السلام عليكم ورحمة الله وبركاتة

صباح النور ،،،،،،،،،،،مساء الخير

دكتورتي الغاليه ياريت تساعدني في مشكلتي انا تعرضت لمشاكل بيني وبين زوجي لمدة 5 سنوات

يعني كان يتعب و يشك فيني اني اخونه ويضربني وتتراوح فترة تعبه من 3 الي 5 شهور كنت

اقضيها عند اهلي وبعد ما يتعافي (هو يتعالج في مستشفى الامل )ترجع امورنا مثل ماكانت وأرجع لبيتي

ونعيش فترة شهور وأحنا بخير ثم تعاودنا المشاكل وهكذا بس في الفتره الأخيره تعب علي وانا الحين

عند أهلي بس المشكله الجديده اني صرت ما أنطق بعض الحروف تمام مثل حرف السين وسببت لي

عقده جديده صرت ما أحب اتكلم وبالذات لما أنطق حرف السين احس بالأحراج وأشوف بعض الناس

كانو يضحكون علي ويحاولون يخفون الضحك بس أنا الاحظهم اه اتمنى ارجع مثل اول اتكلم تمام

وعلى فكره انا عندي النطق من الصغر مو تمام بس الناس ماكانو يلاحظون لدرجة اني مره قلت لأختي

اني ما انطق تمام قالت لي لا نطقك تمام الواحد ما يلاحظ وهي صادقه بس الحين انا احس اني محطمه

اتمني احيانا اني انعزل من الناس لكن انا عندي اطفال واخاف اطفالي يتعقدون بسبتي ياريت تساعديني

الله لا يحرمني منك


انا في انتظارك


تحياتي ،،،،،،،،،،،،*وردة الجوري *