اللهم الهمني رشدي وقني شر نفسي

[نضوج أنثى]

السلام عليكم ور حمة الله وبركاته
أخواتي العزيزات عندي مشكله وياليت تساعدوني لأني فعلا ماادري شلون اتعامل معها زوجي يمر بأزمة ماليه عشان كذا قرر إننا نعيش عند أهله أخوه متزوج بعد وعايش عند أهله وزوجته موظفه طبعا لما ننتقل إن شاءالله عندهم مو معقول بخلي أم زوجي وهي كبيره بالسن إنها تطبخ وأنا اتفرج فيها وبنفس الوقت أنا ماني ملزمه إني أطبخ لكل البيت لأنه لو طبخت لكل البيت لو مثلا جا يوم وماكنت ابي ادخل المطبخ اخاف تصير سالفه يعني اكون عودتهم اني اطبخ لهم ويصير فرض علي أنا ذكرت زوجة أخوه لانها عايشه معهم من تزوجت وهي ماتطبخ بحكم إنها موظفه تطبخ ببين فتره وفتره ام زوجي الله يطول بعمرها هي متكلفه بالطبخ واانا بما اني ربة بيت مو معقووله بنتظرها تطبخ لي بغض النظر عن اني ربة بيت مو منطق اخليها تأكلنا حنا بعد هي زوجت عيالها عشان ترتاح مو تأكل حريمهم بعد السالفه كلها إني مابي أحد يستغلني انا ماعندي مشكله انا بكل الأحوال بدخل المطبخ واطبخ لزوجي مو معقول اقولها مالي دخل فيكم بس بطبخ لي ولزوجي وبنفس الوقت صراحه ماابي احد يستغلني واصير مثل الشغاله شووروا علي وش الحل الله يسعدكم

 

[ياربي انصرني]

الحل انك تجيبون طباخه تطبخ لان مشكلتك مرينا فيا في بيت اهلي

زوجات اخواني كل وحده ما عليها الا من زوجها وعيالها وامي متوفيه الله يرحمهامافي البيت الا ابوي والشغاله حلت الموضوع

بصراحه ومن وجهة نظري الشخصيه انه مايفرض على زوجة الابن
اطبخ وشغل البيت اذا قامت من نفسها جزاها الله خير وان اشتغلت لزوجها وعياله جزاها الله خير يعني هذا الشيئ راجع لها اولا واخيرا ولكن لايفرض عليها

 

[toutat]

والله ما أعرف كيف أنصحك
شوفي مرت أخوه كيف تسوي واعملي مثلها، أو حضري وجبات قبل موعدها، او حاولي تحيي فيهم روح المشاركة
هناك كثير أفكار لكن أكيد وحدة فقط يمكنك تنفيذها حسب طبيعة عائلة زوجك
انا مثلا لما أروح بيت أهله و أخوه الصغير ومرتو عايشين في البيت وهي المفروض تطبخ لما تشوفني تتكسل لأنها كانت حامل، وأمي(حماتي) مريضة، فكنت أدخل المطبخ بس أنادي على مرت أخوه وأطلب منها حاجات صغيرة او تراقب الأكل، ولما يجهز عودتهم أنهم يجهزون المائدة على أساس ما أعرف نظامهم، يعني ما كنت أقف وحدي فالمطبخ

 

[برميتي]

غاليتي نضوج انثى انتي واعيه ماشاء الله عليك واضح من كلامك
وبما انكم تمرون بازمه ماليه فواجبك تجاه زوجك انك تصبري وتتحملي واياك ان تجيبي سيره له عن مخاوفك
بعدين لما تجي عندهم جهزي الغداء وبس وخليهم يفهموا ان وجبة العشاء مو عليك
اهم شي حسسي زوجك انك راح تتحملي اي وضع علشانه
الله يوفقك ويفرج عنكم ازمتكم

 

[طمطوجه طرباخ]

يـآعمري مو انتي كذا كذا طابخه ..

نصيحتي لك اطبخي لهم وانتي الكسبانه ..

تدرين ليشش .. لأن في كل كبد رطبة اجـــــر ..\\

حتى الطير لو ترمين له فتفوته خبز واحتسبتيها تأخذين اجر

 

[ريماس123]

لااله الا الله

 

[حـ س ـايف]

الله يعيننا ويعينك..
أنا أشوف بما إنك ربة منزل تتكفلين إنت بوجبة الغداء ..
وزوجة أخوهـ تتكفل بوجبة العشاء..
وهذا حل عادل ومنصف
والله ييسر أمرك​

 

[جراده شياكه]

الله يعينك ويسهل حياتك

 

[مراثيف]

الله يعيننا ويعينك..

أنا أشوف بما إنك ربة منزل تتكفلين إنت بوجبة الغداء ..
وزوجة أخوهـ تتكفل بوجبة العشاء..
وهذا حل عادل ومنصف

والله ييسر أمرك​

أنا أوافقها الرأي وهذا حل عادل ,,,,,,

 

[نضوج أنثى]

ياربي انصرني الله ينصرك يارب على كل ظالم .. حبيبتي أنا أهل زوجي ماعندهم شغاله زوجي وأخوانه كانوا بأنفسهم يغسلوون ملابسهم والكوي بالمغسله يعني حالتهم ماتسمح يجيبون شغاله مشكوره على اقتراحك جزاكِ الله خير .
توته مشكوره على مرورك ونصيحتك والله يكتب اللي فيه الخير وجزاكِ الله خير .
برميتي وطمطووجه وحس ــايف ومراثيف المشكله وجبة العشاء عندهم غير معترف فيها يعني اللي يبي آكل يجيب له من برا أو يقوم يسوي نواشف لنفسه زوجة اخوه ماتسوي عشاء ولا غدا أنا زوجي اتعود إنه يتغدا ويتعشى أنا تعب علي أقوم اسوي غدا وعشاء للبيت كله ووراي غسل صحوون وتنظيف المطبخ بعد الطبخ وبعدين زوجي نظام شغله شفتات يعني لو سويت غدا مايتعشى نفس أكل الغدا لانه دسم زين لو هو مو موجود عندي فترة الغدا مو معقول اقولهم انا مابي اطبخ اليوم زوجي مو موجود يعني إنتم اللي فاتحين لي بيتكم ماهميتوني اهم شي زوجي أكيد بسوي مثل كل يوم وبرجع اسوي العشا اول في بيتي كنا اثنين يعني انظف بسرعه واخلص الحين ماشاءالله البيت فيه 11 بدوني انا وزوجي يعني بيآخذ مني مجهود كبير انا والله ماني مستخسره فيهم اخدمهم بالعكس والله يستاهلون وأمي [ أم زوجي ] حييل طيبه معي بس أنا تعب علي غدا وعشاء بكميه كبيره ووراي المطبخ بعد ولا وربي أخدمهم بعيوني أمي خلاص من حقها ترتاح كبرت عيالها وسوت اللي عليها وأنا كذا ولا كذا بطبخ يعني داخله المطبخ داخله بس المشكله ماني متعوده على عوائل كبيره وأشوف كذا ماراح يكون لي وقت ولزوجي الله يكتب اللي فيه الخير أخواتي ماقصرتو ا .
ريماس لا إله إلا الله محمد رسول الله جزاكِ الله خير .
جراده مشكوره يالغلا على الدعووه ولك مثلها يارب وجزاكِ الله خير .

 

[ليتني احتويك]

خليهاااااا لوجه الله وسوي الغداء بس والعشاااااااااااء على مرت اخوه
انتي ترى الي بتعوديهم يعني زي ماقاالوا بس اطبخي الغداء والله ييسر امووورك ..

 

[طيف اليقين]

حبيبتي لا تزعلي مني بس انتي بصلراحة مكبرة السالفة كثير .. انتي اول اسكني معهم وبعدين احكمي .. أكيد أم زوجك بتدخل تساعدك ويمكن بعد زوجة أخوه لما تكون موجودة بتساعدك .. لا تسبقي الأحداث وما فيها شي صراحة لو طبختي الطباخ ما ياخذ منك أكثر من ساعة ونص باليوم ..

عالعكس راح تكبري بعيون زوجك انك انتي المسؤولة بالبيت والكل راح يقدرك ويحترمك .. واحتسبي الأجر على الله فهذا ثواب لك..

 

[لن اضحي]

حبيبتي لا تزعلي مني بس انتي بصلراحة مكبرة السالفة كثير .. انتي اول اسكني معهم وبعدين احكمي .. أكيد أم زوجك بتدخل تساعدك ويمكن بعد زوجة أخوه لما تكون موجودة بتساعدك .. لا تسبقي الأحداث وما فيها شي صراحة لو طبختي الطباخ ما ياخذ منك أكثر من ساعة ونص باليوم ..

عالعكس راح تكبري بعيون زوجك انك انتي المسؤولة بالبيت والكل راح يقدرك ويحترمك .. واحتسبي الأجر على الله فهذا ثواب لك..

صحححححححححححححححححححححححححححححححححححححححححيح:icon30:

 

[لن اضحي]

:icon30:

حبيبتي لا تزعلي مني بس انتي بصلراحة مكبرة السالفة كثير .. انتي اول اسكني معهم وبعدين احكمي .. أكيد أم زوجك بتدخل تساعدك ويمكن بعد زوجة أخوه لما تكون موجودة بتساعدك .. لا تسبقي الأحداث وما فيها شي صراحة لو طبختي الطباخ ما ياخذ منك أكثر من ساعة ونص باليوم ..

عالعكس راح تكبري بعيون زوجك انك انتي المسؤولة بالبيت والكل راح يقدرك ويحترمك .. واحتسبي الأجر على الله فهذا ثواب لك..

 

[عجابة]

ان شاء الله تفكير يكون ناضج مثل اسمك ..
وربي ييسر أمرك ويساعدك ...
لاتستبقين الأمور واجعلي روحك متفائلة ومقدمة على خير ..
ومسألة تواجد زوجك عند أهله وتدعي له والدته في دخوله وخروجه فهذا والله المكسب لك وله ..
وبداية تعدل الأمور المادية والعاطفية وغيرها ..
أيضاً لايضر إن تفاهمتي مع زوجة أخيه على عمل جدول منظم ومريح يضمن توزيع الوجبات مثلاً أنت غداء وهي عشاء بدون النظر للعادات القديمة في الوجبات فالوضع تغير وأيضاً وجبات الاجازة الأسبوعية فهي تختلف عن أيام الدوام .. كون زوجة أخيك موظفة فهي خير من يقدر وجبة الغداء المعدة قبل مجيئها دون تعب أم زوجها .. كذلك ترتيب وتنظيم غرفة الطعام والمطبخ فهذه أماكن مشتركة ..
وسددوا وقاربو ا .. أعانك الله وتذكري أنكم أنتم المستفيدين من النقل لديهم رغم حنينك لمنزلك وللإستقلال ولكن الظروف حكمت !!!!!

 

[سمنة غنم]

انا من رايي شوفي لك وضيفه لو فراشه ههههههه اضحك بس اهم شي وضيفه لان الدايم شديد وخاصه ماعندهم شغاااااااااااااااااااله

 

[برسباي]

احتسبي الاجر بما انك طابخه طابخه----------------والله الدنيا ماتوقف عند طبخه نطبخها
وصدقيني يتكبرين بعين زوجك

 

[ترانيم***]

انا اقول حاولي تجسين النبض قبل لا تروحين وتعرفين نظامهم....
بعدين اذا رحتي هناك راقبي الوضع وادخلي وساعدي...
جربي تسوين جدول مع سلفتك بحيث يرضي الجميع
ولا تنسين احتساب الاجر.​

 

[نضوج أنثى]

مشكوورين اخواتي جزاكم الله خير والله يكتب اللي فيه الخير ويعيني ويعينكم في دنياكم واخرتكم اشكركم جميعا ليتني احتوك - طيف اليقين - عجابه - لن اضحي - سمنة غنم - برسباي - ترانيم على نصايحكم .

 

[همـــس الروووح]

اول شي الله يكون بعونك
بصراحه انا لو منك اسوي غدا وبس بعد الغدا اسوي شاي منعنعقوم ان وا وبعدين اشوف شغلي اللي لي

واذا جاء وقت العشاء شوفي شيقدمون حطي لزوجك منه خليه يتعود مو انتي صبرتي وتحملتيه وجيتي عند اهله خلاص مايضره لو تعشا من عشاهم مثل ماكان يتعشى قبل صح يالغاليه ولا الحين تكبر على عشاهم

بالتوفيق ان شاء الله