اللة يجعلها من عتقائه من النار الي ترد...وتفيدني..ويجزاها الجنة..

[نسمات الروووووح]

السلام عليكم صبايا ...اخباركم ..تمااااااااااااام

انا حامل وفي بداية شهوري وحابة اتابع واولد في الاطباء المتحدون في جدة...

وماني عارفة اروح عند مين فيهم....ولما حجزت حطوني عند جهان محسن وماعرف هيا كويسة ولا

لالا فالي تعرف شء عنها وكيف تعاملها ومين افضل وحدة عندهم غير حنان وامل شبكشي...

والله يكثر خيركم ويرزق كل محروم بالذرية الصالحة.....

 

[شموخ المدينه]

والله مااعرف ان شاء الله بنات جده يفيدوك واستخيري وباذن الله ماتندمي ولاتنسيني وكل محرومه وتقومي بالسلامه يارب

 

[حبيبت حمووووودي]

الله يوفقك ويقدم لك كل اللي فية خييير يارب ...بس انا من الشرقية وماعندي فكرة

 

[نسمات الروووووح]

مشكورين حبيباتي عالمرور ولا تزعلي ياشموخ المدينة ويرزق كل محرومة بالذرية الصلحة الي تعينهاعلى طاعة ربها....

 

[المهندسه سوسو]

انا سمعت انو حسن عبدالجبار او حسان عبدالجبار موفاكره الاسم بس سمعت انوكويس..

بصراحه ما جربته ودوري في جوجل عنه وان شاء الله تستفيدي ويارب تتابعي عند دكتور كويس ويسهل ولادتك..

واهم شي الاستخاره..طمنيني حتى لو برساله خاصه..

 

[أغلى هديه]

السلام عليكم

اختي انا ولدت في المتحدون 3 مرات
بصراحة في ناس كتير ما يحبوها بس انا ارتحت لهدي المستشفى مرة كتير من ناحية التمريض و النظافة والاطباء
اول ولادة لي كانت قيصرية عشان الجنين كان مقلوب واستخرت كثير دلوني الناس على حسان عبد الجبار بصراحة مرة ما ارتحتلو لكن وقت الولادة كان مسافر فكانت امال شبكشي في الطوارئ وهي ولدتني الحمد لله والله جزاها الله خير ما قصرت معايا وكانت القيصرية ممتازة والحمدلله بشهادة طبيبي في مستوف الشركة حقت زوجي والله مرة موباينة الخياطة تجميلية صديقتي تقول خياطتها القيصرية بارزة مرة شكلها وحش
المهم كل الناس ما يمدحو في د امال ليش ما ادري الي تقول تتكلم مع زوجك كثير ياشيخة هي سنة ما اتعينت طبيبه هي سنة ميلاد زوجي كبيرة في السن وهي ولدت امي يوم جابتني

ولادتي الثانية طبيعية نصحونى الحريم ب د باسمة دلعو بصراحة كانت طيبة وقت الولادة بس الخياطة كانت سيئة و انفكت والتهابات وكل ما اروح لها تقولي ممتازة الخياطة لين رحت لدكتور الشركة وقالي انتي اتبهدلتي
والله ما انصح احد يروحلها ودحين اسمع كثير رافعين قضايا عليها
المرة الثالثة نصحتني وحدة عندها اربع اطفال دايما تولد عند د امال شبكشي وقالتلي بغض النظر عن المراجعات او اي شي خياطتها ممتازة وترجعك بنت بنوت والله استخرت ورحت لامال شبكشي وفعلا كانت الولادة ممتازة وشالت الخياطة القديمة حقت باسمة وخيطت بدالها من الداخل والخارج والله ماشالله من جد رجعتني بكر سوت لي خياطة تجميلية والله شكل الخياطة مختلف
في دكتورةتانية اسمها صباح حداد يقولو مرة ممتازة بس مو ناوية اولد انشالله الا عند امال شبكشي اهم شي عندى يكون شغلها نظيف والله جات ولدتني في يوم اجازتها وتتصل تطمن علي من بيتها واعطتني رقم جوالها قبل الولادة عشان لو احتجت شي اكلمها الله جزيها كل خيرو يخليلنا هي
سامحيني عل لاطاله بس تفاعلت مع الموضوع وانشالله اكون افدتك

 

[أطعم بنوتة]

والله يا غالية ما اعرف ان شاء الله البنات يفيدونك

 

[ليليــــــــــا]

هاي حبيبتي للاسف ماقدر افيدك بس انشاء الله البلقيسيات مايقصروا معك
والله يتمم لك على خير ياااااااااااااارب

 

[coffee]

صديقه لي كانت تتابع مع صباح حداد وتشكر فيها مره لكن انا بالنسبه لي والله ما اعرف...بس ما حبيت اطلع بدون رد والله يقومك بالسلامه والاستخاره اختي اهم شي