بروتكول
New member
- إنضم
- 2009/12/17
- المشاركات
- 37
صباح الخير لكل وحده تفضلت وفتحت موضوعي:35:صراحه لقيت كثير بنات كثير واسوني وماقصروا علي وواسوني بزواج زوجي علي اسال الله ان يجعل كل وحده كتبت لي دعاء او مواساه ان تجعله لها في ميزان حسناتها:36:ابقولكم التطورات اللي صارت في حياتي مع زوجي وزوجته يابنات يارب لك الحمد زوجي ماتغير علي ابد بل زاد الاهتمام وهذا اللي متعبني:8:اه يابنات احبه موووت وهو يحبني لكن قدر الله اقوى من اي شي طبعا سمعت من خواته ومن امه ان مافي مقارنه بيني وبينها سواء بالعمر والا الجمال كله راجح بكفتي يارب لك تاحمد والشكر والله لوانها اصغر واحلى كان انجنيت بس ربي رحمني:25:المهم اعتقد انها عرفت انه مو مرتاح معها بس شهامه زوجي تمنعها ان يطلقها لانها على حسب ماعرفت انه تحبه مره وماتنلام انقظها من العنوسه وفتحلها بيت رغم مادياته المتواضعه طلبا بالاجر فديت قلبه الطيب:3:المهم انها تحاول تكسبني كل شوي تقوله ودي اشوفها ودي نسير انا وياها صديقات تحلم الاخت ماكفايه تشاركني بزوجي:4:المهم تسال عن عيالي واذا راحو عندها تعطيهم حلويات وتلعب معهم والله يابنات اني ماشفت منها شي بالعكس طيبه مره بس انا ما اطيقها اعرف ان شعور طبيعي بس خايفه ان زوجي يلاحظ ذا الشي واطيح من عينه والله انه ترسل اكل معاه والله اني مااقدر اذوقه واقول زوجي لعاد تجيب منها شي بنات احسني لئيمه والله غصب عني اغار اغار على حبيبي تشاركني بحبيبي زوجي عمري ماني قادره اتقبل الحمدلله غلى كل حال والله اني عارفه انه ابتلاء:25:لكن قلبي محروق مع انه يقول والله ان مافي مقارنه بينك وبينها ويحاول يرضيني لكن حاقده عليها مع ان قلبي مايحقد ولايكره انصحوني بنات تكفون وش اسوي والله اني عارفه انه ماتعامله ربع اللي اعامله بشهادته هو حتى حقه الشرعي ما ياخذه الا مني ومع كذا تعبت نفسيتي منذا الوضع والله انه لما ماتسير ليلتي اني اموت من القهر والحسره والله اني استغفر واصلي وابكي بس مابردت حرتي ولمن يجي عندي والله اني انسى انه متزوج وش اسوي اللي عندها راي لاتبخل علي تعبت والله تعبت الله لا يذوق اي احد الضره ولا يجعل من ترد علي احد يشاركهها بزوجها ااااميييين:8:
