flower on the m
New member
- إنضم
- 2008/08/27
- المشاركات
- 75
بسم الله الرحمن الرحيم
السلام عليكم و رحمة الله و بركاته
اخواتي في مملكة بلقيس الحبيبة .... كتبت قبل عدة شهور عن مشكلتي من زواجي.. وهذا الرابط
http://www.niswh.com/vb/showthread.php?t=150911
الوضع لم يتغير انسان كذاب مراوغ كل يوم جايب عذر الى ان نفذ صبري بدون نتيجة ولله الحمد على كل حال لاني والله راضية و محتسبه ان شاء الله انها ابتلاء و تكفير ذنوب الهم و الصبر ... انا لا اعترض على المرض ان كان فيه بالعكس اذا كان يحبني و احبه و موفر لي المسكن و الاهتمام والله لاصبر طول العمر... لكن هضم لجميع حقوقي من مسكن و نفقه و مسئولية و قوامة رجل بكل ما تعنيه الكلمة .. بحجة اني موظفة و ما احتاج شيء .. المال عمري ما طلبت منه لاني الحمدلله املكه .. لكن اشياء ثانية المسئولة و الاهتمام.. الحمدلله على كل حال..
تدخل والدي قبل شهرين بالسالفه و طلب منه الطلاق بامر مني .. لكنه مثل كل مره يتعذر باعذار و يتهرب و يقول عطوني فرصة شهرين بعدل وضعي.. و بحاول اعالج .. يقول فيني سحر الزوجة ما تقعد عندي.. الله يشفيه اذا به شي بس ليش يخطب بنات الناس و يظلمهن و مجتمعنا ما يرحم المطلقة و كانها هي السبب في طلاقها.. والله بشهادته هو ان ما ناقصني شيء.. والحمدلله..
وهو عنده غير عجزه نوايا سيئه لان من تزوجته و هو يحاول يتحايل ع شان ياخذ بطاقتي الصراف او اني ادفع فواتيره الجوال.. شيء غريب ما يستحي ما قام بشؤنه و مسئولياته كزوج و يبي فلوس.. الحمدلله الذي عافانا مما ابتلاه..
انا الان طاب الخاطر منه ولم ايأس من رحمة الله راح له الوالد قبل امس و قال ابشروا باللي تبون و لمح يبي فلوس و يطلق .. وابوه نفس الشيء يوم قلنا بنعطيكم فلوس بس خلوه يطلق ما اعترضوا انا ما همتني الفلوس .. بس مو من حقه الله يمحق بركتهن منه .. لو اني رايحة المحكمة بالعكس هواللي بيعطيني و يطلقني بنفس الوقت لانه لم يوفر ابسط مقومات الزواج و المسئولية.ل.عمر يمشي و مو حاسين فيه كن عارفه اجراءت المحكمة تطول و تاخذ سنين اذا ما حضر الجلسات وانا ما استبعدها عليه لاني عرفت طبعه.. وال بس حسبي الله و نعم الوكيل..انا الان انتظر ورقة الطلاق.. كارهه الطلاق بس وش باليد من حيلة لان ما فيه زواج بالاصل..
اخواتي لا تنسني من الدعاء بان الله يعوضني خيرا عنه .. عاجلا غير اجل..لاني والله مليانه مشاعر و احاسيس ابي افجرها بالحلال .. ابي ضمة طفل مثل اي بنت ..دعواتي لنفسي ولكل بنت انظلمت من زوج ان الله يعزظها خير...اللهم امين..
نصيحتي للبنات و ان تأخر بها سن الزواج ان لا توافق على خاطب ياتيه بل يسالون عنه القاصي و الداني ولا يكتفون بمدح المقربين له .. واذا كان مطلق يحاولون يستفسرون عن اسباب الطلاق من الطرفين المطلق و المطلقه... الله يوفق الجيع و عذرا احس كلامي مو مرتب .. اعذروني ولا تنسوني من دعائكم..
