الله يجزاكم الخير ساااااااااااعدوني بزيارة نفااااااااااس

[نعومة ودلوعة]

السلام عليكم
كيفكم ياحريم وحوامل وياااارب يسهل عليكم الولاده
ماعرفت وين احط الموضوع فقلت ممكن حد يساعدني او عنده خبرة ياحوامل ونفااااااس

بعد يومين راح ازور وحده من صديقاتي والده ومااعرف وش اصلح معي واخذ اول مرة اروح لها <<<هي تكون حرمة صاحب زوجي
فهمتو علي
وبمدينة تبعد عنا ساعه فمحتارة وش اصلح
اشتريت الهدية لبيبي
فياليت تساعدوني محتاااااااااااارة لاتتاخروا عليييييييي

 

[روج احمرر]

روحي محل الاطفال اخذي لها طقم للبيبي او مدري راح تشوفين اشيا كثير وحلوه في محل الاطفال وودك تاخذينهم كلهم هع
الحمدلله ع سلامتها

 

[انتوا سموني]

ودي معك حلى نوعين للقهوه واحد انتي تكونين مصلحته والثاني جاهز

عندك (( باتشي )) مثلا

وكمان معجنات للشاي

وكيكه مع العصيرات

اشتري نوعين من العصيرات

وووووووووووووووبس​

 

[احــ دنيا ــلى]

لاتكلفين على نفسك
كفاية اصلا زيارتك وخذي معك اما مجموعه ملابس اطفال اللي تجي كامله بعلبة وحده او سلة شوكولاته وكفاية كذا

 

[مجنونة حماده]

زياااااااااااااااااارتكي له اكبرهديه
ههههههههههه

 

[ام غدوووو]

اهلين الي اشتريتيهم جيبي صندوق حق الهديا وحطي عليه الملابس حق المولود وردمجفف قمصين نوم للام وعطر حلووووو

 

[هــــدى]

بما انك شريتي الهديه وخلصتي ماراح اتكلم في هالموضوع

انتي سالتي وش تاخذين
خذي معك حافظه
مرقوق او قرصان او مطازيز
كثري اللحم والخضار والفلفل الاسود
وخليها حاره قد ماتقدرين لان الحوار زينه للنفاس
مع صحن
جرجير وخس ورقيات
بانواعها بشكل مرتب ومحترم
و
سلطات
بصفه عامه السلطات مفيده للكل طبعا
هذا اذا بتتعشين عندها

اما اذا زياره خفيفه خذي حافظه
محلى
وحطي عليه السمنه والفلفل الاسود
او
حنيني
او
مراصيع
في ناس تسميها مصابيب
اذا ماتعرفين تسوين فيه حريم يسونه ويبعونه دقي واطلبي
واذا انتي في الرياض يمدحون حنيني اني وداني
انا ماقد جربته بس جارتنا تقوله
ومافي زي شغل البيت

والله افضل من الحلى والفطاير والخربيط
لان هذا الاكل اللي بيفيدها ويدفيها خصوصا هاليومين برد بزياده
وهي نفاس محتاجه اكل يدفيها ويغذيها ​

 

[نعومة ودلوعة]

شاااااااااااااااااااااكرة لكم المرور والمساااعده الله يوفقكم

هدى الله يجزاك الخير ويوفقك دنيا واخره يارب
راح اصلح مثل ماتقولي حافظة مرقوق باللحم والخضار
وحافظة حنيني بالتمر والزبده
وراح اخذ معي تمرة صلحتها مع حلبة وزبده وفلفل اسود
مع زمزمية اعشاب وبس
انا بأميركا ومااعرف حد يعرف يشتغل الاشياء هذي وماعندي سمن بري بدالها الزبده
ادعولي تضبط معي اول مرة راح اصلح المرقوق <<< زوجي طلب اصلحه كمان
وشاااااااكرة لكم جميعا