الله يخليكم افيدوني

[اسكيب]

السلام عليكم ورحمة الله وبركاته
بعد ماأسودت الدنيا بوجهي وتعبت نفسيتي مره وعجزت القى حل ..قررت أكتب بمنتداكم واتمنى تساعدوني..
مشكلتي باختصار زوجي مره تعبت معاه ..بكل مشكله لو تافهه يقولي روحي عند أهلك وماأبيك ..عمره ماحسسني انه متعلق فيني..بالعكس دائما يبين لي انه يقدر يعيش حياه أفضل من دوني..على أتفه سبب يزعل..حتى لو كان هو الغلطان مستحيل يعترف..
مع اني والله العظيم مره متعلقه فيه وهو متأكد .. مستحيل اخليه ينام وهو زعلان..انا اللي دائما أبادر بكل شي زين له..
سهرات وجلسات رومانسيه مافيييييييييه..الا ماندر..وبمزاجه ..يحب يطلع لوحده ..يسهر مع زملائه ..بالأخير صار يطلب مني ان علاقتنا تكون رسميه..انسان مره متناقض احيانا يحلف انه يحبني ومايقدر يستغنى عني ولو سبب تافه يصير يقلب الدنيا علي
كرهت نفسي كرهت الدنيا الكل يقولي انتي السبب لأنك بينتيله انك متعلقه فيه طيب هو زوجي وهو الانسان اللي أقدر ابين له عواطفي (افكاري متشتته مو قادره اكتب زين)
عواطفي وحبي له صار عيب..ماأدري ايش اللي يبيه ؟؟ان قصرت قال مقصره وان ماقصرت قال ابي علاقتنا رسميه مع انها شبه رسميه او بالأصح رسميه الله يخليكم قولوا لي ايش اسوي معاه صرت خايفه انه بأي لحظه يرميني

 

[شكرا بلقيس]

حبيبتي زوجك نسخة من زوجي سبحان الله
واعتقد انه جنوبي غربي ادخلي ملفات الجنوبي الغربي واعرفي كيف تعاملين معه بعد ماتأكدين من شخصيته
حبيبتي مو غلط ان الوحدة تعبر لزوجها انها تحبه بالعكس هو يحب انك تبينين حبك بس في نفس الوقت لا تحسسينه انهخايفة من بيت اهلك او ماتبينه لانه بيعرف ان هذي نقطة ضعفك وبيصير يضغط عليك فيها
حبيبتي اذا قال لك روحي لا اهلك او معاد ابيك وانتي ماغلطتي عليه او بدون سبب
قولي له بكل حزن صح اني احبك وابيك بس اللي يبيعني مرة ابيعه اف واللي ما يبيني ما ابيه وروحي عند اهلك وعيشي حياتك وحسسيه انك عايشه حياتك ولا تتصلين فيه نهائيا الين يتصل هو ويعتذر
وانتي ادعي ربك فسهام الليل لاتخطئ وعليك بالاستغفار والله يفرج همك انشاء الله
حبيبتي هو مزاجي بالدرجة الاولى وترى يقول الكلام وهو مايقصده
اذا صار مزاجه اوكي خوذي كل اللي تبين واذا صار معصب لا تحاولين حتى تناقشينه
وحاولي اذا كان رايق ترسلين له رسالة تكون بخط حلو وتوصلين له كل اللي في قلبك بس يكون باسلوب حلو وماتجرحينه بشئ يعني قولي له بطريقة حلوة وبيني انك مسكينه وحزينه وبيتفاعل معك وسوي نفسك تحتاجين لحل عاجل وانه بيده الحل وخليه يحس انه المنقذ
والله يسخره لك

 

[اسكيب]

أشكرك على ردك الرائع ..وفعلا هو مزاجي ..وصعب ..والله يعيني واياك عليهم..ويسخرهم لنا

 

[ريماس الجنوب]

ياشيخه رسميه رسميه خليها رسميه ؟؟؟؟؟؟؟؟؟؟؟؟؟؟ اذا يبغى كذا ؟؟؟ انشغلي با الحمل او بالاولاد والبيت ؟؟؟؟؟؟؟؟ خليه كيفه ؟؟؟؟؟

 

[اسكيب]

آآآآآآآآآآآآآآه ياريماس الكلام سهل ..لاتنسين اننا بطبعنا عاطفيات

 

[ز هر ة اللوتس]

لا حول ولا قوة الا بالله

حاولى معاه بكل الطرق ولا تجينه وهو معصب

اذا كان معصب اتركيه وانشغلى باى شي بترتيب او اى شي

بعدها بساعه تعالى له وانتى كااااااشخه وها لله ها لله بلكشخه فاهمتنى اكيد :blush-anim-cl:
بس لا تبالغي بلميك اب
حطى ميك اب خفيف واهتمى اكثر بلبس و العطر وتعالى ومعاكى كاسة عصير ليمون عشان يروق :msn-wink:

قولى له بنغمة دلع وحب حسيت حبيبي محتاج للعصير حطى العصير جمبه وهمزى على كتفه وظهره :blush-anim-cl:

يعنى حركات وحاولى تجذبيه بلبسك :nosweat:

بس عندى نصيحه لكى لا تجلسي تقولى له طووووووووول اليوم احبك واحبك واحبك واحبك واحببببببببك

لا ترا الرجال يمل بسرعه بينى حبك له بطريقه غير مباشره يعنى اهتمى بنفسك واهتمى ببيتك و اهتمى باكله وحاولى كل بعد فتره يعنى اخر الاسبوع تروحى بيت اهلك تجلسي يوم وليله او مو اخر الاسبوع كل بعد اسبوعين حتى يشتاق لك وتشتاقي له يعنى اجازه زوجيه زى مايقولون

واهم من هذا كله الدعااااء في الثلث الاخير من الليل ان الله يصلح لك زوجك ويقر عينه فيكى وتقر عينك فيه
ويجمعكم في حب وطاعته

اسال الله الكريم رب العرش العظيم ان يوفقك ويسخر لك زوجك ويجعله مايشوف غيرك حبيبه وعشيقه

غاليتى شيكى على الاقسام الثانيه راح تلقي طرق رووعه لجذب الزوج

وطمنينا عنك يالغاليه​

 

[دلع يقهر]

السلام عليكم
انا بطبعي عنيده اسمع الكلام وما اطبقه امشي على هواي ولازم الوحده تكون مملوءه بالثقه قدام زوجهاا عشان يسحب لها حساب وموعيب اذا بينتي انج تحبينه بالعكس تكبرين بعينه //// بس اذا فكرت الوحده تقول كل رياجيل هالوقت كذا والحياه صات مشاكل والشاطره الي تكمل حياتها
انا زوجي يحبني ومبين عليه والكل يحسدنا بس مخليني عند اهلي ولا سال عني مافاد الحب


اللهم ياجامع الناس في يوم لاريب فيه اجمع بيني وبين زوجي رافاه بحال ولدي حبيبي آميييييييييييييييييييين

 

[اسكيب]

الله يجزاك كل خيريازهرة اللوتس وينولك كل اللي فبالك
بالنسبه اني ألبس واكشخ واتكلم معاه بعد مايهدى سويتها بس مايطالعلي ويجلس يقولي خير وش عندك انتي وش اللي تبينه بالضبط ؟؟لما أقوله مابي شي الااني أعيش بهدوء وبسلام ومايعاملني بجفا مايرد علي ..وبعدها بيوم ولا كأن شي صار..فكيف أتعامل مع انسان طبعه صعب

 

[اخر شقاوه]

كم سؤال عشان افيدك باللي اقدر عليه​

كم صارلكم متزوجين.. عندج عيال وشلون علاقته معاهم​

عنده زوجه غيرك... شلونج مع اهله​

 

[اسيرةحزن]

شوفي ياختي سوي اللي اقولك عليه..........ولا راح تندمين قصك نفس قصة اختي ونصحتها والله تسنع معها الرجال......غلط انك تخلينه يعرف وش بقلبك خليك غامظه مايدري انك تحبينه اوتكرهينه نقطت ضعف المرأة تبينله انها خايفه من انه يرميها عنداهلها اوانه ملهوفه عليه اوانك تحبينه ولا تقدرين تعيشين بدونه صدقيني اذا لاحظ منك الاشياء هذي تطحين من عينه و لايحطلك اعتبار حاولي انك طنشينه لا تعطينه وجه دايم حاولي انك تبينين انك مشتاقه لهلك .انا ماقولك قصري بواجباتك نحوه بس لازم يكون لك شخصيه لاتبينين انك ضعيفه والله ياختي مانفع اختي حبها لرجلها تدرين وشقالها قال حبك لي يابي يجي على راسك وبعدها صحة من اللي هي فيه...وغيرت معاملتها له وضبط معها ...لازم يكون لك راي بحياتك خليك طبيعيه ياختي لاتخافين من شي اللي كاتبه لك الله تبي تشوفينه رزقك على الله لا تكونين ضعيفه ... ولكي خالص تحياتي

 

[ز هر ة اللوتس]

الله يجزاك كل خيريازهرة اللوتس وينولك كل اللي فبالك
بالنسبه اني ألبس واكشخ واتكلم معاه بعد مايهدى سويتها بس مايطالعلي ويجلس يقولي خير وش عندك انتي وش اللي تبينه بالضبط ؟؟لما أقوله مابي شي الااني أعيش بهدوء وبسلام ومايعاملني بجفا مايرد علي ..وبعدها بيوم ولا كأن شي صار..فكيف أتعامل مع انسان طبعه صعب​

والله ياقلبي حاسه فيكى
بس لو قالك وش عندك ومن ذا الكلام قولى له بدلع وحطى تحت دلع الف خط
بدلع تقولى له حبيبى وودى اكشخ له فيها شي :cupidarrow:
وماودى غير سلامتك
وحتى لمن تصحينه من النوم لصلاه او للدوام صحيه بطريقه رومنسيه بس لا تزودى الجرعه عشان مايتاخر على الصلاه و الدوام :sly:
يعنى ها الحركات وربي تسوى مفعوول السحر في الرجال بس يبغالها صبر
ونصيحه لا تدققي في اى شي يعنى عدى امور كثيره لا تدققي فيها
والطريقه ذى ماتبان بين يوم وليله لا يبغالها صبر غلاتى
ومهما طال الزمن مرده يستحى على دمه ويحس فيكى ويبادلك الشعور ​

 

[اسكيب]

لي اربع سنوات متزوجه وعندي طفلين وعلاقتي مع اهله تمام بس على فكره هو وحيد امه

 

[اسكيب]

آه ياأخت زهره نفسي اكلمك..والله العظيم الكل يحسده علي ..والله مو مدح لنفسي اهتمام ورومانسيه وأطفالي قمة الأدب والتربيه والمصيبه انه معترف بهالشي

 

[اسكيب]

الله يسمع منك يااسيره ويتعدل معي..وبعدين انا زوجي بعد هددني وقال لي والله لأخليك تعيشين بحسره..وعلى فكره غصب أخاف قبل كدا ماأهتميت وتركني عند اهلي شهر ..وانا ماأبي أطفالي يعيشون بعيد عنه لأنهم متعلقين فيه

 

[كافيه لاتيه]

الله يعينك بس باين ان زوجك مزاجي حاولي تتعرفي على نمط شخصيته وكيف تتعاملين معها,بعدين حاولي دايما تبينين انك مانتيخايفه من انه يرميكي اويطلقكي لانه راح يلعب على هل نقطه ,قوليله والله بيت اهلي مو عجزانيني فيه وانا كبيره.الله يعينك ويهديه ويصلح ليكي.

 

[امـ حــتـــومـي]

هاااي اختي اسكيب
بما ان زوجك وحيد امه
اكييد انها مدلعته وتخاف على زعله ومتعلقه فيه ويمكن تخاف منه
فانتي عاملتيه بنفس المعامله وشااف نفسه عليك وصار يهددك بانه يتركك زي ما كان يهدد امه بزعله
او بالخروج من البيت> حسب ظني>

فانتي حسسيه انك مو مثل امه وانك تقدرين تستغنين عنه وتروحين بيت اهلك> لو من وراء قلبك <بس
عشان يحس فيك وفي قيمتك اذا غبتي عنه
وعليك بالدعاء والله يصلح حالكم::::اآآآآآمين

 

[اسكيب]

بالعكس ام حتومي هو يخاف من امه لدرجة يخاف يسوي شي ومايقولها بعدين تزعل عليه..وعلى فكره لما يزعل معاي يطلع وينام بالعمل مع اني ساكنه بعيد عن اهلي يعني ماعندي احد

 

[سمراوية حلوة]

الله يعينج الغلا الله يهديه وحنن قلبه عليج

 

[اخر شقاوه]

المثل يقول
ولدك على ما ربيتيه
و زوجك على ما عودتيه​

وصارلك اربع سنوات شوفي شنو عودتيه عليه​

بما انه وحيد وامه غالبا اللي يكون وحيد امه شخصيته مهزوزه​

وتعود على الدلع من الكل من امه واخواته​

يعني كل شي يبيه يحصله​

نصيحتي لج لاتبينين له انج تقدرين تعيشين من غيره​

واذا هددك لاتهددينه ولاتقولين ابي اروح بيت اهلي​

لانه يمكن يستغني عنك وهو متعود على يحصل كل شي يبيه​

يعني يجيب غيرج ولايهمه إلا اذا انتي كنتي معلقته فيج​

يعني مايقدر يستغني عنج​

ومن كلامج باين ان هو مستغني لاتعطينه الفرصه​

اذا انتي مرتاحه مع زوجك وتحبينه ومستعده تكملين معه باقي حياتك تمسكي فيه
و استحملي واغلبيه بالفعل الطيب
مالج إلا الصبر والدعاء لله سبحانه​

وتقربي من امه اكثر شي ​

اكيد كان بينكم مشكله لما قال خلي علاقتنا رسميه​

يعني يمكن بينتي له ان ماتبينه هو عاد يبي يعاقبج​

قال هالكلمه ويدري ان ماراح تستغنين عنه​

خصوصا ان قلتي ان عمرج ماخليته ينام زعلان​

وتسوين له كل شي انتي ضيعتي نفسج بالأول​

انتي اللي عوديته ان مالج مشاعر ولا احاسيس​

وان اهم شي هو مايتضايق وانتي بالطقاق​

تعود صعبه تغيرينه بسهوله وبسرعه​

ادعي الله ان يقربه لج ويسخره لج​

واذا وقت النوم مو ضروري تلبسي قمصان نوم مكشوفه​

البسي اي لبس مغري ضيق ومو مكشوف يعني لاتبينين​

ان انتي تبينه تدلعي جدامه وغيري بنفسك اربع اسنين​

معاه لازم تغيرين نفسك بالكامل شوفي وزنج شعرج ملابسج​

سوي فل ميك اوفر تغير شامل بكل شي​

بس لاتهملينه لانه تعود على الدلال​

يعني لاتنسين بين لحظه والثانيه امدحي شي سواه​

او امدحيه هو بشي فيه من صفاته​

وبين وقت والثاني عوديه على الكلام الحلو ​

حتى لو قال شعندج متغيره او شفيج ​

قولي عادي هذي انا بس العيال والحمل غيروني​

وابي ارجع مثل ماانا واذا قال شعندج على الكلام الحلو​

او المسجات قولي زوجي وحبيبي مايصير اتغزل فيه​

لاتنكدين على نفسك وتضايقين من تصرفاته​

تحملي كل شي لان غالبا وحيد امه واللي مدلعينه اهله
يكون كلامه يجرح تحملي اذا تحبينه
بس غيري نفسك​

خليه لما يدش البيت ماوده يطلع لاتخلي بيتك نكد ومشاكل​

وادعي الله سبحانه وتاكدي بإذن الله تفرج​

الله يهديه لج ويهديج له ويخليكم عيالكم​

 

[اسكيب]

حبيبتي أنا خربته بدلالي الزايد له ..ولما قال لي خلي علاقتنا تكون رسميه لأني عاتبته انه ماقضى وقت معاي قبل لايسافر لأنه بيسافر سفرة عمل طويله ..تخيلي انه قضى وقته مع زملائه وسافر ..وعلى فكره زوجي يتأثر باللي حوله