 

[وداعة]

لاحول ول قوة الا بالله ... اختي اكثري منها (لاحول ولا قوة الا بالله) فلها قوة جبارة في ازالة الهموم... واتأكدي ان الله تعالى عالم بكل شي ... وقادر وحده انه يكف بلاها عنج ... ادعي لها بنية خالصة ان الله يهديها .... مهما كانت هدي ام زوجج وعليه طاعتها وبرها وشجعيه على برها وطاعتها فيما يرضي الله ... لان عندج عيال وبيبرونج ان شاالله مثل ماتبرينها واحسن لان ليس للاحسان جزاء الا الاحسان .... واعرفي ان صمتج عنها فيه ترفع عن صغائر الامور... وانتي اكبر من هالصغائر اللي ماتزيد ولا تنقص من قدرج شي...ودايما اتجنبي مواجهتها او المشاكل وياها ... وادعي ان الله يفرج همج ويصلح بينكم ..
..الله يهديها ويصخرها لج ولعيالج وياجرج يارب ......

 

[عنقود عنب]

اختي كسارا

من متى صار لك هذا الموقف ؟؟؟

هل لازلتي مقاطعتها ؟؟؟

شوفي اختي ....انت تفاهمي مع زوجك

قولي له انا تعبت من المشاكل ..

هي مو امك ..اذا انت مو مجبورة تبريها

اتفقي مع زوجك انك تتجنبينها قد ما تقدرين ..يعني زيارات على كل وقت مالها داعي

الزيارات تكون في الناسبات الكبيرة فقط

لكن هو اذا يبغي يزورها كل يوم ...هو حر ..هي امه و يجب ان يبرها ...لكن ما يفرض عليك

عيالك ...من حق جدتهم تشوفهم ..

هذا برأي حل وسط

لا هو يقطع امة ولا انت تتعرضين للمشاكل

وربي يهديها

 

[لوزة123]

الله يصبرك اختي ويعينك عليك بالصبر وقابلي الاساءة بالحسنى وصدقيني ما راح يضيع شي عند ربك وكل شي باجره

 

[Kasara2008]

أخواتي الحبيبات....
زهرة الإمارات... وداعة..عنقود عنب ...لوزة123 ... الله يجبر بخاطركم و جزاكم الله ألف خير على المرور ... بالفعل أنا مسويه الأشياء اللي تقولونها ...
عمري ما غلطت في حقها جدام ريلي أو عيالي ...أوصيه دايماً عليها لأني أم و أعرف شوه هي الأم ... عمري ما منعت عيالي من وصلها و زيارتها بالعكس أنا اللي أطرشهم لها ... و ياليت تقدر هالشي ... أو تعاملهم عدل ... حتى هاليهال ما نجوا من شرها ... كل ما يروحون لها تقعد تغيضهم و تهددهم أنها بتاخذ أبوهم منهم ... لدرجة صاروا يكرهونها ... بس أحاول أعدل وراها ... بنتي عمرها 5 سنوات ترفض أنها تروح ... و تقول لأبوها أنا ما أحبها .. لأنها ما تحبني ...
و بالنسبة للزيارات ... زياراتي رسمية في المناسبات و ما تاخذ أكثر من 10 دقائق .... في الموقف اللي خبرتكم عنه يوم كنت حامل ... يوم أني قلت له شوه صار ... قال لي خلاص لا تروحين ...وبعد مدة شهرين تقريباً كان طبيعي ما فيه شي تغدى و راح لها ... و يوم أنه رد كان مو طبيعي أبد... وجهه متغير ... و قال لي ليش ما تروحين تسلمين على أمي ؟؟؟؟ هي مريضة ... رديت عليه أني ما بروح أبد هناك... في ذاك البيت انهانت كرامتي و ما حد رد لي اعتباري ... فلو تنطبق السماء على الأرض ما رحت ... عصب و زعل ... طنشته ... و مر ذاك اليوم على نفس الموال ... وأنا رافضة رفضاً قاطعاً ...
وقلت له بما أنك ما تقدر تضمن لي حفظ كرامتي ... فإنت مالك الحق تناقشني في الموضوع... سكت ساعتها و زاد النكد و ظلينا أسبوع زعلانين من بعض ...
نسيت أقول لكم أنها تضغط عليه بإدعائها المرض ... و أن حرمتك ما تحبني ... و أنت ابن عاق ... الخ ...
والله أن طلبها بأني أزورها مش حباً في أو أنها متولهه علي.... بس لأنها تعرف أني ما أحط الراس .... ولأنها تريد تحس أني أنفذ أوامرها من خلاله ...و عشان تسبب مشاكل بيني و بينه فقط ... يا ليت تشوفون نظراتها لي ... كلها كره و حقد و غل ... ليش ما أدري ؟؟!!
و الله يا أخواتي أنها ما ياها مني غير كل خير ... و ما ياني منها غير كل شر ..
و تعرفون متى تزيد المشاكل ؟؟؟
طول فترة حملي ... وأنتوا تعرفون كيف لازم يعاملون الحامل ..و كيف لازم تكون أعصابها هادية و مستقرة .. أنا من النوع اللي يتوحم التسع شهور كلها ... و الله لا يراويكم شوه يصير فيني ... و هي تعرف هالشي ... و تزيد عذابي عذاب ..
حتى عيالي طلعوا من النوع العصبي ....
يوم كنت مخطوبة كانت تقول لأمي أنها هي اللي اختارتني , و رشحتني ... و يوم تزوجت ... قال لي أنه خطبني من أبوي قبل ما يخبر أهله و أخوانه .. لأنه ما يبغي حد يخرب عليه ...
بالرغم من أنها عجوز ... إلا إن الكذب عندها ببيزة ... و زوجي يعرف أني صادقة .. و يعرف أن أمه تكذب ... أحس هالشي في عيونه ...
بس هو مسكين مب عارف شوه يسوي ...
ألتمس له العذر أحياناً ...
بس ساعات ما أقدر إذا حاول يرضيها على حساب أعصابي و صحتي ...
هل حق الأم يلغي حق الزوجة ؟؟؟
هل إذا ظلم زوجته معنى هالشي أنه يبر أمه ؟؟؟ حسبي الله عليها دخلتنا في متاهات ....
سامحوني ​

 

[مستغربه]

عزيــــــــــــزتي ليش هالعذاب كله وانتي بعيده عنها​

ليش كابوسها موجود وياج وهي مب وياج.........​

عزيزتي ما بيكون لها تاثير بحياتج الا اذا انتي رضيتي بتاثيرها...​

رددي لنفسج ...​

معاناتي كانت صعبه والله نجاني منها ومن اليوم ورايح راح ابدا حياه يديده مايكون لام زوجي اي تاثير عليها ....

سعادتي بيدي مب بيد غيري

من واجب الزوجة اطاعة زوجها ...​

اهانتج جزاج عند رب العالمين ولكن اني ازعل زوجي اسبوع عشانها لا والف لا...​

قالج قومي نروح لامي حاولي تقنعينه انه روحتج راحت تسبب الم واذى لج اذا ما اقتنع قوليله انا بروح عشانك عشان تكسب رضا امك والجنه وانا اكسب رضا ربي برضاك...​

رضا زوجك من رضا الله واذا رضا الله بيي بهالطريقه انا راضيه اذا هالشيء بيساعدني لبلوغ الجنه ​

لكــــــــــن وحطي تحتها الف خط....​

لا تخلينها اتاثر على حياتج...​

بمعنى تدخلين عندها تسلمين شو ما قالت وشو ما سوت تطلعين من عندها وكانه ما صار شيء ....​

اللي مب قدامي ما يقدر ياثر علي وعلى حياتي....​

قولي لنفسج انا بعيش حياتي بالطول والعرض بعيشها لحظه بلحظه بسعادة مع زوجي وعيالي بدون اي تاثير لاي مخلوق...​

انتي تعتقدين انج الوحيدة الي تعاني ...​

انا اعاني وغيرنا يعاني...​

لكن انتي في رحمة من رب العالمين على الاقل طلعتي في بيت مستقل....​

شو رايج باللي وحيد اهله ومستحيل يطلع وامه نفس طينة عمتج وامكر وحاولت تزوجه كم مره...​

استهدي بالله وخلج عاقله وبدال لا تنزلين في عين زوجج وتحققيلها مناها كبري نفسج في عينه وبينيله انج تبين رضاه...​

ترا زوجج مسكين تستخدم وياه الضغط النفسي وانا اعرف بالضبط شو تقصدين...​

تلاقينها قالتله انته مب ريال اذا ما خليتها اتيي اتسلم علي او انته مب ريال زوجتك تقودك...​

انتي حاربيها وحسسيها انه اسلوبها ما ينفع وبعدين بتشلين الفكره من راس زوجج بهالطريقه...​

الله يفرج همج وهمي وياجرنا في مصيبتنا فوالله انها الم وعذاب نفسي ما يحسه الا اللي عاشه...​

وصيتي لج..​

عيالج عيالج عيالج​

نسيهم اللي شافوه وحني عليهم ..​

والله يوفقج...​

 

[فيل فيل]

لا حول ولاقوه الابالله00
انصحك بكثره الاستغفار تفرج الهموم وادعيلها ان الله يهديها00

 

[المميزة]

الله يعينك حبيبتي انا مريت بظروفك

اتمنى اعرف السر ورى تدخلهم بكل صغيرة وكبيرة بحياتنا , لية الظلم لنا فقط ؟
ولية الزوج يصدقهم وهو يعرف تصرفاتهم زين ؟
لية انتي يالزوجة دائما تكذبين وتحقدين وتكرهين اهلي؟

لية يتدخلون بابنائك وتربيتهم وتوصل انهم يحرمونك من حنان الام وحبها لطفلها؟

لو بنتها تتزوج والله بتطير زوجها وتخلية يمشي بأمرها الحين ام زوجي سابقا بنتها الكبيرة متزوجة تصدقون انه يجي عندها بالعيد واهلة ساكنين بنفس المدينة اللي هو ساكن فيها بعيد عن حماتي والله يابنات انه يعيد عندها ولا السفر ماتسافر بنتها الا المكان اللي امها بتسافر لة وتصدقون العام العايلة كلها مسافرين وانا توي لي سنه متزوجة كل طلعه تطلع معنا وبنتها مرتاحه هي تمشيات مع زوجها وتجيب عيالها عندنا وانا لا عيب لو اطلع بدون العيلة الكريمة , اما بنتها الصغيرة الام تقول ماراح ازوج بنتي الا ولد كلب يوفر لها كل شي ويجيب لها خدامة!!!!
اما ان ماله داعي اجيب خدامه ؟
والله ذقت المر وصبرت لين طلعت روحي وانهنت
والمصيبة الحين لي 7 اشهر مايدري عنا .....

حبيبتي الحمد لله انك بعيدة عنها ربي يحبك , لكن انتي حاولي تتجنبينهم واجلسي مع زوجك وفهمية موقفك منهم وانك ماتبين المشاكل لكم ووهو بعد لايحاول يسمع لهم هو يدري ويعرف الامور اللي تصير ويعرف امة لية يجيك ويزعلك..

اتمنى لزوجك الهداية ​

 

[مجد]

أختي الكريمة أسأل الله أن يجزيكِ على ما لاقيتِ من أذى كل خير
كلام الأخت مستغربه عين العقل
اعملي به والله معاك ​

 

[daydream]

الله يكون بعونك ويهديها ..

 

[*كباتشينو*]

عزيــــــــــــزتي ليش هالعذاب كله وانتي بعيده عنها​

ليش كابوسها موجود وياج وهي مب وياج.........​

عزيزتي ما بيكون لها تاثير بحياتج الا اذا انتي رضيتي بتاثيرها...​

رددي لنفسج ...​

معاناتي كانت صعبه والله نجاني منها ومن اليوم ورايح راح ابدا حياه يديده مايكون لام زوجي اي تاثير عليها ....​

سعادتي بيدي مب بيد غيري​

من واجب الزوجة اطاعة زوجها ...​

اهانتج جزاج عند رب العالمين ولكن اني ازعل زوجي اسبوع عشانها لا والف لا...​

قالج قومي نروح لامي حاولي تقنعينه انه روحتج راحت تسبب الم واذى لج اذا ما اقتنع قوليله انا بروح عشانك عشان تكسب رضا امك والجنه وانا اكسب رضا ربي برضاك...​

رضا زوجك من رضا الله واذا رضا الله بيي بهالطريقه انا راضيه اذا هالشيء بيساعدني لبلوغ الجنه ​

لكــــــــــن وحطي تحتها الف خط....​

لا تخلينها اتاثر على حياتج...​

بمعنى تدخلين عندها تسلمين شو ما قالت وشو ما سوت تطلعين من عندها وكانه ما صار شيء ....​

اللي مب قدامي ما يقدر ياثر علي وعلى حياتي....​

قولي لنفسج انا بعيش حياتي بالطول والعرض بعيشها لحظه بلحظه بسعادة مع زوجي وعيالي بدون اي تاثير لاي مخلوق...​

انتي تعتقدين انج الوحيدة الي تعاني ...​

انا اعاني وغيرنا يعاني...​

لكن انتي في رحمة من رب العالمين على الاقل طلعتي في بيت مستقل....​

شو رايج باللي وحيد اهله ومستحيل يطلع وامه نفس طينة عمتج وامكر وحاولت تزوجه كم مره...​

استهدي بالله وخلج عاقله وبدال لا تنزلين في عين زوجج وتحققيلها مناها كبري نفسج في عينه وبينيله انج تبين رضاه...​

ترا زوجج مسكين تستخدم وياه الضغط النفسي وانا اعرف بالضبط شو تقصدين...​

تلاقينها قالتله انته مب ريال اذا ما خليتها اتيي اتسلم علي او انته مب ريال زوجتك تقودك...​

انتي حاربيها وحسسيها انه اسلوبها ما ينفع وبعدين بتشلين الفكره من راس زوجج بهالطريقه...​

الله يفرج همج وهمي وياجرنا في مصيبتنا فوالله انها الم وعذاب نفسي ما يحسه الا اللي عاشه...​

وصيتي لج..​

عيالج عيالج عيالج​

نسيهم اللي شافوه وحني عليهم ..​

والله يوفقج...​

ماقصرتي كفيتي ووفيتي اختي مستغربه وازيد على كلامك انه الحمدلله يااختي زوجك على الاقل مقدر وضعك والله اعرف لك وحده على هذا العذاب زوجها بعد ضدهاويقول انتي غلط حتى قبل ماتحكي له المشكله وبارد ولا يجلس معها هي وعيالها ..وتذكري حبيبتي انك تحتسبي الاجر وصدقيني لايشاك المسلم شوكه الا زالت بها عنه خطيئه,,,,فرج الله همك وعوضك في ابنائك...

 

[كريستال111]

كان اللة في عونك وانشاءاللة لك الأجر

 

[فرررحة عمري]

الله يعنك أختي أنا ما قريت كل الردود بس ذكرتني قصة زميلة نفس الشيء كما أن زوجها الولد الوحيد لهم غير البنات والله أن زميلتي في أسبوع زواجها الأول قطعت خيشة بصل كاملة لانها ساكنه فوق أهله وهات فطور أو غداء لهم بس تدرين هي ليش كذا لانها
تغارررررررررررررر وتحسدددددددددددددددد والعياذ بالله
زميلتي تركت لهم الديرة وما سلمت وأنا دائم انصحها تطنش وما تقول لزوجها أي كلام مو كويس عن أمه لانها أمه مهما كان وماراح يرضى عليها إذا مالك غير الدعاء وخليك معهم رسمية قدر المستطاع وقللي الزيارة معليش هو يروح لهم مع أولاده والله يكون بعونك :bye1:
​

 

[حبيبي ربي]

حبيبتي قولي دايما

حسبي الله لا اله هو عليه توكلت وهو رب العرش العظيم سبع مرات صباحا وسبع مساء

وكل ماضايقج شي منها قولي

والكاظمين الغيظ العافين عن الناس والله يحب المحسنين

وشوفي كيف الله سبحانه بيحسن عليج وبييرد قلبج

ماساعدني على ام زوجي الا هالدعاء ....

 

[حبيبي ربي]

مافي خيار لتعديل الرد

الايه والكاظمين الغيظ والعافين عن الناس

 

[أميرة بأخلاقي]

مرحبا يا كسارا






سالفتج و مشكلتج يا حبيبتي يا كسارا متكررة و انا عندي انسانه من صديقاتي تعاني نفس المشكله لا و اردى بعد ..




تدرين شو تسويبها عمتها :shutup:





مع ان صديقتي بنت ناس كبار و مواطنه و متعلمه و ذات شخصيه و منصب كبير في دوامها .. الا ان عمتها تجبرها و هي ساكنه عندهم تحدد ساعات نومهم هي و زوجها وعندها قانون ان زوجه الولد لازم تطبخ على الاقل اربع ايام في الاسبوع ( يعني ماتعذرها اذا عندها دوام او حامل او الخ) .. و اذا عاندت تقوم تكلم زوجها و تقول حرمتك غلطت و سوت كذا و كذا و كذا و تتبلى عليها هالمسكينه و يجيها ريلها بدون تفاهم طراق ولا طراقين .. :santa_1:



و كلهم مواطنين و متعلمين و هذا حالهم .. تخيلي !!:shutup:




و يا حبيبتي عمتج هاذي امبين انها متسلطه و عندها حب التملك و هالنوع ما ينفع وياه الا ان تبتعدين عنها

لانج اذا قربتي منها تدخلت في حياتج و سوت لج مشاكل وضرتج..
واذا توددتي لها تهينج و تغلط عليج ..


واول شي ابتعدي عنها و اسكني في مكان بعيد عنها لج بيت خاص فيج لا عمتج و لا اخت ريلج يقدرون يقربون منكم و حبيبتي كثر ماتقدرين لا تجينها الا في الاعياد تسلمين وتروحين ..


اما عن ريلج لا تنهرينه عن زياراته لأمه لكن اشغليه ويااج و ويا اليهال في اغلبيه الاوقات خليه مشغول بج و بعياله لان في هالحاله شوي بتقل زياراته لهم و ما بتحصل امه الفرصه الكافيه تتدخل في حياتكم اكثر ..:icon30:



و الله يبعد شرهاا عنج


و ربي يوفقج ..


أمورة

​

 

[ملاك المملكة]

الله يكون بعونك ياقلبي ويعينك عليها وخليك أحسن منها

بكثير ولاتحاول تقطعيها من ولدها خليك زي ما أنتي

صابره ومحتسبة وأكثري من الأستغفار وربي يهدي سرها عليكي

وتقريبا أمهات الأزواج أكثرهم من هالنوعيه أم زوجي تدخل في

حياتنا بس من حسن حظي أنه احنا عايشين بمدينه ثانيه واذا

رحت عندها قدر ما أقدر اتحملها لانه حرمه كبيره واحترمها

لانه أم زوجي وبتكون جدت عيالي بس اصبري واحتسبي.

:icon26:معاكي​

 

[السهام]

أختي الفاضلة : أكثري من ذكر الله والإستغفار ورددي كثيرا لاحول ولاقوة إلا بالله وحسبي الله ونعم الوكيل. وتذكري أنه ليس عليك بر أهله فيكفيك الزيارة في المناسبات وبين فترة وأخرى واحرصي على أن أولادك يبرون أهل زوجك مكا يبرون أهلك. كما أحب أن أذكر لعل أم زوجك تحبك لحسن خلقك ولكنها تكابر لتعترف بذلك

 

[بريده]

الله يصبرك ويفرجلك يارب