الفزعه يازوجات الغربييين

[جمانه222]

السلام عليكم يابلقيسيااات
ابيكم تساعدون صديقتي زوجها غربي وباااارد جدا احر ماعندها ابرد ماعنده!
جايب لعياله مسبح كبير بالبيت وبهذلوها عيالها طول الوقت فيه واعدموا ملابسهم والبيت,,,
واحيانا يوديها مشوار ويتركهم بروحهم يسبحون وعادي عنده لو قعدوا طول اليوم يسبحون!!المهم هي بتقنعه يشيل المسبح من البيت وعجزت ,,,تكفون عطوني حل لها يازوجات الغربيين.

 

[ودي بونس]

اذا عيالها كبار وما يحتاجون احد يلاحظم واجب عليها تنصحهم من مشاكل الغطس والمنافسه تحت الماء ورمي انفسهم بالمقلوب لخطورة العواقب لا قدر الله ..
وان كانوا صغار فالواجب يكون معهم مدرب خاص او احد يعرف طرق الانقاذ في الوقت المناسب وتجنب مالا يحمد عقباه..
وبرايي تدخل احد من اللي يثق فيهم هالزوج اللامبالي يكون عاقل حتى يقنعه بقفل المسبح او الغاؤه والله يعينها لا يجيها الضغط والسكر والشيب من كثر خوفها وفزعتها على عيالها وان كانت تمون عليه تقله ارحمني من عذاب الخوف والقلق على عيالي يابارد وتلحق عمرها لايجيها شيء او يصيب احد مكروه واذا فات الفوت ما ينفع الصوت الله يحميهم ويحميها من كل شر وطمنينا عليها يالغلا.

 

[جمانه222]

الله يعافيك اختي,,,,,عيالها صغار
ومشكوووره ع المرور وياليت زوجات الغربيين يساعدونا,,,
لانها تخاف تدخل احد يصير مشاكل الله يعينها ,,,,,,,

 

[انثى زوجي]

خليها تمسك العصا من الوسط
دام زوجها ماعنده مشكلة بالمسبح
تطلب منه بكل تفهم انه يجيب لهم مسبح صغير
على قدهم وتجيب اسباب
مثلا انا حابه انهم يتعلمون السباحة
وهالمسبح ممكن يغرقون فيه وهم يسبحون
يعني تخلي المسبح
رضا لزوجها وتسلية لعيالها
ومنه يتعلمون سباحة
​

 

[زهـــور]

اوصفي لي المسبح
لا تستغربين :31:
بقولك وش تسوي بس اوصفيه

 

[جمانه222]

تقريبا 10 متر في 10 متر,,,,اذا وقفوا ياصل لنصهم.

 

[زهـــور]

تقريبا 10 متر في 10 متر,,,,اذا وقفوا ياصل لنصهم.

أذا ممكن يملونه مويه ويصير خطر تقنعه يحددون أيام معينه للسباحه
ويكون تحت إشرافه أو تحت إشراف أي أحد يعرف يسبح مضبوط
وشلون تقنعه ؟؟
تنبهه بالعواقب
وتقوله إن الحرص أفضل من حصول فاجعه لاسمح الله ويتنكدون طول العمر
وتركز على إن فرحتهم ممكن تتحول حزن
وتذكره إنهم آمنه محاسبين عليها
وما يمنع تزززن عليه الغربي يمل من الزن وممكن يسوي اللي تبيه ولو ما إقتنع عشان يفتك من الزن


أما إذا كان يوصل نصفهم في أسوء حالاته فما أتوقع إن فيه خطوره تقدر هي تراقبهم
وهي أكيد لها كلمه على عيالها يعني تحدد أوقات السباحه واللي مايلتزم يحرم وتكون حولهم في هذي الأوقات

عموما إذا تقطعت السبل في إقناعه
وكان فعلا خطر ممكن تضطر تخربه إذا هو من النوع الجاهز
والافضل ماتقول هي اللي خربته كأنه من حماس الأطفال ولعبهم تعرض لأي شئ عارض وخرب من دون وعيهم
يعني الفاعل مجهول وحتى الأطفال نفسهم ما يدرون عن أنفسهم

 

[مزوح وتروح]

:e052::e052::e052::e052:

كأنك تتكلمين عني أنا وزوجي وأولادي!! نفس الشيء صار معايه !!اللهم إني مستحييييل أطلع من البيت وهما في المسبح!! مستحيييييل!!