الفيلسوف أوشو والوهم..اضواء على الحقيقة

[راجيه الرضا]

تشاندرا موهان جاين (بالهندية| चन्द्र मोहन जैन) ( ولد في 11 ديسمبر 1931 وتوفي في 19 يناير 1990)، معروف أيضا باسم أتشاريا راجنيش من العام 1960 وصاعداً، و باجوان شري راجنيش بين عامي 1970 و 1980، و أوشو منذ عام 1989. كان متصوفا هنديا، غورو ومعلما روحيا لديه أتباع من كل أنحاء العالم

القصة بدأت ازاي؟

بدأت بشخص بيدعو للمبادئ الآتية
1- السلام النفسي و التعايش
2- كيف تجد النعيم و جنة الله في الارض
3- مهاجمة الموروث و تصحيح المفاهيم ( من وجهة نظره)
4- الارتقاء بالوعي و الروح للمراتب العليا

بيفكرك بحاجة الكلام ده؟

خلينا نكمل

اوشو كان عنده مشكلة مع افكرة الاشتراكية و كان على عداوة مع فكر المهاتما غاندي و لكن بجانب مواقفه السياسية كان عنده مشكلة صريحة و واضحة مع الاديان المنظمة و ده اثار جدل واسع
هو كان عنده مشكلة مع فكرة الحساب في الاديان... شايف ان فكرة الرب اللي بيغضب فكرة غير صحيحة و ان الرحمة هي الصفة الوحيدة الموجودة و ان يعني ايه ربنا يعاقبك اصلاً ...انت ناجح ناجح مفيش حاجة اسنها حد بيسقط
و بدأ حياته بالانتقاد في الاديان، لحد ما بقى ليه اتباع و عددهم زاد، و لك ان تتخيل ان قبل عصر الانترنت في الستينيات كان صيته واصل لاوروبا و بيجيله مريدين من مشارق الارض و مغاربها

اوشو ديماً كان بيتكلم عن زيادة الوعي و التعمق في معاني الدنيا لحد ما اصبح اتباعه يتبعونه بدون تفكير و يصدقون كلامه على اي كلام اخر مهما كانت حجة المنتقد

اوشو ابتدى يتهاجم في الهند و المساعدة بتاعته و الرأس المدبر اللي كانت في الكواليس شافت في بقائه في الهند خطر فقررت تجمع تبرعات و يسافروا بلد الاحلام امريكا

امريكا كان فيها قانون او اعتقد انه مازال موجود... و هو انك لو انت و سكان مقاطعة معينة مملوكة لاهلها و زاد عددهم عن عدد معين فمن حقكم تعملوا قوانينكم الداخلية و تبقوا دولة صغيرة داخل الحدود دي

و بالفعل اشترى اوشو من فلوس التبرعات قطعة ارض كبيرة جداً و سنة 1981 انشاء مقاطعته الخاصة اللي سميت ب ( راجنيشبورام)

بدا المجتمع الداخلي يكبر و يكبر و كان الجيران في المقاطعات المجاورة يملأهم الشك في تحركات و اسلوب حياة مجتمع راجنيشبورام.... و بدأ اوشو يدعوا للحرية المطلقة حتى انه دعا لحرية الحياة الجنسية و الخروج من قيود الزواج الديني و بدا الموضوع يتحول لعقيدة جديدة و دين جديد نبيه هو اوشو

الكلام ده كله موثق في فيبم من انتاج Netflix الفيلم ده ميزته انه كله لقطات حقيقة من داخل المدينة دي مفيهوش ممثلين و لا اعادة صياغة للاحداث

اوشو بممارساته الشاذة و تجارته في السلاح و استخدامه لميليشيات داخليه في مقاطعته و عداوته مع البلدية ادى للقبض عليه سنة 1982 و اتطرد مة امريكا و الجدير بالذكر انه ان اوشو اتمنع من دخول 21 دولة بامر من رئاسات الدول دي خوفاً على مواطنيهم من غسيل الدماغ

و مات اوشو في الهند سنة 1990 و جنازته كانت جنازة شاذة كحياته فمريدينه احتفلوا بموته عن طريق الرقص و الموسيقى
الحمد لله على نعمة الاسلام

الخلاصة : اوشو كام ينتمي للمدرسة الباطنية اللي بتبتدأ دعوتها بكلمات و مصطلحات تجذب الناس و يميل ليها قلوب الناس الطيبة
مين بيكره السلام؟ مين هيكره الرحمة؟ مين هيكره النقاء

و لكن في باطن الامر هو بيحمل العداوة لكل من حوله و اي حد بيقرب من عقيدتهم بينهشوا لحمه و لا عزاء للسلام او الوعي

اوشو انتقد في الاديان و وجد شبهات يبني عليها انتقاده لكن بعد كده انتقاداته تحولت لدين جديد قائم بذاته ليه مبادئه الخاصة
اوشو بعد كل ده روج لكل الفساد الجنسي و المخدرات و تجارة السلاح تحت عباءة دين يدعوا للسلام النفسي و النقاء الروحي و الانطلاق و الاختراق و كل ما تحبه من ااااااق

اوشو مش شخص اوشو فكرة و الفكرة تنتقل و لا تموت

صفحة الأستاذ أحمد سالم

 

[زهر الاقحوان]

الحمد لله على نعمة الاسلام